1 ಕೊರಿಂಥ 7:10 - ಕೊಡವ ಬೈಬಲ್

¹⁰ ಮಂಗಲ ಆನಯಿಂಗಕ್ ಒರ್ ಆಜ್ಞೆ ಎಣ್ಣ್‌ವಿ. ಇದ್ ನಾಡ ಆಜ್ಞೆ ಅಲ್ಲ ಆಚೇಂಗಿ ಒಡೆಯಂಡದ್. ಒರ್ ಪೊಣ್ಣ್ ವಡಿಯನ ಬುಡ್‌ವಕ್ಕಾಗ.

1 ಕೊರಿಂಥ 7:10 ပူးပေါင်းရင်းမြစ်များ

ಮತ್ತಾಯ 5:32

ಆಚೇಂಗಿ ಇಕ್ಕ ನಾನ್ ನಿಂಗಕ್ ಎಣ್ಣ್‌ವಿ: ವ್ಯಬಿಚಾರ ಮಾಡ್‍ನ ಕಾರಣಕ್ ಅಲ್ಲತೆ ಬೋರೆ ಏದ್ ಕಾರಣಕಾಯಿತು ಒಬ್ಬ ತಾಂಡ ಪೊಣ್ಣ್‌ನ ಬುಟ್ಟ್‌ರ್‍ತೇಂಗಿ, ಅವ ವ್ಯಬಿಚಾರ ಮಾಡ್‌ವಕ್ ಇಂವೊ ಕಾರಣ ಆಪ. ಅನ್ನನೆ ಬೋಂಡಾಂದ್ ಬುಟ್ಟ ಪೊಣ್ಣಾಳ್‍ನ ಮಂಗಲ ಕಯಿಪಂವೊನು ವ್ಯಬಿಚಾರ ಮಾಡ್‍ವಂವೊನಾಯಿತ್‌ಪ್ಪ.

ಮಾರ್ಕ 10:2

ಚೆನ್ನ ಫರಿಸಾಯಂಗ ಯೇಸುನ ಕೆಣಿಪಕಾಯಿತ್ ಅಂವೊಂಡ ಪಕ್ಕ ಬಂದಿತ್: ಒರ್ ಮನುಷ್ಯ ಅಂವೊಂಡ ಪೊಣ್ಣ್‌ನ ಬೋಂಡಾಂದ್ ಬುಡ್‌ವದ್ ನ್ಯಾಯಪ್ರಮಾಣತ್‍ರ ಪ್ರಕಾರ ನ್ಯಾಯವಾಂದ್ ಕ್‍ೕಟತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 16:18

ತಾಂಡ ಪೊಣ್ಣ್‌ನ ಬುಟ್ಟಿತ್ ಬೋರೆ ಪೊಣ್ಣಾಳ್‍ನ ಮಂಗಲ ಕಯಿಚತೇಂಗಿ, ಅಂವೊ ವ್ಯಬಿಚಾರ ಮಾಡ್‍ನನೆಕೆ, ಪಿಂಞ ವಡಿಯನ ಬುಟ್ಟಿತುಳ್ಳವಳ ಮಂಗಲ ಕಯಿಪಂವೊನು ವ್ಯಬಿಚಾರ ಮಾಡ್‍ನನೆಕೆ.

1 ಕೊರಿಂಥ 7:11

ಅನ್ನನೆ ಮಾಡ್‍ಚೇಂಗಿ ಅವ ಪುನಃ ಮಂಗಲ ಕಯಿಕತೆ ಒಬ್ಬಳೇ ಇಕ್ಕಂಡು, ಇಲ್ಲತಪೋಚೇಂಗಿ, ವಡಿಯಂಡ ಕೂಡೆ ಸಮಾದಾನತ್‌ಲ್‌ ಬದ್‍ಕಂಡು. ವಡಿಯ ಸಹ ಪೊಣ್ಣ್‌ನ ಬುಡ್‌ವಕ್ಕಾಗ.

1 ಕೊರಿಂಥ 7:12

ಮಂಗಲ ಆನ ಪಿಂಞ ಕ್ರಿಸ್ತಂಗಳಾನ ಜನಕ್, ಒಡೆಯಂಡದ್ ಅಲ್ಲ, ನಾಡ ಅಬಿಪ್ರಾಯ ಎಂತ ಎಣ್ಣ್‌ಚೇಂಗಿ: ಕ್ರಿಸ್ತಂಗ್ ಕೂಡ್‍ನ ಒಬ್ಬಂಡ ಪೊಣ್ಣ್, ಕ್ರಿಸ್ತನ ನಂಬತ ಪೊಣ್ಣಾಳಾಯಿತ್ಂಜತೇಂಗಿಯು, ಅವ ಅಂವೊಂಡ ಕೂಡೆ ಬದ್‌ಕ್‌ವೀಂದ್ ಒತ್ತಂಡಕ ಅವಳ ಅಂವೊ ಬುಡ್‌ವಕ್ಕಾಗ.

1 ಕೊರಿಂಥ 7:15

ಆಚೇಂಗಿ, ಕ್ರಿಸ್ತನ ನಂಬತ ಪೊಣ್ಣ್ ಅಥವ ವಡಿಯ, ಕ್ರಿಸ್ತನ ನಂಬ್‍ನ ವಡಿಯನ ಅಥವ ಪೊಣ್ಣ್‌ನ ಬುಟ್ಟಿತ್ ಪೋಂಡೂಂದ್ ತೀರ್ಮಾನ ಮಾಡ್‍ಚೇಂಗಿ, ಅಯಿಂಗ ಅನ್ನನೆ ಮಾಡಡ್. ಅನ್ನನೆ ಅಯಿಂಗ ಮಾಡ್‌ವಕ, ಕ್ರಿಸ್ತನ ನಂಬ್‍ನಯಿಂಗ ಅಯಿಂಗಳ ಪೋಪಕ್ಕಾಗಾಂದ್ ಒತ್ತಾಯ ಮಾಡಂಡ. ದೇವ ನಂಗಳ ಸಮಾದಾನತ್‍ಲ್ ಜೀವನ ಮಾಡ್‌ವಕೇ ಕಾಕಿತುಂಡ್.

1 ಕೊರಿಂಥ 7:25

ಇಕ್ಕ ಮಂಗಲ ಕಯಿಕತೆ ಉಳ್ಳ ಕನ್ನಿ ಮೂಡಿಯಂಗಡ ವಿಷಯತ್‍ಲ್, ನಾಕ್ ಒಡೆಯಂಡ ಆಜ್ಞೆ ಕ್‍ಟ್ಟಿತ್ತ್‌ಲ್ಲೆ. ಆಚೇಂಗಿ, ನಾನ್ ಎಣ್ಣ್‌ವದ್ ಸತ್ಯವಾಯಿತ್ ಇಪ್ಪನೆಕೆ, ನಾಕ್ ದೇವ ಕರುಣೆ ಕಾಟಿಯಂಡ್ ಉಳ್ಳಾಂಗ್, ನಾಡ ಅಬಿಪ್ರಾಯತ್‍ನ ಎಣ್ಣ್‌ವಿ.

1 ಕೊರಿಂಥ 7:40

ನಾಡ ಅಬಿಪ್ರಾಯತ್‌ರನೆಕೆ, ಅವ ಪುನಃ ಮಂಗಲ ಕಯಿಕತೆ ಇಂಜತೇಂಗಿ, ಅದ್ ನಲ್ಲದ್‍ೕಂದ್ ನಾಕ್ ಆಪ. ನಾನ್ ಇನ್ನನೆ ಎಣ್ಣ್‌ವಕ್ ದೇವಡ ಆತ್ಮವೇ ನನ್ನ ನಡ್‍ತಿಯಂಡುಂಡ್‍ೕಂದ್ ನಂಬ್‌ವಿ.

1 ಕೊರಿಂಥ 7:6

ನಾನ್ ನಿಂಗಕ್ ಇದ್‍ನ ಒರ್ ಆಲೋಚನೆಯಾಯಿತ್ ಎಣ್ಣಿಯಂಡ್ ಉಂಡ್, ಇದ್ ಒರ್ ಆಜ್ಞೆ ಅಲ್ಲ.