1 ಕೊರಿಂಥ 6:5 - ಕೊಡವ ಬೈಬಲ್

⁵ ನಿಂಗಳ ಞಾಣ ಪಡ್‍ತ್‍ವಕಾಯಿತ್ ನಾನ್ ಇದ್‍ನ ಎಣ್ಣ್‌ವಿ. ಇಂತ ವಿಷಯತ್‍ನ ಸರಿಯಾಯಿತ್ ತೀರ್ಪ್ ಮಾಡ್‌ವಕ್ ನಿಂಗಡ ಸಬೇಲ್ ಒರ್ ಬುದ್ದಿವಂತಂವೊ ಸಹ ಇಲ್ಲೆಯಾ?

1 ಕೊರಿಂಥ 6:5 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 14:8

ತಾಂಡ ಬಟ್ಟೆನ ಅರ್ಥ ಮಾಡಿಯೊದ್‌ ವಿವೇಕ ಉಳ್ಳಂವೊಂಡ ಜ್ಞಾನ. ಆಚೇಂಗಿ ಮೂಡಂಗ ದಡ್ಡತನತಿಂಜ ಅಯಿಂಗಳ ವಂಚನೆ ಮಾಡಿಯೊವ.

ಅಪೊಸ್ತಲ 1:15

ಇನ್ನನೆ ಇಪ್ಪಕ, ಒರು ದಿವಸ, ಅಲ್ಲಿ ಕೂಡಿ ಬಂದಿತ್ಂಜ ನೂಯಿಟ ಇರ್‌ವದ್ ಶಿಷ್ಯಂಗಡ ಮದ್ಯತ್ ಪೇತ್ರ ಎದ್ದ್ ನಿಪ್ಪಂಜಿ, ತಕ್ಕ್ ಪರಿಯುವಕ್ ಸುರು ಮಾಡ್‍ಚಿ.

ಅಪೊಸ್ತಲ 9:13

ಅದ್ಂಗ್ ಅನನೀಯ: ಒಡೆಯನೇ, ಆ ಮನುಷ್ಯ ಯೆರೂಸಲೇಮ್‍ಲ್ ನಿನ್ನ ನಂಬುವ ದೇವಡ ಮಕ್ಕಕ್ ಎಚ್ಚಕೋ ಕೆಟ್ಟದ್‍ನ ಮಾಡಿತುಂಡ್‍ೕಂದ್ ಅಂವೊಂಡ ವಿಷಯತ್ ದುಂಬ ಜನ ಎಣ್ಣ್‌ವಾನ ಕ್‍ೕಟಿಯೆ.

1 ಕೊರಿಂಥ 11:14

ಒರ್ ಆಣಾಳ್ ಅಂವೊಂಡ ತೆಲ್‍ಮಿನ ಉದ್ದವಾಯಿತ್ ಬೊಳ್‍ತ್‍ವದ್ ಅಂವೊಂಗ್ ಅವಮಾನವಾಯಿತುಂಡ್‍ೕಂದು,

1 ಕೊರಿಂಥ 15:34

ಏದ್ ಬೋದನೆ ಸರಿಯಾನದೊ, ಅದ್‍ನ ಮಾತ್ರ ಗೇನ ಮಾಡಿಯಂಡಿರಿ, ಪಾಪ ಮಾಡ್‌ವದ್‍ನ ನಿಪ್ಪ್‌ಚಿಡಿ, ನಿಂಗಡಲ್ಲಿ ಚೆನ್ನ ಜನಕ್ ದೇವ ದಾರ್‍ೕಂದ್ ಗೊತ್ತಿಲ್ಲತೆ ಉಳ್ಳಿರ. ನಿಂಗಕ್ ಞಾಣ ಆಪಕಾಯಿತ್ ಇದ್‍ನ ಎಣ್ಣ್‌ವಿ.

1 ಕೊರಿಂಥ 3:18

ನಿಂಗಡಲ್ಲಿ ದಾರೂ ನಿಂಗಳ ನಿಂಗಳೇ ವಂಚನೆ ಮಾಡ್‌ವಕ್ಕಾಗ, ಈ ಲೋಕತ್‍ರ ಜನತ್‍ರ ಮಿಂಞತ್‍ಲ್ ನಿಂಗ ಬಲ್ಯ ಬುದ್ದಿವಂತಯಿಂಗಾಂದ್ ನಿಂಗ ಗೇನಮಾಡಿಯಂಡಿಂಜತೇಂಗಿ, ಅಯಿಂಗಡ ಮಿಂಞತ್ ನಿಂಗ ಮುಠಾಳಂಗಳಾಯಿತ್ ಇರಂಡು, ಅಕ್ಕ ನಿಂಗ ಬುದ್ದಿವಂತಯಿಂಗಳಾಯಿತಿಪ್ಪಿರ.

1 ಕೊರಿಂಥ 4:10

ನಂಗ ಕ್ರಿಸ್ತಂಗಾಯಿತ್ ಮುಠಾಳಂಗ, ಆಚೇಂಗಿ ಕ್ರಿಸ್ತಂಡ ಕೂಡೆ ಉಳ್ಳ ಐಕ್ಯತ್‍ಲ್ ನಿಂಗ ಬುದ್ದಿವಂತಯಿಂಗ; ನಿಂಗ ಬಲಶಾಲಿಯಳಾಯಿತ್ ಉಳ್ಳಿರ ಆಚೇಂಗಿ ನಂಗ ಶಕ್ತಿ ಇಲ್ಲತಯಿಂಗಡನೆಕೆ ಉಂಡ್. ನಿಂಗಕ್ ಬಲ್ಯತರತ್‌ಲ್ ಜನ ಮರ್ಯಾದಿ ತಪ್ಪ, ಆಚೇಂಗಿ ನಂಗಳ ಅಲ್ಲಗೆಳೆಯುವ.

1 ಕೊರಿಂಥ 4:14

ನಿಂಗಕ್ ಞಾಣ ಆಂಡೂಂದ್ ನಾನ್ ಇದ್‍ನೆಲ್ಲಾ ಒಳ್‍ದಿಯಂಡಿಲ್ಲೆ, ನಾಡ ಪ್ರೀತಿರ ಮಕ್ಕಡರನೆಕೆ ಉಳ್ಳಗುಂಡ್ ನಿಂಗಕ್ ಎಚ್ಚರ ಮಾಡಿಯೆ.

1 ಕೊರಿಂಥ 6:1

ನಿಂಗಡಲ್ಲಿ ಒಬ್ಬಂಗ್, ಇಂಞೊಬ್ಬಂಡ ಕೂಡೆ ತಕ್‌ರಾರ್ ಉಂಡೇಂಗಿ, ನಿಂಗಕ್ ತೀರ್ಪ್ ಕ್‍ಟ್ಟ್‌ವಕಾಯಿತ್, ದೇವಡ ಮಕ್ಕಡ ಪಕ್ಕ ಪೋಕತೆ, ದೇವಡ ಮಕ್ಕ ಅಲ್ಲತಯಿಂಗಡ ಪಕ್ಕ ಪೋಪಕ್ ನಿಂಗಕ್ ಎಚ್ಚಕ್ ದೈರ್ಯ?

1 ಕೊರಿಂಥ 6:4

ನಿಂಗಕ್ ಎಂತಾಚೇಂಗಿ ತಕ್‌ರಾರ್ ಇಂಜತೇಂಗಿ, ನಿಂಗ ಸಬೇಲ್ ಕಮ್ಮಿಯಾಯಿತ್ ಕಾಂಬಯಿಂಗಳ, ನಿಂಗಕ್ ತೀರ್ಪ್ ಕೊಡ್‍ಪಕ್ ನೇಮಿಚಿಡೀಂದ್ ನಾನ್ ಎಣ್ಣಂಡುವಾ?

ಯಾಕೋಬ 1:5

ದೇವ ಎಣ್ಣ್‌ನನೆಕೆ ನಿಂಗ ನಡ್‍ಕಂಡೂಂದ್ ಉಳ್ಳ ಜ್ಞಾನ ಬೋಂಡ್‌ಚೇಂಗಿ, ಅಂವೊಂಡ ಪಕ್ಕ ಕ್‍ೕಳಿ. ಅಕ್ಕ, ಅಂವೊ ನಿಂಗಳ ಜೋರ್ ಮಾಡುಲೆ, ಉದಾರ ಮನಸ್ಸ್‌ಲ್ ನಿಂಗಕ್ ಜ್ಞಾನತ್‍ನ ತಪ್ಪ.