1 ಕೊರಿಂಥ 6:20 - ಕೊಡವ ಬೈಬಲ್

²⁰ ದೇವ ನಿಂಗಳ ಬಲ್ಯ ಕ್ರಯ ಕೊಡ್‌ತಿತ್ ಎಡ್‍ತ್‍ಚಿ, ಆನಗುಂಡ್ ನಿಂಗಡ ತಡಿಯಿಂಜ ದೇವನ ಮಹಿಮೆಪಡ್‍ತಂಡು.

1 ಕೊರಿಂಥ 6:20 ပူးပေါင်းရင်းမြစ်များ

ಮತ್ತಾಯ 5:16

ಆನಗುಂಡ್ ನಿಂಗಡಲ್ಲಿ ಉಳ್ಳ ಬೊಳಿ, ಜನಡ ಮಿಂಞತ್ ಪ್ರಕಾಶವಾಯಿತ್ ಕಾಂಗಡ್, ನಿಂಗ ಮಾಡ್‌ವ ನಲ್ಲ ಕೆಲಸತ್‍ನ ಕಂಡಿತ್ ಪರಲೋಕತ್‍ಲ್ ಉಳ್ಳ ನಿಂಗಡ ಅಪ್ಪನ ತುದಿಪಕ್ ಕಾರಣ ಆಪ.

ಅಪೊಸ್ತಲ 20:28

ಆನಗುಂಡ್, ನಿಂಗಡ ವಿಷಯತ್‍ಲ್ ಪಿಂಞ ದೇವ ತಾಂಡ ಸ್ವಂತ ಚೋರೆಯಿಂಜ ಸಂಪಾದನೆ ಮಾಡ್‍ನ, ಸಬೇನ ನಡ್‍ತುವ ವಿಷಯತ್‍ಲು ಎಚ್ಚರತ್‍ಲ್ ಇರಿ. ಪವಿತ್ರಾತ್ಮ, ಅಂವೊಂಡ ಕೊರಿರ ಗುಂಪ್‍ರನೆಕೆ ಉಳ್ಳ ಸಬೆರ ಜನಕ್ ಸಬೆರ ಪೆರಿಯಯಿಂಗಳಾಯಿತ್ ನಿಂಗಳ ನೇಮಿಚಿಟ್ಟತ್.

ರೋಮ್ 12:1

ಆನಗುಂಡ್, ನಾಡ ಅಣ್ಣತಮ್ಮಣಂಗಳೇ, ನಿಂಗಡ ತಡೀನ ಪವಿತ್ರವಾಯಿತ್, ದೇವ ಕುಶಿಪಡ್‌ವನೆಕೆ ಜೀವ ಬಲಿಯಾಯಿತ್ ಅರ್ಪಿಚಿಡಂಡೂಂದ್ ದೇವಡ ಕನಿಕಾರತ್‌ಂಜ ನಾನ್ ನಿಂಗಳ ಬೋಡುವಿ. ಇನ್ನನೆ ನಿಂಗ ಮಾಡ್‌ವ ಆರಾದನೆ, ಆತ್ಮೀಯ ಆರಾದನೆಯಾಯಿತುಂಡ್.

ರೋಮ್ 6:19

ನಿಂಗಕ್ ಅರ್ಥ ಮಾಡ್‌ವಕ್ ಕಷ್ಟ ಉಳ್ಳಾಂಗ್, ಮನುಷ್ಯ ರೀತಿಲ್ ನಾನ್ ನಿಂಗಕ್ ಎಣ್ಣಿ ತಪ್ಪಿ. ಮಿಂಞ ನಿಂಗ ನಿಂಗಡ ತಡೀನ ಅಶುದ್ದ ಕಾರ್ಯಕು, ದುಷ್ಟತನತ್‍ಲ್ ಇಂಞು ಅಕ್ರಮ ಮಾಡ್‌ವಕ್ ಅಡಿಯಾಳಾಯಿತ್ ಒಪ್ಪ್‌ಚಿಟ್ಟನೆಕೆ, ಇಕ್ಕ ಪವಿತ್ರ ಆಪಕಾಯಿತ್, ನಿಂಗಡ ತಡೀನ ನೀತಿಕ್ ಅಡಿಯಾಳಾಯಿತ್ ಒಪ್ಪ್‌ಚಿಡಿ.

1 ಕೊರಿಂಥ 10:31

ಆನಗುಂಡ್ ನಿಂಗ ತಿಂಬದಾಚೇಂಗಿಯು, ಕುಡಿಪದಾಚೇಂಗಿಯು, ಎಂತ ಮಾಡ್‌ವದಾಚೇಂಗಿಯು, ನಿಂಗ ಮಾಡ್‌ವ ಕಾರ್ಯ ದೇವಡ ಮಹಿಮೆಕಾಯಿತ್ ಮಾಡಂಡು.

1 ಕೊರಿಂಥ 7:23

ದೇವ ನಿಂಗಳ ಬೆಲೆ ಕೊಡ್‌ತಿತ್ ಎಡ್‌ತಿಯೆ; ನಿಂಗ ಮನುಷ್ಯಂಡ ಅಡಿಯಾಳಾಯಿತ್ ಅಯಿಂಗ ಎಣ್ಣ್‌ವಾನೆಲ್ಲ ಮಾಡತಿ.

ಗಲಾತ್ಯ 3:13

ಮರತ್‍ಲ್ ತೂಂಗಿತ್ ಚತ್ತ್‌ಪೋನ ಏದ್ ಮನುಷ್ಯನು ಶಾಪ ಪಡ್ಂದವೋಂದ್ ದೇವಡ ವಾಕ್ಯತ್‍ಲ್ ಉಂಡ್. ಅನ್ನನೆ, ಕ್ರಿಸ್ತ ನಂಗಕಾಯಿತ್ ಶಾಪವಾಯಿತ್, ನ್ಯಾಯಪ್ರಮಾಣತ್‍ರ ಶಾಪತ್ಂಜ ನಂಗಳ ಬುಡುಗಡೆ ಮಾಡಿತ್ ಕಾಪಾಡ್‍ಚಿ.

ಫಿಲಿಪ್ಪಿ 1:20

ಆನಗುಂಡ್, ನಾನ್ ಆಸೇಲ್ ಪಾರಕಾತಂಡ್ ದೇವಡ ಮೇಲೆ ದುಂಬ ನಂಬಿಕೆ ಬೆಚ್ಚಿತುಳ್ಳಗುಂಡ್, ನಾಕ್ ಇದ್ಂಡ ವಿಷಯತ್‍ಲ್ ಞಾಣ ಆಪುಲೆ, ಅದ್ಂಡ ಬದ್‍ಲ್ ನಾನ್ ಮಿಂಞ ಇಂಜನೆಕೆ ಇಕ್ಕಲು ಯೇಸುರ ವಿಷಯತ್‍ಲ್ ದೈರ್ಯತ್‍ಲ್ ಇಪ್ಪಿ. ನಾನ್ ಬದ್‍ಕ್‍ಚೇಂಗಿಯು ಚತ್ತತೇಂಗಿಯು ಯೇಸು ಕ್ರಿಸ್ತನ ಮಹಿಮೆ ಪಡ್‍ತ್‍ವೀಂದ್ ನಾಕ್ ನಂಬಿಕೆ ಉಂಡ್.

ಇಬ್ರಿಯ 9:12

ಒರ್ ಕೋಬಾಡ್‍ರ ಚೋರೆರಗುಂಡ್ ಅಥವ ಒರ್ ಕಡ್‍ಚಿರ ಚೋರೆರಗುಂಡ್ ಒಳ್‍ಕ್ ಪೋಯಿತ್‌ಲ್ಲೆ. ಆಚೇಂಗಿ, ತಾಂಡ ಸ್ವಂತ ಚೋರೆರ ಮೂಲಕ ಒರೇ ಕುರಿ ಅತಿಪವಿತ್ರವಾನ ಜಾಗತ್‍ರ ಒಳ್‍ಕ್ ಪೋಯಿತ್ ಎಕ್ಕಾಲು ಉಳ್ಳ ನಿತ್ಯವಾನ ವಿಮೋಚನತ್‍ನ ಉಂಟ್ ಮಾಡ್‍ಚಿ.

1 ಪೇತ್ರ 1:18

ನಿಂಗಡ ಮುತ್ತಜ್ಜಂಗಡ ಪದ್ದತಿರ ಪ್ರಕಾರ, ಪ್ರಯೋಜನ ಇಲ್ಲತ ನಿಂಗ ಮಾಡಿಯಂಡ್ ಬಂದ, ಪಾಳಾಯಿ ಪೋಪ ಪೊನ್ನ್ ಬೊಳ್ಳಿರಗುಂಡ್ ನಿಂಗಡ ಪಾಪತ್‍ರ ಶಿಕ್ಷೆಯಿಂಜ ನಿಂಗಳ ಬುಡ್‍ತಿತ್‌ಲ್ಲೆ.

1 ಪೇತ್ರ 2:9

ಆಚೇಂಗಿ ನಿಂಗ, ನಿಂಗಳ ಇರ್‌ಟ್‌ಂಜ ತಾಂಡ ಅದ್ಬುತವಾನ ಬೊಳಿಕ್ ಕಾಕ್‌ನಂವೊಂಡ ತುದಿನ ಅರಿಚಿಡ್‌ವಕ್, ದೇವ ಗೊತ್ತ್ ಮಾಡ್‍ನಯಿಂಗಳಾಯಿತ್, ರಾಜಕೀಯ ಯಾಜಕಂಗಳಾಯಿತ್, ಪವಿತ್ರವಾನ ರಾಜ್ಯತ್‍ರ ಮಕ್ಕಳಾಯಿತ್ ಪಿಂಞ ದೇವಡ ಸ್ವಂತ ಜನವಾಯಿತ್ ಉಳ್ಳಿರ.

2 ಪೇತ್ರ 2:1

ಇಸ್ರಾಯೇಲ್ ಜನಡ ಮದ್ಯತ್‍ಲ್ ಸಹ ಕಳ್ಳ ಪ್ರವಾದಿಯಂಗ ಇಂಜತ್. ಅನ್ನನೆ ನಿಂಗಡ ಮದ್ಯತ್‍ಲು ಕಳ್ಳ ಬೋದನೆಕಾರಂಗ ಇಪ್ಪ. ಅಯಿಂಗ ದಾರ್‌ಕು ಗೊತ್ತಿಲ್ಲತನೆಕೆ, ತಂತ್ರವಾಯಿತ್ ದೇವಡ ಮಕ್ಕಳ ಪಾಳ್ ಮಾಡ್‌ವ ಪಾಳ್ ಬೋದನೆನ ಬೋದನೆ ಮಾಡಿತ್, ಅಯಿಂಗಕ್ ರಕ್ಷಣೆ ತಪ್ಪಕಾಯಿತ್ ಬೆಲೆ ಕೊಡ್‍ತ ಒಡೆಯನ ಸಹ ಒತ್ತತೆ, ಅಯಿಂಗಕ್ ಅಯಿಂಗಳೇ ಬೆರಿಯ ನಾಶ ಬಪ್ಪನೆಕೆ ಮಾಡ್‌ವ.

ಪ್ರಕಟನೆ 5:9

ನೀನ್ ಈ ಪುಸ್ತಕತ್‍ನ ಎಡ್‍ಪಕು, ಅದ್ಂಡ ಮುದ್ರೆಯಳ ಪೊಳಿಪಕು ಯೋಗ್ಯನಾಯಿತುಳ್ಳಿಯ; ಎನ್ನಂಗೆಣ್ಣ್‌ಚೇಂಗಿ, ನೀನ್ ಮಿಂಞಲೇ ಬಲಿಯಾಯಿತ್, ಎಲ್ಲಾ ಕುಲತ್ಂಜ, ಎಲ್ಲಾ ತಕ್ಕ್‌ಯಿಂಜ, ಎಲ್ಲಾ ಜನತ್‍ಂಜ, ಎಲ್ಲಾ ಜಾತಿಯಿಂಜ ಜನಳ ದೇವಕಾಯಿತ್ ನೀಡ ಚೋರೆನಗುಂಡ್ ಬುಡ್‍ಗಡೆ ಮಾಡಿತ್,