1 ಕೊರಿಂಥ 6:19 - ಕೊಡವ ಬೈಬಲ್

¹⁹ ನಿಂಗಡ ತಡಿ ಪವಿತ್ರಾತ್ಮ ವಾಸ ಮಾಡ್‌ವ ಆಲಯವಾಯಿತ್ ಉಂಡ್‍ೕಂದು, ಪವಿತ್ರಾತ್ಮತ್‍ನ ನಿಂಗಕ್ ದೇವ ಕೊಡ್‍ತತ್‍ೕಂದು ನಿಂಗಕ್ ಗೊತ್ತ್‌ಲ್ಲೆಯಾ? ಆನಗುಂಡ್ ನಿಂಗ ನಿಂಗಕ್ ಸ್ವಂತ ಅಲ್ಲ.

1 ಕೊರಿಂಥ 6:19 ပူးပေါင်းရင်းမြစ်များ

ಯೋಹಾನ 2:21

ಆಚೇಂಗಿ, ಯೇಸು ಈ ದೇವಾಲಯಾಂದ್ ಎಣ್ಣುವಕ ತಾಂಡ ತಡಿಯಾನ ದೇವಾಲಯತ್‍ರ ವಿಷಯತ್‍ನ ಎಣ್ಣ್‌ಚಿ.

ರೋಮ್ 8:9

ದೇವಡ ಆತ್ಮ ನಿಂಗಡೊಳ್‌ಲ್ ಇಂಜತೇಂಗಿ, ನಿಂಗ ಪಾಪತ್‍ರ ಗುಣ ಎಣ್ಣ್‌ವನೆಕೆ ಮಾಡ್‌ವಯಿಂಗಳಾಯಿತ್ ಇಪ್ಪುಲೆ, ದೇವಡ ಆತ್ಮ ಎಣ್ಣ್‌ವನೆಕೆ ಮಾಡ್‌ವಯಿಂಗಳಾಯಿತ್ ಇಪ್ಪಿರ; ಕ್ರಿಸ್ತಂಡ ಆತ್ಮ ಇಲ್ಲತಂವೊ ಕ್ರಿಸ್ತಂಗ್ ಕೂಡ್‍ನಂವೊ ಅಲ್ಲ.

1 ಕೊರಿಂಥ 3:16

ನಿಂಗ ದೇವಡ ಆಲಯವಾಯಿತ್ ಉಳ್ಳೀರಾಂದೂ, ನಿಂಗಡ ಹೃದಯತ್‍ಲ್ ದೇವಡ ಆತ್ಮ ವಾಸ ಮಾಡಿಯಂಡ್ ಉಂಡ್‍ೕಂದು ನಿಂಗಕ್ ಗೊತ್ತ್‌ಲ್ಲೆಯಾ?

1 ಕೊರಿಂಥ 6:13

ನಿಂಗ ಕೆಲಕಾಯಿತ್ ಕೂಳ್, ಕೂಳ್‍ಕಾಯಿತ್ ಕೆಲಾಂದ್ ಎಣ್ಣುವಿರ, ಅದ್ ನೇರ್. ಆಚೇಂಗಿಯು, ದೇವ ಅದ್ ದಂಡನೂ ಪಾಳ್ ಮಾಡ್‌ವ. ಆನಗುಂಡ್ ನಿಂಗ, ಈ ತಡಿನ ಲೈಂಗಿಕ ಕುಶಿಕಾಯಿತ್‍ೕಂದ್‌ ಎಣ್ಣ್‌ವಕ್ ಕಯ್ಯುಲೆ. ಅದ್ ಒಡೆಯಂಗಾಯಿತ್ ಮಾಡ್‍ನದ್, ಒಡೆಯ ನಂಗಡ ತಡಿಕ್ ಜವಾಬ್ದಾರನಾಯಿತ್ ಉಂಡ್.

1 ಕೊರಿಂಥ 6:3

ದೇವದೂತಂಗಳ ಸಹ ನಂಗ ತೀರ್ಪ್ ಮಾಡ್‌ವಾಂದ್ ನಿಂಗಕ್ ಗೊತ್ತ್‌ಲ್ಲೆಯಾ? ಅನ್ನನಾಚೇಂಗಿ ಈ ಬದ್‍ಕ್‍ರ ವಿಷಯತ್ ಬಪ್ಪ ಚೆರಿಯ ಚೆರಿಯ ತಕ್‌ರಾರ್‍ನ ತೀರ್ಪ್ ಮಾಡ್‌ವಕ್ ನಿಂಗಕ್ ಕಂಡಿತವಾಯಿತ್ ಕಯ್ಯು.

2 ಕೊರಿಂಥ 5:15

ಬದ್‍ಕಿಯಂಡುಳ್ಳಯಿಂಗ ಇಂಞು ಮಿಂಞಕ್ ಅಯಿಂಗಕಾಯಿತ್ ಬದ್‍ಕತೆ, ಅಯಿಂಗಕಾಯಿತ್ ಚತ್ತಿತ್ ಪುನಃ ಎದ್ದಿತ್ ಬಂದಂವೊಂಗಾಯಿತ್ ಬದ್‍ಕ್‍ವನೆಕೆ, ಅಂವೊ ಎಲ್ಲಾರ್‍ಕಾಯಿತ್ ಚತ್ತತ್.

2 ಕೊರಿಂಥ 6:16

ದೇವಡ ಆಲಯಕು ವಿಗ್ರಹಕು ಎಂತ ಐಕ್ಯ? ನಂಗಳೇ ಜೀವವಾಯಿತುಳ್ಳ ದೇವಡ ಆಲಯವಾಯಿತುಂಡಲ್ಲ! ನಾನ್ ಅಯಿಂಗಡ ಮದ್ಯತ್‍ಲ್ ವಾಸ ಮಾಡಿತ್, ನಡ್ಂದಂಡ್, ನಾನ್ ಅಯಿಂಗಡ ದೇವನಾಯಿತು, ಅಯಿಂಗ ನಾಡ ಜನವಾಯಿತು ಇಪ್ಪಾಂದ್ ದೇವ ಎಣ್ಣಿತುಂಡ್.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 2:14

ಅಂವೊ, ನಂಗಳ, ನಂಗಡ ಎಲ್ಲಾ ಪಾಪತ್ಂಜ ಬುಡ್‍ಗಡೆ ಮಾಡಿತ್, ಅಂವೊಂಡ ಸ್ವಂತ ಜನವಾಯಿತ್ ಮಾಡ್‌ವಕಾಯಿತ್, ಎಲ್ಲಾ ನಲ್ಲ ಕೆಲಸತ್‍ನ ಕುಶೀಲ್ ಮಾಡ್‌ವಕ್ ಅರ್ಪಿಚಿಟ್ಟಯಂಗಳಾಯಿತ್ ಪಿಂಞ ನಂಗಳ ಶುದ್ದ ಮಾಡ್‌ವಕಾಯಿತ್ ಅಂವೊನ ಅಂವೊನೇ ನಂಗಕಾಯಿತ್ ಒಪ್ಪ್‌ಚಿಟ್ಟತ್.

ಯಾಕೋಬ 4:5

ಅಥವ, ನಂಗಡೊಳ್‌ಲ್ ವಾಸ ಮಾಡ್‌ವಕಾಯಿತ್ ದೇವ ಕೊಡ್‍ತ ಪವಿತ್ರಾತ್ಮ ನಂಗ ದೇವಡ ಪಕ್ಕ ಸತ್ಯವುಳ್ಳಯಿಂಗಳಾಯಿತ್ ಇರಂಡೂಂದ್ ವೈರಾಗ್ಯತ್‍ಲ್ ಉಂಡ್‍ೕಂದ್ ಎಣ್ಣ್‌ವ ದೇವಡ ವಾಕ್ಯ ಮುಂಡತೆ ಎಣ್ಣಿತುಂಡ್‍ೕಂದ್ ಗೇನಮಾಡಿಯಂಡುಳ್ಳಿರ?

1 ಪೇತ್ರ 2:5

ಆನಗುಂಡ್, ನಿಂಗಳು, ಜೀವವಾಯಿತುಳ್ಳ ಕಲ್ಲ್‌ರನೆಕೆ ಉಳ್ಳಾಂಗ್, ನಿಂಗಡಗುಂಡ್, ಆತ್ಮೀಯ ಮನೆಯಾಯಿತ್ ಕೆಟ್ಟಿಯಂಡುಂಡ್. ಅಲ್ಲಿ, ನಿಂಗ ಯೇಸು ಕ್ರಿಸ್ತಂಡ ಮೂಲಕ, ದೇವಕ್ ಪ್ರೀತಿಯಾಯಿತುಳ್ಳ, ಆತ್ಮೀಯ ಬಲಿನ ಕೊಡ್‍ಪಕ್ ಪವಿತ್ರವಾನ ಯಾಜಕ ಮಕ್ಕಡ ಕೂಟವಾಯಿತು ಉಳ್ಳಿರ.