1 ಕೊರಿಂಥ 6:16 - ಕೊಡವ ಬೈಬಲ್

¹⁶ ವ್ಯಬಿಚಾರಿಯಡ ಕೂಡೆ ಕೂಡ್‍ವಂವೊ, ಅವಡ ಕೂಡೆ ಒರೇ ತಡಿಯಾಯಿತ್ ಇಪ್ಪಾಂದ್ ನಿಂಗಕ್ ಗೊತ್ತ್‌ಲ್ಲೆಯಾ? ದಂಡಾಳು ಒರೇ ತಡಿಯಾಯಿತ್‌ಪ್ಪಾಂದ್ ದೇವಡ ವಾಕ್ಯತ್‍ಲ್ ಎಣ್ಣಿತುಂಡಲ್ಲ?

1 ಕೊರಿಂಥ 6:16 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 2:24

ಈ ಕಾರಣತ್‌ಂಜ ಒರ್‌ ಮನುಷ್ಯ ತಾಂಡ ಅಪ್ಪನ ಅವ್ವನ ಬುಟ್ಟಿತ್, ತಾಂಡ ಪೊಣ್ಣ್‌ರ ಕೂಡೆ ಕೂಡಿತ್, ಅಯಿಂಗ ದಂಡಾಳು ಒರೇ ತಡಿಯಾಯಿತ್ತಿಪ್ಪ.

ಆದ್ಯತ್‌ರ ಪುಸ್ತಕ 34:31

ಅದ್‌ಂಗ್‌ ಅಯಿಂಗ: ನಂಗಡ ತಂಗೆನ ಒರ್‌ ಚೂಳೆರನೆಕೆ ನಡ್‌ತ್‌ಚಿ ಅಲ್ಲಾಂದ್‌ ಕ್‍ೕಟತ್.

ಆದ್ಯತ್‌ರ ಪುಸ್ತಕ 38:15

ಯೆಹೂದ ಅವಳ ಕಂಡಿತ್, ಅವ ಮೂಡ್‌ನ ಮುಚ್ಚಿತ್‌ಂಜನಗುಂಡ್‌ ಅವ ಒರ್‌ ಚೂಳೇಂದ್‌ ಗೇನಮಾಡಿತ್,

ಆದ್ಯತ್‌ರ ಪುಸ್ತಕ 38:24

ಸುಮಾರ್‌ ಮೂಂದ್‌ ತಿಂಗ ಆನ ಪಿಂಞ ಯೆಹೂದಂಗ್: ನೀಡ ಮೈಮ ತಾಮಾರ ಚೂಳೆತನ ಮಾಡ್‌ಚಿ. ಆ ಚೂಳೆತನತ್‌ಂಜ ಅವ ಕೆಲಕಾರ್ತಿಯು ಆಚೀಂದ್‌ ದಾರೋ ಎಣ್ಣ್‌ಚಿ. ಅಕ್ಕ ಯೆಹೂದ: ಅವಳ ಪೊರ್ಮೆ ಬಲಚಿತ್‌ ಬಾರಿ, ಅವಳ ತಿತ್ತ್‌ಕ್ ಇಟ್ಟಿತ್‌ ಚುಡಂಡೂಂದ್‌ ಎಣ್ಣ್‌ಚಿ.

ಮಾರ್ಕ 10:8

ದೇವ ಇನ್ನನೆ ಮಾಡ್‍ನಗುಂಡ್, ಅಯಿಂಗ ದಂಡಾಳು ದಂಡಾಳಾಯಿತ್ ಇಲ್ಲತೆ ಒರೇ ತಡಿಯಾಯಿತ್ ಇಪ್ಪ.

1 ಕೊರಿಂಥ 6:3

ದೇವದೂತಂಗಳ ಸಹ ನಂಗ ತೀರ್ಪ್ ಮಾಡ್‌ವಾಂದ್ ನಿಂಗಕ್ ಗೊತ್ತ್‌ಲ್ಲೆಯಾ? ಅನ್ನನಾಚೇಂಗಿ ಈ ಬದ್‍ಕ್‍ರ ವಿಷಯತ್ ಬಪ್ಪ ಚೆರಿಯ ಚೆರಿಯ ತಕ್‌ರಾರ್‍ನ ತೀರ್ಪ್ ಮಾಡ್‌ವಕ್ ನಿಂಗಕ್ ಕಂಡಿತವಾಯಿತ್ ಕಯ್ಯು.

ಎಫೆಸ 5:31

ಇದ್ಂಗಾಯಿತ್ ವಡಿಯ ಅಂವೊಂಡ ಅಪ್ಪವ್ವನ ಬುಟ್ಟಿತ್ ತಾಂಡ ಪೊಣ್ಣ್‌ರ ಕೂಡೆ ಒಂದಾಯಿತ್ ಕೂಡಿತ್, ಅಯಿಂಗ ದಂಡಾಳು ಒರೇ ತಡಿಯಾಯಿತ್‌ಪ್ಪ.

ಇಬ್ರಿಯ 11:31

ನಂಬಿಕೇರ ಮೂಲಕ, ಯೆರಿಕೋ ಪಟ್ಟಣತ್‍ರ ರಾಹಾಬ ಎಣ್ಣುವ ವೇಶಿ, ಗುಪ್ತಚಾರಂಗಳ ಸಮಾದಾನತ್‍ಲ್ ವಾಪಸ್ ಅಯಿಚಿತ್, ತಗ್ಗಿತ್ ನಡ್‌ಕತಯಿಂಗಡ ಕೂಡೆ ಪಾಳಾಯಿ ಪೋಕತೆ ಬಚಾವಾಚಿ.