1 ಕೊರಿಂಥ 6:15 - ಕೊಡವ ಬೈಬಲ್

¹⁵ ನಿಂಗಡ ತಡಿ ಕ್ರಿಸ್ತಂಡ ತಡೀರ ಬಾಗವಾಯಿತುಂಡ್‍ೕಂದ್ ನಿಂಗಕ್ ಗೊತ್ತ್‌ಲ್ಲೆಯಾ? ಅಕ್ಕ ನಾನ್, ಅದ್‍ನ ಎಡ್‍ತಂಡ್ ಪೋಯಿತ್ ವ್ಯಬಿಚಾರಿಯಡ ತಡಿಕ್ ಬಾಗವಾಯಿತ್ ಕೂಟ್‍ವಕಯ್ಯುವ? ಕಯ್ಯುಲೆ!

1 ಕೊರಿಂಥ 6:15 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 44:17

ಅದ್‌ಂಗ್‌ ಯೋಸೇಫ: ಅಂತ ಒರ್‌ ಕಾರ್ಯ ನಾನ್‌ ಮಾಡುಲೆ. ದಾಡ ಪಕ್ಕ ಪಾತ್‌ರ ಉಂಡೋ ಅಂವೊ ಮಾತ್‌ರ ನಾಡ ಅಡಿಯಾಳಾಯಿತ್‌ಪ್ಪ. ಮಿಕ್ಕ್‌ನಯಿಂಗೆಲ್ಲಾ ಸಮಾದಾನತ್‌ಲ್‌ ನಿಂಗಡ ಅಪ್ಪಂಡ ಮನೆಕ್‌ ಪೋಲೂಂದ್‌ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 20:16

ಅಂವೊ ಅಯಿಂಗಳ ಕೊಂದ್‍ರ್‍ವಂಜಿ ಬೋರೆ ವಾರಕಾರಂಗಕ್ ತೋಟತ್‍ನ ಕೊಡ್‍ಪಾಂದ್ ಯೇಸು ಎಣ್ಣ್‌ಚಿ. ಜನ ಈ ತಕ್ಕ್‌ನ ಕ್‍ೕಪದು: ಆಚೇಂಗಿ, ಅನ್ನನೆ ಆಕತೆ ಇರಡ್‍ೕಂದ್ ಎಣ್ಣ್‌ಚಿ.

ರೋಮ್ 12:5

ಅನ್ನನೆ ದುಂಬ ಜನಳಾಯಿತುಳ್ಳ ನಂಗಳು, ಕ್ರಿಸ್ತಂಡ ಕೂಡೆ ಉಳ್ಳ ಐಕ್ಯತ್‍ಲ್ ಒರೇ ತಡಿಯಾಯಿತುಂಡ್. ನಂಗೆಲ್ಲಾರು ಒಬ್ಬೊಬ್ಬಂಡ ಕೂಡೆ ಒಬ್ಬ ಕೂಡಿತ್ ತಡೀರ ಬೋರೆ ಬೋರೆ ಬಾಗವಾಯಿತುಂಡ್.

ರೋಮ್ 3:31

ಅನ್ನನೆ ಆಚೇಂಗಿ, ನಂಬಿಕೇರಗುಂಡ್ ನ್ಯಾಯಪ್ರಮಾಣತ್‍ನ ನಂಗ ಅಲ್ಲಗೆಳೆಯುವದಾ? ಅನ್ನನೆ ಅಲ್ಲ, ನ್ಯಾಯಪ್ರಮಾಣತ್‍ನ ನಂಗ ಸ್ತಿರಪಡ್‌ತಿಯಂಡುಂಡ್.

ರೋಮ್ 3:6

ಅನ್ನನೆ ಅಲ್ಲ! ಅನ್ನನೆ ಆಚೇಂಗಿ, ದೇವ ಎನ್ನನೆ ಈ ಲೋಕತ್‍ನ ತೀರ್ಪ್ ಮಾಡ್‌ವ?

ರೋಮ್ 6:15

ಆನಗುಂಡ್ ಎಂತ? ನಂಗ ನ್ಯಾಯಪ್ರಮಾಣತ್‍ರ ಅಡಿಕ್ ಬರತೆ, ಕೃಪೇರ ಅಡಿಕ್ ಬಂದಗುಂಡ್ ಪಾಪ ಮಾಡಂಡುವ? ಮಾಡ್‌ವಕ್ಕಾಗ.

ರೋಮ್ 6:2

ಅನ್ನನೆ ಇಲ್ಲೆ! ಪಾಪಕ್ ಚತ್ತ್ ಪೋಯಿತುಳ್ಳ ನಂಗ, ಇಂಞು ಅದ್‍ಲ್ ಎನ್ನನೆ ಬದ್‍ಕ್‌ವಕಾಪ?

ರೋಮ್ 7:13

ಅನ್ನನೆ ಆಚೇಂಗಿ, ನಲ್ಲದಾಯಿತುಳ್ಳ ನ್ಯಾಯಪ್ರಮಾಣ, ನಾಡ ಚಾವ್‍ಕ್ ಕಾರಣ ಆಚೀಂದ್ ಎಣ್ಣುವಕ್ ಕಯ್ಯುವ? ಅನ್ನನೆ ಅಲ್ಲ, ಪಾಪವೇ ನಾಡ ಚಾವ್‍ಕ್ ಕಾರಣ ಆಚಿ; ಪಾಪ ನ್ಯಾಯಪ್ರಮಾಣತ್‍ರಗುಂಡ್ ಇಂಞು ದುಂಬ ಪಾಪವಾಯಿತ್ ಪಿಂಞ ನಲ್ಲದ್‍ನಗುಂಡ್ ನಾಕ್ ಚಾವ್ ಕೊಂಡ್ ಬಾತ್. ಆನಗುಂಡ್, ನ್ಯಾಯಪ್ರಮಾಣತ್‍ರ ಮೂಲಕ ಪಾಪ ಎಚ್ಚಕ್ ಕ್ರೂರವಾನ ಪಾಪಾಂದ್ ನಂಗ ಕಾಂಬಕ್ ಆಚಿ.

ರೋಮ್ 7:7

ಆನಗುಂಡ್ ನಂಗ ಎಂತ ಎಣ್ಣಡ್? ನ್ಯಾಯಪ್ರಮಾಣ ಪಾಪವಾ? ಅನ್ನನೆ ಅಲ್ಲ, ಪಾಪ ಎಂತ್‍ೕಂದ್ ನ್ಯಾಯಪ್ರಮಾಣತ್‍ರಗುಂಡ್ ನಾಕ್ ಗೊತ್ತಾಚಲ್ಲ? ಇಲ್ಲತಪೋಚೇಂಗಿ ಎನ್ನನೆ ಗೊತ್ತಾಪಕಿಂಜತ್? ಬೋರೆಯಿಂಗಡ ವಸ್ತುರ ಮೇಲೆ ಆಸೆ ಪಡ್‌ವಕ್ಕಾಗಾಂದ್ ನ್ಯಾಯಪ್ರಮಾಣ ನಾಕ್ ಎಣ್ಣತೆ ಪೋಚೇಂಗಿ, ಬೋರೆಯಿಂಗಡ ವಸ್ತುರ ಮೇಲೆ ಆಸೆ ಪಡ್‍ವದ್ ಪಾಪಾಂದ್ ನಾಕ್ ಗೊತ್ತಿಲ್ಲತೆ ಪೋಪ ಅಲ್ಲ?

1 ಕೊರಿಂಥ 11:3

ಆಚೇಂಗಿ ಇಕ್ಕ, ಇದ್ ನಿಂಗಕ್ ಗೊತ್ತಾಯಿತಿರಂಡೂಂದ್ ನಾಕ್ ಆಸೆ. ಪ್ರತಿಯೊರ್ ಆಣಾಳ್‍ಕು ಕ್ರಿಸ್ತ ಮಂಡೆಯಾಯಿತ್ ಉಂಡ್, ಪ್ರತಿಯೊರ್ ಪೊಣ್ಣಾಳ್‍ಕು ಅವಡ ವಡಿಯ ಮಂಡೆಯಾಯಿತ್ ಉಂಡ್, ಕ್ರಿಸ್ತಂಗ್ ದೇವ ಮಂಡೆಯಾಯಿತ್ ಉಂಡ್.

1 ಕೊರಿಂಥ 12:27

ಇಕ್ಕ, ನಿಂಗಳೇ ಕ್ರಿಸ್ತಂಡ ತಡಿಯು ಪಿಂಞ ಆ ತಡೀರ ಓರೋರ್ ಬಾಗವು ಆಯಿತುಳ್ಳಿರ.

1 ಕೊರಿಂಥ 6:13

ನಿಂಗ ಕೆಲಕಾಯಿತ್ ಕೂಳ್, ಕೂಳ್‍ಕಾಯಿತ್ ಕೆಲಾಂದ್ ಎಣ್ಣುವಿರ, ಅದ್ ನೇರ್. ಆಚೇಂಗಿಯು, ದೇವ ಅದ್ ದಂಡನೂ ಪಾಳ್ ಮಾಡ್‌ವ. ಆನಗುಂಡ್ ನಿಂಗ, ಈ ತಡಿನ ಲೈಂಗಿಕ ಕುಶಿಕಾಯಿತ್‍ೕಂದ್‌ ಎಣ್ಣ್‌ವಕ್ ಕಯ್ಯುಲೆ. ಅದ್ ಒಡೆಯಂಗಾಯಿತ್ ಮಾಡ್‍ನದ್, ಒಡೆಯ ನಂಗಡ ತಡಿಕ್ ಜವಾಬ್ದಾರನಾಯಿತ್ ಉಂಡ್.

1 ಕೊರಿಂಥ 6:17

ಆಚೇಂಗಿ ಒರ್ ಮನುಷ್ಯ ಕ್ರಿಸ್ತಂಡ ಕೂಡೆ ಕೂಡ್‌ನಕ, ಅಂವೊ ಕ್ರಿಸ್ತಂಡ ಆತ್ಮತ್‍ರ ಕೂಡೆ ಒಂದಾಯಿತ್‌ಪ್ಪ.

1 ಕೊರಿಂಥ 6:19

ನಿಂಗಡ ತಡಿ ಪವಿತ್ರಾತ್ಮ ವಾಸ ಮಾಡ್‌ವ ಆಲಯವಾಯಿತ್ ಉಂಡ್‍ೕಂದು, ಪವಿತ್ರಾತ್ಮತ್‍ನ ನಿಂಗಕ್ ದೇವ ಕೊಡ್‍ತತ್‍ೕಂದು ನಿಂಗಕ್ ಗೊತ್ತ್‌ಲ್ಲೆಯಾ? ಆನಗುಂಡ್ ನಿಂಗ ನಿಂಗಕ್ ಸ್ವಂತ ಅಲ್ಲ.

1 ಕೊರಿಂಥ 6:3

ದೇವದೂತಂಗಳ ಸಹ ನಂಗ ತೀರ್ಪ್ ಮಾಡ್‌ವಾಂದ್ ನಿಂಗಕ್ ಗೊತ್ತ್‌ಲ್ಲೆಯಾ? ಅನ್ನನಾಚೇಂಗಿ ಈ ಬದ್‍ಕ್‍ರ ವಿಷಯತ್ ಬಪ್ಪ ಚೆರಿಯ ಚೆರಿಯ ತಕ್‌ರಾರ್‍ನ ತೀರ್ಪ್ ಮಾಡ್‌ವಕ್ ನಿಂಗಕ್ ಕಂಡಿತವಾಯಿತ್ ಕಯ್ಯು.

ಗಲಾತ್ಯ 2:17

ಆಚೇಂಗಿ, ಕ್ರಿಸ್ತಂಡ ಮೇಲೆ ನಂಬಿಕೆ ಬೆಚ್ಚಿತ್, ನೀತಿವಂತಯಿಂಗಳಾಯಿತ್ ಇಪ್ಪಕ್ ಪ್ರಯತ್ನಪಡ್‍ವಕ ಇಂಞು ನಂಗಡಲ್ಲಿ ಪಾಪ ಇಂಜತೇಂಗಿ, ನಂಗ ಪಾಪಿಯಾಯಿತ್‌ಪ್ಪಕ್ ಕ್ರಿಸ್ತ ಕಾರಣವಾಯಿತ್ ಇಪ್ಪಕ್ ಕಯ್ಯುವ? ಅನ್ನನೆ ಆಪದೇ ಇಲ್ಲೆ.

ಗಲಾತ್ಯ 3:21

ಅನ್ನನಾಚೇಂಗಿ, ನ್ಯಾಯಪ್ರಮಾಣ ದೇವ ಮಾಡ್‍ನ ವಾಗ್ದಾನಕ್ ವಿರೋದವಾ? ಅನ್ನನೆ ಇಲ್ಲವೇ ಇಲ್ಲೆ. ನ್ಯಾಯಪ್ರಮಾಣ ಎಣ್ಣ್‌ವನೆಕೆ ನಡ್‍ಪ ಮನುಷ್ಯಂಗಕ್ ಜೀವ ಕ್‍ಟ್ಟ್‌ಚೇಂಗಿ, ಎಲ್ಲಾರು ದೇವಡ ಪಕ್ಕ ನೀತಿವಂತಯಂಗಳಾಯಿತ್ ಬದ್‍ಕ್‍ವಯಿಂಜತ್.

ಗಲಾತ್ಯ 6:14

ಆಚೇಂಗಿ, ನಾಕ್ ಕ್ರಿಸ್ತಂಡ ಶಿಲುಬೇರ ವಿಷಯತ್‍ನ ಬುಟ್ಟಿತ್ ಬೋರೆ ಏದ್ ವಿಷಯತ್‍ಲು ಹೊಗಳಿಚಿಡುವದ್ ಬೋಂಡ; ಈ ಲೋಕ ಅಂವೊನಗುಂಡ್ ನಾಕಾಯಿತ್ ಶಿಲುಬೇಲ್ ಉಂಡ್, ನಾನ್ ಸಹ ಈ ಲೋಕತ್‍ರ ಆಸೆಕೆಲ್ಲಾ ನನ್ನ ಶಿಲುಬೇಕ್ ಇಟ್ಟಿಯೆ.

ಎಫೆಸ 4:12

ಈಂಗಡಗುಂಡ್, ದೇವಡ ಮಕ್ಕ ಬೊಳ್ಂದಿತ್ ಅಂವೊಂಡ ಸೇವೇರ ಜವಾಬ್ದಾರಿನ ಮಾಡ್‌ವಕಾಯಿತು, ಪಿಂಞ ಅಂವೊಂಡ ತಡಿಯಾನ ಸಬೇನ ಕೆಟ್ಟ್‌ವಕಾಯಿತು ಮಾಡ್‍ಚಿ.

ಎಫೆಸ 5:23

ಕ್ರಿಸ್ತ ಅಂವೊಂಡ ತಡಿಯಾನ ಸಬೇಕ್ ಮಂಡೆಯಾಯಿತ್ ಉಳ್ಳನೆಕೆ, ವಡಿಯ ಅಂವೊಂಡ ಪೊಣ್ಣ್‌ಕ್ ಮಂಡೆಯಾಯಿತ್ ಉಂಡ್; ಕ್ರಿಸ್ತನೇ ತಡಿಕ್ ರಕ್ಷಕನಾಯಿತ್ ಉಂಡ್.

ಎಫೆಸ 5:30

ನಂಗ ಅಂವೊಂಡ ತಡೀರ ಬಾಗವಾಯಿತ್ ಉಂಡ್.

ಕೊಲೊಸ್ಸೆ 2:19

ಆತ್ಮೀಯ ತಡಿಕ್ ಮಂಡೆಯಾಯಿತುಳ್ಳ ಕ್ರಿಸ್ತಂಡ ಅಡಿಲ್ ಇಪ್ಪಕ್ ಅಯಿಂಗಕ್ ಕುಶಿ ಇಲ್ಲೆ. ಎನ್ನಂಗೆಣ್ಣ್‌ಚೇಂಗಿ ಕ್ರಿಸ್ತ, ನಂಗಡ ಪೂರ್ತಿ ಆತ್ಮೀಯ ತಡಿ ಬೊಳಿವಕ್ ಶಕ್ತಿ ಕೊಡ್‌ತಿತ್, ತಡೀರ ಮುಟ್ಟ್ ಪಿಂಞ ಯರ್ಚಿಕಂಡ, ಒಂದಿಂಜ ಒಂದ್ ಬುಟ್ಟ್ ಪೋಕತೆ ಕೂಡಿತ್ ಇಪ್ಪನೆಕೆ ಮಾಡಿತ್, ಅಂವೊ ಕುಶಿ ಪಡುವನೆಕೆ ಬೊಳಿವಕ್ ಮಾಡಿಯಂಡುಂಡ್.