1 ಕೊರಿಂಥ 6:12 - ಕೊಡವ ಬೈಬಲ್

¹² ಈ ಲೋಕತ್‍ಲ್ ಎಲ್ಲಾನ ಅನುಬವಿಚಿಡುವಕ್ ನಾಕ್ ಅನುಮತಿ ಉಂಡ್, ಆಚೇಂಗಿ ಎಲ್ಲಾ ನಾಕ್ ಪ್ರಯೋಜನ ಆಪುಲೆ. ಎಲ್ಲಾನ ಮಾಡ್‌ವಕ್ ನಾಕ್ ಅದಿಕಾರ ಉಂಡ್, ಆಚೇಂಗಿಯು ಒಂದಾಂಗ್ ಸಹ ನಾನ್ ಗುಲಾಮನಾಯಿತ್‌ಪ್ಪುಲೆ.

1 ಕೊರಿಂಥ 6:12 ပူးပေါင်းရင်းမြစ်များ

ಯೋಹಾನ 5:10

ಆನಗುಂಡ್, ಯೆಹೂದ್ಯ ಅದಿಕಾರಿಯಂಗ: ಇಂದ್ ಸಬ್ಬತ್ ದಿನ, ನೀಡ ಪಲಂಬ್‌ನ ಎಡ್‍ತಂಡ್ ಪೋಪ ಕೆಲಸತ್‍ನ ಮಾಡ್‌ವಕ್ ನಂಗಡ ನ್ಯಾಯಪ್ರಮಾಣ ಅನುಮತಿ ತಂದಿತ್‌ಲ್ಲೇಂದ್ ವಾಸಿಯಾನ ಮನುಷ್ಯಂಗ್ ಎಣ್ಣ್‌ಚಿ.

ರೋಮ್ 7:14

ಅದಲ್ಲತೆ, ನ್ಯಾಯಪ್ರಮಾಣ ಆತ್ಮೀಯವಾಯಿತುಂಡ್‍ೕಂದ್ ನಂಗಕ್ ಗೊತ್ತುಂಡ್, ಆಚೇಂಗಿ ನಾನ್ ಪಾಪಕ್ ಅಡಿಯಾಳಾಯಿತ್ ಮಾರಿತ್, ಆತ್ಮೀಯ ಜೀವ ಇಲ್ಲತಂವೊನಾನ.

1 ಕೊರಿಂಥ 8:4

ಆನಗುಂಡ್ ವಿಗ್ರಹಕ್ ಅರ್ಪಿಚಿಟ್ಟ ಆಹಾರತ್‍ರ ವಿಷಯತ್: ಈ ಲೋಕತ್‍ಲ್ ವಿಗ್ರಹ ಎಣ್ಣುವದ್ ಒಂದು ಇಲ್ಲೇಂದು, ಒಬ್ಬನ ಬುಟ್ಟಿತ್ ಬೋರೆ ದೇವ ಇಲ್ಲೇಂದು ನಂಗಕ್ ಗೊತ್ತುಂಡ್.

1 ಕೊರಿಂಥ 9:12

ಬೋರೆ ಜನಕ್ ನಿಂಗಡ ಮೇಲೆ ಇಚ್ಚಕ್ ಹಕ್ಕ್ ಉಂಡೇಂಗಿ, ನಂಗಕ್ ಇಂಞು ಎಚ್ಚಕ್ ಹಕ್ಕ್ ಉಂಡ್! ಆಚೇಂಗಿಯು, ಕ್ರಿಸ್ತಂಡ ನಲ್ಲ ಸುದ್ದಿ ಎಣ್ಣುವಕ್ ಏದ್ ತಡೆಯು ಬರತನೆಕೆ, ನಂಗಕ್ ಉಳ್ಳ ಅದಿಕಾರತ್‍ನ ಉಪಯೋಗಿಚಿಡತೆ, ಎಲ್ಲಾ ಕಷ್ಟತ್‍ನ ನಂಗ ಸಹಿಸಿಯಂಡುಂಡ್.

1 ಕೊರಿಂಥ 9:27

ಬೋರೆಯಿಂಗಕ್ ಬೋದನೆ ಮಾಡ್‌ವ ನನ್ನ, ದೇವ ಅರ್ಹದೆ ಇಲ್ಲೇಂದ್ ಮಾಡತನೆಕೆ, ಒರ್ ಕಳಿಕಾರಂಡನೆಕೆ ನಾನ್ ನಾಡ ತಡೀನ ಶಿಸ್ತ್‌ಲ್ ಅಬ್ಯಾಸ ಮಾಡಿಯಂಡುಂಡ್.

2 ಥೆಸಲೊನೀಕ 3:9

ನಿಂಗಡ ಮೇಲೆ ಬಾರತ್‍ನ ಬೆಪ್ಪಕ್ ನಂಗಕ್ ಅದಿಕಾರ ಉಂಡ್, ಆಚೇಂಗಿ ನಂಗ ಅನ್ನನೆ ಮಾಡಿತ್‌ಲ್ಲೆ. ನಿಂಗಳು ಇನ್ನನೆ ಮಾಡಂಡೂಂದ್, ನಿಂಗಕ್ ಒರ್ ಉದಾರಣೆಯಾಯಿತ್ ಇಪ್ಪಕ್ ನಂಗ ಅನ್ನನೆ ಮಾಡಿಯೆ.

ಯೂದ ಒಳ್‍ದ್‍ನ ಕಾಗದ 1:12

ಈಂಗ ನಿಂಗಡ ಕೂಡೆ ಅಳ್‌ತಂಡ್ ದೇವಡ ಗದ್ದಾಳತ್‍ಲ್ ತಿಂಬಕ ಅದ್ಂಡ ಪವಿತ್ರತ್‍ನ ಅಶುದ್ದ ಮಾಡಿತ್, ಞಾಣ ಇಲ್ಲತ ಕೊರಿ ಕಾಪಂವೊಂಡನೆಕೆ ಅಯಿಂಗಳ ಮಾತ್ರ ನೋಟಿಯೊವ. ಅಯಿಂಗ ನೆಲಕ್ ಮಳೆ ಕೊಡ್‍ಕತ ಬೀಜುವ ಮೋಡತ್‍ರನೆಕೆ ಪಿಂಞ ಫಲ ಕೊಡ್‍ಕತ ದಂಡ್ ಕುರಿ ಚತ್ತಿತ್ ಬೇರೋಡೆ ಒಣಂಗಿ ಪೋನ ಮರತ್‌ರನೆಕೆ ಆಯಿತುಂಡ್.