1 ಕೊರಿಂಥ 6:1 - ಕೊಡವ ಬೈಬಲ್

¹ ನಿಂಗಡಲ್ಲಿ ಒಬ್ಬಂಗ್, ಇಂಞೊಬ್ಬಂಡ ಕೂಡೆ ತಕ್‌ರಾರ್ ಉಂಡೇಂಗಿ, ನಿಂಗಕ್ ತೀರ್ಪ್ ಕ್‍ಟ್ಟ್‌ವಕಾಯಿತ್, ದೇವಡ ಮಕ್ಕಡ ಪಕ್ಕ ಪೋಕತೆ, ದೇವಡ ಮಕ್ಕ ಅಲ್ಲತಯಿಂಗಡ ಪಕ್ಕ ಪೋಪಕ್ ನಿಂಗಕ್ ಎಚ್ಚಕ್ ದೈರ್ಯ?

1 ಕೊರಿಂಥ 6:1 ပူးပေါင်းရင်းမြစ်များ

ಮತ್ತಾಯ 5:45

ಅನ್ನನೆ ಮಾಡ್‍ಚೇಂಗಿ ನಿಂಗ ಪರಲೋಕತ್‍ಲ್ ಉಳ್ಳ ದೇವಡ ಮಕ್ಕಡನೆಕೆ ನಡ್‍ಪಿರ. ಅಂವೊ ನಲ್ಲಯಿಂಗಕು ಕೆಟ್ಟಯಿಂಗಕೂ ಸೂರ್ಯತ್‍ನ ಉದಿಪ್‍ಚಿಟ್ಟಿತ್ ಬೊಳಿನ ಕೊಡ್‍ಪ ಪಿಂಞ ನೀತಿವಂತಯಿಂಗಕು ಅನೀತಿವಂತಯಿಂಗಕು ಮಳೆ ತಪ್ಪ.

ಅಪೊಸ್ತಲ 19:38

ಇನ್ನನೆ ಇಪ್ಪಕ, ದೇಮೇತ್ರಿಯಂಗು ಅಂವೊಂಡ ಪಕ್ಷತ್‍ರ ಪಣಿಕಾರಂಗಕು, ದಾಡ ಮೇಲಾಚೇಗಿಯೂ ವ್ಯವಹಾರ ಇಂಜತೇಂಗಿ, ನ್ಯಾಯಾಸ್ತಾನ ಉಂಡ್, ಅದಿಪತಿಯ ಉಂಡ್; ಅಲ್ಲಿ ಒಬ್ಬಂಡ ಮೇಲೋಬ್ಬನ ಕುತ್ತ ಪರಿಯಡ್.

1 ಕೊರಿಂಥ 1:2

ಕೊರಿಂಥ ಪಟ್ಟಣತ್‍ಲ್ ಉಳ್ಳ ಸಬೇಲ್ ಯೇಸು ಕ್ರಿಸ್ತಂಡ ಕೂಡೆ ಉಳ್ಳ ಐಕ್ಯತ್‍ಲ್ ಮಿಂಞಲೇ ದೇವಡ ಮಕ್ಕಳಾಯಿತ್ ಆನಯಿಂಗಕ್ ಪಿಂಞ ಅಯಿಂಗಕು ನಂಗಕು ಒಡೆಯನಾನ ಯೇಸು ಕ್ರಿಸ್ತಂಡ ಪೆದತ್‍ಲ್, ಎಲ್ಲಾ ಜಾಗತ್‍ಲ್ ಆರಾದನೆ ಮಾಡ್‌ವ ಜನತ್‍ರಕೂಡೆ, ಪವಿತ್ರವಾಯಿತ್ ಇಪ್ಪಕ್ ಕಾಕ್‍ಚಿಟ್ಟ ನಿಂಗಕ್, ಒಳ್‍ದ್‍ವ ಕಾಗದ ಇದ್.

1 ಕೊರಿಂಥ 14:33

ಎನ್ನಂಗ್ ಎಣ್ಣ್‌ಚೇಂಗಿ ನಂಗಡ ದೇವ, ಕಲವಳತ್‍ರ ದೇವ ಅಲ್ಲ ಆಚೇಂಗಿ ಸಮಾದಾನತ್‍ರ ದೇವ. ದೇವಡ ಮಕ್ಕಡ ಸಬೇಲ್ ಎಲ್ಲಾ ಅನ್ನನೆ ಉಂಡ್,

1 ಕೊರಿಂಥ 16:1

ಯೆರೂಸಲೇಮ್‍ಲ್ ಉಳ್ಳ ಯೇಸುನ ನಂಬ್‍ನಯಿಂಗಕ್ ಸಹಾಯ ಮಾಡ್‌ವಕಾಯಿತ್ ಕೂಟಿತ್ ಬೆಪ್ಪ ಪಣತ್‍ರ ವಿಷಯತ್‍ಲ್, ಗಲಾತ್ಯ ನಾಡ್‍ಲ್ ಉಳ್ಳ ಸಬೇಕ್ ನಾನ್ ಆಜ್ಞೆ ಮಾಡ್‍ನನೆಕೆ ನಿಂಗಳು ಮಾಡಿ.

1 ಕೊರಿಂಥ 16:15

ನಾಡ ಅಣ್ಣತಮ್ಮಣಂಗಳೇ, ಸ್ತೆಫನಂಡ ಕುಟುಂಬತ್‍ಲ್ ಉಳ್ಳಯಿಂಗ ಅಖಾಯ ಪ್ರಾಂತ್ಯತ್‍ಲ್ ಆದ್ಯವಾಯಿತ್ ಯೇಸುನ ನಂಬ್‍ನಯಿಂಗಾಂದು, ಪಿಂಞ ದೇವಡ ಮಕ್ಕಕ್ ಸೇವೆ ಮಾಡ್‌ವಕ್ ಅಯಿಂಗೆಲ್ಲಾ ಅಯಿಂಗಳ ಒಪ್ಪ್‌ಚಿಟ್ಟಿತುಂಡ್‍ೕಂದೂ ನಿಂಗಕ್ ಗೊತ್ತುಂಡಲ್ಲ.

1 ಕೊರಿಂಥ 5:12

ಸಬೆರ ಪೊರಮೆ ಉಳ್ಳಯಿಂಗಕ್ ತೀರ್ಪ್ ಕೊಡ್‍ಪಕ್ ನಾಕ್ ಒರ್ ಅದಿಕಾರವು ಇಲ್ಲೆ. ಸಬೇಲ್ ಇಂಜಂಡ್ ಪಾಪ ಮಾಡಿಯಂಡ್ ಉಳ್ಳಯಿಂಗಕ್ ತೀರ್ಪ್ ಕೊಡ್‍ಪದ್ ನಿಂಗಡ ಜವಾಬ್ದಾರಿಯಾಯಿತುಂಡಲ್ಲ. ಪೊರಮೆ ಉಳ್ಳಯಿಂಗಕ್ ದೇವ ತೀರ್ಪ್ ತಪ್ಪ.

1 ಕೊರಿಂಥ 6:5

ನಿಂಗಳ ಞಾಣ ಪಡ್‍ತ್‍ವಕಾಯಿತ್ ನಾನ್ ಇದ್‍ನ ಎಣ್ಣ್‌ವಿ. ಇಂತ ವಿಷಯತ್‍ನ ಸರಿಯಾಯಿತ್ ತೀರ್ಪ್ ಮಾಡ್‌ವಕ್ ನಿಂಗಡ ಸಬೇಲ್ ಒರ್ ಬುದ್ದಿವಂತಂವೊ ಸಹ ಇಲ್ಲೆಯಾ?