1 ಕೊರಿಂಥ 5:9 - ಕೊಡವ ಬೈಬಲ್

⁹ ನಾನ್ ನಿಂಗಕ್ ಒಳ್‍ದ್‍ನ ಕಾಗದತ್‍ಲ್ ವ್ಯಬಿಚಾರ ಮಾಡ್‌ವಯಿಂಗಡ ಕೂಡೆ ಕೂಟ್ ಕೂಡತೀಂದ್ ಒಳ್‍ದಿಯೆ.

1 ಕೊರಿಂಥ 5:9 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 9:6

ಮೂಡಂಗಡ ಬಟ್ಟೆನ ಬುಡಿ, ಅಕ್ಕ ನಿಂಗ ಬದುಕುವಿರ. ಬುದ್ದಿರ ಬಟ್ಟೆಲ್‌ ನಡರಿ.

1 ಕೊರಿಂಥ 5:10

ನಾಡ ಉದ್ದೇಶ ಎಂತ ಎಣ್ಣ್‌ಚೇಂಗಿ, ಈ ಲೋಕತ್‍ಲ್ ಉಳ್ಳ ವ್ಯಬಿಚಾರಿಯಂಗ, ದುಡ್ಡ್‌ರ ಆಸೆ ಉಳ್ಳಯಿಂಗ, ಕಳ್ಳಂಗ, ವಿಗ್ರಹ ಆರಾದನೆ ಮಾಡ್‌ವಯಿಂಗಡ ಕೂಟ್‍ಕ್ ಕೂಡತೀಂದ್ ಒಳ್‍ದಿತ್‌ಲ್ಲೆ. ಅನ್ನನೆ ಆಚೇಂಗಿ, ನಿಂಗ ಈ ಲೋಕತ್‍ನ ಬುಟ್ಟಿತ್ ಪೋಪನೆಕೆ ಆಪಲ್ಲ.

1 ಕೊರಿಂಥ 5:2

ನಿಂಗ ಇದ್‍ನೆಲ್ಲ ಕಂಡಿತ್ ಎನ್ನನೆ ಬಲ್ಯರಿಕೇಲ್ ಕಳಿಪಿರ? ಆಂಡ ಬದ್‍ಲ್ ನಿಂಗ ಈ ವಿಷಯತ್‍ನ ಕ್‍ೕಟಿತ್ ದುಂಬ ಬೇಜಾರ್ ಆಯಿತ್ ಮೊರಟಂಡ್ ಇಕ್ಕಂಡು. ಅಂತ ಮನುಷ್ಯನ ನಿಂಗಡ ಐಕ್ಯತ್ಂಜ ಪೊರಮೆ ಬೆಚ್ಚಿತಿಕ್ಕಂಡು.

1 ಕೊರಿಂಥ 5:7

ಪಳೆಯ ಈಸ್ಟ್‌ರನೆಕೆ ನಿಂಗಡಡೆಲ್ ಉಳ್ಳ ಆ ಮನುಷ್ಯನ ಪೊರಮೆ ತಳ್ಳಿ. ಅಕ್ಕ ನಿಂಗ ಪವಿತ್ರ ಆಪಿರ. ಎನ್ನಂಗೆಣ್ಣ್‌ಚೇಂಗಿ, ನಂಗಡ ಪಸ್ಕ ಕೊರಿಯಾನ ಕ್ರಿಸ್ತ, ನಂಗಕಾಯಿತ್ ಯಾಗವಾಯಿತ್ ಬಲಿ ಆಚಿ.

2 ಕೊರಿಂಥ 6:14

ಕ್ರಿಸ್ತನ ನಂಬತಯಿಂಗಡ ಕೂಟ್‌ಲ್ ಕೂಡಿತ್ ಸಮವಲ್ಲತ ನೊಗತ್‌ನ ಪೊರ್‍ಕತೆ ಇರಿ. ನೀತಿಕು ಅನೀತಿಕು ಎಂತ ಸಂಬಂದ? ಬೊಳಿಕು ಇರ್‌ಟ್‌ಕು ಎಂತ ಸಂಬಂದ?

2 ಕೊರಿಂಥ 6:17

ಆನಗುಂಡ್, ನಿಂಗ ಅಯಿಂಗಡ ಮದ್ಯತ್ಂಜ ಪೊರಟಿತ್, ಅಯಿಂಗಡಿಂಜ ಬೋರೆ ಆಯಿತ್, ಅಶುದ್ದವಾನದ್‍ನ ಮುಟ್ಟತೀಂದ್ ಒಡೆಯ ಎಣ್ಣಿಯಂಡುಂಡ್.

ಎಫೆಸ 5:11

ಫಲ ತಪ್ಪಕ್ ಕಯ್ಯತ ಇರ್‌ಟ್‌ರ ಕ್ರಿಯೇಲ್ ಪಾಲ್‍ದಾರಂಗಳಾಯಿತ್ ಆಕತೆ, ಅದ್‍ನ ಎಲ್ಲಾರ್‌ಕು ಗೊತ್ತಾಪನೆಕೆ ಪೊರಮೆ ಕಾಂಬ್‌ಚಿಡಂಡು.

2 ಥೆಸಲೊನೀಕ 3:14

ಈ ಕಾಗದತ್‍ಲ್ ಉಳ್ಳ ಬೋದನೆಕ್ ಒಬ್ಬ ತಗ್ಗಿತ್ ನಡ್‍ಕತೆ ಪೋನಕ, ಅಂವೊನ ಎಲ್ಲಾಡ ಮಿಂಞ ಕಂಡ್‍ಪುಡ್‌ಚಿತ್, ಅಂವೊನ ದೂರ ಮಾಡಂಡು. ಅಕ್ಕ ಅಂವೊ ಅನ್ನನೆ ಮಾಡ್‌ನಾಂಗ್ ಅಂವೊಂಗ್ ಞಾಣ ಆಪ.

2 ಥೆಸಲೊನೀಕ 3:6

ನಂಗಡ ಅಣ್ಣತಮ್ಮಣಂಗಳೇ, ಸೋಮಾರಿಯಾಯಿತ್ ಬದ್‍ಕಿಯಂಡ್, ನಂಗ ನಿಂಗಕ್ ಎಣ್ಣ್‌ನ ಪದ್ದತಿರ ಪ್ರಕಾರ ನಡ್‌ಂದಂಡಿಲ್ಲತ ಯೇಸುನ ನಂಬ್‍ನಯಿಂಗಳ ದೂರಮಾಡಿತ್ ಬೆಕ್ಕಂಡೂಂದ್ ಒಡೆಯನಾನ ಯೇಸು ಕ್ರಿಸ್ತ ನಂಗಕ್ ತಂದಿತುಳ್ಳ ಅದಿಕಾರತ್‍ಲ್ ನಂಗ ನಿಂಗಕ್ ಆಜ್ಞೆ ಮಾಡ್‌ವ.