1 ಕೊರಿಂಥ 5:6 - ಕೊಡವ ಬೈಬಲ್

⁶ ನಿಂಗ ನಿಂಗಡ ಆತ್ಮೀಯ ವಿಷಯತ್‍ಲ್ ಆಂಗಾರತ್‍ಲ್ ಕಳಿಪದ್ ಸರಿ ಅಲ್ಲ. ಚೆನ್ನ ಈಸ್ಟ್ ಇಟ್ಟಕ ಪೂರ್ತಿ ಮುದ್ದೆ ಬೊಳಿಯುವಾಂದ್ ಎಣ್ಣುವ ತಕ್ಕ್ ನಿಂಗಕ್ ಗೊತ್ತ್‌ಲ್ಲೆಯಾ?

1 ಕೊರಿಂಥ 5:6 ပူးပေါင်းရင်းမြစ်များ

ಮತ್ತಾಯ 13:33

ಯೇಸು ಇಂಞೊರ್ ಕಥೇರ ರೂಪತ್‍ನ ಎಣ್ಣ್‌ಚಿ. ಪರಲೋಕ ರಾಜ್ಯ ಎನ್ನನೆ ಎಣ್ಣ್‌ಚೇಂಗಿ, ಒರ್ ಪೊಣ್ಣಾಳ್, ಮೂಂದ್ ಸೇರ್ ಪೊಡಿಕ್, ಚೆನ್ನ ಈಸ್ಟ್‌ನ ದುಂಬ ಮುದ್ದೆಕ್ ಕಲ್‍ಕ್‍ನನೆಕೆ. ಕಡೇಕ್ ಎಲ್ಲಾ ಮುದ್ದೆಯು ಪುಳಿಯಾಪ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 13:21

ಅದ್ ಎನ್ನನೆ ಎಣ್ಣ್‌ಚೇಂಗಿ ಒರ್ ಪೊಣ್ಣಾಳ್, ಚೆನ್ನ ಈಸ್ಟ್‌ನ ದುಂಬ ಮುದ್ದೆಕ್ ಕಲ್‍ಕ್‍ನನೆಕೆ. ಕಡೇಕ್ ಎಲ್ಲಾ ಮುದ್ದೆಯು ಪುಳಿಯಾಪ.

ರೋಮ್ 6:16

ಚಾವ್‍ಕ್ ಕಾರಣವಾಯಿತುಳ್ಳ ಪಾಪವಾಚೇಂಗಿಯು, ನೀತಿ ಕ್‍ಟ್ಟುವಕ್ ಕಾರಣವಾಯುತುಳ್ಳ ಬಗ್ಗಿತ್ ನಡ್‍ಪದಾಚೇಂಗಿಯು, ಎಂತದ್ಂಗ್ ಅಡಿಯಾಳಾಯಿತ್ ಬಗ್ಗಿತ್ ನಡ್‍ಪಕ್ ನಿಂಗಳ ಒಪ್ಪ್‌ಚಿಡುವಿರೋ, ಅದ್ಂಗೇ ಬಗ್ಗುವ ಅಡಿಯಾಳಾಯಿತಿಪ್ಪಿರಾಂದ್ ಗೊತ್ತ್‌ಲ್ಲೆಯ?

1 ಕೊರಿಂಥ 15:33

ಈ ವಿಷಯತ್‍ಲ್ ಮೋಸ ಪೋಕತಿ, ಬೋಂಡತ ಜನಡ ಕೂಟ್, ನಿಂಗಡ ನಲ್ಲ ಗುಣತ್‍ನ ಪಾಳ್ ಮಾಡಿರ್‌ವ.

1 ಕೊರಿಂಥ 3:21

ಆನಗುಂಡ್ ಒಬ್ಬಂಗಿಂಜ ಇಂಞೊಬ್ಬ ಬಲ್ಯಂವೋಂದ್ ಹೊಗಳುವದ್‍ನ ಬುಡಿ, ಎಲ್ಲಾ ನಿಂಗಡದೇ.

1 ಕೊರಿಂಥ 5:2

ನಿಂಗ ಇದ್‍ನೆಲ್ಲ ಕಂಡಿತ್ ಎನ್ನನೆ ಬಲ್ಯರಿಕೇಲ್ ಕಳಿಪಿರ? ಆಂಡ ಬದ್‍ಲ್ ನಿಂಗ ಈ ವಿಷಯತ್‍ನ ಕ್‍ೕಟಿತ್ ದುಂಬ ಬೇಜಾರ್ ಆಯಿತ್ ಮೊರಟಂಡ್ ಇಕ್ಕಂಡು. ಅಂತ ಮನುಷ್ಯನ ನಿಂಗಡ ಐಕ್ಯತ್ಂಜ ಪೊರಮೆ ಬೆಚ್ಚಿತಿಕ್ಕಂಡು.

ಗಲಾತ್ಯ 5:9

ನಿಂಗಕ್ ಗೊತ್ತುಳ್ಳನೆಕೆ, ಚೆನ್ನ ಈಸ್ಟ್, ಬಾಕಿಯುಳ್ಳ ಎಲ್ಲಾ ಮುದ್ದೆನ ಉಬ್ಬ್‌ಚಿಡುವ.

2 ತಿಮೊಥೆಯ 2:17

ಆ ತರ ತಕ್ಕ್, ವಾಸಿ ಆಕತ ತಡೀಲ್ ಪಬ್ಬ್‌ವ ಗಾಯತ್‍ರನೆಕೆ ಉಂಡ್. ಹುಮೆನಾಯ, ಪಿಲೇತ ಸಹ ಇನ್ನನೆ ತಕ್ಕ್ ಪರಿವಕಿಂಜತ್.

ಯಾಕೋಬ 4:16

ಇಕ್ಕ ನಿಂಗ, ನಿಂಗಳ ದುಂಬ ಹೊಗಳಿಯಂಡುಂಡ್. ಈ ತರ ಹೊಗಳಿಕೆ ಎಲ್ಲಾ ಕೆಟ್ಟದ್.