1 ಕೊರಿಂಥ 5:5 - ಕೊಡವ ಬೈಬಲ್

⁵ ಅನ್ನನೆ ಪಾಪ ಮಾಡ್‍ನ ಮನುಷ್ಯಂಡ ಆತ್ಮ, ಒಡೆಯ ಪುನಃ ಬಪ್ಪ ದಿವಸತ್‍ಲ್ ಬಚಾವ್ ಆಪಕಾಯಿತ್, ಅಂವೊಂಡ ತಡಿ ಇಕ್ಕ ಪಾಳಾಪನೆಕೆ, ಅಂವೊನ ಸೈತಾನಂಗ್ ಒಪ್ಪ್‌ಚಿಡಂಡು.

1 ಕೊರಿಂಥ 5:5 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 23:14

ಕೋಲ್‌ಲ್‌ ಪೊಯ್ಯಿ, ಅಂವೊಂಡ ಜೀವತ್‌ನ ಪಾತಾಳತ್‌ಂಜ ಕಾಪಾಡುವಿಯ.

ಮತ್ತಾಯ 4:10

ಅದ್ಂಗ್ ಯೇಸು: ನಾಡ ಬಯ್ಯಕ್ ಪೋ ಸೈತಾನೇ, ನೀಡ ಒಡೆಯನಾನ ದೇವನ ಮಾತ್ರ ಸೇವೆ ಮಾಡಿತ್, ಅಂವೊ ಒಬ್ಬಂಗೇ ಆರಾದನೆ ಮಾಡಂಡೂಂದ್ ದೇವಡ ವಾಕ್ಯತ್‍ಲ್ ಒಳ್‍ದಿತುಂಡ್‍ೕಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 22:31

ಪಿಂಞ ಅಂವೊ ಸೀಮೋನನ ನೋಟಿತ್: ಸೀಮೋನನೇ, ಒರು ಬೂಮಿಕಾರ, ಗೋದಿನ ತವುಡ್ಂಜ ಬೋರೆ ಮಾಡ್‌ವನೆಕೆ ನಿಂಗಳ ಪರೀಕ್ಷೆ ಮಾಡ್‌ವಕ್ ಸೈತಾನ ಅನುಮತಿ ಕ್‍ೕಟಿಯತ್.

ಅಪೊಸ್ತಲ 26:18

ಅಯಿಂಗ ನಾಡ ಮೇಲೆ ಇಡ್‌ವ ನಂಬಿಕೇರಗುಂಡ್, ಅಯಿಂಗಡ ಪಾಪಕ್ ಮನ್ನಿಪ್ಪ್ ಕ್‍ಟ್ಟಿತ್, ಅಂವೊಂಗಾಯಿತ್ ಬೋರೆ ಮಾಡಿತ್ ಪವಿತ್ರ ಮಾಡ್‍ನ ಜನಕ್ ಕ್‍ಟ್ಟುವ ಬಾದ್ಯತೆನ ಪಡೆಯುವನೆಕೆ, ಅಯಿಂಗ ಇರ್‍ಟಿಂಜ ಬೊಳಿಕು, ಸೈತಾನಂಡ ಅದಿಕಾರತ್ಂಜ ದೇವಡ ಕಡೇಕು ತಿರಿತ್ ಅಯಿಂಗಡ ಕಣ್ಣ್ ತೊರಕಂಡೂಂದ್ ನಿನ್ನ ನಾನ್ ಅಯಿಂಗಡ ಪಕ್ಕ ಅಯಿಪೀಂದ್ ಎಣ್ಣ್‌ಚಿ.

1 ಕೊರಿಂಥ 1:8

ನಂಗಡ ಒಡೆಯನಾನ ಯೇಸು ಕ್ರಿಸ್ತಂಡ ದಿವಸತ್‍ಲ್ ನಿಂಗ ಒರ್ ತಪ್ಪು ಇಲ್ಲತಯಿಂಗಳಾಯಿತ್ ನಿಪ್ಪಕ್ ಕಡೇಕತ್ತನೆ ಅಂವೊ ನಿಂಗಳ ಸ್ತಿರಪಡ್‍ತ್‌ವ.

1 ಕೊರಿಂಥ 11:32

ಆಚೇಂಗಿಯು, ಒಡೆಯ ನಂಗಳ ನ್ಯಾಯತೀರ್ಪ್ ಮಾಡಿತ್ ಶಿಕ್ಷನೆ ತಪ್ಪಗುಂಡ್, ಈ ಲೋಕತ್‍ರ ಕೂಡೆ ನಂಗಳ ಅಂವೊ ಕಂಡನೆ ಮಾಡುಲೆ.

1 ಕೊರಿಂಥ 5:13

ಆನಗುಂಡ್ ಕೆಟ್ಟ ಜನಳ ನಿಂಗಡಯಿಂಜ ಪೊರಮೆ ಇಡಿ.

2 ಕೊರಿಂಥ 10:6

ನಿಂಗ ಪೂರ್ತಿಯಾಯಿತ್ ತಗ್ಗಿತ್ ನಡ್‍ಪದ್ ನೆರವೇರುವಕ, ತಗ್ಗಿತ್ ನಡ್‍ಕತೆ ಇಪ್ಪಾಂಗ್ ತಕ್ಕಂತ ನೀತಿರ ಶಿಕ್ಷೆ ತಪ್ಪಕ್ ತಯಾರಾಯಿತ್ ಉಂಡ್.

2 ಕೊರಿಂಥ 12:7

ನಾಕ್ ಕ್‍ಟ್ಟ್‌ನ ಅನೇಕ ಪ್ರಕಟನೆರಗುಂಡ್, ನಾನ್ ನನ್ನ ಬಲ್ಯಂವೋಂದ್ ಗೇನಮಾಡತನೆಕೆ, ನಾಡ ತಡೀಲ್ ಒರ್ ಮುಳ್ಳ್‌ನ ಕೊಡ್‌ತಿತುಂಡ್; ನಾನ್ ನನ್ನ ಬಲ್ಯಂವೋಂದ್ ಗೇನಮಾಡತನೆಕೆ, ಅದ್ ನಾಕ್ ಹಿಂಸೆ ತಪ್ಪ ಸೈತಾನಂಡ ದೂತನಾಯಿತುಂಡ್.

2 ಕೊರಿಂಥ 13:10

ಆನಗುಂಡ್ ನಿಂಗಡ ಕೂಡೆ ಇಲ್ಲತಿಪ್ಪಕಲೇ ಇದ್‍ನೆಲ್ಲಾ ಒಳ್‍ದಿಯೆ; ನಿಂಗಳ ಪೊಳಿಪಕಾಯಿತ್ ಅಲ್ಲ, ಕೆ‍ಟ್ಟ್‌ವಕಾಯಿತೇ ಒಡೆಯ ನಾಕ್ ತಂದಿತುಳ್ಳ ಅದಿಕಾರತ್‍ರನೆಕೆ, ನಾನ್ ನಿಂಗಡ ಪಕ್ಕ ಬಪ್ಪಕ, ಕಠಿಣವಾಯಿತ್ ಇಪ್ಪದ್ ಬೋಂಡಾಂದ್ ಕುಶಿ ಪಡುವಿ.

ಫಿಲಿಪ್ಪಿ 1:6

ದೇವ ನಿಂಗಡಲ್ಲಿ ಸುರು ಮಾಡ್‍ನ ನಲ್ಲ ಕೆಲಸತ್‍ನ ಪೂರ್ತಿ ಮಾಡ್‌ವಕಾಯಿತ್, ಕ್ರಿಸ್ತ ಯೇಸು ಪುನಃ ಈ ಬೂಮಿಕ್ ಬಪ್ಪಕತ್ತನೆ ಮಾಡಿಯಂಡಿಪ್ಪಾಂದ್ ನಾಕ್ ನಂಬಿಕೆ ಉಂಡ್.

1 ತಿಮೊಥೆಯ 1:20

ಹುಮೆನಾಯ ಪಿಂಞ ಅಲೆಕ್ಸಾಂದ್ರ ಅನ್ನನೆ ಉಳ್ಳಯಿಂಗಳೇ. ಅಯಿಂಗ ದೇವ ದೂಷಣೆ ಮಾಡತೆ ಇರಂಡೂಂದ್ ಅಯಿಂಗಕ್ ಶಿಕ್ಷೆ ಕ್‍ಟ್ಟ್‌ವಕಾಯಿತ್ ನಾನ್ ಅಯಿಂಗಳ ಸೈತಾನಂಗ್ ಒಪ್ಪ್‌ಚಿಟ್ಟಿಯೆ.

2 ತಿಮೊಥೆಯ 1:18

ಯೇಸು ಕ್ರಿಸ್ತ ಪುನಃ ಬಪ್ಪ ದಿವಸತ್‍ಲ್, ಅಂವೊಂಡ ಮೇಲೆ ದೇವಡ ವಿಶೇಷ ಕರುಣೆ ಇರಡ್! ಅಂವೊ, ಎಫೆಸತ್‍ಲ್ ನಾಕ್ ಎಚ್ಚಕೋ ಸಹಾಯ ಮಾಡಿತುಂಡ್‍ೕಂದ್ ನೀಕ್ ಚಾಯಿತೆ ಗೊತ್ತುಂಡ್.

2 ಪೇತ್ರ 3:12

ಅನ್ನನೆ ನಿಂಗ ಬದ್‍ಕಿಯಂಡ್, ಅಂವೊಂಗಾಯಿತ್ ಎಲ್ಲಾನ ಮಾಡಿಯಂಡ್ ಪಾರಕಾತಂಡ್ ಇರಿ. ಅಕ್ಕ, ದೇವಡ ದಿವಸ ಬೆರಿಯ ಬಂದ್‍ರ್‍ವ; ಆ ದಿವಸತ್‍ಲ್ ಬಾನ ತಿತ್ತ್‌ಲ್ ಬೆಂಜಿತ್ ಪೋಪ ಅದ್ಂಡ ಉರಿಲ್ ಪಂಚಬೂತಂಗ ಎಲ್ಲಾ ಉರುಗಿ ಪೋಪ.

1 ಯೋಹಾನ 5:16

ಮರಣತ್‌ರ ಬಟ್ಟೇಲ್ ಕಾಕಿಯಂಡ್ ಪೋಕತ ಪಾಪ ಮಾಡಿಯಂಡುಳ್ಳ ತಾಂಡ ಅಣ್ಣತಮ್ಮಣನ ನಿಂಗ ಕಂಡತೇಂಗಿ, ನಿಂಗ ಅಂವೊಂಗ್ ಜೀವ ತಪ್ಪ ದೇವಡ ಪಕ್ಕ ಅಂವೊಂಗಾಯಿತ್ ಬೋಡಂಡು. ಇದ್ ದಾರ್‌ಕ್ ಎಣ್ಣ್‌ಚೇಂಗಿ, ಮರಣತ್‌ರ ಬಟ್ಟೇಲ್ ಕಾಕಿಯಂಡ್ ಪೋಕತ ಪಾಪ ಮಾಡಿಯಂಡುಳ್ಳ ಅಣ್ಣತಮ್ಮಣನಂಗಕ್. ಆಚೇಂಗಿ ಚಾವ್‍ಕ್ ಕಾರಣವಾನ ಪಾಪವು ಉಂಡ್, ಅದ್ಂಗಾಯಿತ್ ನಿಂಗ ದೇವಡ ಪಕ್ಕ ಪ್ರಾರ್ತಥನೆ ಮಾಡಂಡೂಂದ್ ನಾನ್ ಎಣ್ಣುಲೆ.