1 ಕೊರಿಂಥ 5:11 - ಕೊಡವ ಬೈಬಲ್

¹¹ ನಾನ್ ನಿಂಗಕ್ ಎಂತ ಒಳ್‍ದಿಯೆ ಎಣ್ಣ್‌ಚೇಂಗಿ, ಯೇಸು ಕ್ರಿಸ್ತನ ನಂಬ್‍ವಂವೋಂದ್ ಎಣ್ಣಿಯಂಡ್, ಆಚೇಂಗಿ ವ್ಯಬಿಚಾರ ಮಾಡಿಯಂಡ್, ದುಡ್ಡ್‌ರ ಮೇಲೆ ಅತಿ ಆಸೆ ಬೆಚ್ಚಂಡ್, ವಿಗ್ರಹ ಆರಾದನೆ ಮಾಡಿಯಂಡ್, ಬಜ್ಜಂಡ್, ಕುಡ್‌ಚಂಡ್, ಜನಳ ವಂಚನೆ ಮಾಡಿಯಂಡ್ ಉಳ್ಳಯಿಂಗಡ ಕೂಡೆ ಕೂಟ್ ಕೂಡತೀಂದ್ ಎಣ್ಣಿಯೆ. ಅಂತ ಜನಡ ಕೂಡೆ ಉಂಬಕ್ ಸಹ ಅಳ್‌ಕತಿ.

1 ಕೊರಿಂಥ 5:11 ပူးပေါင်းရင်းမြစ်များ

ಮತ್ತಾಯ 18:17

ಅಯಿಂಗಕ್ ಸಹ ಅಂವೊ ಒತ್ತತೆ ಪೋನಕ, ಅಂವೊಂಡ ವಿಷಯತ್‍ನ ಸಬೇಕ್ ಎಣ್ಣ್. ಆ ಸಬೇಕ್ ಒತ್ತತೆ ಪೋನಕ, ಅಂವೊನ ದೇವನ ನಂಬತಂವೊಂಡನೆಕೆ ಕಾಂಗಂಡು, ಅಥವ ಒರ್ ಪಾಪಿರನೆಕೆ ನೋಟಂಡು.

ಮತ್ತಾಯ 23:25

ಕಪಟಿಯಾನ ನ್ಯಾಯಪ್ರಮಾಣತ್‍ರ ಉಪಾದ್ಯಂಗಳೇ, ಫರಿಸಾಯಂಗಳೇ ನಿಂಗಕ್ ಅಯ್ಯೋ! ನಿಂಗ ಉಂಬ ಪಾತ್ರತ್‍ನ ಪಿಂಞ ಕಪ್ಪ್‌ನ ಪೊರಮೆ ಚಾಯಿತೆ ಶುದ್ದವಾಯಿತ್ ಕತ್ತ್‌ವಿರ ಆಚೇಂಗಿ ಒಳ್‍ಲ್ ಬರಿ ಅತಿ ಆಸೆ ಪಿಂಞ ಒಟ್ಟೆಕಿಚ್ಚ್ ಮಾತ್ರ ದುಂಬಿತುಂಡ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 18:11

ಫರಿಸಾಯ ಎದ್ದಿತ್: ದೇವ! ನಾನ್ ದುರಾಸೆ ಉಳ್ಳಂವೊನೆಕೆ, ಮೋಸ ಮಾಡ್‌ವಂವೊನೆಕೆ ಪಿಂಞ ವ್ಯಬಿಚಾರ ಮಾಡ್‌ವಂವೊನೆಕೆ ಇಲ್ಲತಗುಂಡ್ ನಾನ್ ನೀಕ್ ವಂದನೆ ಎಣ್ಣ್‌ವಿ. ಅದಲ್ಲತೆ ಅಲ್ಲಿ ನಿಂದಿತುಳ್ಳ ಕಂದಾಯ ಎಡ್‌ಪಂವೊನೆಕೆ ನಾನ್ ಇಲ್ಲತಗುಂಡ್ ನೀಕ್ ವಂದನೆ ಮಾಡ್‌ವಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 21:34

ನಿಂಗಡ ವಿಷಯತ್‍ಲ್ ಎಚ್ಚರತ್‍ಲ್ ಇರಿ. ನಿಂಗಡ ಸಮಯತ್‍ನೆಲ್ಲ ತಿಂಬಕಾಯಿತ್ ಕುಡಿಪಕಾಯಿತ್ ಪಿಂಞ ಬದ್‍ಕ್‍ರ ವಿಷಯಕಾಯಿತ್ ವ್ಯಸನ ಪಟ್ಟಂಡ್ ಇರತಿ. ಅನ್ನನೆ ಮಾಡಿಯಂಡಿಂಜತೇಂಗಿ, ನಿಂಗ ಗೇನ ಮಾಡತ ಸಮಯತ್‍ಲ್ ಆ ದಿವಸ ಬಂದಿತ್ ನಿಂಗಳ ಪುಡ್‌ಚಿರ್‍ವ.

ಅಪೊಸ್ತಲ 1:15

ಇನ್ನನೆ ಇಪ್ಪಕ, ಒರು ದಿವಸ, ಅಲ್ಲಿ ಕೂಡಿ ಬಂದಿತ್ಂಜ ನೂಯಿಟ ಇರ್‌ವದ್ ಶಿಷ್ಯಂಗಡ ಮದ್ಯತ್ ಪೇತ್ರ ಎದ್ದ್ ನಿಪ್ಪಂಜಿ, ತಕ್ಕ್ ಪರಿಯುವಕ್ ಸುರು ಮಾಡ್‍ಚಿ.

ಅಪೊಸ್ತಲ 9:17

ಅಕ್ಕ ಅನನೀಯ ಪೊರಟಿತ್ ಸೌಲ ಇಂಜ ಮನೆರ ಒಳ್‍ಕ್ ಪೋಯಿತ್ ಅಂವೊಂಡ ಮೇಲೆ ಕೈಯಿನ ಬೆಚ್ಚಿತ್: ತಮ್ಮಣಾನ ಸೌಲನೇ, ನೀನ್ ಬಂದ ಬಟ್ಟೇಲ್, ನೀಕ್ ಕಾಂಬ್‍ಚಿಟ್ಟಂಡ ಒಡೆಯನಾನ ಯೇಸುವೇ, ನೀನ್ ಕಣ್ಣ್ ಕಾಂಬನೆಕೆ ಪಿಂಞ ನೀನ್ ಪವಿತ್ರಾತ್ಮತ್‍ಲ್ ದುಂಬ್‍ವನೆಕೆ ನನ್ನ ಅಯಿಚಿತ್‍ೕಂದ್ ಎಣ್ಣ್‌ಚಿ.

ರೋಮ್ 13:13

ಕೂಟ್‌ಕಳಿ, ಕುಡಿಪದ್, ಲೈಂಗಿಕ ಪಾಪ, ಕಾಮಾಬಿಲಾಷೆ, ತರ್ಕ, ಒಟ್ಟೆಕಿಚ್ಚ್ ಉಳ್ಳಯಿಂಗಳಾಯಿತ್ ನಡ್‍ಕತೆ, ಪೋಲ್‍ಲ್ ನಡ್‍ಪಯಿಂಗಡನೆಕೆ ಸರಿಯಾಯಿತ್ ನಡ್‌ಕಂಡು.

ರೋಮ್ 16:17

ಅದಲ್ಲತೆ, ನಾಡ ಅಣ್ಣತಮ್ಮಣಂಗಳೇ, ನಿಂಗ ಪಡಿಚಿತುಳ್ಳ ಬೋದನೆಕ್ ವಿರೋದವಾಯಿತ್ ವಿಂಗಡ ಮಾಡ್‌ವಯಿಂಗಡ ಕೂಡೆಯು ಪಿಂಞ ಬೊಳ್‍ತ್‍ವಕ್ ತಡೆ ಮಾಡ್‌ವಯಿಂಗಡ ಕೂಡೆಯು ಎಚ್ಚರತ್‍ಲ್ ಇರೀಂದ್ ನಿಂಗಳ ಬೋಡುವಿ. ಅಯಿಂಗಳ ದೂರ ಮಾಡಂಡೂಂದ್ ನಿಂಗಳ ಬೋಡುವಿ.

1 ಕೊರಿಂಥ 10:14

ಆನಗುಂಡ್ ನಾಡ ಪ್ರೀತಿರ ಜನಳೇ, ವಿಗ್ರಹ ಆರಾದನೆ ಮಾಡ್‌ವದ್‍ನ ಬುಟ್ಟಿತ್ ಓಡಂಡು.

1 ಕೊರಿಂಥ 11:21

ಎನ್ನಂಗೆಣ್ಣ್‌ಚೇಂಗಿ, ನಿಂಗ ಉಂಬಕಾಪಕ, ನಿಂಗ ದಾರ್‌ಕು ಪಾರಕಾಕತೆ, ಅಯಿಂಗಯಿಂಗ ಅಯಿಂಗಯಿಂಗಡ ಆಹಾರತ್‍ನ ಉಂಬಿರ; ಒಬ್ಬಂಗ್ ಕೆಲ ಪಯಿಚಂಡಿಪ್ಪಕ, ಇಂಞೊಬ್ಬ ಕಳ್ಳ್ ಕುಡಿಚಿತಿಪ್ಪ.

1 ಕೊರಿಂಥ 5:13

ಆನಗುಂಡ್ ಕೆಟ್ಟ ಜನಳ ನಿಂಗಡಯಿಂಜ ಪೊರಮೆ ಇಡಿ.

1 ಕೊರಿಂಥ 6:10

ಕಳ್ಳಂಗ, ಅತಿ ಆಸೆ ಉಳ್ಳಯಿಂಗ, ಕುಡ್‍ಕಂಗ, ತಪ್ಪಿಲ್ಲತದ್‍ನ ತಪ್ಪ್‍ೕಂದ್ ಎಣ್ಣ್‌ವಯಿಂಗ, ಲೂಟಿಕಾರಂಗ, ಈಂಗ ದಾರೂ ದೇವಡ ರಾಜ್ಯಕ್ ಬಾದ್ಯತೆ ಉಳ್ಳಯಿಂಗಳಾಯಿತ್ ಇಪ್ಪುಲೆ.

1 ಕೊರಿಂಥ 6:6

ಅದ್ಂಡ ಬದ್‍ಲ್ ಯೇಸುನ ನಂಬ್‍ನ ಒರ್ ಅಣ್ಣತಮ್ಮಣನ ಇಂಞೊರ್ ಯೇಸುನ ನಂಬ್‍ನ ಅಣ್ಣತಮ್ಮಣಂಗಕ್ ವಿರೋದವಾಯಿತ್ ದೇವಡ ಮಕ್ಕಳಾಯಿತ್ ಇಲ್ಲತಯಿಂಗಡ ಮಿಂಞತ್‍ ಜಗಳ ಮಾಡ್‍ವಿರಲ್ಲ.

1 ಕೊರಿಂಥ 6:9

ಅನೀತಿ ಮಾಡ್‌ವಯಿಂಗ ದೇವಡ ರಾಜ್ಯಕ್ ಬಾದ್ಯತೆ ಉಳ್ಳಯಿಂಗಳಾಯಿತ್ ಇಪ್ಪುಲೇಂದ್ ನಿಂಗಕ್ ಗೊತ್ತ್‌ಲ್ಲೆಯಾ? ನಿಂಗ ಮೋಸ ಪೋಕತಿ; ಕಳ್ಳ ಸಂಬಂದ ಉಳ್ಳಯಿಂಗ, ವಿಗ್ರಹ ಆರಾದನೆ ಮಾಡ್‌ವಯಿಂಗ, ವ್ಯಬಿಚಾರ ಮಾಡ್‌ವಯಿಂಗ, ವ್ಯಬಿಚಾರ ಮಾಡ್‌ವ ಆಣಾಳ್‌ಂಗ, ಆಣ್-ಆಣ್, ಪೊಣ್ಣಾಳ್-ಪೊಣ್ಣಾಳ್ ವ್ಯಬಿಚಾರ ಮಾಡ್‌ವಯಿಂಗ,

1 ಕೊರಿಂಥ 7:12

ಮಂಗಲ ಆನ ಪಿಂಞ ಕ್ರಿಸ್ತಂಗಳಾನ ಜನಕ್, ಒಡೆಯಂಡದ್ ಅಲ್ಲ, ನಾಡ ಅಬಿಪ್ರಾಯ ಎಂತ ಎಣ್ಣ್‌ಚೇಂಗಿ: ಕ್ರಿಸ್ತಂಗ್ ಕೂಡ್‍ನ ಒಬ್ಬಂಡ ಪೊಣ್ಣ್, ಕ್ರಿಸ್ತನ ನಂಬತ ಪೊಣ್ಣಾಳಾಯಿತ್ಂಜತೇಂಗಿಯು, ಅವ ಅಂವೊಂಡ ಕೂಡೆ ಬದ್‌ಕ್‌ವೀಂದ್ ಒತ್ತಂಡಕ ಅವಳ ಅಂವೊ ಬುಡ್‌ವಕ್ಕಾಗ.

1 ಕೊರಿಂಥ 7:15

ಆಚೇಂಗಿ, ಕ್ರಿಸ್ತನ ನಂಬತ ಪೊಣ್ಣ್ ಅಥವ ವಡಿಯ, ಕ್ರಿಸ್ತನ ನಂಬ್‍ನ ವಡಿಯನ ಅಥವ ಪೊಣ್ಣ್‌ನ ಬುಟ್ಟಿತ್ ಪೋಂಡೂಂದ್ ತೀರ್ಮಾನ ಮಾಡ್‍ಚೇಂಗಿ, ಅಯಿಂಗ ಅನ್ನನೆ ಮಾಡಡ್. ಅನ್ನನೆ ಅಯಿಂಗ ಮಾಡ್‌ವಕ, ಕ್ರಿಸ್ತನ ನಂಬ್‍ನಯಿಂಗ ಅಯಿಂಗಳ ಪೋಪಕ್ಕಾಗಾಂದ್ ಒತ್ತಾಯ ಮಾಡಂಡ. ದೇವ ನಂಗಳ ಸಮಾದಾನತ್‍ಲ್ ಜೀವನ ಮಾಡ್‌ವಕೇ ಕಾಕಿತುಂಡ್.

1 ಕೊರಿಂಥ 8:11

ಬಲಹೀನವಾನ ನಿಂಗಡ ಅಣ್ಣತಮ್ಮಣಂಗ ನಿಂಗಡ ಅರಿವ್‍ಯಿಂಜ ಪಾಳಾಯಿತ್ ಪೋಪ. ಅಂವೊಂಗಾಯಿತ್ ಸಹ ಕ್ರಿಸ್ತ ಚತ್ತತಲ್ಲಾ?

ಗಲಾತ್ಯ 2:12

ಎನ್ನನೆ ಎಣ್ಣ್‌ಚೇಂಗಿ, ಯಾಕೋಬಂಡಿಂಜ ಚೆನ್ನ ಜನ ಬಪ್ಪಕ್ ಮಿಂಞ ಅಂವೊ, ಯೆಹೂದ್ಯ ಅಲ್ಲತಯಿಂಗಡ ಕೂಡೆ ಉಂಬಕಿಂಜತ್; ಅಯಿಂಗ ಬಂದ ಪಿಂಞ, ಸುನ್ನತಿ ಬೋಂಡೂಂದ್ ಎಣ್ಣ್‌ವಯಿಂಗಡ ತಕ್ಕ್‌ಕ್ ಬೊತ್ತಿತ್ ಯೆಹೂದ್ಯ ಅಲ್ಲತಯಿಂಗಳ ಬುಟ್ಟಿತ್ ಬೋರೆಯಾಯಿತ್ ನಿಂದತ್.

ಎಫೆಸ 5:18

ನಿಂಗಳ ಪಾಳ್ ಮಾಡ್‌ವ ಕಳ್ಳ್‌ನ ಕುಡಿಚಿತ್ ಕುಡ್‍ಕಂಗಳಾಯಿತ್ ಇರತಿ. ಅದ್ಂಡ ಬದ್‍ಲ್ ಪವಿತ್ರಾತ್ಮತ್‍ಲ್ ದುಂಬಿತ್,

ಎಫೆಸ 5:5

ವ್ಯಬಿಚಾರ ಮಾಡ್‌ವಯಿಂಗ, ಅಶುದ್ದ ಕಾರ್ಯ ಮಾಡ್‌ವಯಿಂಗ, ಅತಿ ಆಸೆಯಾನ ವಿಗ್ರಹ ಆರಾದನೆ ಮಾಡ್‌ವಯಿಂಗಳಾನ ಈಂಗ ದಾರ್‌ಕು ದೇವಡ ರಾಜ್ಯವಾಯಿತುಳ್ಳ ಕ್ರಿಸ್ತಂಡ ರಾಜ್ಯತ್‍ಲ್ ಬಾದ್ಯತೆ ಇಲ್ಲೇಂದ್ ನಿಂಗಕ್ ಗೊತ್ತುಂಡಲ್ಲ?

ಕೊಲೊಸ್ಸೆ 3:5

ಆನಗುಂಡ್, ಲೈಂಗಿಕ ಪಾಪ, ಪವಿತ್ರಯಿಲ್ಲತ ವಿಷಯ, ಇಚ್ಛೆ, ಕೆಟ್ಟ ಆಸೆ, ದುಷ್ಟತನ, ಅತಿ ಆಸೆಯಾಯಿತುಳ್ಳ ವಿಗ್ರಹ ಆರಾದನೆ, ಈ ಲೋಕತ್‍ರ ಗುಣವಾಯಿತುಳ್ಳ ಇದೆಲ್ಲಾ ನಿಂಗಡಿಂಜ ಪಾಳ್ ಆಪನೆಕೆ ಬುಡ್‍ವಿರ.

2 ಥೆಸಲೊನೀಕ 3:14

ಈ ಕಾಗದತ್‍ಲ್ ಉಳ್ಳ ಬೋದನೆಕ್ ಒಬ್ಬ ತಗ್ಗಿತ್ ನಡ್‍ಕತೆ ಪೋನಕ, ಅಂವೊನ ಎಲ್ಲಾಡ ಮಿಂಞ ಕಂಡ್‍ಪುಡ್‌ಚಿತ್, ಅಂವೊನ ದೂರ ಮಾಡಂಡು. ಅಕ್ಕ ಅಂವೊ ಅನ್ನನೆ ಮಾಡ್‌ನಾಂಗ್ ಅಂವೊಂಗ್ ಞಾಣ ಆಪ.

2 ಥೆಸಲೊನೀಕ 3:6

ನಂಗಡ ಅಣ್ಣತಮ್ಮಣಂಗಳೇ, ಸೋಮಾರಿಯಾಯಿತ್ ಬದ್‍ಕಿಯಂಡ್, ನಂಗ ನಿಂಗಕ್ ಎಣ್ಣ್‌ನ ಪದ್ದತಿರ ಪ್ರಕಾರ ನಡ್‌ಂದಂಡಿಲ್ಲತ ಯೇಸುನ ನಂಬ್‍ನಯಿಂಗಳ ದೂರಮಾಡಿತ್ ಬೆಕ್ಕಂಡೂಂದ್ ಒಡೆಯನಾನ ಯೇಸು ಕ್ರಿಸ್ತ ನಂಗಕ್ ತಂದಿತುಳ್ಳ ಅದಿಕಾರತ್‍ಲ್ ನಂಗ ನಿಂಗಕ್ ಆಜ್ಞೆ ಮಾಡ್‌ವ.

1 ತಿಮೊಥೆಯ 3:3

ಅಂವೊ ಕುಡ್‌ಕನಾಯಿತ್, ಹಿಂಸೆ ಮಾಡ್‌ವಂವೊನಾಯಿತ್, ಜಗಳ ಮಾಡ್‌ವಂವೊನಾಯಿತ್, ದುಡ್ಡ್‌ರ ಮೇಲೆ ಆಸೆ ಉಳ್ಳಂವೊನಾಯಿತ್ ಇಪ್ಪಕ್ಕಾಗ. ಅಂವೊ ಶಾಂತ ಗುಣ ಉಳ್ಳಂವೊನಾಯಿತ್ ಇರಂಡು.

1 ತಿಮೊಥೆಯ 6:5

ಅಯಿಂಗಡ ಮನಸ್ಸ್ ಪಾಳಾಯಿತ್, ಎಕ್ಕಾಲು ಜಗಳ ಮಾಡ್‌ವ. ಅಯಿಂಗಡ ಹೃದಯತ್ಂಜ ಸತ್ಯತ್‍ನ ಎಡ್‍ತ್‍ರ್‌ತ್. ಅಯಿಂಗ ದುಡ್ಡ್ ಮಾಡ್‌ವಕಾಯಿತ್ ಅಯಿಂಗಳ, ದೇವಡ ಬಕ್ತಂಗಳಾಯಿತ್ ಕಾಂಬ್‍ಚಿಡ್‍ವ.

2 ಯೋಹಾನ 1:10

ಈ ಉಪದೇಶಕ್ ಒತ್ತತೆ ನಿಂಗಡ ಪಕ್ಕ ದಾರಾಚೇಂಗಿ ಬಂದಕ, ಅಯಿಂಗಳ ನಿಂಗಡ ಮನೆರ ಒಳ್‍ಕ್ ಕೂಟ್‌ವಕ್ಕಾಗ; ಅಯಿಂಗಳ ಸತ್ಕಾರ ಸಹ ಮಾಡ್‌ವಕ್ಕಾಗ.

ಪ್ರಕಟನೆ 2:14

ಆಚೇಂಗಿಯು, ನೀಡ ಮೇಲೆ ಚೆನ್ನ ವಿಷಯತ್ ನಾಕ್ ಕುತ್ತ ಪರಿಯುವನೆಕೆ ಉಂಡ್; ಇಸ್ರಾಯೇಲ್ ಜನ ವಿಗ್ರಹಕ್ ಅರ್ಪಿಚಿಟ್ಟದ್‍ನ ತಿಂಬಕು, ವ್ಯಬಿಚಾರ ಮಾಡ್‌ವಕು ಕಾರಣವಾಯಿತ್ಂಜ ಬಾಲಾಕ ಎಣ್ಣುವ ರಾಜಂಗ್ ವಂಚನೆರ ಬೋದನೆ ಮಾಡ್‍ನ ಪ್ರವಾದಿಯಾನ ಬಿಳಾಮ ಎಣ್ಣ್‌ವಂವೊಂಡ ಬೋದನೆರ ಪ್ರಕಾರ ನಡ್‍ಪಯಿಂಗಳು ನೀಡ ಕೂಡೆ ಉಂಡ್.

ಪ್ರಕಟನೆ 2:20

ಆಚೇಂಗಿಯು, ನೀಡ ಮೇಲೆ ಚೆನ್ನ ವಿಷಯತ್ ನಾಕ್ ಕುತ್ತ ಪರಿಯುವನೆಕೆ ಉಂಡ್; ಅದ್ ಎಂತ ಎಣ್ಣ್‌ಚೇಂಗಿ, ಯೆಜೆಬೇಲಾಂದ್ ಎಣ್ಣುವ ಒರ್ ಪೊಣ್ಣಾಳ್, ನಾನೇ ಪ್ರವಾದೀಂದ್ ಎಣ್ಣಿಯಂಡ್, ನಾಡ ಸೇವಕಂಗ ವ್ಯಬಿಚಾರ ಪಾಪ ಮಾಡ್‌ವಕು, ವಿಗ್ರಹಕ್ ಅರ್ಪಿಚಿಟ್ಟದ್‍ನ ತಿಂಬಕು ಬೋದನೆ ಮಾಡಿತ್, ಅಯಿಂಗಳ ವಂಚನೆ ಮಾಡ್‌ವಕ್ ನೀನ್ ಜಾಗ ಕೊಡ್‍ತಂಡುಂಡ್.

ಪ್ರಕಟನೆ 21:8

ಆಚೇಂಗಿ, ಬೊತ್ತಿಯಂಡುಳ್ಳಯಿಂಗಳು, ನಂಬಿಕೆ ಇಲ್ಲತಯಿಂಗಳು, ಅಶುದ್ದವಾಯಿತುಳ್ಳಯಿಂಗಳು, ಕೊಲೆ ಮಾಡ್‌ವಯಿಂಗಳು, ವ್ಯಬಿಚಾರ ಮಾಡ್‌ವಯಿಂಗಳು, ಮಾಟಮಂತ್ರ ಮಾಡ್‌ವಯಿಂಗಳು, ವಿಗ್ರಹ ಆರಾದನೆ ಮಾಡ್‌ವಯಿಂಗಳು, ಪೊಟ್ಟ್ ಪರಿಯುವ ಎಲ್ಲಾರು ದಂಡನೆ ಚಾವಾಯಿತುಳ್ಳ ಗಂಧಕತ್‍ಲ್ ತಿತ್ತ್ ಕತ್ತಿಯಂಡಿಪ್ಪ ಕಡಲ್‍ಲ್ ಪಾಲ್‍ದಾರಂಗಳಾಪಾಂದ್ ಎಣ್ಣ್‌ಚಿ.

ಪ್ರಕಟನೆ 22:15

ನಾಯಿಂಗ, ಮಾಟಮಂತ್ರ ಮಾಡ್‌ವಯಿಂಗ, ವ್ಯಬಿಚಾರ ಮಾಡ್‌ವಯಿಂಗ, ಕೊಲೆಮಾಡ್‍ವಯಿಂಗ, ವಿಗ್ರಹ ಆರಾದನೆ ಮಾಡ್‌ವಯಿಂಗ, ಪೊಟ್ಟ್ ಪರಿಯುವಕ್ ಕುಶಿಪಟ್ಟಿತ್, ಅದ್ಂಡ ಪ್ರಕಾರ ಮಾಡ್‌ವಯಿಂಗ ಎಲ್ಲಾರು ಪಟ್ಟಣತ್‍ರ ಪೊರಮೆ ಇಪ್ಪ.