1 ಕೊರಿಂಥ 4:21 - ಕೊಡವ ಬೈಬಲ್

²¹ ನಿಂಗಕ್ ಏದ್ ಕುಶಿ? ನಾನ್ ನಿಂಗಡ ಪಕ್ಕ ಬಪ್ಪಕ ಕೋಲ್ ಎಡ್‍ತಂಡ್ ಶಿಕ್ಷೆ ಕೊಡ್‍ಪಕ್ ಬಪ್ಪದಾ? ಅಥವ ಪ್ರೀತಿಲ್ ಪಿಂಞ ಶಾಂತ ಗುಣತ್‍ಲ್ ಬಪ್ಪಾದಾ?

1 ಕೊರಿಂಥ 4:21 ပူးပေါင်းရင်းမြစ်များ

1 ಕೊರಿಂಥ 4:18

ನಾನ್ ನಿಂಗಡ ಪಕ್ಕ ಬಪ್ಪ್‌ಲೇಂದ್ ಗೇನ ಮಾಡಿತ್, ಚೆನ್ನ ಜನ ಆಂಗಾರತ್‍ಲ್ ಕಳಿಚಂಡುಂಡ್.

1 ಕೊರಿಂಥ 5:5

ಅನ್ನನೆ ಪಾಪ ಮಾಡ್‍ನ ಮನುಷ್ಯಂಡ ಆತ್ಮ, ಒಡೆಯ ಪುನಃ ಬಪ್ಪ ದಿವಸತ್‍ಲ್ ಬಚಾವ್ ಆಪಕಾಯಿತ್, ಅಂವೊಂಡ ತಡಿ ಇಕ್ಕ ಪಾಳಾಪನೆಕೆ, ಅಂವೊನ ಸೈತಾನಂಗ್ ಒಪ್ಪ್‌ಚಿಡಂಡು.

2 ಕೊರಿಂಥ 1:23

ನಿಂಗಳ ನಾನ್ ಜೋರ್ ಮಾಡತನೆಕೆ ಇಪ್ಪಕಾಯಿತೇ ಇಲ್ಲಿಕತ್ತನೆ ಕೊರಿಂಥ ಪಟ್ಟಣಕ್ ಬಂತ್‌ಲ್ಲೇಂದ್ ದೇವಡ ಮೇಲೆ ನಾಡ ಸಾಕ್ಷಿಯಾಯಿತ್ ಎಣ್ಣ್‌ವಿ.

2 ಕೊರಿಂಥ 10:6

ನಿಂಗ ಪೂರ್ತಿಯಾಯಿತ್ ತಗ್ಗಿತ್ ನಡ್‍ಪದ್ ನೆರವೇರುವಕ, ತಗ್ಗಿತ್ ನಡ್‍ಕತೆ ಇಪ್ಪಾಂಗ್ ತಕ್ಕಂತ ನೀತಿರ ಶಿಕ್ಷೆ ತಪ್ಪಕ್ ತಯಾರಾಯಿತ್ ಉಂಡ್.

2 ಕೊರಿಂಥ 10:8

ಒಡೆಯ ನಂಗಕ್ ಕೊಡ್‍ತಿತುಳ್ಳ ಅದಿಕಾರತ್‍ರ ವಿಷಯತ್, ನಾನ್ ಇಂಞು ದುಂಬ ಹೊಗಳಿಚಿಟ್ಟತೇಂಗಿಯು ನಾಕ್ ಞಾಣ ಆಪುಲೆ. ನಿಂಗಳ ಪಾಳ್ ಮಾಡ್‌ವಕಾಯಿತಲ್ಲ, ನಿಂಗಳ ಚಾಯಿ ಬೊಳ್‌ತಿತ್ ಕೆಟ್ಟುವಕಾಯಿತ್ ಈ ಅದಿಕಾರತ್‍ನ ನಂಗಕ್ ಕೊಡ್‍ತತ್.

2 ಕೊರಿಂಥ 12:18

ತೀತ ನಿಂಗಡ ಪಕ್ಕ ಬಪ್ಪಕ್ ನಾನ್ ಅಂವೊನ ಕ್‍ೕಟಿಯೆ, ಅಂವೊಂಡ ಕೂಡೆ ಇಂಞೊಬ್ಬನ ಅಯಿಚಿಯೆ; ತೀತಂಗ್ ನಿಂಗಡಿಂಜ ಎಂತಾಚು ಲಾಬ ಕ್‍ಟ್ಟ್‌ಚಾ? ನಂಗ ಒರೇ ಆತ್ಮ ಉಳ್ಳಯಿಂಗಳಾಯಿತ್ ಒರೇ ಕಾಲ್‍ರ ಗುರ್‌ತ್‌ಲ್ ನಡ್ಂದಂಡುಂಡಲ್ಲಾ?

2 ಕೊರಿಂಥ 13:10

ಆನಗುಂಡ್ ನಿಂಗಡ ಕೂಡೆ ಇಲ್ಲತಿಪ್ಪಕಲೇ ಇದ್‍ನೆಲ್ಲಾ ಒಳ್‍ದಿಯೆ; ನಿಂಗಳ ಪೊಳಿಪಕಾಯಿತ್ ಅಲ್ಲ, ಕೆ‍ಟ್ಟ್‌ವಕಾಯಿತೇ ಒಡೆಯ ನಾಕ್ ತಂದಿತುಳ್ಳ ಅದಿಕಾರತ್‍ರನೆಕೆ, ನಾನ್ ನಿಂಗಡ ಪಕ್ಕ ಬಪ್ಪಕ, ಕಠಿಣವಾಯಿತ್ ಇಪ್ಪದ್ ಬೋಂಡಾಂದ್ ಕುಶಿ ಪಡುವಿ.

2 ಕೊರಿಂಥ 13:2

ನಾನ್ ದಂಡನೆ ಕುರಿ ನಿಂಗಡಲ್ಲಿ ಇಪ್ಪಕ ಎಣ್ಣ್‌ನನೆಕೆ, ಇಕ್ಕ ದೂರವಾಯಿತ್ ಇಂಜತೇಂಗಿಯು, ನಿಂಗಡ ಪಕ್ಕ ಇಪ್ಪನೆಕೆ, ನಾನ್ ಪುನಃ ಬಾತೇಂಗಿ ನಿಂಗಳ ತಪ್ಪಿಚಿಡ್‌ವಕ್ ಬುಡ್‍ಲೇಂದ್ ಮಿಂಞ ಪಾಪ ಮಾಡ್‍ನಯಿಂಗಕು ಇಂಞು ಎಲ್ಲಾರ್‌ಕು ಎಚ್ಚರ ಮಾಡಿತ್ ಒಳ್‌ದಿಯಂಡುಳ್ಳ.

2 ಕೊರಿಂಥ 2:1

ಆನಗುಂಡ್, ನಾನ್ ನಿಂಗಡ ಪಕ್ಕ ಪುನಃ ದುಃಖತ್‍ಲ್ ಬಪ್ಪದ್ ಬೋಂಡಾಂದ್ ನಾನ್ ತೀರ್ಮಾನ ಮಾಡ್‍ನ.

2 ಕೊರಿಂಥ 2:3

ಅಕ್ಕ ನಾನ್ ನಿಂಗಡ ಪಕ್ಕ ಬಪ್ಪಕ, ನನ್ನ ಕುಶಿಪಡ್‌ತ್‌ವಯಿಂಗಡಗುಂಡ್ ದುಃಖ ಪಡ್‍ವಕ್ ಆಗಾಂದು ಪಿಂಞ ನಾಡ ಕುಶಿ ನಿಂಗ ಎಲ್ಲಾರ್‌ಕು ಕುಶಿಯಾಯಿತಿಕ್ಕಂಡೂಂದು, ನಿಂಗ ಎಲ್ಲಾಡ ವಿಷಯತ್ ನಂಬಿಕೆಯಾಯಿತೇ, ನಿಂಗಡ ಪಕ್ಕ ಬಂದಿತ್ ನಿಂಗಳ ಕಾಂಬಕ್ ಮಿಂಞಲೇ ಅನ್ನನೆ ನಾನ್ ನಿಂಗಕ್ ಈ ಕಾಗದತ್‍ನ ಒಳ್‍ದಿಯೆ.

2 ಕೊರಿಂಥ 3:10

ಅನ್ನನೆ, ಮಹಿಮೆಲ್ ದುಂಬಿತ್ಂಜ ಆ ಸೇವೆ, ಇಕ್ಕತ್‍ರ ಸೇವೇಕ್ ಕ್‍ಟ್ಟುವ ವಿಶೇಷ ಮಹಿಮೇರ ಮಿಂಞತ್ ಬಲ್ಯದಲ್ಲ.

ಗಲಾತ್ಯ 6:1

ನಾಡ ಅಣ್ಣತಮ್ಮಣಂಗಳೇ, ದೇವಡ ಮಕ್ಕಡಡೆಲ್ ಒಬ್ಬ ಪಾಪ ಮಾಡ್‍ನದ್ ಗೊತ್ತಾಯಿತ್, ನಿಂಗ ಅಂವೊನ ಪುಡ್‌ಚತೇಂಗಿ, ದೇವಡ ಆತ್ಮತ್‍ನಗುಂಡ್ ನಡ್‍ಪಯಿಂಗಳಾನ ನಿಂಗ, ಶಾಂತ ಗುಣತ್‍ಲ್ ಅಂವೊನ ಚಾಯಿ ಮಾಡಂಡು. ಅದೇ ಸಮಯತ್‍ಲ್ ನಿಂಗ ಸಹ ಅದೇ ಪಾಪತ್‍ಲ್ ಬೂವತನೆಕೆ ಎಚ್ಚರತ್‍ಲ್ ಇರಂಡು.

1 ಥೆಸಲೊನೀಕ 2:7

ಆಚೇಂಗಿಯು ನಂಗ ನಿಂಗಡ ಕೂಡೆ ದುಂಬ ಸಾದುವಾಯಿತ್ ಒರ್ ಅವ್ವ ಅವಡ ಕುಂಞಿನ ಎನ್ನನೆ ಚಾಕ್‌ವ ಅನ್ನನೆ ಸಮಾದಾನತ್‍ಲ್ ಕಾಪಾಡಿಯಂಡ್ ಇಂಜತ್.

ಯಾಕೋಬ 3:17

ಆಚೇಂಗಿ ಪರಲೋಕತ್ಂಜ ಬಪ್ಪ ಜ್ಞಾನ, ಆದ್ಯವಾಯಿತ್, ನಂಗಳ ಶುದ್ದ ಮಾಡ್‌ವ, ಅದ್ ಸಮಾದಾನ ಉಳ್ಳದಾಯಿತು ಅಡಕ ಉಳ್ಳದಾಯಿತು ಕುಶಿ ಉಳ್ಳದಾಯಿತು ಇಪ್ಪ. ಅದ್‍ಲ್ ಕರುಣೆ ಪಿಂಞ ನಲ್ಲ ಫಲ ದುಂಬಿತ್, ಎಲ್ಲಾ ಮನುಷ್ಯಂಗಕು ಒರೇ ತರ ಮರ್ಯಾದೆ ಮಾಡಿತ್, ಕಪಟ ಇಲ್ಲತ ಶುದ್ದ ನಂಬಿಕೆ ಉಳ್ಳದಾಯಿತಿಪ್ಪ.