1 ಕೊರಿಂಥ 4:15 - ಕೊಡವ ಬೈಬಲ್

¹⁵ ಕ್ರಿಸ್ತಂಡ ಕೂಡೆ ಉಳ್ಳ ಐಕ್ಯತ್‍ಲ್ ನಿಂಗಕ್ ಪತ್ತಾಯಿರ ಬೋದನೆಕಾರ ಇಂಜತೇಂಗಿಯು, ನಿಂಗಕ್ ಒರೇ ಆತ್ಮೀಯ ಅಪ್ಪ ಉಂಡ್. ನಿಂಗಕ್ ಅಂವೊಂಡ ನಲ್ಲ ಸುದ್ದಿನ ಎಣ್ಣಿಕೊಡ್‍ಪಕ ಕ್ರಿಸ್ತ ಯೇಸುರಲ್ಲಿ ನಿಂಗಡ ಆತ್ಮೀಯ ಬದ್‍ಕ್‍ಕ್ ನಾನ್ ಅಪ್ಪನಾಯಿತ್ ಆನ.

1 ಕೊರಿಂಥ 4:15 ပူးပေါင်းရင်းမြစ်များ

ರೋಮ್ 15:20

ನಾನ್ ಬೋರೆ ಒಬ್ಬ ಇಟ್ಟಿತುಳ್ಳ ಅಡಿಪಾಯತ್‍ರ ಮೇಲೆ ಕೆಟ್ಟತನೆಕೆ, ನಲ್ಲ ಸುದ್ದಿ ಅರಿಚಿಡತ ಜಾಗತ್‍ಲ್ ಕ್ರಿಸ್ತಂಡ ಪೆದತ್‍ನ ಪ್ರಚಾರ ಮಾಡ್‍ವದ್ ನಾಡ ಆಸೆ.

1 ಕೊರಿಂಥ 1:30

ಅನ್ನನೆ, ದೇವ ನಿಂಗಳ ಕ್ರಿಸ್ತ ಯೇಸುರ ಕೂಡೆ ಐಕ್ಯತ್‍ಲ್ ಕೂಟಿತುಂಡ್. ಆನಗುಂಡ್ ದೇವ, ಕ್ರಿಸ್ತನ ನಂಗಕ್ ಜ್ಞಾನವಾಯಿತ್ ಮಾಡಿತುಂಡ್. ಅಂವೊಂಡ ಮೂಲಕ ನಂಗಳ, ದೇವಡ ಮಿಂಞತ್‍ಲ್ ನೀತಿವಂತಯಿಂಗಳಾಯಿತು, ಪವಿತ್ರ ಜನಳಾಯಿತು ಪಿಂಞ ನಂಗಕ್ ವಿಮೋಚನ ಕ್‍ಟ್ಟುವನೆಕೆ ಮಾಡಿತುಂಡ್.

1 ಕೊರಿಂಥ 15:1

ಅಕ್ಕ, ನಾಡ ಅಣ್ಣತಮ್ಮಣಂಗಳೇ, ನಾನ್ ನಿಂಗಕ್ ಮಿಂಞಲೇ ಪ್ರಚಾರ ಮಾಡ್‍ನ ದೇವಡ ನಲ್ಲ ಸುದ್ದಿನ ಪುನಃ ನಿಂಗಡ ನೆನಪ್‌ಕ್ ಕೊಂಡ್ ಬಪ್ಪಿ. ಅಕ್ಕ ನಿಂಗಕ್ ಕ್‍ಟ್ಟ್‌ನ ಈ ಬೋದನೆಲ್ ಬೊಳ್ಂದಂಡ್, ನಂಬಿಕೇಲ್ ದೃಡವಾಯಿತುಳ್ಳಿರ.

1 ಕೊರಿಂಥ 3:10

ದೇವ ನಾಕ್ ತಂದ ಕೃಪೆಯಿಂಜ ಒರ್ ಬುದ್ದಿವಂತೆ ಶಿಲ್ಪಿರನೆಕೆ ನಾನ್ ಅಡಿಪಾಯ ಇಟ್ಟಿಯೆ. ಇಕ್ಕ ಬೋರೊಬ್ಬ ಅದ್ಂಡಮೇಲೆ ಕೆಟ್ಟಿಯಂಡುಂಡ್. ಆಚೇಂಗಿ ಒಬ್ಬೊಬ್ಬನು ಈ ಅಡಿಪಾಯತ್‍ರ ಮೇಲೆ ಕೆಟ್ಟ್‌ವಾನ ಎಚ್ಚರತ್‍ಲ್ ಕೆಟ್ಟಂಡು.

1 ಕೊರಿಂಥ 3:6

ನಾನ್ ಕುರುನ ಬಿತ್ತಿಯೆ, ಅಪೊಲ್ಲೋಸ ನೀರ್ ಬೂಕ್‌ಚ್. ಆಚೇಂಗಿ ದೇವನೇ ಗಿಡತ್‍ನ ಬೊಳಿಯುವಕ್ ಮಾಡ್‍ಚಿ.

1 ಕೊರಿಂಥ 3:8

ಇಂಞು ಕುರುನ ಬಿತ್ತ್‌ವಂವೊನು ನೀರ್ ಬೂಕ್‍ವಂವೊನು ಒರೇ ಉದ್ದೇಶಕಾಯಿತ್ ಕೆಲಸ ಮಾಡ್‌ವ. ದಂಡಾಳ್‍ಕು ಅಯಿಂಗಯಿಂಗ ಮಾಡ್‍ನ ಕೆಲಸಕ್ ತಕ್ಕಂತ ಸಂಬಳ ಕ್‍ಟ್ಟ್‌ವ.

1 ಕೊರಿಂಥ 9:12

ಬೋರೆ ಜನಕ್ ನಿಂಗಡ ಮೇಲೆ ಇಚ್ಚಕ್ ಹಕ್ಕ್ ಉಂಡೇಂಗಿ, ನಂಗಕ್ ಇಂಞು ಎಚ್ಚಕ್ ಹಕ್ಕ್ ಉಂಡ್! ಆಚೇಂಗಿಯು, ಕ್ರಿಸ್ತಂಡ ನಲ್ಲ ಸುದ್ದಿ ಎಣ್ಣುವಕ್ ಏದ್ ತಡೆಯು ಬರತನೆಕೆ, ನಂಗಕ್ ಉಳ್ಳ ಅದಿಕಾರತ್‍ನ ಉಪಯೋಗಿಚಿಡತೆ, ಎಲ್ಲಾ ಕಷ್ಟತ್‍ನ ನಂಗ ಸಹಿಸಿಯಂಡುಂಡ್.

1 ಕೊರಿಂಥ 9:14

ಅನ್ನನೆ, ದೇವಡ ನಲ್ಲ ಸುದ್ದಿ ಪ್ರಚಾರ ಮಾಡ್‌ವ ಸೇವೇಲ್ ಉಳ್ಳಯಿಂಗಕ್, ಅಯಿಂಗಡ ಬದ್‍ಕ್‍ಕ್ ಬೋಂಡಿಯಾನದ್‍ನ, ಈ ಸೇವೇಯಿಂಜಲೇ ಕ್‍ಟ್ಟಂಡೂಂದ್ ದೇವ ಆಜ್ಞೆ ಕೊಡ್‌ತಿತುಂಡ್.

1 ಕೊರಿಂಥ 9:16

ನಾನ್ ದೇವಡ ನಲ್ಲ ಸುದ್ದಿನ ಪ್ರಚಾರ ಮಾಡ್‍ಚೇಂಗಿಯು ನಾನ್ ಅದ್‍ನ ಹೊಗಳ್‍ವಕ್ ಒಂದು ಇಲ್ಲೆ; ಎನ್ನಂಗೆಣ್ಣ್‌ಚೇಂಗಿ ಅದ್ ನಾಡ ಮೇಲೆ ಬುದ್ದ ಜವಾಬ್ದಾರಿಯಾಯಿತುಂಡ್. ದೇವಡ ನಲ್ಲ ಸುದ್ದಿನ ನಾನ್ ಪ್ರಚಾರ ಮಾಡತೆ ಪೋಚೇಂಗಿ, ನಾಕ್ ಅಯ್ಯೋ!

1 ಕೊರಿಂಥ 9:18

ನಾನ್ ಈ ಸೇವೇನ ಮಾಡಿಯಂಡ್ ಉಳ್ಳಾಂಗ್, ನಾಕ್ ಎಂತ ಫಲ? ನಾನ್ ದೇವಡ ನಲ್ಲ ಸುದ್ದಿನ ಪ್ರಚಾರ ಮಾಡ್‌ವಕ, ದಾರ್‌ಕು ಕಷ್ಟ ಕೊಡ್‍ಕತೆ ಮಾಡ್‌ವದೇ ನಾಕ್ ದುಂಬ ಕುಶಿ. ಆನಗುಂಡ್, ನಾಕ್ ಉಳ್ಳ ಅದಿಕಾರತ್‍ನ ನಾನ್ ಉಪಯೋಗಿಚಿಡತೆ, ಕ್ರಿಸ್ತಂಡ ಸುದ್ದಿನ ಪುಕ್ಕಟೆಯಾಯಿತ್ ಎಣ್ಣ್‌ವದೇ ನಾಡ ಲಾಬ.

1 ಕೊರಿಂಥ 9:23

ನಾನ್ ಇದ್‍ನೆಲ್ಲಾ ಎನ್ನಂಗ್ ಮಾಡಿಯಂಡುಂಡ್‍ೕಂದ್ ಎಣ್ಣ್‌ಚೇಂಗಿ, ದೇವಡ ನಲ್ಲ ಸುದ್ದಿನ ದುಂಬ ಜನ ನಂಬುವ. ಆನಗುಂಡ್ ಅದ್ಂಡ ಆಶೀರ್ವಾದತ್‍ಲ್ ನಾನ್ ಪಾಲ್‍ದಾರನಾಯಿತ್‌ಪ್ಪಿ.

2 ಕೊರಿಂಥ 4:5

ನಂಗ ನಂಗಡ ವಿಷಯತ್‍ನ ಬೋದನೆ ಮಾಡಿಯಂಡಿಲ್ಲೆ. ಯೇಸು ಕ್ರಿಸ್ತ ಒಡೆಯಾಂದೂ, ಆಚೇಂಗಿ ನಂಗಳ ಯೇಸುರಗುಂಡ್ ನಿಂಗಡ ಸೇವಕಂಗಾಂದೂ ಪ್ರಚಾರ ಮಾಡಿಯಂಡುಂಡ್.

ಗಲಾತ್ಯ 3:24

ಇನ್ನನೆ ನ್ಯಾಯಪ್ರಮಾಣ, ನಂಗ ನಂಬಿಕೇರಗುಂಡ್ ನೀತಿವಂತಂಗಳಾಯಿತ್ ಆಪಕ್ ನಂಗಳ ಕ್ರಿಸ್ತಂಡ ಪಕ್ಕ ಕಾಕಿಯಂಡ್ ಪೋಪ ಉಪಾದ್ಯನಾಯಿತ್ಂಜತ್.

ಗಲಾತ್ಯ 3:25

ಇಕ್ಕ ನಂಬಿಕೆ ಬಂದಗುಂಡ್, ನಂಗಕ್ ನ್ಯಾಯಪ್ರಮಾಣ ಉಪಾದ್ಯನಾಯಿತ್ ಇಪ್ಪದ್ ಬೋಂಡ.

ಗಲಾತ್ಯ 4:19

ನಾಡ ಪ್ರೀತಿರ ಮಕ್ಕಳೇ, ನಿಂಗಡ ಬದ್‍ಕ್‍ಲ್ ಕ್ರಿಸ್ತ ಪೂರ್ತಿಯಾಯಿತ್ ಬೊಳಿಯುವಕತ್ತನೆ ನಾನ್ ನಿಂಗಕಾಯಿತ್, ಒರ್ ಅವ್ವ ತಾಂಡ ಕುಂಞಿನ ಪೆರುವಕ ಬಪ್ಪ ನೊಂಬಲತ್‍ರನೆಕೆ ನಾನ್ ಪುನಃ ನೊಂಬಲತ್‍ನ ಎಡ್‍ತೊವಿ.

2 ತಿಮೊಥೆಯ 4:3

ಎನ್ನಂಗೆಣ್ಣ್‌ಚೇಂಗಿ, ಅಯಿಂಗ ಆರೋಗ್ಯವಾನ ಬೋದನೆನ ಕ್‍ೕಪಕ್ ಮನಸ್ಸಿಲ್ಲತೆ, ಅಯಿಂಗಡ ಸ್ವಾರ್ಥ ಆಸೆಕ್ ತಕ್ಕಂತ, ಅಯಿಂಗಡ ಕೆಮಿಕ್ ಎಂತ ಕುಶಿಯುಂಡೋ ಅದ್‍ನ ತಕ್ಕ್ ಪರಿಯುವಂತ ಬೋದನೆಕಾರಂಗಳ ದುಂಬ ಕೂಟಿಯಂಡ್ ಬಪ್ಪ ಕಾಲ ಬಪ್ಪ.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 1:4

ತಕ್ಕ ಸಮಯತ್‍ಲ್ ನಂಗಡ ರಕ್ಷಕನಾನ ದೇವಡ ಆಜ್ಞೆರ ಪ್ರಕಾರ ನಾಕ್ ಒಪ್ಪ್‌ಚಿಟ್ಟ ಬೋದನೆರಗುಂಡ್ ಅಂವೊಂಡ ತಕ್ಕ್‌ನ ಕಾಂಬ್‍ಚಿಟ್ಟತ್.

ಫಿಲೆಮೋನ 1:19

ಪೌಲನಾನ ನಾನೇ ನಾಡ ಸ್ವಂತ ಕೈಯಿಂಜ ಇದ್‍ನ ಒಳ್‍ದಿಯೆ. ನಾನೇ ಅದ್‍ನ ವಾಪಸ್ ತಪ್ಪಿ. ನೀಡ ಆತ್ಮೀಯ ವಿಷಯತ್‍ಲ್ ನೀನೇ ನಾಕ್ ಸಾಲ ಕೊಡ್‍ಕಂಡೂಂದ್ ನಾನ್ ನೀಕ್ ಎಣ್ಣಂಡುವಾ?

ಯಾಕೋಬ 1:18

ಅಂವೊಂಡ ಚಿತ್ತತ್‍ರನೆಕೆ, ತಾಂಡ ಎಲ್ಲಾ ಸೃಷ್ಟಿಲ್, ನಂಗಳ ಆದ್ಯ ಸ್ತಾನತ್‍ಲ್ ಇಕ್ಕಂಡೂಂದ್ ನಂಗಳ ಸತ್ಯ ವಾಕ್ಯತ್‍ರ ಮೂಲಕ ಪುಟ್ಟ್‌ವಕ್ ಮಾಡ್‍ಚಿ.

1 ಪೇತ್ರ 1:23

ಪಾಳಾಯಿ ಪೋಪ ಕುರುರ ಮೂಲಕ ಅಲ್ಲ, ಎಕ್ಕಾಲು ಬದ್‍ಕಿಯಂಡಿಪ್ಪ, ಜೀವವಾಯಿತ್ ಉಳ್ಳ ಪಾಳಾಯಿ ಪೋಕತ ಕುರುವಾನ ದೇವಡ ವಾಕ್ಯತ್‍ರ ಮೂಲಕ ನಿಂಗ ಪುನಃ ಪುಟ್ಟಿತುಳ್ಳಿರ.