1 ಕೊರಿಂಥ 3:9 - ಕೊಡವ ಬೈಬಲ್

⁹ ಎನ್ನಂಗೆಣ್ಣ್‌ಚೇಂಗಿ ನಂಗ ದಂಡಾಳು ದೇವಡ ಸೇವೇಲ್ ಪಾಲ್‍ದಾರಂಗಳಾಯಿತ್ ಉಂಡ್; ನಿಂಗ ದೇವಡ ಬೇಲ್ ಆಯಿತು, ದೇವಡ ಕಟ್ಟಡವಾಯಿತೂ ಉಳ್ಳಿರ.

1 ಕೊರಿಂಥ 3:9 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 9:1

ಜ್ಞಾನ ತಾಂಡ ಮನೆನ ಕೆಟ್ಟಿತ್, ತಾಂಡ ಏಳ್‌ ಕಂಬತ್‌ನ ಕೆತ್ತಿತ್‌ ಬೆಚ್ಚಿತುಂಡ್.

ಮತ್ತಾಯ 15:13

ಅದ್ಂಗ್ ಯೇಸು: ನಾಡ ಪರಲೋಕತ್ ಅಪ್ಪ ನೆಡತೆ ಗಿಡತ್‌ನೆಲ್ಲ ಬೇರೋಡೆ ಬಲ್‍ಚಿತ್ ಚಾಡಿರ್‍ವ

ಮತ್ತಾಯ 16:18

ನಾನ್ ನೀಕ್ ಎಣ್ಣ್‌ವಿ, ನೀನ್ ಪೇತ್ರ, (ಪೇತ್ರಾಂದ್ ಎಣ್ಣ್‌ಚೇಂಗಿ ಬಂಡೆ ಕಲ್ಲ್‍ೕಂದ್ ಅರ್ಥ) ಈ ಬಂಡೆ ಕಲ್ಲ್‌ರ ಮೇಲೆ ನಾನ್ ನಾಡ ಸಬೇನ ಕೆಟ್ಟ್‌ವಿ. ನರಕತ್‌ರ ಶಕ್ತಿ ಅದ್‍ನ ಗೆಲ್ಲುವಕ್ ಕಯ್ಯುಲೆ.

ಮತ್ತಾಯ 9:37

ಅಕ್ಕ ಯೇಸು ಅಂವೊಂಡ ಶಿಷ್ಯಂಗಳ ಕಾಕ್‍ವಂಜಿ, ಬೇಲ್‌ಲ್ ಬೊಳೆ ದುಂಬ ಉಂಡ್, ಆಚೇಂಗಿ ಕೊಯಿಪಣಿಕ್ ಆಳ್‍ಕಾರ ದುಂಬ ಕಮ್ಮಿ ಉಂಡ್‍ೕಂದ್ ಎಣ್ಣ್‌ಚಿ.

ಮಾರ್ಕ 16:20

ಶಿಷ್ಯಂಗ ಎಲ್ಲಾ ಜಾಗಕ್ ಪೋಯಿತ್ ಪ್ರಚಾರ ಮಾಡ್‍ಚಿ. ದೇವ ಅಯಿಂಗಡ ಕೂಡೆ ಇಂಜತ್, ಅಯಿಂಗ ಬೋದನೆ ಮಾಡ್‍ವದ್ ಸತ್ಯಾಂದ್ ಅಯಿಂಗ ಮಾಡ್‌ವ ಅದ್ಬುತ ಕಾರ್ಯತ್ಂಜ ಅಂವೊ ಕಾಟಿಕೊಡ್‍ತತ್. ಆಮೆನ್.

ಅಪೊಸ್ತಲ 4:11

ಮನೆ ಕೆಟ್ಟ್‌ವಯಿಂಗಳಾನ ನಿಂಗ, ಬೋಂಡಾಂದ್ ಚಾಡ್‌ನ ಕಲ್ಲೇ ಮನೆರ ಮೂಲೆ ಕಲ್ಲಾಚಿ.

1 ಕೊರಿಂಥ 3:16

ನಿಂಗ ದೇವಡ ಆಲಯವಾಯಿತ್ ಉಳ್ಳೀರಾಂದೂ, ನಿಂಗಡ ಹೃದಯತ್‍ಲ್ ದೇವಡ ಆತ್ಮ ವಾಸ ಮಾಡಿಯಂಡ್ ಉಂಡ್‍ೕಂದು ನಿಂಗಕ್ ಗೊತ್ತ್‌ಲ್ಲೆಯಾ?

1 ಕೊರಿಂಥ 3:6

ನಾನ್ ಕುರುನ ಬಿತ್ತಿಯೆ, ಅಪೊಲ್ಲೋಸ ನೀರ್ ಬೂಕ್‌ಚ್. ಆಚೇಂಗಿ ದೇವನೇ ಗಿಡತ್‍ನ ಬೊಳಿಯುವಕ್ ಮಾಡ್‍ಚಿ.

1 ಕೊರಿಂಥ 6:19

ನಿಂಗಡ ತಡಿ ಪವಿತ್ರಾತ್ಮ ವಾಸ ಮಾಡ್‌ವ ಆಲಯವಾಯಿತ್ ಉಂಡ್‍ೕಂದು, ಪವಿತ್ರಾತ್ಮತ್‍ನ ನಿಂಗಕ್ ದೇವ ಕೊಡ್‍ತತ್‍ೕಂದು ನಿಂಗಕ್ ಗೊತ್ತ್‌ಲ್ಲೆಯಾ? ಆನಗುಂಡ್ ನಿಂಗ ನಿಂಗಕ್ ಸ್ವಂತ ಅಲ್ಲ.

2 ಕೊರಿಂಥ 6:1

ದೇವಡ ಕೃಪೇನ ನಿಂಗ ಸ್ವೀಕಾರ ಮಾಡ್‍ನ ಪಿಂಞ ಅದ್‍ನ ಪ್ರಯೋಜನ ಇಲ್ಲತನೆಕೆ ಮಾಡ್‌ವಕ್ಕಾಗಾಂದ್ ದೇವಡ ಕೂಡೆ ಸೇವೆ ಮಾಡ್‌ವಯಿಂಗಳಾನ ನಂಗ ನಿಂಗಕ್ ಬುದ್ದಿ ಎಣ್ಣುವ.

2 ಕೊರಿಂಥ 6:16

ದೇವಡ ಆಲಯಕು ವಿಗ್ರಹಕು ಎಂತ ಐಕ್ಯ? ನಂಗಳೇ ಜೀವವಾಯಿತುಳ್ಳ ದೇವಡ ಆಲಯವಾಯಿತುಂಡಲ್ಲ! ನಾನ್ ಅಯಿಂಗಡ ಮದ್ಯತ್‍ಲ್ ವಾಸ ಮಾಡಿತ್, ನಡ್ಂದಂಡ್, ನಾನ್ ಅಯಿಂಗಡ ದೇವನಾಯಿತು, ಅಯಿಂಗ ನಾಡ ಜನವಾಯಿತು ಇಪ್ಪಾಂದ್ ದೇವ ಎಣ್ಣಿತುಂಡ್.

ಎಫೆಸ 2:10

ಎನ್ನನೆ ಎಣ್ಣ್‌ಚೇಂಗಿ, ನಲ್ಲ ಕೆಲಸ ಮಾಡ್‌ವಕಾಯಿತ್ ನಂಗಳ ಪುದಿಯದಾಯಿತ್ ಕ್ರಿಸ್ತ ಯೇಸುರಲ್ಲಿ ಸೃಷ್ಟಿ ಮಾಡ್‍ನ ದೇವಡ ಕ್ರಿಯೇಯಾಯಿತುಂಡ್; ಅದ್‍ಲ್ ನಂಗ ನಡ್‍ಕಂಡೂಂದ್ ದೇವ ಮಿಂಞಲೇ ತಯಾರ್ ಮಾಡಿತುಂಡ್.

ಕೊಲೊಸ್ಸೆ 2:7

ನಿಂಗಡ ಬೇರ್ ಅಂವೊಂಡಲ್ಲಿ ಆಳವಾಯಿತ್ ಬೇರೂರಿತ್, ನಿಂಗಡ ಬದ್‍ಕ್‍ನ ಅಂವೊಂಡ ಮೇಲೆ ಕೆಟ್ಟುವಿರ. ಅಕ್ಕ ನಿಂಗಕ್ ಕ್‍ಟ್ಟ್‌ನ ನಂಬಿಕೇಲ್ ನಿಂಗ ದೃಡವಾಯಿತ್ ಬೊಳ್ಂದಿತ್, ದೇವಕ್ ವಂದನೆ ಎಣ್ಣುವದ್‍ಲ್ ದುಂಬ ಬೊಳಿವಿರ.

1 ತಿಮೊಥೆಯ 3:15

ನಾನ್ ಬಪ್ಪದ್ ತಡೆ ಆಚೇಂಗಿ, ಸತ್ಯಕ್ ಕಂಬವಾಯಿತ್, ಅಡಿಪಾಯವಾಯಿತ್, ಜೀವವುಳ್ಳ ದೇವಡ ಸಬೇಯಾಯಿತ್ ಉಳ್ಳ ಆ ದೇವಡ ಮನೆಲ್ ಜನ ಎನ್ನನೆ ನಡ್‍ಕಂಡೂಂದ್ ನೀಕ್ ಗೊತ್ತಾಂಡು;

ಇಬ್ರಿಯ 3:6

ಆಚೇಂಗಿ ಕ್ರಿಸ್ತ, ದೇವಡ ಮನೇಕಿಂಜ ಬಲ್ಯಂವೊನಾಯಿತ್ ಒರ್ ಮೋಂವೊಂಡನೆಕೆ ಸತ್ಯವಂತಂವೊನಾಯಿತುಂಡ್; ನಂಗಡ ನಿರೀಕ್ಷೇರಗುಂಡ್ ಕ್‍ಟ್ಟುವ ದೈರ್ಯ ಪಿಂಞ ಹೆಮ್ಮೆನ ಕಡೇಕತ್ತನೆ ಗಟ್ಟಿಯಾಯಿತ್ ಪುಡ್‍ಚಂಡ್ ಇಂಜತೇಂಗಿ ನಂಗಳೇ ಅಂವೊಂಡ ಮನೇಯಾಯಿತ್‌ಪ್ಪ.

1 ಪೇತ್ರ 2:5

ಆನಗುಂಡ್, ನಿಂಗಳು, ಜೀವವಾಯಿತುಳ್ಳ ಕಲ್ಲ್‌ರನೆಕೆ ಉಳ್ಳಾಂಗ್, ನಿಂಗಡಗುಂಡ್, ಆತ್ಮೀಯ ಮನೆಯಾಯಿತ್ ಕೆಟ್ಟಿಯಂಡುಂಡ್. ಅಲ್ಲಿ, ನಿಂಗ ಯೇಸು ಕ್ರಿಸ್ತಂಡ ಮೂಲಕ, ದೇವಕ್ ಪ್ರೀತಿಯಾಯಿತುಳ್ಳ, ಆತ್ಮೀಯ ಬಲಿನ ಕೊಡ್‍ಪಕ್ ಪವಿತ್ರವಾನ ಯಾಜಕ ಮಕ್ಕಡ ಕೂಟವಾಯಿತು ಉಳ್ಳಿರ.

3 ಯೋಹಾನ 1:8

ಆನಗುಂಡ್ ನಂಗ ಅಯಿಂಗಕ್ ಸಹಾಯ ಮಾಡಂಡು, ಅಕ್ಕ ಅಯಿಂಗ ಮಾಡ್‌ವ ನೇರಾನ ಸೇವೇಲ್ ನಂಗಕ್ ಸಹ ಫಲ ಕ್‍ಟ್ಟ್‌ವ.