1 ಕೊರಿಂಥ 3:8 - ಕೊಡವ ಬೈಬಲ್

⁸ ಇಂಞು ಕುರುನ ಬಿತ್ತ್‌ವಂವೊನು ನೀರ್ ಬೂಕ್‍ವಂವೊನು ಒರೇ ಉದ್ದೇಶಕಾಯಿತ್ ಕೆಲಸ ಮಾಡ್‌ವ. ದಂಡಾಳ್‍ಕು ಅಯಿಂಗಯಿಂಗ ಮಾಡ್‍ನ ಕೆಲಸಕ್ ತಕ್ಕಂತ ಸಂಬಳ ಕ್‍ಟ್ಟ್‌ವ.

1 ಕೊರಿಂಥ 3:8 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 27:18

ಅತ್ತಿಮರತ್‌ನ ನೋಟಿಯಂವೊ ಅದ್‌ಂಡ ಪಣ್ಣ್‌ನ ತಿಂಬ. ಅನ್ನನೆ ಯಜಮಾನನ ಕಾಪಂವೊ ಗನತ್‌ನ ಪಡೆಯುವ.

ಮತ್ತಾಯ 16:27

ಮನುಷ್ಯಕುಮಾರನಾನ ನಾನ್ ನಾಡ ಅಪ್ಪಂಡ ದುಂಬ್‍ನ ಮಹಿಮೆಲ್ ನಾಡ ದೂತಂಗಡ ಕೂಡೆ ಬಪ್ಪಿ; ಆ ಸಮಯತ್‍ಲ್ ನಾನ್ ಒಬ್ಬೊಬ್ಬಂಗ್ ಅಯಿಂಗಯಿಂಗ ಮಾಡ್‍ನ ಕೆಲಸಕ್ ಆನ ಇನಾಮ್‍ನ ಕೊಡ್‍ಪಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 19:19

ಅಂವೊಂಗ್: ನಲ್ಲದ್ ಆಚಿ, ನಿನ್ನ ಅಂಜ್ ಪಟ್ಟಣತ್‍ರ ಅದಿಕಾರಿಯಾಯಿತ್ ಮಾಡ್‌ವೀಂದ್ ರಾಜ ಎಣ್ಣ್‌ಚಿ.

ರೋಮ್ 2:6

ದೇವ ಒಬ್ಬೊಬ್ಬಂಡ ಕ್ರಿಯೇಕ್ ತಕ್ಕಂತ ಫಲತ್‍ನ ತಪ್ಪ.

1 ಕೊರಿಂಥ 15:58

ಆನಗುಂಡ್, ನಾಡ ಪ್ರೀತಿರ ಜನಳೇ, ನಿಂಗ ನಿಂಗಡ ನಂಬಿಕೇಲ್ ದೃಡವಾಯಿತ್ ಇರಂಡು, ಏದ್ ಒರ್ ವಿಷಯವು ನಿಂಗಡ ನಂಬಿಕೇನೆ ಅನುಮಾನ ಪಡ್‍ತ್‍ವಕ್ಕಾಗ. ಒಡೆಯ ನಿಂಗಕ್ ಒಪ್ಪ್‌ಚಿಟ್ಟ ಕೆಲಸತ್‍ಲ್ ಮಿಂಞಕ್ ಪೋಪಯಿಂಗಳಾಯಿತ್ ಮಾಡಿಯಂಡಿರಿ. ನಿಂಗ ಮಾಡ್‌ವ ಒಡೆಯಂಡ ಕೆಲಸಕ್ ಫಲ ಇಲ್ಲತೆ ಪೋಪುಲೇಂದ್ ನಿಂಗಕ್ ಗೊತ್ತುಂಡುಲ್ಲ?

1 ಕೊರಿಂಥ 3:14

ಆ ತಿತ್ತ್ಂಜ ಅಂವೊ ಕೆಟ್ಟ್‌ನದ್ ಬಚಾವ್ ಆಚೇಂಗಿ, ಕೆಟ್ಟ್‌ನಂವೊಂಗ್ ಇನಾಮ್ ಕ್‍ಟ್ಟ್‌ವ.

1 ಕೊರಿಂಥ 3:7

ದಾರ್ ಕುರು ಬಿತ್ತುವ, ದಾರ್ ನೀರ್ ಬೂಕ್‌ವ ಎಣ್ಣ್‌ವದ್ ಮುಕ್ಯ ಅಲ್ಲ. ಅದ್‍ನ ಬೊಳಿಯುವಕ್ ಮಾಡ್‌ವ ದೇವನೇ ಮುಕ್ಯ.

1 ಕೊರಿಂಥ 3:9

ಎನ್ನಂಗೆಣ್ಣ್‌ಚೇಂಗಿ ನಂಗ ದಂಡಾಳು ದೇವಡ ಸೇವೇಲ್ ಪಾಲ್‍ದಾರಂಗಳಾಯಿತ್ ಉಂಡ್; ನಿಂಗ ದೇವಡ ಬೇಲ್ ಆಯಿತು, ದೇವಡ ಕಟ್ಟಡವಾಯಿತೂ ಉಳ್ಳಿರ.

1 ಕೊರಿಂಥ 4:15

ಕ್ರಿಸ್ತಂಡ ಕೂಡೆ ಉಳ್ಳ ಐಕ್ಯತ್‍ಲ್ ನಿಂಗಕ್ ಪತ್ತಾಯಿರ ಬೋದನೆಕಾರ ಇಂಜತೇಂಗಿಯು, ನಿಂಗಕ್ ಒರೇ ಆತ್ಮೀಯ ಅಪ್ಪ ಉಂಡ್. ನಿಂಗಕ್ ಅಂವೊಂಡ ನಲ್ಲ ಸುದ್ದಿನ ಎಣ್ಣಿಕೊಡ್‍ಪಕ ಕ್ರಿಸ್ತ ಯೇಸುರಲ್ಲಿ ನಿಂಗಡ ಆತ್ಮೀಯ ಬದ್‍ಕ್‍ಕ್ ನಾನ್ ಅಪ್ಪನಾಯಿತ್ ಆನ.

1 ಕೊರಿಂಥ 9:7

ದಾರ್ ತಾಂಡ ಸ್ವಂತ ಪಣತ್‍ನ ಕರ್ಚ್ ಮಾಡಿತ್ ಯುದ್ದತ್‍ಲ್ ಸೇವೆ ಮಾಡ್‌ವ? ದಾರ್ ದ್ರಾಕ್ಷಿ ತೋಟ ಮಾಡಿತ್ ಅದ್ಂಡ ಪಣ್ಣ್‌ನ ತಿಂಗತೆ ಇಪ್ಪ? ದಾರ್ ಕೊರಿ ಕಾತಂಡ್, ಅದ್ಂಡ ಪಾಲ್‍ನ ಕುಡಿಕತೆ ಇಪ್ಪ?

ಗಲಾತ್ಯ 6:4

ಎಲ್ಲಾರು ಅಯಿಂಗ ಅಯಿಂಗಡ ಕ್ರಿಯೇನ ಪರೀಕ್ಷೆ ಮಾಡಂಡು; ಅಕ್ಕ ಅಂವೊ ಬೋರೆಯಿಂಗಳ ನೋಟ್‍ವಕ ಅಲ್ಲ, ಅಂವೊ ಅಂವೊಂಡ ವಿಷಯತ್‍ನ ನೋಟ್‍ವಕ ದುಂಬ ತೃಪ್ತಿಯಾಪ.

ಗಲಾತ್ಯ 6:5

ಎಲ್ಲಾರು ಅಯಿಂಗಯಿಂಗಡ ಕಷ್ಟತ್‍ನ ಎಡ್‌ಕಂಡು.

ಇಬ್ರಿಯ 6:10

ಎನ್ನಂಗೆಣ್ಣ್‌ಚೇಂಗಿ, ನಿಂಗಡ ಸೇವೆ, ದೇವಡ ಮಕ್ಕಕ್ ನಿಂಗ ಮಾಡ್‍ನ ಪಿಂಞ ಇಕ್ಕ ಮಾಡಿಯಂಡುಳ್ಳ ಪ್ರೀತಿರ ಸೇವೇರ ಮೂಲಕ ಕಾಂಬ್‌ಚಿಡುವ ದೇವಡ ಮೇಲೆ ಉಳ್ಳ ಪ್ರೀತಿನ ದೇವ ಮರ್ಂದ್ ಪೋಪುಲೆ. ದೇವ ನೀತಿ ಉಳ್ಳಂವೊವನಾಯಿತುಂಡ್.

1 ಪೇತ್ರ 5:4

ಅನ್ನನೆ ಮಾಡ್‍ಚೇಂಗಿ, ದೇವಡ ಮಕ್ಕಳ ಕೊರಿ ಕಾಪಂವೊಡನೆಕೆ ನೋಟಿಯಂಡುಳ್ಳ ಬಲ್ಯಂವೊ ಬಪ್ಪಕ, ನಿಂಗ ಅಂವೊಂಡಿಂಜ ಮಾಜ್ ಪೋಕತ ಮಹಿಮೇರ ಕಿರೀಟತ್‍ನ ಪಡೆಯುವಿರ.

2 ಯೋಹಾನ 1:8

ನಿಂಗಡ ಕೆಲಸತ್‌ರ ಫಲತ್‍ನ ಕಳೆಂದ್ ಪೋಕತನೆಕೆ, ಅದ್ಂಗ್ ಪೂರ್ತಿ ಪ್ರತಿಫಲ ಕ್‍ಟ್ಟ್‌ವನೆಕೆ ಎಚ್ಚರತ್‍ಲ್ ಇರಿ.

ಪ್ರಕಟನೆ 2:23

ಅವಡ ಮಕ್ಕಳ ಚಾವನೆಕೆ ಕೊಲ್ಲುವಿ; ಅಕ್ಕ ನಾನ್ ಮಾತ್ರ ಹೃದಯತ್‍ರ ಪಿಂಞ ಮನಸ್ಸ್‌ರ ಆಳತ್‍ನ ಚಾಯಿ ಪರೀಕ್ಷೆ ಮಾಡ್‌ವಂವೊನಾಯಿತ್ ಉಳ್ಳ್‌ಂದ್ ಎಲ್ಲಾ ಸಬೇಕು ಗೊತ್ತಾಪ. ಅದಲ್ಲತೆ ನಿಂಗಡಲ್ಲಿ ಒಬ್ಬೊಬ್ಬಂಗು ಅಯಿಂಗಯಿಂಗಡ ಕ್ರಿಯೇಕ್ ತಕ್ಕಂತ ಫಲತ್‍ನ ತಪ್ಪಿ.

ಪ್ರಕಟನೆ 22:12

ನೋಟಿ! ನಾನ್ ಬೆರಿಯ ಬಂದಂಡುಳ್ಳ; ನಾನ್ ತಪ್ಪ ಫಲ ನಾಡಲ್ಲಿ ಉಂಡ್. ಒಬ್ಬೊಬ್ಬನು ಮಾಡ್‍ನ ಕ್ರಿಯೇಕ್ ತಕ್ಕಂತ ಫಲತ್‍ನ ನಾನ್ ತಪ್ಪಿ.