1 ಕೊರಿಂಥ 3:3 - ಕೊಡವ ಬೈಬಲ್

³ ನಿಂಗಡ ಪಕ್ಕ ಒಟ್ಟೆಕಿಚ್ಚ್ ಉಂಡ್, ಬೋರೆಯಿಂಗಡ ಕೂಡೆ ಜಗಳ ಮಾಡ್‌ವಿರ. ಇದೆಲ್ಲಾನ ನಿಂಗಡ ಪಾಪತ್‍ರ ಗುಣತ್‍ನಗುಂಡ್ ಈ ಲೋಕತ್‍ರ ಜನತ್‍ರನೆಕೆ ಮಾಡಿಯಂಡುಳ್ಳಿರಾಂದ್ ನಿಂಗಕ್ ಗೊತ್ತ್‌ಲ್ಲೆಯಾ?

1 ಕೊರಿಂಥ 3:3 ပူးပေါင်းရင်းမြစ်များ

ರೋಮ್ 13:13

ಕೂಟ್‌ಕಳಿ, ಕುಡಿಪದ್, ಲೈಂಗಿಕ ಪಾಪ, ಕಾಮಾಬಿಲಾಷೆ, ತರ್ಕ, ಒಟ್ಟೆಕಿಚ್ಚ್ ಉಳ್ಳಯಿಂಗಳಾಯಿತ್ ನಡ್‍ಕತೆ, ಪೋಲ್‍ಲ್ ನಡ್‍ಪಯಿಂಗಡನೆಕೆ ಸರಿಯಾಯಿತ್ ನಡ್‌ಕಂಡು.

1 ಕೊರಿಂಥ 1:10

ನಾಡ ಅಣ್ಣತಮ್ಮಣಂಗಳೇ, ನಿಂಗ ಎಲ್ಲಾಡ ಕೂಡೆ ಸಮಾದಾನತ್‍ಲ್ ಇರೀಂದ್ ನಂಗಡ ಒಡೆಯನಾನ ಯೇಸು ಕ್ರಿಸ್ತಂಡ ಪೆದತ್‍ಲ್ ನಾನ್ ನಿಂಗಳ ಬೋಡ್‍ವಿ. ಸಬೇಲ್ ನಿಂಗಡಡೆಲ್ ಏದ್ ವಿಂಗಡವೂ ಇಲ್ಲತೆ ನಿಂಗಡ ಗೇನತ್‍ಲ್ ಪಿಂಞ ಉದ್ದೇಶತ್‍ಲ್ ಒರೇ ಮನಸ್ಸ್‌ಲ್ ಇರಂಡು.

1 ಕೊರಿಂಥ 1:11

ಎನ್ನಂಗೆಣ್ಣ್‌ಚೇಂಗಿ ನಾಡ ಅಣ್ಣತಮ್ಮಣಂಗಳೇ, ನಿಂಗಡ ಮದ್ಯತ್‌ಲ್‌ ಜಗಳ ಉಂಡ್‍ೕಂದ್ ಖ್ಲೋಯೆ ಎಣ್ಣ್‌ವವಡ ಮನೆಕಾರ ನಾಕ್ ಎಣ್ಣ್‌ಚಿ.

1 ಕೊರಿಂಥ 11:18

ಮುಕ್ಯವಾಯಿತ್, ದೇವಡ ಸಬೇಲ್ ನಿಂಗ ಕೂಡಿ ಬಪ್ಪಕ, ನಿಂಗಡಡೆಲ್ ಬೋರೆ ಬೋರೆ ಗುಂಪ್ ಉಂಡ್‍ೕಂದ್ ನಾಕ್ ಸುದ್ದಿ ಬಾತ್; ಅದ್‍ಲ್ ನಾನ್ ಚೆನ್ನ ವಿಷಯತ್‍ನ ನಂಬುವಿ.

1 ಕೊರಿಂಥ 3:4

ಒಬ್ಬ, ನಾನ್ ಪೌಲಂಡ ಕೂಟ್‍ಕ್ ಕೂಡ್‍ನಂವೋಂದೂ, ಇಂಞೊಬ್ಬ ನಾನ್ ಅಪೊಲ್ಲೋಸಂಡ ಕೂಟ್‍ಕ್ ಕೂಡ್‍ನಂವೋಂದೂ ಎಣ್ಣಿಯಂಡುಳ್ಳಗುಂಡ್, ನಿಂಗ ಈ ಲೋಕತ್‍ರ ಜನತ್‍ರನೆಕೆ ಬದ್‍ಕಿಯಂಡುಳ್ಳಿರಲ್ಲಾ?

2 ಕೊರಿಂಥ 12:20

ನಾನ್ ಬಪ್ಪಕ, ನಿಂಗ ಎನ್ನನೆ ಇಕ್ಕಂಡೂಂದ್ ನಾನ್ ಗೇನ ಮಾಡಿಯಂಡ್ ಉಂಡೋ ಅನ್ನನೆ ನಿಂಗ ಇಪ್ಪುಲೇಂದು ಪಿಂಞ ನಿಂಗ ಗೇನ ಮಾಡಿಯಂಡುಳ್ಳನೆಕೆ ನಾನ್ ಇಪ್ಪುಲೆಯೋಂದು ನಾಕ್ ಪೋಡಿ ಉಂಡ್. ನಿಂಗಡ ಮದ್ಯತ್‍ಲ್ ಪಗೆ, ವೈರಾಗ್ಯ, ಚೆಡಿ, ತರ್ಕ, ಒಟ್ಟೆಕಿಚ್ಚ್, ಒಬ್ಬಂಡ ಮೇಲೆ ಒಬ್ಬ ಕುತ್ತ ಪರಿವದ್, ಬೋಂಡತ ವೈರಾಗ್ಯ, ಕಲಹ ಇನ್ನತಾನೆಲ್ಲ ಇಪ್ಪಾಂದ್ ನಾಕ್ ಪೋಡಿ ಆಯಂಡುಂಡ್.

ಗಲಾತ್ಯ 5:15

ಆಚೇಂಗಿ, ನಿಂಗ ಕಾಡ್ ಪ್ರಾಣಿಯರನೆಕೆ ಒಬ್ಬೊಬ್ಬನ ಕಡಿಚಂಡ್ ತಿಂದಂಡೇ ಉಂಡೇಂಗಿ, ನೋಟಿಯಂಡಿರಿ, ಎಚ್ಚರತ್‍ಲ್ ಇರಿ, ಇಲ್ಲತಪೋನಕ ನಿಂಗ ಒಬ್ಬೊಬ್ಬಂಡಗುಂಡ್ ಪಾಳಾಯಿ ಪೋಪಿರ.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 3:3

ಎನ್ನಂಗೆಣ್ಣ್‌ಚೇಂಗಿ, ಒರ್ ಸಮಯತ್‍ಲ್ ನಂಗ ಸಹ ಮುಠಾಳಂಗಳಾಯಿತ್, ದಾಡ ತಕ್ಕ್‌ನ ಕೇಕತಯಿಂಗಳಾಯಿತ್, ವಂಚನೆ ಮಾಡ್‌ವಯಿಂಗಳಾಯಿತ್, ಎಲ್ಲಾ ತರ ಆಸೆ ಪಿಂಞ ಇಚ್ಛೆಕ್ ಅಡಿಯಾಳಾಯಿತ್, ಜನ ಕಷ್ಟಪಡ್‌ವಕ್ ಕುಶಿಪಡ್‌ವಯಿಂಗಳಾಯಿತ್, ಹೊಟ್ಟೆಕಿಚ್ಚ್‌ಲ್ ಬದ್‍ಕಿಯಂಡ್, ಬೋರೆಯಿಂಗ ನಂಗಳ ವಿರೋದಿಚಿಡ್‍ವನೆಕೆ ಪಿಂಞ ಒಬ್ಬನ ಒಬ್ಬ ವಿರೋದಿಚಿಟ್ಟಂಡ್ ಇಂಜತ್.

ಯಾಕೋಬ 3:16

ಎಕ್ಕ ಜನಕ್ ಒಟ್ಟೆಕಿಚ್ಚ್ ಪಿಂಞ ಸ್ವಾರ್ತತೆ ಇಪ್ಪ, ಅಕ್ಕ ಅಯಿಂಗ ಮೋಸ ಪಿಂಞ ಕಲಹ ಮಾಡ್‌ವ.

1 ಪೇತ್ರ 4:2

ಆನಗುಂಡ್, ಇಂಞು ಮಿಂಞಕ್ ತಡೀಲ್ ಇಪ್ಪಕತ್ತನೆ, ಮನುಷ್ಯಂಗಡ ಇಚ್ಛೆಕಾಯಿತ್ ಬದ್‍ಕತೆ, ದೇವಡ ಚಿತ್ತತ್‍ರನೆಕೆ ಬದ್‍ಕ್‍ವ.