1 ಕೊರಿಂಥ 3:23 - ಕೊಡವ ಬೈಬಲ್

²³ ನಿಂಗ ಕ್ರಿಸ್ತಂಗ್ ಕೂಡ್‍ನಯಿಂಗ, ಕ್ರಿಸ್ತ ದೇವಕ್ ಕೂಡ್‍ನಂವೊ.

1 ಕೊರಿಂಥ 3:23 ပူးပေါင်းရင်းမြစ်များ

ಮತ್ತಾಯ 17:5

ಪೇತ್ರ ಅನ್ನನೆ ತಕ್ಕ್ ಪರ್ಂದಂಡ್ ಇಪ್ಪಕಲೆ, ಒರ್ ಮಿನ್ನುವ ಮೋಡ ಅಯಿಂಗಳ ಆವರಿಚಿಟ್ಟತ್. ಇಂವೊ ನಾಡ ಕೊದಿರ ಮೋಂವೊ, ಇಂವೊಂಡ ಮೇಲೆ ನಾಕ್ ದುಂಬ ಕುಶಿ ಉಂಡ್, ಇಂವೊ ಎಣ್ಣುವಾನ ನಿಂಗ ಕ್‍ೕಳೀಂದ್, ಆ ಮೋಡತ್ಂಜ ಒರ್ ವಾಣಿ ಬಾತ್.

ಯೋಹಾನ 17:18

ನೀನ್ ನನ್ನ ಲೋಕಕ್ ಅಯಿಚನೆಕೆ ನಾನ್ ಅಯಿಂಗಳ ಲೋಕಕ್ ಅಯಿಪಿ.

ಯೋಹಾನ 17:21

ಅಯಿಂಗೆಲ್ಲಾರು ಒಂದಾಯಿತ್ ಇಪ್ಪನೆಕೆ ನಾನ್ ಪ್ರಾರ್ಥನೆ ಮಾಡ್‌ವಿ. ಅಪ್ಪಾ! ನಾನ್ ನೀಡಲ್ಲಿ ನೀನ್ ನಾಡಲ್ಲಿ ಇಪ್ಪನೆಕೆ ಅಯಿಂಗಳು ನಂಗಡಲ್ಲಿ ಒಂದಾಯಿತ್ ಇಕ್ಕಡ್. ನೀನ್ ನನ್ನ ಲೋಕತ್‍ಲ್ ಅಯಿಚದ್‍ನ ಲೋಕತ್‍ರ ಜನ ನಂಬುವನೆಕೆ ಅಯಿಂಗ ಎಲ್ಲಾರು ಒಂದಾಯಿತ್ ಇಕ್ಕಡ್‍ೕಂದ್ ಬೋಡುವಿ.

ರೋಮ್ 14:8

ನಂಗ ಬದ್‍ಕಿಯಂಡಿಂಜತೇಂಗಿ ಒಡೆಯಂಗಾಯಿತ್ ಬದ್‍ಕಿಯಂಡುಂಡ್. ನಂಗ ಚತ್ತತೇಂಗಿಯು ಒಡೆಯಂಗಾಯಿತ್ ಚತ್ತ್ ಪೋಪ; ಆನಗುಂಡ್, ನಂಗ ಬದ್‍ಕಿಯಂಡಿಂಜತೇಂಗಿಯು, ಚತ್ತತೇಂಗಿಯು ಒಡೆಯಂಗ್ ಕೂಡ್‍ನಯಿಂಗಳಾಯಿತುಂಡ್.

1 ಕೊರಿಂಥ 11:3

ಆಚೇಂಗಿ ಇಕ್ಕ, ಇದ್ ನಿಂಗಕ್ ಗೊತ್ತಾಯಿತಿರಂಡೂಂದ್ ನಾಕ್ ಆಸೆ. ಪ್ರತಿಯೊರ್ ಆಣಾಳ್‍ಕು ಕ್ರಿಸ್ತ ಮಂಡೆಯಾಯಿತ್ ಉಂಡ್, ಪ್ರತಿಯೊರ್ ಪೊಣ್ಣಾಳ್‍ಕು ಅವಡ ವಡಿಯ ಮಂಡೆಯಾಯಿತ್ ಉಂಡ್, ಕ್ರಿಸ್ತಂಗ್ ದೇವ ಮಂಡೆಯಾಯಿತ್ ಉಂಡ್.

1 ಕೊರಿಂಥ 15:23

ಚಾವ್‍ಯಿಂಜ ಜೀವವಾಯಿತ್ ಎದ್ದಿತ್ ಬಪ್ಪದ್, ಕ್ರಮವಾಯಿತ್ ಆಪ, ನಂಗೆಲ್ಲಾ ಅಯಿಂಗಯಿಂಗಡ ಕ್ರಮತ್‍ಲ್ ಒಬ್ಬಂಗ್ ಬಯ್ಯ ಒಬ್ಬನಾಯಿತ್ ಏವ, ಈ ವಿಷಯತ್‍ಲ್ ದೇವ, ಕ್ರಿಸ್ತನ ಆದ್ಯವಾಯಿತ್ ಚಾವ್‍ಯಿಂಜ ಜೀವವಾಯಿತ್ ಎಪ್ಪ್‌ಚಿ. ಅನ್ನನೆ ಕ್ರಿಸ್ತ ಪುನಃ ಬಪ್ಪಕ, ದೇವ, ಕ್ರಿಸ್ತಂಡ ಮೇಲೆ ನಂಬಿಕೆ ಬೆಚ್ಚಿತ್ ಚತ್ತ್ ಪೋನಯಿಂಗಳ ಚಾವ್‍ಯಿಂಜ ಜೀವವಾಯಿತ್ ಎಪ್ಪ್‌ಚಿಡುವ.

1 ಕೊರಿಂಥ 15:28

ಎಲ್ಲಾನ ಕ್ರಿಸ್ತಂಡ ಕಾಲ್‍ರ ಅಡಿಕ್ ಇಟ್ಟ ಪಿಂಞ, ಕ್ರಿಸ್ತ, ಎಲ್ಲಾನ ತಾಂಡ ಕಾಲ್‍ರ ಅಡಿಕ್ ಇಟ್ಟ ದೇವಡ ಅದಿಕಾರಕ್ ತನ್ನ ತಾನೆ ಒಪ್ಪ್‌ಚಿಡುವ; ಅಕ್ಕ ದೇವ ಎಲ್ಲಾಂಗು, ಎಲ್ಲವೂ ಆಯಿತ್ ಇಪ್ಪ.

1 ಕೊರಿಂಥ 7:22

ದೇವ ನಿಂಗಳ ಕಾಕ್‍ವಕ ನಿಂಗ ಒರ್ ಅಡಿಯಾಳಾಯಿತ್ ಇಂಜತೇಂಗಿಯು, ಒಡೆಯಂಡಲ್ಲಿ ನಿಂಗ ಇಕ್ಕ ಸ್ವಾತಂತ್ರವಾಯಿತುಳ್ಳಿರ. ಅನ್ನನೆ ದೇವ ನಿಂಗಳ ಕಾಕ್‍ವಕ ನಿಂಗ ಸ್ವಾತಂತ್ರ ಮನುಷ್ಯನಾಯಿತ್ ಇಂಜತೇಂಗಿಯು ಕ್ರಿಸ್ತಂಡ ಕೂಡೆ ಉಳ್ಳ ಐಕ್ಯತ್‍ಲ್ ಅಂವೊ ಎಣ್ಣ್‌ವಾನ ಮಾಡ್‌ವಗುಂಡ್ ನಿಂಗ ಇಕ್ಕ ಅಂವೊಂಗ್ ಅಡಿಯಾಳಾಯಿತುಳ್ಳಿರ.

1 ಕೊರಿಂಥ 8:6

ಆಚೇಂಗಿ, ಎಲ್ಲಾನ ಸೃಷ್ಟಿ ಮಾಡ್‍ನ ಅಪ್ಪನಾನ ದೇವ ಒಬ್ಬನೇ; ನಂಗ ಅಂವೊಂಗಾಯಿತ್ ಬದ್‍ಕಿಯಂಡುಂಡ್. ಯೇಸು ಕ್ರಿಸ್ತ ಎಣ್ಣುವ ಒರೇ ಒರ್ ಒಡೆಯ ನಂಗಕ್ ಉಂಡ್; ಅಂವೊನಗುಂಡ್ ದೇವ ಎಲ್ಲಾನ ಸೃಷ್ಟಿ ಮಾಡ್‍ಚಿ. ಅಂವೊನಗುಂಡ್ ನಂಗ ಬದ್‍ಕಿಯಂಡುಂಡ್.

2 ಕೊರಿಂಥ 10:7

ನಿಂಗ ಪೊರಮೆ ಕಾಂಬ ಕೋಲತ್‍ನ ಮಾತ್ರ ನೋಟಿಯಂಡುಳ್ಳಿರ? ಒಬ್ಬ ತಾನ್ ಕ್ರಿಸ್ತಂಡ ಕೂಡೆ ಐಕ್ಯತ್‍ಲ್ ಉಳ್ಳ್‌ಂದ್ ನಂಬಿಯಂಡಿಂಜತೇಂಗಿ, ಅಂವೊ ಕ್ರಿಸ್ತಂಡ ಕೂಡೆ ಉಳ್ಳ ಐಕ್ಯತ್‍ಲ್ ಇಪ್ಪನೆಕೆ, ನಂಗಳು ಕ್ರಿಸ್ತಂಡ ಕೂಡೆ ಐಕ್ಯತ್‍ಲ್ ಉಂಡ್‍ೕಂದ್ ಅಂವೊ ಅಂವೊಂಡಲ್ಲಿ ಗೇನಮಾಡಡ್.

ಗಲಾತ್ಯ 3:29

ನಿಂಗ ಕ್ರಿಸ್ತಂಡ ಜನವಾಯಿತ್ಂಜತೇಂಗಿ ನಿಂಗ ಅಬ್ರಹಾಮಂಡ ಸಂತಾನಕಾರಂಗ, ಪಿಂಞ ದೇವ ಎಂತ ವಾಗ್ದಾನ ಮಾಡ್‍ಚೋ ಅದ್ ನಿಂಗಕ್ ಕ್‍ಟ್ಟ್‌ವ.

ಗಲಾತ್ಯ 5:24

ಯೇಸು ಕ್ರಿಸ್ತಂಡ ಕೂಡೆ ಐಕ್ಯತ್‍ಲ್ ಉಂಡ್‍ೕಂದ್ ಎಣ್ಣ್‌ವಯಿಂಗೆಲ್ಲಾ, ಅಯಿಂಗಡ ಪಾಪತ್‍ರ ಗುಣತ್‍ನ, ಅದ್ಂಡ ಆಸೆ ಪಿಂಞ ಇಚ್ಛೆನೆಲ್ಲಾ ಶಿಲುಬೇಲ್ ಇಟ್ಟಿತ್‌ಪ್ಪ.

ಎಫೆಸ 1:10

ಅದ್ ಎಂತ ಎಣ್ಣ್‌ಚೇಂಗಿ, ಅಂವೊ ತೀರ್ಮಾನ ಮಾಡ್‍ನ ಕಾಲ ನೆರವೇರುವಕ, ಪರಲೋಕತ್‍ಲ್ ಪಿಂಞ ಬೂಲೋಕತ್‍ಲ್ ಉಳ್ಳ ಎಲ್ಲಾನ ಕೂಟಿತ್, ಕ್ರಿಸ್ತಂಡ ಅದಿಕಾರತ್‍ರ ಅಡಿಕ್ ಕೊಂಡ್ ಬರಂಡೂಂದ್ ಉಳ್ಳದ್‍ನ ದೇವ ಪೂರ್ತಿ ಮಾಡ್‌ವ.