1 ಕೊರಿಂಥ 3:19 - ಕೊಡವ ಬೈಬಲ್

¹⁹ ಎನ್ನಂಗೆಣ್ಣ್‌ಚೇಂಗಿ ಈ ಲೋಕತ್‍ರ ಜ್ಞಾನ ದೇವಡ ಮಿಂಞತ್ ಪುಚ್ಚಿರನೆಕೆ ಉಂಡ್. ಜ್ಞಾನಿಯಡ ಮುಠಾಳತನತ್‍ರ ಮೂಲಕ ದೇವ ಅಯಿಂಗಳ ಪುಡ್‍ಚಿರುವಾಂದ್ ದೇವಡ ವಾಕ್ಯತ್‍ಲ್ ಒಳ್‍ದಿತುಂಡ್.

1 ಕೊರಿಂಥ 3:19 ပူးပေါင်းရင်းမြစ်များ

ಎಸ್ತೆರ್‌ 7:10

ಅಯಿಂಗ ಮೊರ್ದೆಕೈಕಾಯಿತ್‌ ಹಾಮಾನ ತಯಾರ್‌ ಮಾಡ್‌ನ ತೂಕ್‌ಮರತ್‌ಲ್‌ ತೂಕ್‌ಚಿ. ಅಕ್ಕ ರಾಜಂಡ ಚೆಡಿ ಕಮ್ಮಿಯಾಚಿ.

ಜ್ಞಾನತ್‌ರ ಪಡಿಮ 14:8

ತಾಂಡ ಬಟ್ಟೆನ ಅರ್ಥ ಮಾಡಿಯೊದ್‌ ವಿವೇಕ ಉಳ್ಳಂವೊಂಡ ಜ್ಞಾನ. ಆಚೇಂಗಿ ಮೂಡಂಗ ದಡ್ಡತನತಿಂಜ ಅಯಿಂಗಳ ವಂಚನೆ ಮಾಡಿಯೊವ.

ಜ್ಞಾನತ್‌ರ ಪಡಿಮ 21:30

ಮನುಷ್ಯಂಡ ಜ್ಞಾನವು, ಬುದ್ದಿಯು, ಆಲೋಚನೆಯು ಯೆಹೋವಂಡ ಮಿಂಞ ನಿಪ್ಪುಲೆ.

1 ಕೊರಿಂಥ 2:6

ಅನ್ನನೆ ಇಂಜತೇಂಗಿಯು, ಆತ್ಮತ್‍ರ ಬದ್‍ಕ್‍ಲ್ ಬೊಳ್ಂದಿತುಳ್ಳಯಿಂಗಡ ಪಕ್ಕ ಜ್ಞಾನತ್‍ರ ವಿಷಯತ್‍ನ ನಂಗ ಪರಿವ. ಈ ಲೋಕತ್‍ರ ಜ್ಞಾನತ್‍ನ ಅಲ್ಲ, ಪಾಳಾಯಿ ಪೋಪ ಈ ಲೋಕತ್‍ರ ರಾಜಂಗಡ ಜ್ಞಾನವು ಅಲ್ಲ,

1 ಕೊರಿಂಥ 4:6

ನಾಡ ಅಣ್ಣತಮ್ಮಣಂಗಳೇ, ದೇವಡ ವಾಕ್ಯತ್‍ಲ್ ಎಣ್ಣ್‌ನಗಿಂಜ ಜಾಸ್ತಿ ಎಣ್ಣತನೆಕೆ ಇಪ್ಪಕ್ ನಿಂಗ ಪಡಿಪಕ್ ಪಿಂಞ ಒಬ್ಬಯಿಂಜ ಇಂಞೊಬ್ಬ ಬಲ್ಯಂವೋಂದ್ ಆಂಗಾರತ್‍ಲ್ ಗೇನ ಮಾಡತೆ ಇಪ್ಪಕ್, ನಾನ್ ನಿಂಗಕಾಯಿತ್ ನನ್ನ ಪಿಂಞ ಅಪೊಲ್ಲೋಸನ ಉದಾರಣೆಯಾಯಿತ್ ಇಲ್ಲಿ ಕಾಂಬ್‌ಚಿಟ್ಟಿತ್ ಒಳ್‍ದಿಯೆ.

ಎಫೆಸ 4:14

ನಂಗ ಇಂಞು ಮಿಂಞಕ್ ಕುಂಞಿಯರನೆಕೆ ಇಕ್ಕತೆ, ಮನುಷ್ಯಂಗಡ ಕಪಟ ಪಿಂಞ ವಂಚನೆ ಮಾಡ್‌ವ ತಂತ್ರವುಳ್ಳ ಬೋದನೆಯಾನ, ನಾನಾತರ ಗಾಳಿರಗುಂಡ್ ಅಲ್ಲಾಡಿಯಂಡಿಪ್ಪ, ಅಲೆರನೆಕೆ ಅಪ್ಪರ ಇಪ್ಪರ ಪೋಯಂಡಿಪ್ಪಯಿಂಗಳಾಯಿತ್ ಇರತಿ.

ಯಾಕೋಬ 3:15

ಅಂತ ಬುದ್ದಿವಂತಿಗೆ ಪರಲೋಕತ್ಂಜ ಬಪ್ಪದ್ ಅಲ್ಲ, ಅದ್ ಬೂಲೋಕಕ್ ಕೂಡ್‍ನದ್, ಆತ್ಮೀಯವಾನದಲ್ಲತದ್ ಪಿಂಞ ಕೂಳಿಯಡದ್.