1 ಕೊರಿಂಥ 3:14 - ಕೊಡವ ಬೈಬಲ್

¹⁴ ಆ ತಿತ್ತ್ಂಜ ಅಂವೊ ಕೆಟ್ಟ್‌ನದ್ ಬಚಾವ್ ಆಚೇಂಗಿ, ಕೆಟ್ಟ್‌ನಂವೊಂಗ್ ಇನಾಮ್ ಕ್‍ಟ್ಟ್‌ವ.

1 ಕೊರಿಂಥ 3:14 ပူးပေါင်းရင်းမြစ်များ

1 ಕೊರಿಂಥ 3:8

ಇಂಞು ಕುರುನ ಬಿತ್ತ್‌ವಂವೊನು ನೀರ್ ಬೂಕ್‍ವಂವೊನು ಒರೇ ಉದ್ದೇಶಕಾಯಿತ್ ಕೆಲಸ ಮಾಡ್‌ವ. ದಂಡಾಳ್‍ಕು ಅಯಿಂಗಯಿಂಗ ಮಾಡ್‍ನ ಕೆಲಸಕ್ ತಕ್ಕಂತ ಸಂಬಳ ಕ್‍ಟ್ಟ್‌ವ.

1 ಕೊರಿಂಥ 4:5

ಈ ಕಾರಣಕಾಯಿತ್, ಸರಿಯಾನ ಸಮಯ ಬಪ್ಪಕ್ ಮಿಂಞ ನಿಂಗ ದಾರ್‌ಕು ತೀರ್ಪ್ ಮಾಡಂಡ. ಒಡೆಯ ಬಪ್ಪಕತ್ತನೆ ಪಾರಕಾತಂಡಿರಿ. ಅಂವೊ ಇರ್‌ಟ್‌ಲ್ ಉಳ್ಳ ಒಳಗುಟ್ಟ್‌ನೆಲ್ಲ ಬೊಳಿಕ್ ಕೊಂಡ್ ಬಂದಿತ್, ಹೃದಯತ್‍ರ ಗೇನತ್‍ನ ಪೊರಮೆ ಕಾಂಬ್‌ಚಿಡುವ. ಅಕ್ಕ ಒಬ್ಬೊಬ್ಬಂಗಕ್ ತಕ್ಕ ಹೊಗಳಿಕೆ ದೇವಡಯಿಂಜ ಅಯಿಂಗಕ್ ಕ್‍ಟ್ಟ್‌ವ.

1 ಕೊರಿಂಥ 9:17

ನಾನ್ ನಾಡ ಕುಶೀಲ್ ಈ ಸೇವೇನ ಮಾಡ್‍ಚೇಂಗಿ, ನಾಕ್ ಫಲ ಉಂಡ್; ಆಚೇಂಗಿ ಇದ್‍ನ ಮಾಡಂಡೂಂದ್ ನಾನ್ ತೀರ್ಮಾನ ಮಾಡಿತ್ತ್‌ಲ್ಲೆ. ನನ್ನ ನಂಬಿತ್, ಈ ಜವಾಬ್ದಾರಿನ ದೇವ ನಾಕ್ ಕೊಡ್‌ತಿತುಂಡ್. ನಾನ್ ಇದ್‍ಯಿಂಜ ತಪ್ಪಿಚಿಡ್‌ವಕ್ ಕಯ್ಯುಲೆ.

ಗಲಾತ್ಯ 6:4

ಎಲ್ಲಾರು ಅಯಿಂಗ ಅಯಿಂಗಡ ಕ್ರಿಯೇನ ಪರೀಕ್ಷೆ ಮಾಡಂಡು; ಅಕ್ಕ ಅಂವೊ ಬೋರೆಯಿಂಗಳ ನೋಟ್‍ವಕ ಅಲ್ಲ, ಅಂವೊ ಅಂವೊಂಡ ವಿಷಯತ್‍ನ ನೋಟ್‍ವಕ ದುಂಬ ತೃಪ್ತಿಯಾಪ.

1 ಥೆಸಲೊನೀಕ 2:19

ಆಚೇಂಗಿ ಎಂತ? ನಂಗಕ್ ನಿರೀಕ್ಷೆಯಾಯಿತ್, ಕುಶಿಯಾಯಿತ್, ಕಿರೀಟವಾಯಿತ್ ಇಪ್ಪಯಿಂಗ ದಾರ್? ನಂಗಡ ಒಡೆಯನಾನ ಯೇಸು ಕ್ರಿಸ್ತ ಪುನಃ ಬಪ್ಪಕ, ಅಂವೊಂಡ ಮಿಂಞ ನಿಂಗಳೇ ನಂಗಕ್ ಅನ್ನನೆ ಇಪ್ಪಿರ.

2 ತಿಮೊಥೆಯ 4:7

ನಾನ್ ನಲ್ಲ ಪೋರಾಟತ್‍ನ ಪೋರಾಡ್‍ನ, ಓಟತ್‍ನ ಪೂರ್ತಿ ಮಾಡ್‍ನ, ನಾಡ ನಂಬಿಕೇನ ಕಾಪಾಡ್‍ನ.

1 ಪೇತ್ರ 5:1

ನಿಂಗಡಲ್ಲಿ ಉಳ್ಳ ಪೆರಿಯಯಿಂಗಕ್ ಮೂಪನಾಯಿತು, ಕ್ರಿಸ್ತಂಡ ಕಷ್ಟಕ್ ಸಾಕ್ಷಿಯಾಯಿತು, ಇಂಞು ಮಿಂಞಕ್ ಬಪ್ಪಕುಳ್ಳ ಮಹಿಮೇಕ್ ಪಾಲ್‍ದಾರನಾಯಿತು ಇಪ್ಪ ನಾನ್ ನಿಂಗಕ್ ಬೋಡ್‍ವದ್ ಎಂತ ಎಣ್ಣ್‌ಚೇಂಗಿ:

1 ಪೇತ್ರ 5:4

ಅನ್ನನೆ ಮಾಡ್‍ಚೇಂಗಿ, ದೇವಡ ಮಕ್ಕಳ ಕೊರಿ ಕಾಪಂವೊಡನೆಕೆ ನೋಟಿಯಂಡುಳ್ಳ ಬಲ್ಯಂವೊ ಬಪ್ಪಕ, ನಿಂಗ ಅಂವೊಂಡಿಂಜ ಮಾಜ್ ಪೋಕತ ಮಹಿಮೇರ ಕಿರೀಟತ್‍ನ ಪಡೆಯುವಿರ.