1 ಕೊರಿಂಥ 2:7 - ಕೊಡವ ಬೈಬಲ್

⁷ ಆಚೇಂಗಿ ಈ ಲೋಕ ಸೃಷ್ಟಿ ಆಪಕ್ ಮಿಂಞಲೇ ನಂಗಡ ಮಹಿಮೆಕಾಯಿತ್ ಉಂಟ್‍ಮಾಡಿತ್, ಅದ್‍ನ ಒಳ್‌ಪ್‍ಚಿಟ್ಟಿತ್‌ಂಜ ಗುಟ್ಟಾನ ದೇವಡ ಜ್ಞಾನತ್‍ನ ನಂಗ ಪರಿವ.

1 ಕೊರಿಂಥ 2:7 ပူးပေါင်းရင်းမြစ်များ

ಮತ್ತಾಯ 11:25

ಆ ಸಮಯತ್‍ಲ್ ಯೇಸು: ಪರಲೋಕಕು ಬೂಲೋಕಕು ಒಡೆಯನಾನ ನಾಡ ಅಪ್ಪನೇ, ನೀನ್, ಈ ಸತ್ಯವಾನ ವಿಷಯತ್‍ನ ಜ್ಞಾನಿಯಂಗಕು ಪಡಿಚಯಿಂಗಕು ಮರೆ ಮಾಡಿತ್, ಪಡಿಕತ ಸಾದಾರಣ ಜನಕ್ ಎಣ್ಣಿ ಕೊಡ್‌ತಿತುಳ್ಳಗುಂಡ್ ನೀಕ್ ವಂದನೆ ಮಾಡ್‌ವಿ.

ಮತ್ತಾಯ 13:35

ನಾನ್ ಕಥೇರ ರೂಪತ್‌ಲ್ ತಕ್ಕ್ ಪರಿಯುವಿ; ಬೂಲೋಕ ಸೃಷ್ಟಿ ಆಪಕಿಂಜ ಮಿಂಞ ಗುಟ್ಟಾಯಿತ್ಂಜಾನೆಲ್ಲ ಅರ್ಥ ಮಾಡಿ ತಪ್ಪೀಂದ್, ಪ್ರವಾದಿ ಎಣ್ಣ್‌ನದ್ ಇಕ್ಕ ನೆರವೇರ್‍ಚಿ.

ರೋಮ್ 11:25

ನಾಡ ಅಣ್ಣತಮ್ಮಣಂಗಳೇ, ನಿಂಗಕ್ ನಿಂಗಳೇ ಬುದ್ದಿವಂತಯಿಂಗಾಂದ್ ಗೇನಮಾಡತನೆಕೆ, ನಾನ್ ನಿಂಗಕ್ ಒರ್ ಗುಟ್ಟ್‌ನ ಎಣ್ಣಿ ತಪ್ಪಿ. ಅದ್ ಎಂತ ಎಣ್ಣ್‌ಚೇಂಗಿ, ಯೆಹೂದ್ಯಂಗಲ್ಲತಯಿಂಗಡ ರಕ್ಷಣೆರ ಲೆಕ್ಕ ಪೂರ್ತಿ ಆಪಕತ್ತನೆ, ಇಸ್ರಾಯೇಲ್‍ರ ಒರ್ ಗುಂಪ್ ಕಠಿಣ ಮನಸ್ಸಾಯಿತೇ ಇಪ್ಪ.

ರೋಮ್ 8:29

ದೇವ ತಾಂಡ ದುಂಬ ಮಕ್ಕಡಲ್ಲಿ ತಾಂಡ ಮೋಂವೊ ಆದ್ಯಂವೊನಾಯಿತಿಪ್ಪಕಾಯಿತ್, ದೇವ ದಾರ್‌ನ ಮಿಂಞಲೇ ಗೊತ್ತ್ ಮಾಡ್‍ಚೋ, ಅಯಿಂಗಳ ತಾಂಡ ಮೋಂವೊಂಡ ರೂಪತ್‍ರನೆಕೆ ಇಪ್ಪಕಾಯಿತ್ ಮಿಂಞಲೇ ತೀರ್ಮಾನ ಮಾಡ್‍ಚಿ.

ರೋಮ್ 8:30

ದಾರ್‌ನ ಅಂವೊ ಮಿಂಞಲೇ ಗೊತ್ತ್ ಮಾಡ್‍ಚೋ ಅಯಿಂಗಳ ಕಾಕ್‌ಚಿಟ್ಟತ್; ದಾರ್‌ನ ಕಾಕ್‍ಚಿಟ್ಟತೋ ಅಯಿಂಗಳ ನೀತಿವಂತಯಿಂಗಳಾಯಿತ್ ಮಾಡ್‍ಚಿ; ದಾರ್‌ನ ನೀತಿವಂತಯಿಂಗಳಾಯಿತ್ ಮಾಡ್‍ಚೋ ಅಯಿಂಗಕ್ ತಾಂಡ ಮಹಿಮೆನ ಕೊಡ್‍ತತ್.

1 ಕೊರಿಂಥ 2:1

ನಾಡ ಅಣ್ಣತಮ್ಮಣಂಗಳೇ, ನಾನ್ ಆದ್ಯವಾಯಿತ್ ನಿಂಗಡ ಪಕ್ಕ ದೇವಡ ವಿಷಯತ್‍ನ ಎಣ್ಣುವಕ್ ಬಪ್ಪಕ, ನಾನ್ ಎಂತೋ ಬಲ್ಯ ಬಲ್ಯ ತಕ್ಕ್ ಎಣ್ಣಿಯಂಡ್, ಜ್ಞಾನತ್‍ರ ಬಲ್ಯ ತಕ್ಕ್ ಪರ್ಂದಂಡ್ ಬಂದಿತ್ತ್‌ಲ್ಲೆ.

ಎಫೆಸ 1:4

ತಾಂಡ ಮಿಂಞತ್, ನಂಗ ಪ್ರೀತಿಲ್ ಪವಿತ್ರವಾನಯಿಂಗಳಾಯಿತು, ಒರ್ ಕುತ್ತ ಇಲ್ಲತಯಿಂಗಳಾಯಿತು ಇಪ್ಪಕ್, ಲೋಕ ಉಂಟಾಪಕ್ ಮಿಂಞಲೇ ದೇವ ನಂಗಳ ಅಂವೊಂಡ ಜನವಾಯಿತ್ ಇಪ್ಪಕ್ ಕ್ರಿಸ್ತಂಡಲ್ಲಿ ಗೊತ್ತ್ ಮಾಡಿರ್‌ತ್.

ಎಫೆಸ 3:10

ಆನಗುಂಡ್, ಸಬೆರ ಮೂಲಕ ಅಂವೊಂಡ ನಾನಾತರ ಜ್ಞಾನತ್‍ನ ಇಕ್ಕ ಎಲ್ಲಾ ಅದಿಪತಿಯಂಗಕು, ಪರಲೋಕತ್‍ಲ್ ಉಳ್ಳ ಎಲ್ಲಾ ಅದಿಕಾರಕು ಗೊತ್ತಾಪನೆಕೆ ಮಾಡ್‍ಚಿ.

2 ತಿಮೊಥೆಯ 1:9

ಎನ್ನಂಗೆಣ್ಣ್‌ಚೇಂಗಿ ದೇವ ನಂಗಳ ರಕ್ಷಣೆ ಮಾಡಿತ್, ಪವಿತ್ರವಾನ ಬದ್‍ಕ್ ಬಾಳ್‌ವಕ್ ನಂಗಳ ಕಾಕಿತುಂಡ್. ನಂಗಕ್ ಇದ್ ಕ್‍ಟ್ಟ್‌ವಕ್ ಒರ್ ಯೊಗ್ಯತೆಯು ಇಲ್ಲೆ. ಆಚೇಂಗಿ, ಕಾಲ ಸುರ್ ಆಪಕ್ ಮಿಂಞಲೇ, ಈ ಕೃಪೆ ಯೇಸು ಕ್ರಿಸ್ತನಗುಂಡ್ ನಂಗಕ್ ಕ್‍ಟ್ಟಂಡೂಂದ್ ದೇವಡ ಚಿತ್ತವಾಯಿತ್ಂಜತ್.

ಇಬ್ರಿಯ 1:2

ಆಚೇಂಗಿ, ಕಡೆ ಕಾಲವಾನ ಇಕ್ಕ, ಅಂವೊಂಡ ಮೋಂವೊಂಡ ಮೂಲಕ ನಂಗಡ ಕೂಡೆ ತಕ್ಕ್ ಪರ್‌ಂದಿತುಂಡ್. ಇಂವೊನ ಎಲ್ಲಾಂಗು ಹಕ್ಕ್‌ದಾರನಾಯಿತ್ ನೇಮಿಚಿಟ್ಟಿತ್, ಇಂವೊನಗುಂಡ್ ಇಡೀ ಲೋಕತ್‍ನ ಸೃಷ್ಟಿ ಮಾಡ್‍ಚಿ.

ಇಬ್ರಿಯ 11:3

ನಂಬಿಕೇರ ಮೂಲಕ, ದೇವ ಈ ಲೋಕತ್‍ನ ಅಂವೊಂಡ ತಕ್ಕ್‌ರ ಮೂಲಕ ಸೃಷ್ಟಿ ಮಾಡ್‌ಚೀಂದು, ಅನ್ನನೆ ನಂಗಡ ಕಣ್ಣ್‌ಕ್ ಕಾಂಬ ವಿಷಯವೆಲ್ಲ, ಕಣ್ಣ್‌ಕ್ ಕಾಂಬಕಯ್ಯುವ ವಿಷಯತ್‍ರಗುಂಡ್ ಮಾಡಿತ್‌ಲ್ಲೇಂದು ನಂಗಕ್ ಗೊತ್ತುಂಡ್.

1 ಪೇತ್ರ 1:11

ಅಯಿಂಗಡಲ್ಲಿ ಇಂಜ ಕ್ರಿಸ್ತಂಡ ಆತ್ಮ, ಕ್ರಿಸ್ತಂಗ್ ಬಪ್ಪಕುಳ್ಳ ಕಷ್ಟತ್‍ನ ಪಿಂಞ ಅದ್‍ನಗುಂಡ್ ಬಯ್ಯ ಬಪ್ಪ ಮಹಿಮೆನ ಮಿಂಞಲೇ ಎಣ್ಣುವಕ, ಏದ್ ಕಾಲತ್‍ಲ್ ಇನ್ನನೆಲ್ಲ ಆಪಾ, ಆ ಕಾಲತ್‍ಲ್ ಎಂತೆಲ್ಲಾ ಆಪಾಂದ್ ಸಹ ಪಡಿಚಂಡಿಂಜತ್.

1 ಪೇತ್ರ 5:1

ನಿಂಗಡಲ್ಲಿ ಉಳ್ಳ ಪೆರಿಯಯಿಂಗಕ್ ಮೂಪನಾಯಿತು, ಕ್ರಿಸ್ತಂಡ ಕಷ್ಟಕ್ ಸಾಕ್ಷಿಯಾಯಿತು, ಇಂಞು ಮಿಂಞಕ್ ಬಪ್ಪಕುಳ್ಳ ಮಹಿಮೇಕ್ ಪಾಲ್‍ದಾರನಾಯಿತು ಇಪ್ಪ ನಾನ್ ನಿಂಗಕ್ ಬೋಡ್‍ವದ್ ಎಂತ ಎಣ್ಣ್‌ಚೇಂಗಿ:

1 ಪೇತ್ರ 5:10

ಯೇಸು ಕ್ರಿಸ್ತಂಡ ಕೂಡೆ ಉಳ್ಳ ಐಕ್ಯತ್‍ಲ್ ನಂಗಳ ತಾಂಡ ನಿತ್ಯ ಮಹಿಮೇಕ್ ಕಾಕ್‍ನ ಕೃಪೆ ದುಂಬ್‍ನ ದೇವ, ಚೆನ್ನ ಕಾಲ ಕಷ್ಟ ಅನುಬವಿಚಿಡುವ ನಿಂಗಳ ಚಾಯಿ ಮಾಡಿತ್, ಬಲಪಡ್‍ತಿತ್, ಸ್ತಿರಪಡ್‌ತಿತ್, ನಿಪ್ಪ್‌ಚಿಡಡ್.

2 ಪೇತ್ರ 1:3

ದೇವಡ ಶಕ್ತಿ ನಂಗಡ ಈ ಬದ್‍ಕ್‍ಕ್ ಬೋಂಡಿಯಾನ ಎಲ್ಲಾನ ತಂದಿತ್, ದೇವಡ ಬಕ್ತಿಲ್ ಬದ್‍ಕ್‍ವಕ್ ಮಾಡಿಯಂಡುಂಡ್. ಅಂವೊಂಡ ಮಹಿಮೇರಗುಂಡ್ ಪಿಂಞ ನಲ್ಲ ಗುಣತ್‍ರಗುಂಡ್ ನಂಗಳ ಕಾಕ್‍ನಂವೊನ ಗೊತ್ತಾನಗುಂಡ್ ಇದೆಲ್ಲ ನಂಗಕ್ ಕ್‍ಟ್ಟ್‌ಚಿ.

ಪ್ರಕಟನೆ 13:8

ಈ ಲೋಕತ್‍ರ ಸುರುಯಿಂಜ, ಮಿಂಞಲೇ ಬಲಿಯಾಯಿತ್ ಇಂಜ ಕೊರಿಕುಟ್ಟಿಯಾನವೊಂಡ ಜೀವತ್‍ರ ಪುಸ್ತಕತ್‍ಲ್ ಪೆದ ಒಳ್‌ದಿತಿಲ್ಲತ ಎಲ್ಲಾರು ಆ ಮೃಗತ್‍ನ ಆರಾದನೆ ಮಾಡ್‌ವ.