1 ಕೊರಿಂಥ 2:6 - ಕೊಡವ ಬೈಬಲ್

⁶ ಅನ್ನನೆ ಇಂಜತೇಂಗಿಯು, ಆತ್ಮತ್‍ರ ಬದ್‍ಕ್‍ಲ್ ಬೊಳ್ಂದಿತುಳ್ಳಯಿಂಗಡ ಪಕ್ಕ ಜ್ಞಾನತ್‍ರ ವಿಷಯತ್‍ನ ನಂಗ ಪರಿವ. ಈ ಲೋಕತ್‍ರ ಜ್ಞಾನತ್‍ನ ಅಲ್ಲ, ಪಾಳಾಯಿ ಪೋಪ ಈ ಲೋಕತ್‍ರ ರಾಜಂಗಡ ಜ್ಞಾನವು ಅಲ್ಲ,

1 ಕೊರಿಂಥ 2:6 ပူးပေါင်းရင်းမြစ်များ

ಮತ್ತಾಯ 13:22

ಮುಳ್ಳ್‌ರ ಪೊದೆಲ್ ಬುದ್ದ ಕುರು ಎನ್ನನೇಂದ್ ಎಣ್ಣ್‌ಚೇಂಗಿ, ಅಯಿಂಗ ದೇವಡ ವಾಕ್ಯತ್‍ನ ಕ್‍ೕಪ. ಆಚೇಂಗಿ ಈ ಬದ್‍ಕ್‍ರ ವಿಷಯತ್ ಬೇಜಾರ್ ಮಾಡಿಯಂಡ್, ಪಣತ್‍ರ ಮೇಲೆ ಉಳ್ಳ ಆಸೆರಗುಂಡ್, ಇದೆಲ್ಲ, ಅಯಿಂಗ ಕ್‍ೕಟ ದೇವಡ ವಾಕ್ಯತ್‍ನ ನೆರ್‌ಕಿತ್, ಅಯಿಂಗ ಫಲ ಕೊಡ್‍ಕತೆ ಪೋಪ.

ಮತ್ತಾಯ 19:21

ಅದ್ಂಗ್ ಯೇಸು: ನೀನ್ ಒರ್ ಕುತ್ತವು ಇಲ್ಲತೆ ಬದ್‍ಕಂಡೂಂದ್ ನೀಕ್ ಆಸೆ ಉಂಡೇಂಗಿ, ಮನೆಕ್ ಪೋಯಿತ್, ನೀಡ ಪಕ್ಕ ಉಳ್ಳ ಆಸ್ತಿನೆಲ್ಲ ಮಾರ್‌ವಂಜಿ ಆ ಪಣತ್‍ನ ಗರೀಬಂಗಕ್ ಕೊಡ್, ಅಕ್ಕ ಪರಲೋಕತ್‍ಲ್ ನೀಕ್ ಐಶ್ವರ್ಯ ದುಂಬಿತ್ ಕ್‍ಟ್ಟುವ, ಪಿಂಞ ನಾಡ ಬಯ್ಯ ಬಾಂದ್ ಯೇಸು ಎಣ್ಣ್‌ಚಿ.

ಮತ್ತಾಯ 5:48

ಆನಗುಂಡ್ ನಿಂಗಳ ಪ್ರೀತಿ ಮಾಡತಯಿಂಗಳ ಸಹ ನಿಂಗ ಪ್ರೀತಿ ಮಾಡಿತ್, ಪರಲೋಕತ್‍ಲ್ ಉಳ್ಳ ನಿಂಗಡ ಅಪ್ಪ ಪೂರ್ತಿಯಾಯಿತುಳ್ಳನೆಕೆ ನಿಂಗಳು ಪೂರ್ತಿಯಾಯಿತಿರಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 16:8

ಅನ್ಯಾಯ ಮಾಡ್‌ವ ಈ ಅದಿಕಾರಿರ ಎಜಮಾನ ಇದ್‍ನೆಲ್ಲಾ ಕ್‍ೕಪಂಜಿ, ಅಂವೊಂಡ ಬುದ್ದಿನ ಕಂಡಿತ್, ಬೋರೆ ಬಟ್ಟೆಯಿಲ್ಲತೆ ಅಂವೊನ ಹೊಗಳ್‍ಚಿ. ಮಿಂಞತ್‍ರ ಬದ್‍ಕ್‍ಕ್ ಬೋಂಡಿಯಾನದ್‍ನ ಉಳಿಕೆ ಮಾಡಿತ್ ಬೆಪ್ಪಕ್, ಬೊಳ್‍ಚತ್‍ರ ಮಕ್ಕಕಿಂಜ, ಈ ಲೋಕತ್‍ನ ಮಾತ್ರ ಗೇನಮಡಿಯಂಡುಳ್ಳ ಮಕ್ಕ ಬಾರಿ ಬುದ್ದಿವಂತಯಿಂಗಳಾಯಿತುಂಡ್.

1 ಕೊರಿಂಥ 1:28

ಈ ಲೋಕ ಏದ್ ದುಂಬ ಮುಕ್ಯಾಂದ್ ಎಣ್ಣುವ, ಅದ್‍ನ ತಿರಸ್ಕಾರ ಮಾಡ್‌ವಕಾಯಿತ್, ಕಮ್ಮಿತರತ್‍ನ, ಪ್ರಯೋಜನ ಇಲ್ಲತದ್‍ನ ಪಿಂಞ ಲೋಕತ್‍ರ ಜನ ಕೀಳಾಯಿತ್ ನೋಟ್‍ವಾನ ದೇವ ಗೊತ್ತ್ ಮಾಡಿಯಂಡತ್.

1 ಕೊರಿಂಥ 12:8

ಎನ್ನನೆ ಎಣ್ಣ್‌ಚೇಂಗಿ, ಒಬ್ಬಂಗ್ ಪವಿತ್ರಾತ್ಮನಗುಂಡ್ ಜ್ಞಾನತ್‍ನ ಬೋದನೆ ಮಾಡ್‌ವ ವರ, ಬೋರೆ ಒಬ್ಬಂಗ್ ಅದೇ ಪವಿತ್ರಾತ್ಮನಗುಂಡ್ ಬುದ್ದಿ ಎಣ್ಣುವ ವರ,

1 ಕೊರಿಂಥ 14:20

ನಾಡ, ಅಣ್ಣತಮ್ಮಣಂಗಳೇ, ದೇವಡ ಆತ್ಮ ತಪ್ಪ ವರತ್‍ರ ವಿಷಯತ್‍ಲ್ ಚೆರಿಯ ಮಕ್ಕಡನೆಕೆ ನಿಂಗ ಗೇನ ಮಾಡತಿ, ಕೆಟ್ಟ ವಿಷಯತ್‍ಲ್ ನಿಂಗ ಚೆರಿಯ ಮಕ್ಕಡನೆಕೆ ಗೇನ ಮಾಡಂಡು, ಆಚೇಂಗಿ ಈ ವಿಷಯತ್‍ಲ್ ಬಲ್ಯಂಗಡನೆಕೆ ನಿಂಗ ಗೇನ ಮಾಡಂಡು.

1 ಕೊರಿಂಥ 2:1

ನಾಡ ಅಣ್ಣತಮ್ಮಣಂಗಳೇ, ನಾನ್ ಆದ್ಯವಾಯಿತ್ ನಿಂಗಡ ಪಕ್ಕ ದೇವಡ ವಿಷಯತ್‍ನ ಎಣ್ಣುವಕ್ ಬಪ್ಪಕ, ನಾನ್ ಎಂತೋ ಬಲ್ಯ ಬಲ್ಯ ತಕ್ಕ್ ಎಣ್ಣಿಯಂಡ್, ಜ್ಞಾನತ್‍ರ ಬಲ್ಯ ತಕ್ಕ್ ಪರ್ಂದಂಡ್ ಬಂದಿತ್ತ್‌ಲ್ಲೆ.

1 ಕೊರಿಂಥ 2:13

ಈ ವಿಷಯತ್‍ನೆಲ್ಲಾ ಮನುಷ್ಯಂಗಡ ಜ್ಞಾನ ಎಣ್ಣಿತಂದನೆಕೆ ಬೋದನೆ ಮಾಡುಲೆ, ಆಚೇಂಗಿ, ಪವಿತ್ರಾತ್ಮ ನಂಗಕ್ ಎಂತ ಬೋದನೆ ಮಾಡ್‍ಚೋ, ಆ ತಕ್ಕ್‌ನ ಮಾತ್ರ ಪರಿಂದಿತ್, ಆತ್ಮೀಯ ವಿಷಯತ್‍ನ ಪವಿತ್ರಾತ್ಮ ಉಳ್ಳಯಿಂಗಕ್ ವಿವರಿಚಿಟ್ಟಂಡುಂಡ್.

1 ಕೊರಿಂಥ 2:8

ಆಚೇಂಗಿ ಈ ಲೋಕತ್‍ರ ರಾಜಂಗ ದಾರೂ ಇದ್‍ನ ಅರ್ಥ ಮಾಡಿಯಂಡಿತ್‌ಲ್ಲೆ. ಅನ್ನನೆ ಅರ್ಥ ಮಾಡಿತ್ಂಜತೇಂಗಿ, ಮಹಿಮೆಯುಳ್ಳ ಒಡೆಯನ ಅಯಿಂಗ ಶಿಲುಬೇಕ್ ಇಡ್‍ವಕಿಂಜಿಲೆ.

1 ಕೊರಿಂಥ 3:1

ನಾಡ ಅಣ್ಣತಮ್ಮಣಂಗಳೇ, ನಾನ್ ನಿಂಗಡ ಕೂಡೆ ಇಪ್ಪಕಾಪಕ, ಆತ್ಮೀಯ ಬದ್‍ಕ್‍ಲ್ ಬೊಳ್‌ಂದಯಂಗಳಾಯಿತ್ ನಿಂಗಡ ಕೂಡೆ ತಕ್ಕ್‌ಪರಿವಕ್ ಕಯ್ಯತೆ, ಈ ಲೋಕತ್‍ರ ಜನತ್‍ರನೆಕೆ, ಪಿಂಞ ಕ್ರಿಸ್ತಂಡ ಕೂಡೆ ಉಳ್ಳ ನಿಂಗಡ ಆತ್ಮೀಯ ಬದ್‍ಕ್‍ಲ್ ಚೆರಿಯ ಮಕ್ಕಡನೆಕೆ ನಿಂಗಳ ಗೇನ ಮಾಡಿತ್ ತಕ್ಕ್ ಪರಿವಕಾಚಿ.

2 ಕೊರಿಂಥ 1:12

ನಂಗ ಮನುಷ್ಯಂಗಡಿಂಜ ಬಂದ ಜ್ಞಾನತ್‍ಲ್ ನಡ್‍ಕತೆ, ದೇವಡ ಕೃಪೇರಗುಂಡ್, ಈ ಲೋಕತ್‌ಲು, ಮುಕ್ಯವಾಯಿತ್ ನಿಂಗಡ ಕೂಡೆಯು, ಕಪಟ ಇಲ್ಲತ ಪವಿತ್ರವಾನ ಸತ್ಯತ್‍ಲ್ ನಡ್ಂದತ್‍ೕಂದ್, ನಂಗಡ ಮನಸಾಕ್ಷಿ ನಂಗಕ್ ಎಣ್ಣುವ ಸಾಕ್ಷಿಯೇ ನಂಗಡ ಹೆಮ್ಮೆ ಆಯಿತುಂಡ್.

2 ಕೊರಿಂಥ 13:11

ಆಕೀರ್‌ಲ್, ನಾಡ ಅಣ್ಣತಮ್ಮಣಂಗಳೇ, ನಿಂಗ ಕುಶೀಲ್ ಇರಿ, ಪೂರ್ತಿಯಾಯಿತ್ ಇರಿ, ಒಬ್ಬಂಗ್ ಒಬ್ಬ ಪುರ್‌ಡ್ ಕೊಡಿ, ಒರೇ ಮನಸ್ಸ್ ಉಳ್ಳಯಿಂಗಳಾಯಿತಿರಿ, ಸಮಾದಾನತ್‍ಲ್ ಇರಿ, ಅಕ್ಕ ಪ್ರೀತಿರ ಪಿಂಞ ಸಮಾದಾನತ್‍ರ ದೇವ ನಿಂಗಡ ಕೂಡೆ ಇಪ್ಪ.

2 ಕೊರಿಂಥ 4:3

ನಂಗ ಬೋದನೆ ಮಾಡ್‌ವ ದೇವಡ ನಲ್ಲ ಸುದ್ದಿ ಮುಚ್ಚಿತ್ ಇಂಜತೇಂಗಿ, ಅದ್ ನಾಶ ಆಯಿಪೋಪಯಿಂಗಕೇ ಮುಚ್ಚಿತ್‌ಪ್ಪ.

2 ಕೊರಿಂಥ 4:4

ದೇವಡ ರೂಪವಾಯಿತುಳ್ಳ ಕ್ರಿಸ್ತಂಡ ಮಹಿಮೇರ ನಲ್ಲ ಸುದ್ದಿರ ಬೊಳಿ, ಕ್ರಿಸ್ತನ ನಂಬತಯಿಂಗಕ್ ಬೊಳಿಯಾಯಿತ್ ಇಲ್ಲತಿಪ್ಪನೆಕೆ, ಈ ಲೋಕತ್‍ರ ದೇವನಾಯಿತಳ್ಳ ಸೈತಾನ ಅಯಿಂಗಡ ಮನಸ್ಸ್‌ನ ಕುರ್‌ಡ್ ಮಾಡ್‍ಚಿ.

ಎಫೆಸ 2:2

ಅದ್‍ಲ್, ಪಂಡ್ ನಿಂಗ, ಈ ಲೋಕತ್‍ರ ಪದ್ದತಿರ ಪ್ರಕಾರ, ಪಿಂಞ ದೇವಡ ವಾಕ್ಯಕ್ ತಗ್ಗಿತ್ ನಡ್‍ಕತ ಜನತ್‍ರ ಮದ್ಯತ್‍ಲ್, ಇಕ್ಕ ಕ್ರಿಯೆ ಮಾಡಿಯಂಡುಳ್ಳ ದೆವ್ವ ಲೋಕತ್‍ರ ಅದಿಕಾರತ್‍ರ ಅದಿಕಾರಿಯಡ ಆತ್ಮತ್‍ರ ಪ್ರಕಾರ ಬದ್‍ಕಿಯಂಡಿಂಜಿರ.

ಕೊಲೊಸ್ಸೆ 1:28

ಅದ್ಂಗಾಯಿತ್, ಎಲ್ಲಾ ಜ್ಞಾನತ್‍ಲ್ ಕ್ರಿಸ್ತನ ಎಲ್ಲಾರ್‌ಕು ಅರಿಚಿಟ್ಟಂಡ್, ಎಲ್ಲಾರ್‌ಕು ಎಚ್ಚರ ಮಾಡಿಯಂಡ್, ಎಲ್ಲಾರ್‌ಕು ಬೋದನೆ ಮಾಡಿಯಂಡ್ ಉಳ್ಳ. ಒಬ್ಬೊಬ್ಬನ ಕ್ರಿಸ್ತಂಡ ಕೂಡೆ ಉಳ್ಳ ಐಕ್ಯತ್‍ಲ್ ಬೊಳ್ಂದಂವೊನಾಯಿತ್ ದೇವಡ ಪಕ್ಕ ನಿಪ್ಪ್‌ಚಿಡುವಕಾಯಿತ್ ಇದ್‍ನ ಮಾಡಿಯಂಡುಳ್ಳ.

ಕೊಲೊಸ್ಸೆ 4:12

ಕ್ರಿಸ್ತ ಯೇಸುರ ಸೇವಕನು, ನಿಂಗಡ ಪಟ್ಟಣಕ್ ಕೂಡ್‍ನಂವೊನಾನ ಎಪಫ್ರ ಸಹ ನಿಂಗಕ್ ವಂದನೆ ಎಣ್ಣಿಯಂಡುಂಡ್. ಅಂವೊ ನಿಂಗಕಾಯಿತ್ ಎಕ್ಕಾಲು ದೇವಡ ಪಕ್ಕ ನೇರಾಯಿತು ಪ್ರಾರ್ಥನೆ ಮಾಡಿಯಂಡುಂಡ್. ದೇವ ನಿಂಗಳ ಬಲ ಉಳ್ಳಯಿಂಗಳಾಯಿತ್ ಮಾಡಂಡೂಂದು, ನಿಂಗ ಏದ್ ತಪ್ಪಿಲ್ಲತಯಿಂಗಳಾಯಿತು, ನಿಂಗಕ್ ದೇವಡ ಚಿತ್ತ ಪೂರ್ತಿ ಗೊತ್ತಾಂಡೂಂದೂ ಅಂವೊ ಪ್ರಾರ್ಥನೆ ಮಾಡಿಯಂಡುಂಡ್.

ಇಬ್ರಿಯ 5:14

ಗಟ್ಟಿಯಾನ ಆಹಾರ ಬಲ್ಯಂಗಕ್ ಮಾತ್ರ ಆಪ, ಎನ್ನನೆ ಎಣ್ಣ್‌ಚೇಂಗಿ ಅಯಿಂಗ ಅದ್‍ನ ಎಕ್ಕಾಲು ಉಪಯೋಗಿಚಿಡುವಗುಂಡ್, ನಲ್ಲದ್ ಕೆಟ್ಟದ್ ಎಂತದ್‍ೕಂದ್ ಅಯಿಂಗಕ್ ಗೊತ್ತಾಪನೆಕೆ ಅಯಿಂಗ ಪಡಿಚಿತುಂಡ್.

ಇಬ್ರಿಯ 6:1

ಆನಗುಂಡ್, ಕ್ರಿಸ್ತಂಡ ವಿಷಯತ್ ನಿಂಗ ಕ್‍ೕಟಿತುಳ್ಳ ಅಡಿಪಾಯತ್‍ರ ಬೋದನಲೇ ನಂಗ ನಿಂದಂಡಿಪ್ಪಕ್ಕಾಗ. ಅದ್ಂಡ ಬದ್‍ಲ್, ನಂಗಳ ಚಾವ್‍ಕ್ ಬಲ್‍ಚಂಡ್ ಪೋಪ ಪಾಪತ್‍ರ ಕೆಲಸತ್‍ನ ಕಳೆಯುವ ಪಶ್ಚಾತಾಪ, ದೇವಡ ಮೇಲೆ ಇಡ್‌ವ ನಂಬಿಕೆ,

ಯಾಕೋಬ 3:15

ಅಂತ ಬುದ್ದಿವಂತಿಗೆ ಪರಲೋಕತ್ಂಜ ಬಪ್ಪದ್ ಅಲ್ಲ, ಅದ್ ಬೂಲೋಕಕ್ ಕೂಡ್‍ನದ್, ಆತ್ಮೀಯವಾನದಲ್ಲತದ್ ಪಿಂಞ ಕೂಳಿಯಡದ್.

ಯಾಕೋಬ 3:2

ನಂಗ ಎಲ್ಲಾರು ನಾನಾ ತರತ್‍ಲ್ ತಪ್ಪ್ ಮಾಡಿಯಂಡುಂಡ್; ಆಚೇಂಗಿ ನಿಂಗ ನಿಂಗಡ ನಾವ್‌ಕ್ ಕಡಿವಾಣ ಇಟ್ಟತೇಂಗಿ ನಿಂಗಡ ಬದ್‍ಕ್‍ನ ಕಾಪಾಡ್‍ವಿರ.

1 ಪೇತ್ರ 5:10

ಯೇಸು ಕ್ರಿಸ್ತಂಡ ಕೂಡೆ ಉಳ್ಳ ಐಕ್ಯತ್‍ಲ್ ನಂಗಳ ತಾಂಡ ನಿತ್ಯ ಮಹಿಮೇಕ್ ಕಾಕ್‍ನ ಕೃಪೆ ದುಂಬ್‍ನ ದೇವ, ಚೆನ್ನ ಕಾಲ ಕಷ್ಟ ಅನುಬವಿಚಿಡುವ ನಿಂಗಳ ಚಾಯಿ ಮಾಡಿತ್, ಬಲಪಡ್‍ತಿತ್, ಸ್ತಿರಪಡ್‌ತಿತ್, ನಿಪ್ಪ್‌ಚಿಡಡ್.