1 ಕೊರಿಂಥ 2:5 - ಕೊಡವ ಬೈಬಲ್

⁵ ನಾಡ ತಕ್ಕ್ ಪಿಂಞ ಬೋದನೆ, ಮನುಷ್ಯಂಡ ಜ್ಞಾನತ್‍ಲ್ ಇಲ್ಲತೆ, ಪವಿತ್ರಾತ್ಮ ಪಿಂಞ ಅಂವೊಂಡ ಶಕ್ತಿರಗುಂಡ್ ಇಂಜತ್‍ೕಂದ್ ನಿಂಗ ಕಾಂಬಕಿಂಜತ್.

1 ಕೊರಿಂಥ 2:5 ပူးပေါင်းရင်းမြစ်များ

ಅಪೊಸ್ತಲ 16:14

ನಂಗ ಎಣ್ಣುವಾನ ಕ್‍ೕಟಯಿಂಗಡಡೆಲ್ ಲುದ್ಯ ಎಣ್ಣುವ ದೇವನ ಆರಾದನೆ ಮಾಡ್‌ವ ಒರ್ ಪೊಣ್ಣಾಳ್ ಇಂಜತ್. ಅವ ಧೂಮ್ರ ರಂಗ್‍ರ ಬಟ್ಟೆ ಮಾರ್‌ವಳು, ಥುವತೈ ಎಣ್ಣ್‌ವ ಊರ್‍ಂಜ ಬಂದವಳು ಆಯಿತ್ಂಜತ್. ಪೌಲಂಡ ತಕ್ಕ್‌ನ ಕ್‍ೕಪಕ್ ಒಡೆಯ ಅವಡ ಹೃದಯತ್‍ನ ತೊರ್ಂದತ್.

1 ಕೊರಿಂಥ 1:17

ದೀಕ್ಷಾನ್ನಾನ ಕೊಡ್‍ಪಕಾಯಿತ್ ಕ್ರಿಸ್ತ ನನ್ನ ಅಯಿಚಿತ್ತ್‌ಲ್ಲೆ; ಆಚೇಂಗಿ, ಅಂವೊಂಡ ನಲ್ಲ ಸುದ್ದಿನ ಪ್ರಚಾರ ಮಾಡ್‌ವಕಾಯಿತ್ ಮಾತ್ರ ನನ್ನ ಅಯಿಚತ್; ಎನ್ನನೆ ಎಣ್ಣ್‌ಚೇಂಗಿ, ಕ್ರಿಸ್ತ ಶಿಲುಬೇಲ್ ಚತ್ತದ್, ಅರ್ಥ ಇಲ್ಲತೆ ಆಕತನೆಕೆ ಇಪ್ಪಕ್ ಪಿಂಞ ಮನುಷ್ಯಂಡ ಸಾಮರ್ತ್ಯ ಬುದ್ದಿಲ್ ಬೋದನೆ ಮಾಡತೆ ಇಪ್ಪಕಾಯಿತ್ ನನ್ನ ಅಯಿಚತ್.

1 ಕೊರಿಂಥ 3:6

ನಾನ್ ಕುರುನ ಬಿತ್ತಿಯೆ, ಅಪೊಲ್ಲೋಸ ನೀರ್ ಬೂಕ್‌ಚ್. ಆಚೇಂಗಿ ದೇವನೇ ಗಿಡತ್‍ನ ಬೊಳಿಯುವಕ್ ಮಾಡ್‍ಚಿ.

2 ಕೊರಿಂಥ 12:9

ಅದ್ಂಗ್ ಅಂವೊ: ನಾಡ ಕೃಪೆ ನೀಕ್ ಮದಿ, ಬಲಹೀನವಾನ ಸಮಯತ್‍ಲ್ ನಾಡ ಬಲ ನೀಕ್ ಪೂರ್ತಿಯಾಯಿತ್ ಕ್‌ಟ್ಟುವಾಂದ್ ಎಣ್ಣ್‌ಚಿ. ಆನಗುಂಡ್ ಕ್ರಿಸ್ತಂಡ ಶಕ್ತಿ ನಾಡಲ್ಲಿ ನಿಪ್ಪಕಾಯಿತ್, ನಾಡ ಬಲಹೀನವಾನ ವಿಷಯತ್‍ಲ್ ನಾನ್ ದುಂಬ ಕುಶೀಲ್ ಹೊಗಳಿಯಂಡುಳ್ಳ.

2 ಕೊರಿಂಥ 4:7

ಈ ಮಹತ್ವತ್‍ರ ಶಕ್ತಿ ನಂಗಡಗುಂಡ್ ಬಂದದಲ್ಲ, ಆಚೇಂಗಿ ದೇವಡಗುಂಡ್ ಬಂದದ್‍ೕಂದ್ ಕಾಂಬ್‍ಚಿಡುವನೆಕೆ, ಈ ಬಂಡಾರತ್‍ನ ಮಣ್ಣ್‌ರ ಪಾತ್ರತ್‍ರನೆಕೆ ಉಳ್ಳ ನಂಗಡ ತಡೀಲ್ ಪಡ್ಂದಿತುಂಡ್.

2 ಕೊರಿಂಥ 6:7

ನಂಗ ಸತ್ಯ ತಕ್ಕ್ ಪರ್ಂದಂಡುಂಡ್. ದೇವಡ ಶಕ್ತಿ ನಂಗಡಲ್ಲಿ ಕ್ರಿಯೆ ಮಾಡಿಯಂಡುಂಡ್. ನೀತಿಯಾಯಿತುಳ್ಳ ಬಲ್‌ತೆ ಬರಿ ಎಡ್‍ತೆ ಬರೀರ ಆಯುದತ್‍ನ ಇಡ್‌ವಯಿಂಗಳಾಯಿತುಂಡ್.