1 ಕೊರಿಂಥ 2:3 - ಕೊಡವ ಬೈಬಲ್

³ ನಾನ್ ನಿಂಗಡ ಪಕ್ಕ ಬೋದನೆ ಮಾಡ್‌ವಕ್ ಬಲ ಇಲ್ಲತೆ, ಒಂದು ಮಾಡ್‌ವಕ್ ಕಯ್ಯತೆ, ದುಂಬ ಬೊತ್ತಿತ್ ನಡ್‍ಗಿಯಂಡ್ ಇಂಜ್.

1 ಕೊರಿಂಥ 2:3 ပူးပေါင်းရင်းမြစ်များ

ಅಪೊಸ್ತಲ 17:1

ಅಯಿಂಗ ಅಂಫಿಪೊಲಿ ಪಿಂಞ ಅಪೊಲೋನ್ಯ ಎಣ್ಣ್‌ವ ಪಟ್ಟಣತ್‍ನ ದಾಟಿತ್ ಥೆಸಲೊನೀಕ ಪಟ್ಟಣಕ್ ಬಾತ್; ಅಲ್ಲಿ ಯೆಹೂದ್ಯಂಗಕ್ ಒರ್ ಸಬಾಮಂದಿರ ಇಂಜತ್.

ಅಪೊಸ್ತಲ 18:1

ಇದಾನ ಪಿಂಞ ಪೌಲ ಅಥೇನೆ ಪಟ್ಟಣತ್‍ನ ಬುಟ್ಟಿತ್ ಕೊರಿಂಥ ಪಟ್ಟಣಕ್ ಪೋಚಿ.

ಅಪೊಸ್ತಲ 18:12

ಗಲ್ಲಿಯೋನ ಎಣ್ಣ್‌ವಂವೊ ಅಖಾಯ ಪ್ರಾಂತ್ಯತ್‍ರ ಅದಿಪತಿಯಾಯಿತಿಪ್ಪಕ, ಯೆಹೂದ್ಯಂಗ ಒಕ್ಕಚೆ ಪೌಲಂಗ್ ವಿರೋದವಾಯಿತ್ ಎದ್ದಿತ್, ಗಲ್ಲಿಯೋನಂಡ ನ್ಯಾಯಸ್ತಾನತ್‍ರ ಮಿಂಞಕ್ ಪೌಲನ ಕೊಂಡ್ ಬಾತ್.

ಅಪೊಸ್ತಲ 18:6

ಅಲ್ಲಿಯತ್‍ರ ಯೆಹೂದ್ಯಂಗ ಅಂವೊ ಎಣ್ಣ್‌ವಾನ ವಿರೋದ ಮಾಡಿತ್ ನಿಂದಂಡ್ ಕೆಟ್ಟ ತಕ್ಕ್ ಪರಿಯುವಕ, ಪೌಲ, ತಾಂಡ ಪೊರಮೆ ಇಡ್‌ವ ಬಟ್ಟೇನ ಅಯಿಂಗಕ್ ಸಾಕ್ಷಿಯಾಯಿತ್ ಕೊಡ್‍ಕಿತ್: ನಿಂಗಡ ನಾಶಕ್ ನಿಂಗಳೇ ಕಾರಣ; ನಾನ್ ಶುದ್ದ ಮನಸ್ಸ್ ಉಳ್ಳಂವೊನಾಯಿತ್ ಯೆಹೂದ್ಯಂಗಲ್ಲತ ಬೋರೆ ಜನಡ ಪಕ್ಕ ಇಕ್ಕಯಿಂಜ ಪೋಪೀಂದ್ ಎಣ್ಣ್‌ಚಿ.

2 ಕೊರಿಂಥ 10:1

ನಿಂಗಡ ಪಕ್ಕ ಇಪ್ಪಕ ತಾಳ್ಮೆಲು, ನಿಂಗಡಿಂಜ ದೂರ ಇಪ್ಪಕ ನಿಂಗಡ ಮೇಲೆ ಕಂಡಿತವಾಯಿತ್ ಉಳ್ಳನೆಕೆ ಕಾಂಬ ಪೌಲನಾನ ನಾನ್, ಕ್ರಿಸ್ತಂಡ ಶಾಂತ ಗುಣತ್‍ರ ಪಿಂಞ ದಯೇರ ಮೂಲಕ ನಿಂಗಕ್ ಬೋಡಿಯಂಡುಳ್ಳ.

2 ಕೊರಿಂಥ 10:10

ಅಂವೊಂಡ ಕಾಗದ ದುಂಬ ಗಟ್ಟಿಯಾಯಿತು ಒತ್ತಾಯ ಮಾಡ್‌ವದಾಯಿತು ಉಂಡ್, ಆಚೇಂಗಿ ಅಂವೊ ತಡೀಲ್ ಬಲಯಿಲ್ಲತಂವೊನು ಅಂವೊಂಡ ತಕ್ಕ್ ಪ್ರಯೋಜನ ಇಲ್ಲತವಾಯಿತು ಉಂಡ್‍ೕಂದ್ ಚೆನ್ನ ಜನ ನಾಡ ವಿಷಯತ್ ಎಣ್ಣಿಯಂಡುಂಡಲ್ಲ?

2 ಕೊರಿಂಥ 13:4

ಅಂವೊನ ಬಲ ಇಲ್ಲತಂವೊನಾಯಿತ್ ಶಿಲುಬೇಲ್ ಇಟ್ಟತೇಂಗಿಯು, ದೇವಡ ಶಕ್ತಿರಗುಂಡ್ ಬದ್‍ಕಿಯಂಡುಂಡ್; ಅನ್ನನೆ ನಂಗಳು ಅಂವೊಂಡಲ್ಲಿ ಬಲ ಇಲ್ಲತಯಿಂಗಳಾಯಿತ್ ಇಂಜತೇಂಗಿಯು, ನಿಂಗಕ್ ಸೇವೆ ಮಾಡ್‌ವಕಾಯಿತ್ ದೇವಡ ಶಕ್ತಿರಗುಂಡ್ ಅಂವೊಂಡಲ್ಲಿ ನಂಗ ಬದ್‍ಕಿಯಂಡಿಪ್ಪ.

2 ಕೊರಿಂಥ 13:9

ನಂಗ ಬಲ ಇಲ್ಲತಯಿಂಗಳು, ನಿಂಗ ಬಲ ಉಳ್ಳಯಿಂಗಳುವಾಯಿತಿಪ್ಪಕ ನಂಗ ಕುಶಿಪಟ್ಟಂಡುಂಡ್; ನಿಂಗ ಪೂರ್ತಿಯಾಯಿತ್ ಬೊಳಿಯಂಡೂಂದ್ ಪ್ರಾರ್ಥನೆ ಮಾಡಿಯಂಡುಂಡ್.

2 ಕೊರಿಂಥ 4:1

ದೇವ ಅಂವೊಂಡ ಕರುಣೇಲ್ ಈ ಸೇವೇನ ನಂಗಕ್ ಕೊಡ್‍ತಿತುಳ್ಳಾಂಗ್, ನಂಗ ತಳ್ಂದ್ ಪೋಯಂಡಿಲ್ಲೆ.

2 ಕೊರಿಂಥ 4:16

ಆನಗುಂಡ್ ನಂಗ ತಳ್ಂದ್ ಪೋಪುಲೆ. ನಂಗಡ ಪೊರಮೆ ಉಳ್ಳ ಮನುಷ್ಯ ಪಾಳಾಯಿ ಪೋಯಂಡಿಂಜತೇಂಗಿಯು, ನಂಗಡ ಒಳ್‍ಲ್ ಉಳ್ಳ ಮನುಷ್ಯ ಓರೋರ್ ದಿನವು ಪುದಿಯದಾಯಂಡುಂಡ್.

2 ಕೊರಿಂಥ 6:4

ಬಲ್ಯ ಪೊರುಮೇಲ್ ಎಲ್ಲಾ ಹಿಂಸೆನ, ಕಷ್ಟತ್‍ನ, ನೊಂಬಲತ್‍ನ ನಂಗ ಸಹಿಸಿಯಂಡ್ ಉಂಡ್.

2 ಕೊರಿಂಥ 7:15

ನಿಂಗ ಪೋಡಿಲ್ ಪಿಂಞ ನಡ್‍ಗಿಯಂಡ್ ಅಂವೊನ ಸ್ವೀಕಾರ ಮಾಡಿತ್ ನಿಂಗ ಎಲ್ಲಾರು ತಗ್ಗಿತ್ ನಡ್ಂದದ್‍ನ ಅಂವೊ ಗೇನ ಮಾಡ್‌ವಕ, ಅಂವೊಂಡ ಮನಸ್ಸ್‌ಲ್ ನಿಂಗಡ ಮೇಲೆ ಇಂಞು ದುಂಬ ಪ್ರೀತಿ ಆಯಂಡುಂಡ್.

2 ಕೊರಿಂಥ 7:5

ಎನ್ನನೆ ಎಣ್ಣ್‌ಚೇಂಗಿ, ನಂಗ ಮಕೆದೋನ್ಯ ಪ್ರಾಂತ್ಯಕ್ ಬಪ್ಪಕ, ನಂಗ ಆರಾಮ್‍ಲ್ ಇಪ್ಪಕ್ ಒರ್ ಜಾಗವು ಕ್‍ಟ್ಟಿತ್‌ಲ್ಲೆ. ಎಲ್ಲಾ ದಿಕ್ಕಿಂಜಲೂ ಹಿಂಸೆ ಇಂಜತ್; ಪೊರಮೆ ಪೋರಾಟವು, ಒಳ್‍ಕ್ ಪೋಡಿಯು ಇಂಜತ್.

ಎಫೆಸ 6:5

ಅಡಿಯಾಳ್‌ವಳೇ, ನಿಂಗ ಕ್ರಿಸ್ತಂಗ್ ತಗ್ಗಿತ್ ನಡ್‍ಪನೆಕೆ, ಈ ಲೋಕತ್‍ರ ನಿಂಗಡ ಎಜಮಾನಂಗಕ್ ಬೊತ್ತಿತ್, ಪಿಂಞ ನಡ್‍ಗಿಯಂಡ್, ಕಪಟಯಿಲ್ಲತ ಮನಸ್ಸ್‌ಲ್ ನಡ್‌ಕಂಡು.