1 ಕೊರಿಂಥ 2:15 - ಕೊಡವ ಬೈಬಲ್

¹⁵ ಪವಿತ್ರಾತ್ಮ ಉಳ್ಳ ಮನುಷ್ಯ ಎಲ್ಲಾ ವಿಷಯತ್‍ನ ಅರ್ಥ ಮಾಡಿತ್ ನೋಟ್‍ವಕಯ್ಯು. ಆಚೇಂಗಿ ಅಂವೊನ ಬೋರೆ ದಾರ್‌ಕು ಅರ್ಥ ಮಾಡಿತ್ ನೋಟ್‌ವಕಯ್ಯುಲೆ.

1 ಕೊರಿಂಥ 2:15 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 28:5

ದುಷ್ಟ ಜನ ನ್ಯಾಯತ್‌ನ ಅರ್ಥ ಮಾಡಿಯೊಲೆ. ಆಚೇಂಗಿ ಯೆಹೋವನ ತ್‍ೕಡ್‌ವಯಿಂಗ ಎಲ್ಲಾನ ಅರ್ಥ ಮಾಡಿಯೊವ.

ಯೋಹಾನ 7:17

ದೇವಡ ಚಿತ್ತತ್‍ರನೆಕೆ ಮಾಡ್‌ವಕ್ ಕುಶಿ ಉಳ್ಳಂವೊಂಗ್, ನಾನ್ ಮಾಡ್‌ವ ಬೋದನೆ ದೇವಡಯಿಂಜ ಬಪ್ಪ ಬೋದನೆಯಾ, ಅಥವ ನಾಡ ಸ್ವಂತ ಬೋದನೆಯಾಂದ್ ಗೊತ್ತಾಪಾಂದ್ ಜವಾಬ್ ಕೊಡ್‍ತತ್.

ಅಪೊಸ್ತಲ 16:3

ತಿಮೊಥೆಯನ ತಾಂಡಕೂಡೆ ಕಾಕಿಯಂಡ್ ಪೋಪಕ್ ಪೌಲ ಕುಶೀಲ್ ಇಂಜತ್. ಆಚೇಂಗಿ, ಅಂವೊಂಡ ಅಪ್ಪ ಗ್ರೀಕ್ ಜನಕ್ ಕೂಡ್‍ನಂವೋಂದ್ ಅಲ್ಲಿಯತ್‍ರ ಯೆಹೂದ್ಯ ಅಲ್ಲತಯಿಂಗಕ್ ಗೊತ್ತ್ಂಜಗುಂಡ್, ಅಯಿಂಗಕಾಯಿತ್ ತಿಮೊಥೆಯಂಗ್ ಅಂವೊ ಸುನ್ನತಿ ಮಾಡ್‍ಚಿ.

1 ಕೊರಿಂಥ 14:37

ನಾನ್ ದೇವಡ ಪ್ರವಾದೀಂದ್ ಒಬ್ಬ ಎಣ್ಣ್‌ಚೇಂಗಿ, ದೇವಡ ಆತ್ಮ ನಾಡ ಪಕ್ಕ ಉಂಡ್‍ೕಂದ್ ಒಬ್ಬ ಗೇನ ಮಾಡ್‍ಚೇಂಗಿ, ಇಕ್ಕ ನಾನ್ ಇಲ್ಲಿ ಒಳ್‍ದಿಯಂಡ್ ಉಳ್ಳದೆಲ್ಲಾ ಒಡೆಯಂಡ ಕಾನೂನ್‍ೕಂದ್ ಎಣ್ಣಡ್.

1 ಕೊರಿಂಥ 3:1

ನಾಡ ಅಣ್ಣತಮ್ಮಣಂಗಳೇ, ನಾನ್ ನಿಂಗಡ ಕೂಡೆ ಇಪ್ಪಕಾಪಕ, ಆತ್ಮೀಯ ಬದ್‍ಕ್‍ಲ್ ಬೊಳ್‌ಂದಯಂಗಳಾಯಿತ್ ನಿಂಗಡ ಕೂಡೆ ತಕ್ಕ್‌ಪರಿವಕ್ ಕಯ್ಯತೆ, ಈ ಲೋಕತ್‍ರ ಜನತ್‍ರನೆಕೆ, ಪಿಂಞ ಕ್ರಿಸ್ತಂಡ ಕೂಡೆ ಉಳ್ಳ ನಿಂಗಡ ಆತ್ಮೀಯ ಬದ್‍ಕ್‍ಲ್ ಚೆರಿಯ ಮಕ್ಕಡನೆಕೆ ನಿಂಗಳ ಗೇನ ಮಾಡಿತ್ ತಕ್ಕ್ ಪರಿವಕಾಚಿ.

1 ಕೊರಿಂಥ 4:5

ಈ ಕಾರಣಕಾಯಿತ್, ಸರಿಯಾನ ಸಮಯ ಬಪ್ಪಕ್ ಮಿಂಞ ನಿಂಗ ದಾರ್‌ಕು ತೀರ್ಪ್ ಮಾಡಂಡ. ಒಡೆಯ ಬಪ್ಪಕತ್ತನೆ ಪಾರಕಾತಂಡಿರಿ. ಅಂವೊ ಇರ್‌ಟ್‌ಲ್ ಉಳ್ಳ ಒಳಗುಟ್ಟ್‌ನೆಲ್ಲ ಬೊಳಿಕ್ ಕೊಂಡ್ ಬಂದಿತ್, ಹೃದಯತ್‍ರ ಗೇನತ್‍ನ ಪೊರಮೆ ಕಾಂಬ್‌ಚಿಡುವ. ಅಕ್ಕ ಒಬ್ಬೊಬ್ಬಂಗಕ್ ತಕ್ಕ ಹೊಗಳಿಕೆ ದೇವಡಯಿಂಜ ಅಯಿಂಗಕ್ ಕ್‍ಟ್ಟ್‌ವ.

ಗಲಾತ್ಯ 6:1

ನಾಡ ಅಣ್ಣತಮ್ಮಣಂಗಳೇ, ದೇವಡ ಮಕ್ಕಡಡೆಲ್ ಒಬ್ಬ ಪಾಪ ಮಾಡ್‍ನದ್ ಗೊತ್ತಾಯಿತ್, ನಿಂಗ ಅಂವೊನ ಪುಡ್‌ಚತೇಂಗಿ, ದೇವಡ ಆತ್ಮತ್‍ನಗುಂಡ್ ನಡ್‍ಪಯಿಂಗಳಾನ ನಿಂಗ, ಶಾಂತ ಗುಣತ್‍ಲ್ ಅಂವೊನ ಚಾಯಿ ಮಾಡಂಡು. ಅದೇ ಸಮಯತ್‍ಲ್ ನಿಂಗ ಸಹ ಅದೇ ಪಾಪತ್‍ಲ್ ಬೂವತನೆಕೆ ಎಚ್ಚರತ್‍ಲ್ ಇರಂಡು.

ಫಿಲಿಪ್ಪಿ 1:10

ಅಕ್ಕ ಏದ್ ಚಾಯೀಂದ್ ನಿಂಗಕ್ ಗೊತ್ತಾಯಿತ್ ಅದ್‍ನ ಗೊತ್ತ್ ಮಾಡ್‌ವಿರ. ಅನ್ನನೆ ಆಚೇಂಗಿ, ಯೇಸು ಕ್ರಿಸ್ತ ತೀರ್ಪ್ ಕೊಡ್‍ಪ ದಿವಸತ್‍ಲ್ ನಿಂಗ ಒರ್ ತಪ್ಪು ಇಲ್ಲತ ಬದ್‍ಕ್ ಬದ್‍ಕ್‍ನಯಿಂಗಳಾಯಿತ್ ಇಪ್ಪಿರ.

ಕೊಲೊಸ್ಸೆ 1:9

ಆನಗುಂಡ್ ನಂಗ ಇದ್‍ನ ಕ್‍ೕಟ ದಿವಸತ್ಂಜ ಎಕ್ಕಾಲು ನಿಂಗಕಾಯಿತ್ ಪ್ರಾರ್ಥನೆ ಮಾಡಿಯಂಡುಂಡ್. ನಿಂಗ ದೇವಡ ಚಿತ್ತತ್‍ನ ಗೊತ್ತ್‌ಮಾಡ್‍ವಕುಳ್ಳ ಬುದ್ದಿ ದುಂಬ್‍ನಯಿಂಗಳಾಯಿತ್, ಪವಿತ್ರಾತ್ಮ ತಪ್ಪ ಎಲ್ಲಾ ಜ್ಞಾನ ಪಿಂಞ ಬುದ್ದಿಲ್ ಪ್ರಾರ್ಥನೆ ಮಾಡಿಯಂಡುಂಡ್.

1 ಥೆಸಲೊನೀಕ 5:21

ಆಚೇಂಗಿ, ಎಲ್ಲಾನ ಪರೀಕ್ಷೆ ಮಾಡಿತ್ ದೇವಡಿಂಜ ಬಪ್ಪದ್ ಎಂ‍ತಾಂದ್ ನೋಟಿತ್ ನಲ್ಲದ್‍ನ ಎಡ್‌ತೊಳಿ.

ಇಬ್ರಿಯ 5:14

ಗಟ್ಟಿಯಾನ ಆಹಾರ ಬಲ್ಯಂಗಕ್ ಮಾತ್ರ ಆಪ, ಎನ್ನನೆ ಎಣ್ಣ್‌ಚೇಂಗಿ ಅಯಿಂಗ ಅದ್‍ನ ಎಕ್ಕಾಲು ಉಪಯೋಗಿಚಿಡುವಗುಂಡ್, ನಲ್ಲದ್ ಕೆಟ್ಟದ್ ಎಂತದ್‍ೕಂದ್ ಅಯಿಂಗಕ್ ಗೊತ್ತಾಪನೆಕೆ ಅಯಿಂಗ ಪಡಿಚಿತುಂಡ್.

1 ಯೋಹಾನ 2:20

ಆಚೇಂಗಿ, ನಿಂಗ ಅನ್ನನೆ ಇಲ್ಲೆ, ಕ್ರಿಸ್ತ ನಿಂಗಳ ಪವಿತ್ರಾತ್ಮತ್‍ಲ್ ಅಬಿಷೇಕ ಮಾಡ್‍ನಗುಂಡ್ ನಿಂಗಕ್ ಸತ್ಯ ಏದ್‍ೕಂದ್ ಗೊತ್ತುಂಡ್.

1 ಯೋಹಾನ 4:1

ನಾಡ ಪ್ರೀತಿರ ಜನಳೇ, ಈ ಲೋಕತ್‍ಲ್ ದುಂಬ ಕಳ್ಳ ಪ್ರವಾದಿಯ ಉಂಡ್. ಆನಗುಂಡ್ ನಿಂಗ ಎಲ್ಲಾ ಆತ್ಮತ್‌ನ ನಂಬತೆ, ಆ ಆತ್ಮ ದೇವಡ ಕಡೇಯಿಂಜ ಬಾತಾಂದ್ ನಿಂಗ ಪರೀಕ್ಷೆ ಮಾಡಿತ್ ನೋಟಂಡು.