1 ಕೊರಿಂಥ 2:13 - ಕೊಡವ ಬೈಬಲ್

¹³ ಈ ವಿಷಯತ್‍ನೆಲ್ಲಾ ಮನುಷ್ಯಂಗಡ ಜ್ಞಾನ ಎಣ್ಣಿತಂದನೆಕೆ ಬೋದನೆ ಮಾಡುಲೆ, ಆಚೇಂಗಿ, ಪವಿತ್ರಾತ್ಮ ನಂಗಕ್ ಎಂತ ಬೋದನೆ ಮಾಡ್‍ಚೋ, ಆ ತಕ್ಕ್‌ನ ಮಾತ್ರ ಪರಿಂದಿತ್, ಆತ್ಮೀಯ ವಿಷಯತ್‍ನ ಪವಿತ್ರಾತ್ಮ ಉಳ್ಳಯಿಂಗಕ್ ವಿವರಿಚಿಟ್ಟಂಡುಂಡ್.

1 ಕೊರಿಂಥ 2:13 ပူးပေါင်းရင်းမြစ်များ

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 12:12

ನಿಂಗ ಎಂತ ತಕ್ಕ್ ಪರಿಯಂಡೂಂದ್ ಆ ಸಮಯತ್‍ಲ್ ಪವಿತ್ರಾತ್ಮ ನಿಂಗಕ್ ಎಣ್ಣಿ ತಪ್ಪ.

ಅಪೊಸ್ತಲ 2:4

ಅಕ್ಕ ಅಯಿಂಗೆಲ್ಲಾರು ಪವಿತ್ರಾತ್ಮತ್‍ಲ್ ದುಂಬಿತ್ ಆ ಆತ್ಮ ಒಬ್ಬೊಬ್ಬಂಗ್ ಶಕ್ತಿ ಕೊಡ್‍ತನೆಕೆ ಅಯಿಂಗಕ್ ಗೊತ್ತಿಲ್ಲತ ಬೋರೆ ಬೋರೆ ಬಾಷೆಲ್ ತಕ್ಕ್ ಪರಿಯುವಕ್ ಸುರು ಮಾಡ್‍ಚಿ.

1 ಕೊರಿಂಥ 1:17

ದೀಕ್ಷಾನ್ನಾನ ಕೊಡ್‍ಪಕಾಯಿತ್ ಕ್ರಿಸ್ತ ನನ್ನ ಅಯಿಚಿತ್ತ್‌ಲ್ಲೆ; ಆಚೇಂಗಿ, ಅಂವೊಂಡ ನಲ್ಲ ಸುದ್ದಿನ ಪ್ರಚಾರ ಮಾಡ್‌ವಕಾಯಿತ್ ಮಾತ್ರ ನನ್ನ ಅಯಿಚತ್; ಎನ್ನನೆ ಎಣ್ಣ್‌ಚೇಂಗಿ, ಕ್ರಿಸ್ತ ಶಿಲುಬೇಲ್ ಚತ್ತದ್, ಅರ್ಥ ಇಲ್ಲತೆ ಆಕತನೆಕೆ ಇಪ್ಪಕ್ ಪಿಂಞ ಮನುಷ್ಯಂಡ ಸಾಮರ್ತ್ಯ ಬುದ್ದಿಲ್ ಬೋದನೆ ಮಾಡತೆ ಇಪ್ಪಕಾಯಿತ್ ನನ್ನ ಅಯಿಚತ್.

1 ಕೊರಿಂಥ 14:2

ಬೋರೆ ಬೋರೆ ಬಾಷೆಲ್ ತಕ್ಕ್ ಪರಿಯುವಂವೊ ದೇವಡ ಪಕ್ಕ ತಕ್ಕ್ ಪರ್ಂದಂಡುಂಡ್, ಮನುಷ್ಯಂಗಡ ಪಕ್ಕ ಅಲ್ಲ. ಎನ್ನಂಗೆಣ್ಣ್‌ಚೇಂಗಿ ಜನಕ್ ಅದ್ ಅರ್ಥ ಆಪುಲೆ. ಪವಿತ್ರಾತ್ಮತ್‍ರ ಸಹಾಯತ್ಂಜ ಗುಟ್ಟಾನದ್‍ನ ಅಂವೊ ತಕ್ಕ್ ಪರ್ಂದಂಡುಂಡ್.

1 ಕೊರಿಂಥ 2:1

ನಾಡ ಅಣ್ಣತಮ್ಮಣಂಗಳೇ, ನಾನ್ ಆದ್ಯವಾಯಿತ್ ನಿಂಗಡ ಪಕ್ಕ ದೇವಡ ವಿಷಯತ್‍ನ ಎಣ್ಣುವಕ್ ಬಪ್ಪಕ, ನಾನ್ ಎಂತೋ ಬಲ್ಯ ಬಲ್ಯ ತಕ್ಕ್ ಎಣ್ಣಿಯಂಡ್, ಜ್ಞಾನತ್‍ರ ಬಲ್ಯ ತಕ್ಕ್ ಪರ್ಂದಂಡ್ ಬಂದಿತ್ತ್‌ಲ್ಲೆ.

1 ಕೊರಿಂಥ 2:14

ದೇವಡ ಆತ್ಮ ಇಲ್ಲತ ಮನುಷ್ಯ, ದೇವಡ ಆತ್ಮತ್‍ರ ವಿಷಯತ್‍ನ ಸ್ವೀಕಾರ ಮಾಡುಲೆ. ದೇವಡ ವಿಷಯವೆಲ್ಲ ಅಂವೊಂಗ್ ಪುಚ್ಚಿ ತಕ್ಕ್‌ರನೆಕೆ ಇಪ್ಪ. ಅಂವೊಂಗ್ ಅದ್‍ನ ಅರ್ಥ ಮಾಡ್‌ವಕ್ ಕಯ್ಯುಲೆ. ಎನ್ನಂಗೆಣ್ಣ್‌ಚೇಂಗಿ ಆತ್ಮೀಯವಾಯಿತ್ ಉಳ್ಳಯಿಂಗಕ್ ಮಾತ್ರ ಪವಿತ್ರಾತ್ಮ ಎಣ್ಣ್‌ವದ್ ಅರ್ಥ ಆಪ.

1 ಕೊರಿಂಥ 2:4

ನಿಂಗಡ ನಂಬಿಕೆ, ಮನುಷ್ಯಂಡ ಜ್ಞಾನತ್ಂಜ ನಿಕ್ಕತೆ, ದೇವಡ ಶಕ್ತಿಲ್ ನಿಪ್ಪಕಾಯಿತ್,

1 ಕೊರಿಂಥ 9:11

ಅನ್ನನೆ ನಂಗ, ನಿಂಗಕ್ ಆತ್ಮೀಯ ಬೋದನೆ ಎಣ್ಣುವ ಕುರುನ ಬಿತ್ತಿತ್‌ಪ್ಪಕ ನಿಂಗಡಿಂಜ ನಂಗಕ್ ಈ ಬದ್‍ಕ್‍ಕ್ ಬೋಂಡಿಯಾನ ವಸ್ತುನ ಪಡೆಯುವಕ್ ಅದಿಕಾರ ಉಂಡಲ್ಲ.

ಎಫೆಸ 5:19

ದೇವಡ ಪಾಟ್ ಪಾಡಿಯಂಡ್, ಕೀರ್ತನೆ ಪಾಡಿಯಂಡ್, ಆತ್ಮೀಯ ಪಾಟ್ ಪಾಡಿಯಂಡ್, ಇನ್ನನೆ ಒಬ್ಬಂಗ್ ಒಬ್ಬ ಬುದ್ದಿ ಎಣ್ಣಿಯಂಡ್, ನಿಂಗಡ ಹೃದಯತ್‍ಲ್ ಒಡೆಯನ ಪಾಡಿತ್ ಕೀರ್ತನೆ ಪಾಡಿಯಂಡ್ ಇರಿ.

ಕೊಲೊಸ್ಸೆ 3:16

ಕ್ರಿಸ್ತಂಡ ವಾಕ್ಯ, ನಿಂಗಡ ಹೃದಯತ್‍ಲ್ ಪೂರ್ತಿಯಾಯಿತ್ ಇರಡ್. ನಿಂಗ ಎಲ್ಲಾ ಜ್ಞಾನತ್‍ಲ್ ಒಬ್ಬಂಗ್ ಒಬ್ಬ ಬೋದನೆ ಮಾಡಿತ್ ಬುದ್ದಿ ಎಣ್ಣಿಯಂಡ್ ಇರಿ. ಕೀರ್ತನೆ ಪಾಡಿಯಂಡ್, ದೇವಡ ಪಾಟ್ ಪಾಡಿಯಂಡ್, ಆತ್ಮೀಯ ಪಾಟ್ ಪಾಡಿಯಂಡ್ ನಿಂಗಡ ಹೃದಯತ್‍ಲ್ ದೇವನ ತುದಿಚಂಡ್ ಇರಿ.

1 ಪೇತ್ರ 1:12

ಅಯಿಂಗಕಾಯಿತ್ ಅಲ್ಲತೆ, ನಂಗಕಾಯಿತೇ ಇನ್ನನೆ ಅಯಿಂಗ ಪ್ರವಾದನೆ ಎಣ್ಣ್‌ಚೀಂದ್ ಅಯಿಂಗಕ್ ಗೊತ್ತಾಚಿ. ಪರಲೋಕತ್ಂಜ ಈ ಲೋಕಕ್ ದೇವ ಅಯಿಚ ಪವಿತ್ರಾತ್ಮತ್‍ರಗುಂಡ್, ನಿಂಗಕ್ ದೇವಡ ನಲ್ಲ ಸುದ್ದಿನ ಎಣ್ಣ್‌ನಯಿಂಗಡ ಮೂಲಕ, ಈ ವಿಷಯತ್‌ನೆಲ್ಲ ಇಕ್ಕ ನಿಂಗಕ್ ಎಣ್ಣಿಯಂಡುಂಡ್. ಇದ್‍ನ ದೇವದೂತಂಗ ಸಹ ಚಾಯಿ ನೋಟ್‍ವಕ್ ಕುಶೀಲ್ ಉಂಡ್.

2 ಪೇತ್ರ 1:16

ನಂಗಡ ಒಡೆಯನಾನ ಯೇಸು ಕ್ರಿಸ್ತಂಡ ಶಕ್ತಿನ ಪಿಂಞ ಅಂವೊ ಪುನಃ ಬಪ್ಪದ್‍ನ ನಂಗ ನಿಂಗಕ್ ಎಣ್ಣುವಕ, ತಂತ್ರವಾನ ಕಥೇನ ಕಂಡ್‍ಪುಡ್‌ಚಿತ್ ನಿಂಗಕ್ ಎಣ್ಣಿತ್‌ಲ್ಲೆ. ಆಚೇಂಗಿ ಅಂವೊಂಡ ಮಹತ್ವತ್‌ನ ನಂಗಳೇ ಕಂಡಿತುಳ್ಳಯಿಂಗಳಾಯಿತ್ ಎಣ್ಣಿಯೆ.