1 ಕೊರಿಂಥ 2:12 - ಕೊಡವ ಬೈಬಲ್

¹² ನಂಗ ಈ ಲೋಕತ್‍ರ ಆತ್ಮತ್‌ನ ಅಲ್ಲ, ಆಂಡ ಬದ್‍ಲ್, ದೇವ ನಂಗಕ್ ಇನಾಮಾಯಿತ್ ಕೊಡ್‍ತಿತುಳ್ಳದ್‍ನ ಗೊತ್ತಾಪಕಾಯಿತ್ ದೇವ ನಂಗಕ್ ಅಯಿಚ ಪವಿತ್ರಾತ್ಮತ್‍ನ ಕ್‍ಟ್ಟ್‌ನಯಿಂಗಳಾಯಿತುಂಡ್.

1 ಕೊರಿಂಥ 2:12 ပူးပေါင်းရင်းမြစ်များ

ರೋಮ್ 8:1

ಆನಗುಂಡ್, ದೇವ ಅಂವೊನ ನಂಬತಯಿಂಗಕ್ ತಪ್ಪ ಶಿಕ್ಷೆ, ಕ್ರಿಸ್ತ ಯೇಸುರ ಕೂಡೆ ಐಕ್ಯತ್‍ಲ್ ಉಳ್ಳಯಿಂಗಕ್ ತಪ್ಪುಲೆ.

ರೋಮ್ 8:32

ದೇವ ತಾಂಡ ಸ್ವಂತ ಮೋಂವೋಂದ್ ಸಹ ನೋಟತೆ, ನಂಗ ಎಲ್ಲಾರ್‍ಕಾಯಿತ್ ಅಂವೊನ ಒಪ್ಪ್‌ಚಿಟ್ಟಕ, ಅಂವೊಂಡ ಕೂಡೆ ಬೋರೆ ಎಲ್ಲಾನ ಸಹ ಕೃಪೆಯಾಯಿತ್ ನಂಗಕ್ ತರತೆ ಇಪ್ಪದ್ ಎನ್ನನೆ?

1 ಕೊರಿಂಥ 1:27

ಆಚೇಂಗಿ, ದೇವ ಜ್ಞಾನಿಯಳ ಞಾಣ ಪಡ್‍ತ್‍ವಕಾಯಿತ್, ಈ ಲೋಕತ್‍ಲ್ ಮೂಡಂಗಳ ಗೊತ್ತ್ ಮಾಡಿಯಂಡತ್. ಬಲಶಾಲಿಯಳ ಞಾಣ ಪಡ್‍ತ್‍ವಕಾಯಿತ್, ಈ ಲೋಕತ್‍ಲ್ ಬಲಹೀನವಾಯಿತುಳ್ಳಯಿಂಗಳ ಗೊತ್ತ್ ಮಾಡಿಯಂಡತ್.

1 ಕೊರಿಂಥ 2:6

ಅನ್ನನೆ ಇಂಜತೇಂಗಿಯು, ಆತ್ಮತ್‍ರ ಬದ್‍ಕ್‍ಲ್ ಬೊಳ್ಂದಿತುಳ್ಳಯಿಂಗಡ ಪಕ್ಕ ಜ್ಞಾನತ್‍ರ ವಿಷಯತ್‍ನ ನಂಗ ಪರಿವ. ಈ ಲೋಕತ್‍ರ ಜ್ಞಾನತ್‍ನ ಅಲ್ಲ, ಪಾಳಾಯಿ ಪೋಪ ಈ ಲೋಕತ್‍ರ ರಾಜಂಗಡ ಜ್ಞಾನವು ಅಲ್ಲ,

1 ಕೊರಿಂಥ 3:22

ಪೌಲ ಆಡ್, ಅಪೊಲ್ಲೋಸ ಆಡ್ ಅಲ್ಲತಪೋಚೇಂಗಿ ಕೇಫ ಆಡ್, ಈ ಲೋಕ ಆಡ್, ಬದ್‍ಕ್ ಆಡ್, ಚಾವ್ ಆಡ್, ಇಕ್ಕತ್‍ರ ಕಾಲ ಆಡ್ ಅಥವ ಬಪ್ಪ ಕಾಲ ಆಡ್, ಎಲ್ಲಾ ನಿಂಗಡದೇ.

2 ಕೊರಿಂಥ 4:4

ದೇವಡ ರೂಪವಾಯಿತುಳ್ಳ ಕ್ರಿಸ್ತಂಡ ಮಹಿಮೇರ ನಲ್ಲ ಸುದ್ದಿರ ಬೊಳಿ, ಕ್ರಿಸ್ತನ ನಂಬತಯಿಂಗಕ್ ಬೊಳಿಯಾಯಿತ್ ಇಲ್ಲತಿಪ್ಪನೆಕೆ, ಈ ಲೋಕತ್‍ರ ದೇವನಾಯಿತಳ್ಳ ಸೈತಾನ ಅಯಿಂಗಡ ಮನಸ್ಸ್‌ನ ಕುರ್‌ಡ್ ಮಾಡ್‍ಚಿ.

ಎಫೆಸ 2:2

ಅದ್‍ಲ್, ಪಂಡ್ ನಿಂಗ, ಈ ಲೋಕತ್‍ರ ಪದ್ದತಿರ ಪ್ರಕಾರ, ಪಿಂಞ ದೇವಡ ವಾಕ್ಯಕ್ ತಗ್ಗಿತ್ ನಡ್‍ಕತ ಜನತ್‍ರ ಮದ್ಯತ್‍ಲ್, ಇಕ್ಕ ಕ್ರಿಯೆ ಮಾಡಿಯಂಡುಳ್ಳ ದೆವ್ವ ಲೋಕತ್‍ರ ಅದಿಕಾರತ್‍ರ ಅದಿಕಾರಿಯಡ ಆತ್ಮತ್‍ರ ಪ್ರಕಾರ ಬದ್‍ಕಿಯಂಡಿಂಜಿರ.

ಯಾಕೋಬ 4:5

ಅಥವ, ನಂಗಡೊಳ್‌ಲ್ ವಾಸ ಮಾಡ್‌ವಕಾಯಿತ್ ದೇವ ಕೊಡ್‍ತ ಪವಿತ್ರಾತ್ಮ ನಂಗ ದೇವಡ ಪಕ್ಕ ಸತ್ಯವುಳ್ಳಯಿಂಗಳಾಯಿತ್ ಇರಂಡೂಂದ್ ವೈರಾಗ್ಯತ್‍ಲ್ ಉಂಡ್‍ೕಂದ್ ಎಣ್ಣ್‌ವ ದೇವಡ ವಾಕ್ಯ ಮುಂಡತೆ ಎಣ್ಣಿತುಂಡ್‍ೕಂದ್ ಗೇನಮಾಡಿಯಂಡುಳ್ಳಿರ?

1 ಯೋಹಾನ 2:20

ಆಚೇಂಗಿ, ನಿಂಗ ಅನ್ನನೆ ಇಲ್ಲೆ, ಕ್ರಿಸ್ತ ನಿಂಗಳ ಪವಿತ್ರಾತ್ಮತ್‍ಲ್ ಅಬಿಷೇಕ ಮಾಡ್‍ನಗುಂಡ್ ನಿಂಗಕ್ ಸತ್ಯ ಏದ್‍ೕಂದ್ ಗೊತ್ತುಂಡ್.

1 ಯೋಹಾನ 2:27

ಆಚೇಂಗಿ ನಿಂಗಡ ವಿಷಯತ್‍ಲ್, ಕ್ರಿಸ್ತ ನಿಂಗಳ ಪವಿತ್ರ ಆತ್ಮತ್‍ಲ್ ಅಬಿಷೇಕ ಮಾಡಿತುಂಡ್. ಅಂವೊಂಡ ಅಬಿಷೇಕ ನಿಂಗಡಲ್ಲಿ ಉಳ್ಳಗುಂಡ್, ದಾರೂ ನಿಂಗಕ್ ಉಪದೇಶ ಮಾಡ್‌ವ ಅವಸ್ಯ ಇಲ್ಲೆ, ಅಂವೊಂಡ ಆತ್ಮ ಎಲ್ಲಾ ವಿಷಯತ್‍ನ ನಿಂಗಕ್ ಬೋದನೆ ಮಾಡ್‌ವ. ಅಂವೊ ಮಾಡ್‌ವ ಬೋದನೆಯೆಲ್ಲ ಸತ್ಯ, ಅದ್‍ಲ್ ಪೊಟ್ಟ್ ಇಲ್ಲೆ. ಆನಗುಂಡ್, ಅಂವೊ ನಿಂಗಕ್ ಉಪದೇಶ ಮಾಡ್‍ನ ಪ್ರಕಾರ ನಡ್‌ಂದಿತ್ ಕ್ರಿಸ್ತಂಡ ಕೂಡೆ ಐಕ್ಯ ಉಳ್ಳಯಿಂಗಳಾಯಿತಿರಿ.

ಪ್ರಕಟನೆ 12:9

ಬೂಲೋಕತ್‍ನ ಎಲ್ಲಾ ಮೋಸ ಮಾಡಿಯಂಡಿಂಜ, ಪಿಶಾಚೀಂದೂ ಸೈತಾನಾಂದೂ ಎಣ್ಣಿಯಂಡಿಂಜ ಪಳೆಯ ಘಟಸರ್ಪತ್‍ನ ಬೂಮಿಕ್ ಬೂವನೆಕೆ ದೂಡ್‍ಚಿ. ಅದ್ಂಡಕೂಡೆ ಇಂಜ ದೂತಂಗಳ ಸಹ ಬೂಮಿಕ್ ದೂಡಿರ್‌ತ್.

ಪ್ರಕಟನೆ 22:6

ಪಿಂಞ ಆ ದೇವದೂತ ನಾಕ್: ಈ ತಕ್ಕ್ ನೇರಾಯಿತು ಸತ್ಯವಾಯಿತು ಉಂಡ್. ಪವಿತ್ರವಾನ ಪ್ರವಾದಿಯಂಗಡ ಒಡೆಯನಾನ ದೇವ, ಬೆರಿಯ ನಡ್‍ಪಕುಳ್ಳ ಗಟನೆಯನೆಲ್ಲ ತಾಂಡ ಸೇವಕಂಗಕ್ ಕಾಂಬ್‍ಚಿಡುವಕ್ ತಾಂಡ ದೂತನ ಅಯಿಚತ್‍ೕಂದ್ ಎಣ್ಣ್‌ಚಿ.