1 ಕೊರಿಂಥ 2:1 - ಕೊಡವ ಬೈಬಲ್

¹ ನಾಡ ಅಣ್ಣತಮ್ಮಣಂಗಳೇ, ನಾನ್ ಆದ್ಯವಾಯಿತ್ ನಿಂಗಡ ಪಕ್ಕ ದೇವಡ ವಿಷಯತ್‍ನ ಎಣ್ಣುವಕ್ ಬಪ್ಪಕ, ನಾನ್ ಎಂತೋ ಬಲ್ಯ ಬಲ್ಯ ತಕ್ಕ್ ಎಣ್ಣಿಯಂಡ್, ಜ್ಞಾನತ್‍ರ ಬಲ್ಯ ತಕ್ಕ್ ಪರ್ಂದಂಡ್ ಬಂದಿತ್ತ್‌ಲ್ಲೆ.

1 ಕೊರಿಂಥ 2:1 ပူးပေါင်းရင်းမြစ်များ

ಅಪೊಸ್ತಲ 20:21

ಪಾಪತ್‍ನೆಲ್ಲ ಬುಟ್ಟಿತ್ ದೇವಡ ಪಕ್ಕ ಕಂಡಿತವಾಯಿತ್ ತಿರ್‍ಗಂಡೂಂದು, ಒಡೆಯನಾನ ಯೇಸು ಕ್ರಿಸ್ತಂಡ ಮೇಲೆ ನಂಬಿಕೆ ಇಡಂಡೂಂದು, ಯೆಹೂದ್ಯಂಗಕು ಯೆಹೂದ್ಯ ಅಲ್ಲತ ಜನಕು ಸಾಕ್ಷಿಯಾಯಿತ್ ಬೋದನೆ ಮಾಡ್‍ನಂವೊನಾಯಿತ್ಂಜ್.

ಅಪೊಸ್ತಲ 22:18

ಅಕ್ಕ ಅಂವೊ: ನೀನ್ ಯೆರೂಸಲೇಮ್ಂಜ ಬೆರಿಯ ಪೊರಟಿತ್ ಪೋ; ನಾಡ ವಿಷಯತ್‍ಲ್ ನೀನ್ ಎಣ್ಣ್‌ವ ಸಾಕ್ಷಿನ ಇಲ್ಲಿ ಉಳ್ಳ ಜನ ನಂಬುಲೇಂದ್ ಎಣ್ಣ್‌ಚಿ.

ರೋಮ್ 16:18

ಅನ್ನನೆ ಉಳ್ಳಯಿಂಗ, ನಂಗಡ ಒಡೆಯನಾನ ಯೇಸು ಕ್ರಿಸ್ತಂಗ್ ಸೇವೆ ಮಾಡತೆ, ಅಯಿಂಗಡ ಕೆಲಕಾಯಿತ್ ಸೇವೆ ಮಾಡಿಯಂಡುಂಡ್. ಅಯಿಂಗ ಅಯಿಂಗಡ ಮದುರವಾನ ತಕ್ಕ್‌ನ ಪರ್ಂದಿತ್ ಪಿಂಞ ಕುಶಿಪಡ್‌ತ್‌ವನೆಕೆ ತಕ್ಕ್ ಪರ್ಂದಿತ್, ಒಂದು ಅರಿಯತ ಜನಡ ಹೃದಯತ್‍ನ ವಂಚನೆ ಮಾಡ್‌ವಯಿಂಗಳಾಯಿತುಂಡ್.

ರೋಮ್ 16:25

ನಾಡ ದೇವಡ ನಲ್ಲ ಸುದ್ದಿ ಎಣ್ಣುವನೆಕೆ, ನಿಂಗಳ ಸ್ತಿರಪಡ್‌ತ್‍ವಕ್ ಶಕ್ತಿ ಉಳ್ಳಂವೊನಾಯಿತ್ತುಳ್ಳ ದೇವಕ್ ಎಲ್ಲಾ ಮಹಿಮೆಯು ಇರಡ್. ಯೇಸು ಕ್ರಿಸ್ತಂಡ ಈ ವಿಷಯತ್‍ರ ಮೂಲಕ ಯೆಹೂದ್ಯಂಗಲ್ಲತಯಿಂಗಕ್, ಪಂಡಿಂಜೇ ಗುಟ್ಟಾಯಿತ್ ಬೆಚ್ಚಿತ್ಂಜ ಮರ್ಮ, ಪ್ರಕಟನೆ ಆಚಿ.

1 ಕೊರಿಂಥ 1:17

ದೀಕ್ಷಾನ್ನಾನ ಕೊಡ್‍ಪಕಾಯಿತ್ ಕ್ರಿಸ್ತ ನನ್ನ ಅಯಿಚಿತ್ತ್‌ಲ್ಲೆ; ಆಚೇಂಗಿ, ಅಂವೊಂಡ ನಲ್ಲ ಸುದ್ದಿನ ಪ್ರಚಾರ ಮಾಡ್‌ವಕಾಯಿತ್ ಮಾತ್ರ ನನ್ನ ಅಯಿಚತ್; ಎನ್ನನೆ ಎಣ್ಣ್‌ಚೇಂಗಿ, ಕ್ರಿಸ್ತ ಶಿಲುಬೇಲ್ ಚತ್ತದ್, ಅರ್ಥ ಇಲ್ಲತೆ ಆಕತನೆಕೆ ಇಪ್ಪಕ್ ಪಿಂಞ ಮನುಷ್ಯಂಡ ಸಾಮರ್ತ್ಯ ಬುದ್ದಿಲ್ ಬೋದನೆ ಮಾಡತೆ ಇಪ್ಪಕಾಯಿತ್ ನನ್ನ ಅಯಿಚತ್.

1 ಕೊರಿಂಥ 1:6

ಅನ್ನನೆ ನಂಗ ಎಣ್ಣ್‌ನ ಕ್ರಿಸ್ತಂಡ ಸಾಕ್ಷಿ ನಿಂಗಡೊಳ್‌ಲ್ ಸ್ತಿರವಾಯಿತ್ ಉಂಡ್.

1 ಕೊರಿಂಥ 2:13

ಈ ವಿಷಯತ್‍ನೆಲ್ಲಾ ಮನುಷ್ಯಂಗಡ ಜ್ಞಾನ ಎಣ್ಣಿತಂದನೆಕೆ ಬೋದನೆ ಮಾಡುಲೆ, ಆಚೇಂಗಿ, ಪವಿತ್ರಾತ್ಮ ನಂಗಕ್ ಎಂತ ಬೋದನೆ ಮಾಡ್‍ಚೋ, ಆ ತಕ್ಕ್‌ನ ಮಾತ್ರ ಪರಿಂದಿತ್, ಆತ್ಮೀಯ ವಿಷಯತ್‍ನ ಪವಿತ್ರಾತ್ಮ ಉಳ್ಳಯಿಂಗಕ್ ವಿವರಿಚಿಟ್ಟಂಡುಂಡ್.

1 ಕೊರಿಂಥ 2:4

ನಿಂಗಡ ನಂಬಿಕೆ, ಮನುಷ್ಯಂಡ ಜ್ಞಾನತ್ಂಜ ನಿಕ್ಕತೆ, ದೇವಡ ಶಕ್ತಿಲ್ ನಿಪ್ಪಕಾಯಿತ್,

1 ಕೊರಿಂಥ 2:7

ಆಚೇಂಗಿ ಈ ಲೋಕ ಸೃಷ್ಟಿ ಆಪಕ್ ಮಿಂಞಲೇ ನಂಗಡ ಮಹಿಮೆಕಾಯಿತ್ ಉಂಟ್‍ಮಾಡಿತ್, ಅದ್‍ನ ಒಳ್‌ಪ್‍ಚಿಟ್ಟಿತ್‌ಂಜ ಗುಟ್ಟಾನ ದೇವಡ ಜ್ಞಾನತ್‍ನ ನಂಗ ಪರಿವ.

2 ಕೊರಿಂಥ 10:10

ಅಂವೊಂಡ ಕಾಗದ ದುಂಬ ಗಟ್ಟಿಯಾಯಿತು ಒತ್ತಾಯ ಮಾಡ್‌ವದಾಯಿತು ಉಂಡ್, ಆಚೇಂಗಿ ಅಂವೊ ತಡೀಲ್ ಬಲಯಿಲ್ಲತಂವೊನು ಅಂವೊಂಡ ತಕ್ಕ್ ಪ್ರಯೋಜನ ಇಲ್ಲತವಾಯಿತು ಉಂಡ್‍ೕಂದ್ ಚೆನ್ನ ಜನ ನಾಡ ವಿಷಯತ್ ಎಣ್ಣಿಯಂಡುಂಡಲ್ಲ?

2 ಕೊರಿಂಥ 11:6

ನಾನ್ ಚಾಯಿ ತಕ್ಕ್ ಪರಿಯುವಕ್ ಪಡಿಕತೆ ಇಂಜತೇಂಗಿಯು, ಬುದ್ದಿಲ್ ಅನ್ನನೆ ಇಲ್ಲೆ; ಆಚೇಂಗಿ ಈ ವಿಷಯತ್‍ನ ಎಲ್ಲಾ ವಿದತ್‍ಲ್ ನಂಗ ನಿಂಗಕ್ ಚಾಯಿತೆ ಎಣ್ಣಿತುಂಡ್.

2 ಥೆಸಲೊನೀಕ 1:10

ಅನ್ನನೆ ಅಂವೊ ಬಪ್ಪಕ, ಅಂವೊನ ನಂಬ್‍ನ ಪವಿತ್ರವಾನಯಿಂಗಡಲ್ಲಿ ಮಹಿಮೆ ಪಟ್ಟಿತ್, ಅಂವೊನ ನಂಬ್‍ನಯಿಂಗಡಗುಂಡ್ ಬಲ್ಯ ಗನತ್‍ನ ಪಡೆಯುವ. ಅಕ್ಕ, ನಿಂಗಳು ಅಯಿಂಗಡ ಕೂಡೆ ಇಪ್ಪಿರ, ಎನ್ನಂಗೆಣ್ಣ್‌ಚೇಂಗಿ, ನಂಗ ಎಣ್ಣ್‌ನ ಸಾಕ್ಷಿನ ನಿಂಗ ನಂಬಿತುಳ್ಳಿರ.

1 ತಿಮೊಥೆಯ 1:11

ಆಶೀರ್ವಾದತ್‍ರ ದೇವಡ ಮಹಿಮೆಯಾನ ನಲ್ಲ ಸುದ್ದಿರನೆಕೆ ನಾಕ್ ತಂದ ನಲ್ಲ ಬೋದನೆಕ್ ವಿರೋದವಾಯಿತ್ ಮಾಡ್‌ವಯಿಂಗಕೇ ಅದ್‍ನ ಕೊಡ್‍ತತ್.

2 ತಿಮೊಥೆಯ 1:8

ಆನಗುಂಡ್, ನಂಗಡ ಒಡೆಯನಾನ ಯೇಸು ಕ್ರಿಸ್ತಂಡ ವಿಷಯತ್ ಸಾಕ್ಷಿ ಪರಿಯುವಕ್ ಪಿಂಞ ಅಂವೊನಗುಂಡ್ ಕೈದಿಯಾಯಿತುಳ್ಳ ನಾಡ ವಿಷಯತ್ ಞಾಣ ಪಡತೆ. ಅದ್ಂಗ್ ಬದ್‍ಲ್ ದೇವ ಕೊಡ್‍ಪ ಶಕ್ತಿಯಿಂಜ ದೇವಡ ನಲ್ಲ ಸುದ್ದಿಕಾಯಿತ್ ನಾಡ ಕೂಡೆ ಕಷ್ಟಪಡ್‌ವಕ್ ತಯಾರಾಯಿತಿರ್.

1 ಯೋಹಾನ 4:14

ದೇವ ತಾಂಡ ಮೋಂವೊನ ಲೋಕತ್‍ನ ಕಾಪಾಡ್‌ವಕಾಯಿತ್ ಅಯಿಚತ್. ಇದ್‍ನ ನಂಗ ನೋಟಿತ್ ಅದ್ಂಡ ವಿಷಯತ್ ನಿಂಗಕ್ ಇಕ್ಕ ಸಾಕ್ಷಿ ಕೊಡ್‍ಪ.

ಪ್ರಕಟನೆ 1:2

ಇಂವೊ ದೇವಡ ವಾಕ್ಯತ್‍ರ ವಿಷಯತ್ ಪಿಂಞ ಯೇಸು ಕ್ರಿಸ್ತಂಡ ಸಾಕ್ಷಿರ ವಿಷಯತ್ ಎಂತಲ್ಲಾ ಕಂಡತೋ ಅದ್‍ನೆಲ್ಲಾ ಅರಿಚಿಟ್ಟಿತುಂಡ್.

ಪ್ರಕಟನೆ 1:9

ನಿಂಗಡ ಅಣ್ಣನು, ಯೇಸುಕಾಯಿತ್ ಬಪ್ಪ ಹಿಂಸೆಕು, ಅಂವೊಂಡ ರಾಜ್ಯಕು, ಅಂವೊಂಡ ಪೊರುಮೆಕು ನಿಂಗಡ ಕೂಡೆ ಪಾಲ್‍ದಾರನಾಯಿತುಳ್ಳ ಯೋಹಾನನಾನ ನಾನ್ ದೇವಡ ವಾಕ್ಯಕಾಯಿತು, ಯೇಸುರ ವಿಷಯತ್ ಸಾಕ್ಷಿಕಾಯಿತು ಪತ್ಮೊಸ್ ಎಣ್ಣುವ ದ್ವೀಪತ್‍ಲ್ ಇಂಜ.

ಪ್ರಕಟನೆ 19:10

ಅಕ್ಕ ನಾನ್ ಅಯಿಂಗಕ್ ಅಡ್ಡ ಬುದ್ದಿತ್ ವಂದನೆ ಮಾಡಂಡೂಂದ್ ಕಾಲ್ ಪುಡ್‌ಚಿಯೆ. ಅಂವೊ ನನ್ನ ನೋಟಿತ್: ಅನ್ನನೆ ಮಾಡತೆ, ನಾನ್ ಸಹ ನೀಡ ಕೂಡೆ ಯೇಸುರ ವಿಷಯತ್ ಸಾಕ್ಷಿ ಕೊಡ್‍ತ ನೀಡ ಅಣ್ಣತಮ್ಮಣಂಗಡ ಕೂಡೆ ಒರ್ ಸೇವಕ; ದೇವಕ್ ಆರಾದನೆ ಮಾಡ್. ಯೇಸುರ ವಿಷಯತ್‍ರ ಸಾಕ್ಷಿ, ಪ್ರವಾದನೆರ ಆತ್ಮವಾಯಿತುಂಡ್‍ೕಂದ್ ಎಣ್ಣ್‌ಚಿ.