1 ಕೊರಿಂಥ 16:22 - ಕೊಡವ ಬೈಬಲ್

²² ಒಬ್ಬ, ಒಡೆಯನ ಪ್ರೀತಿ ಮಾಡತೆ ಪೋಚೇಂಗಿ ಅಂವೊಂಡ ಮೇಲೆ ಶಾಪ ಬರಡ್. ಓ ನಂಗಡ ಒಡೆಯನೇ ಬಾ.

1 ಕೊರಿಂಥ 16:22 ပူးပေါင်းရင်းမြစ်များ

ಮತ್ತಾಯ 10:37

ಒಬ್ಬ ತಾಂಡ ಅಪ್ಪನ ಆಚೇಂಗಿಯು, ಅವ್ವಳ ಆಚೇಂಗಿಯು ನಾಕಿಂಜ ದುಂಬ ಪ್ರೀತಿ ಮಾಡ್‍ಚೇಂಗಿ ಅಂವೊ ನಾಡ ಶಿಷ್ಯನಾಯಿತ್‌ಪ್ಪಕ್ ಯೋಗ್ಯನಲ್ಲ. ಪಿಂಞ ತಾಂಡ ಮೋಂವೊನಾಚೇಂಗಿಯು, ಮೋವಳಾಚೇಂಗಿಯು ನಾಕಿಂಜ ದುಂಬ ಪ್ರೀತಿ ಮಾಡ್‍ಚೇಂಗಿ ಅಂವೊ ನಾಡ ಶಿಷ್ಯನಾಯಿತ್‌ಪ್ಪಕ್ ಯೋಗ್ಯನಲ್ಲ.

ಯೋಹಾನ 14:15

ನಿಂಗಕ್ ನಾಡ ಮೇಲೆ ಪ್ರೀತಿ ಉಂಡೇಂಗಿ ನಾಡ ಆಜ್ಞೆಂಗಕ್ ಬಗ್ಗಿತ್ ನಡ್‍ಪಿರ.

ಯೋಹಾನ 14:21

ನಾಡ ಆಜ್ಞೆನ ಪಡ್ಂದಿತ್ ಅದ್ಂಡ ಪ್ರಕಾರ ನಡ್‍ಪಯಿಂಗಳೇ ನನ್ನ ಪ್ರೀತಿ ಮಾಡ್‌ವಯಿಂಗ; ನನ್ನ ಪ್ರೀತಿ ಮಾಡ್‌ವಯಿಂಗಳ ನಾಡ ಅಪ್ಪ ಪ್ರೀತಿ ಮಾಡ್‌ವ. ನಾನ್ ಸಹ ಅಯಿಂಗಳ ಪ್ರೀತಿ ಮಾಡಿತ್, ನನ್ನ ಅಯಿಂಗಕ್ ಕಾಂಬ್‌ಚಿಡ್‍ವೀಂದ್ ಎಣ್ಣ್‌ಚಿ.

ಯೋಹಾನ 14:23

ಯೇಸು ಅಂವೊಂಗ್: ನಾಡ ಮೇಲೆ ಪ್ರೀತಿ ಉಳ್ಳಂವೊ, ನಾಡ ತಕ್ಕ್‌ರ ಪ್ರಕಾರ ನಡ್‍ಪ, ನಾಡ ಅಪ್ಪ ಅಂವೊನ ಪ್ರೀತಿಚಿಡ್‍ವ. ನಂಗ ಬಂದಿತ್ ಅಂವೊಂಡ ಕೂಡೆ ವಾಸ ಮಾಡ್‌ವ.

ಯೋಹಾನ 15:24

ದಾರೂ ಮಾಡತ ಕ್ರಿಯೇನ ನಾನ್ ಅಯಿಂಗಡ ಮದ್ಯತ್‍ಲ್ ಮಾಡತೆ ಪೋಯಿತ್ಂಜತೇಂಗಿ, ಅಯಿಂಗಕ್ ಪಾಪ ಇಪ್ಪಕಿಂಜಿಲೆ; ಇಕ್ಕ ಅಯಿಂಗ ನಾಡ ಕ್ರಿಯೇನ ನೋಟಿತ್‌ಂಜತೇಂಗಿಯು ಸಹ, ನನ್ನ ಪಿಂಞ ನಾಡ ಅಪ್ಪನ ವಿರೋದಿಚಿಟ್ಟಂಡುಂಡ್.

ಯೋಹಾನ 16:14

ಅಂವೊ ನನ್ನಿಂಜ ಎಡ್‍ತಿತ್ ನಿಂಗಕ್ ಎಣ್ಣಿ ತಪ್ಪಗುಂಡ್, ಅಂವೊ ನಾಕ್ ಮಹಿಮೆ ತಪ್ಪ.

ಯೋಹಾನ 8:42

ದೇವ ನಿಂಗಡ ನೇರಾನ ಅಪ್ಪನಾಯಿತುಂಡೇಂಗಿ, ನಿಂಗ ನಾಡ ಮೇಲೆ ಪ್ರೀತಿಲ್ ಇಪ್ಪಿರ. ಎನ್ನಂಗೆಣ್ಣ್‌ಚೇಂಗಿ ನಾನ್ ದೇವಡಯಿಂಜ ಬಂದಿತುಳ್ಳ. ನಾನ್ ನಾಡ ಇಷ್ಟ ಪ್ರಕಾರ ಬಂದಿತ್‌ಲ್ಲೆ, ಅಂವೊನೇ ನನ್ನ ಅಯಿಚತ್.

ಅಪೊಸ್ತಲ 23:14

ಈಂಗೆಲ್ಲಾರು, ಮುಕ್ಯ ಯಾಜಕಂಗ ಪಿಂಞ ಸಬೆರ ಪೆರಿಯಯಿಂಗಡ ಪಕ್ಕ ಪೋಯಿತ್, ಪೌಲನ ಕೋಲ್ಲ್‌ವಕತ್ತನೆ ಬಾಯಿಲ್ ಒಂದು ಇಡ್‌ಲೇಂದ್ ನಂಗ ಪರ್‍ಕೆ ಮಾಡಿಯಂಡತ್,

ರೋಮ್ 9:3

ತಡೀರ ಪ್ರಕಾರ ನಾಡ ಜನವಾಯಿತ್ ಉಳ್ಳ ನಾಡ ಅಣ್ಣತಮ್ಮಣಂಗಕ್ ಬದ್‍ಲ್, ನಾನೇ ಕ್ರಿಸ್ತನ ಬುಟ್ಟಿತ್ ಶಾಪ ಕ್‍ಟ್ಟ್‌ನಂವೊನಾಯಿತ್ ಇಪ್ಪಕ್ ನಾನ್ ಆಸೆ ಪಡುವಿ.

1 ಕೊರಿಂಥ 12:3

ಆನಗುಂಡ್, ಪವಿತ್ರಾತ್ಮತ್‍ರ ಮೂಲಕ, ತಕ್ಕ್ ಪರಿಯುವ ಏದ್ ಮನುಷ್ಯನು, ಯೇಸುನ, ಅಂವೊ ಶಾಪ ಪಡ್ಂದವೋಂದ್ ಎಣ್ಣ್‌ವದೇ ಇಲ್ಲೆ, ಪವಿತ್ರಾತ್ಮಂಡ ಸಹಾಯ ಇಲ್ಲತೆ, ಯೇಸುನ ಒಡೆಯಾಂದ್ ಎಣ್ಣ್‌ವಕ್ ದಾರ್‌ಕು ಕಯ್ಯುಲೇಂದ್ ನಾನ್ ನಿಂಗಕ್ ಎಣ್ಣ್‌ವಿ.

ಗಲಾತ್ಯ 5:6

ನಂಗಡ ನಂಬಿಕೆ ಯೇಸು ಕ್ರಿಸ್ತಂಡ ಮೇಲೆ ಇಂಜತೇಂಗಿ, ಸುನ್ನತಿ ಮಾಡಿತ್ಂಜತೇಂಗಿಯು, ಮಾಡತ ಇಂಜತೇಂಗಿಯು, ಅದ್ ಒಂದು ಲೆಕ್ಕ ಆಪುಲೆ. ಅದ್ಂಡ ಬದ್‍ಲಾಯಿತ್ ನಂಬಿಕೇಲ್, ಪ್ರೀತಿರಗುಂಡ್ ನಂಗ ಮಾಡ್‌ವ ಕಾರ್ಯವೇ ಮುಕ್ಯವಾನದ್.

ಎಫೆಸ 6:24

ನಂಗಡ ಒಡೆಯನಾನ ಯೇಸು ಕ್ರಿಸ್ತಂಡ ಮೇಲೆ ಕಾಲಕಾಲಕು ಪಾಳಾಕತ ಪ್ರೀತಿ ಮಾಡ್‌ವ ಎಲ್ಲಾಡ ಕೂಡೆ ಕೃಪೆ ಇಕ್ಕಡ್. ಆಮೆನ್.

ಫಿಲಿಪ್ಪಿ 4:5

ನಿಂಗಡ ಸಾದು ಗುಣ ಎಲ್ಲಾರ್‌ಕು ಗೊತ್ತಿರಡ್. ಒಡೆಯನಾನ ಯೇಸು ಬೆರಿಯ ಬಂದಂಡುಂಡ್.

ಇಬ್ರಿಯ 6:10

ಎನ್ನಂಗೆಣ್ಣ್‌ಚೇಂಗಿ, ನಿಂಗಡ ಸೇವೆ, ದೇವಡ ಮಕ್ಕಕ್ ನಿಂಗ ಮಾಡ್‍ನ ಪಿಂಞ ಇಕ್ಕ ಮಾಡಿಯಂಡುಳ್ಳ ಪ್ರೀತಿರ ಸೇವೇರ ಮೂಲಕ ಕಾಂಬ್‌ಚಿಡುವ ದೇವಡ ಮೇಲೆ ಉಳ್ಳ ಪ್ರೀತಿನ ದೇವ ಮರ್ಂದ್ ಪೋಪುಲೆ. ದೇವ ನೀತಿ ಉಳ್ಳಂವೊವನಾಯಿತುಂಡ್.

1 ಪೇತ್ರ 1:8

ನಿಂಗ ಅಂವೊನ ಕಂಡಿತಿಲ್ಲೆ, ಆಚೇಂಗಿಯು ನಿಂಗ ಅಂವೊನ ಪ್ರೀತಿ ಮಾಡ್‌ವಿರ; ಇಕ್ಕ ನಿಂಗ ಅಂವೊನ ಕಾಂಗತ ಪೋನಕ ಸಹ, ನಿಂಗ ಅಂವೊನ ನಂಬುವಿರ. ನಿಂಗ ಎಣ್ಣುವಕಯ್ಯತನೆಕೆ, ಮಹಿಮೆಲ್ ದುಂಬ್‍ನ ಅಚ್ಚಕ್ ಕುಶೀಲ್ ಇಪ್ಪಿರ.

1 ಪೇತ್ರ 2:7

ಆನಗುಂಡ್, ಅದ್ಂಡಮೇಲೆ ನಂಬಿಕೆ ಬೆಪ್ಪ ನಿಂಗಕ್ ಅದ್ ಅಮುಲ್ಯವಾನದ್, ಆಚೇಂಗಿ, ಅದ್‍ನ ನಂಬತಯಿಂಗಕ್, ಅದ್: ಮನೆ ಕೆಟ್ಟ್‌ವಯಿಂಗ ಬೋಂಡಾಂದ್ ತಿರಸ್ಕಾರ ಮಾಡ್‍ನ ಆ ಕಲ್ಲೇ, ಮನೆರ ಮುಕ್ಯವಾನ ಕಲ್ಲಾಚಿ

1 ಯೋಹಾನ 4:19

ನಂಗ ಪ್ರೀತಿ ಮಾಡ್‌ವಕ್ ಮಿಂಞ ದೇವ ನಂಗಳ ಪ್ರೀತಿ ಮಾಡ್‍ನಗುಂಡ್ ನಂಗ ಅಂವೊನ ಪ್ರೀತಿ ಮಾಡ್‌ವ.

1 ಯೋಹಾನ 5:1

ದಾರೆಲ್ಲ ಯೇಸುನ ಕ್ರಿಸ್ತಾಂದ್ ನಂಬುವ ಅಯಿಂಗ ಎಲ್ಲಾ ದೇವಡ ಮಕ್ಕ. ಅಪ್ಪನ ದಾರೆಲ್ಲ ಪ್ರೀತಿ ಮಾಡ್‌ವ, ಅಯಿಂಗ ಅಂವೊಂಡ ಮಕ್ಕಳ ಸಹ ಪ್ರೀತಿಚಿಡುವ.

ಪ್ರಕಟನೆ 22:20

ಈ ವಿಷಯತ್‍ನ ಸಾಕ್ಷಿಯಾಯಿತ್ ಎಣ್ಣ್‌ವಂವೊ: ನೇರಾಯಿತ್ ನಾನ್ ಬೆರಿಯ ಬಂದಂಡುಳ್ಳ್‌ಂದ್ ಎಣ್ಣಿಯಂಡುಂಡ್. ಆಮೆನ್, ಒಡೆಯನಾನ ಯೇಸುವೇ ಬಾರಿ.