1 ಕೊರಿಂಥ 16:19 - ಕೊಡವ ಬೈಬಲ್

¹⁹ ಆಸ್ಯ ನಾಡ್‍ಲ್ ಉಳ್ಳ ಸಬೇಲ್ ಉಳ್ಳಯಿಂಗ ನಿಂಗಕ್ ವಂದನೆ ಎಣ್ಣಿಯಂಡುಂಡ್. ಅಕ್ವಿಲನು ಪ್ರಿಸ್ಕಿಲ್ಲಳು ಅಯಿಂಗಡ ಮನೆಲ್ ಕೂಡಿ ಬಪ್ಪ ಸಬೆರ ಜನಳು ನಿಂಗಕ್ ಒಡೆಯಂಡಲ್ಲಿ ವಂದನೆ ಎಣ್ಣಿಯಂಡುಂಡ್.

1 ಕೊರಿಂಥ 16:19 ပူးပေါင်းရင်းမြစ်များ

ಅಪೊಸ್ತಲ 16:6

ಆಸ್ಯ ಸೀಮೆಲ್ ದೇವಡ ವಾಕ್ಯತ್‍ನ ಎಣ್ಣ್‌ವಕ್ಕಾಗಾಂದ್ ಪವಿತ್ರಾತ್ಮ ಅಯಿಂಗಳ ತಡೆ ಮಾಡ್‍ನಗುಂಡ್, ಅಯಿಂಗ ಫ್ರುಗ್ಯ ಪಿಂಞ ಗಲಾತ್ಯ ಪ್ರಾಂತ್ಯತ್‍ಲ್ ಪ್ರಯಾಣ ಮಾಡಿಯಂಡಿಂಜತ್.

ಅಪೊಸ್ತಲ 18:18

ಪೌಲ ದುಂಬ ದಿವಸ ಕೊರಿಂಥ ಪಟ್ಟಣತ್‍ಲ್ ಯೇಸುನ ನಂಬ್‍ನ ಅಣ್ಣತಮ್ಮಣಂಗಡ ಕೂಡೆ ಇಂಜ ಪಿಂಞ, ದೇವಡ ಮಕ್ಕಡಯಿಂಜ ಪೊರಟತ್. ತಾಂಗ್ ಒರ್ ಪರ್‍ಕೆ ಇಂಜಗುಂಡ್ ಕೆಂಕ್ರೆಯ ಊರ್‌ಲ್ ಮಂಡೆನ ಬೋಳ್‍ಚಿಟ್ಟಂಡ್, ಸಿರಿಯ ದೇಶಕ್ ಪೋಪಕಾಯಿತ್ ಹಡಗ್‍ನ ಪತ್ತ್‌ಚಿ. ಪ್ರಿಸ್ಕಿಲ್ಲಳು ಅಕ್ವಿಲನು ಅಂವೊಂಡ ಕೂಡೆ ಪೊರಟ್ ಪೋಚಿ.

ಅಪೊಸ್ತಲ 18:2

ಯೆಹೂದ್ಯ ಜನಯೆಲ್ಲ ರೋಮ್ ರಾಜ್ಯತ್‍ರ ಪ್ರಾಂತ್ಯತ್‍ನ ಬುಟ್ಟಿತ್ ಬೋರೆ ಜಾಗಕ್ ಪೋಂಡೂಂದ್ ಕ್ಲೌದ್ಯ ಚಕ್ರವರ್ತಿ ಹುಕುಮ್ ಕೊಡ್‌ತಿತ್ಂಜತ್. ಆನಗುಂಡ್ ಇತಾಲ್ಯ ರಾಜ್ಯತ್ಂಜ ಬಂದಿತ್ಂಜ, ಪೊಂತ ದೇಶತ್‍ಲ್ ಪುಟ್ಟ್‌ನಂವೊನಾನ ಅಕ್ವಿಲ ಎಣ್ಣುವ ಒರ್ ಯೆಹೂದ್ಯ ಪಿಂಞ ಅಂವೊಂಡ ಪೊಣ್ಣ್ ಪ್ರಿಸ್ಕಿಲ್ಲ ಪುದಿಯದಾಯಿತ್ ಕೊರಿಂಥ ಪಟ್ಟಣಕ್ ಬಂದಿತ್ಂಜತ್. ಪೌಲಂಗ್ ಅಯಿಂಗಳ ಪರಿಚಯ ಆಚಿ.

ಅಪೊಸ್ತಲ 18:26

ಅಂವೊ ಸಬಾಮಂದಿರತ್‍ಲ್ ದೈರ್ಯವಾಯಿತ್ ತಕ್ಕ್ ಪರಿವಕ, ಅಂವೊಂಡ ತಕ್ಕ್‌ನ ಪ್ರಿಸ್ಕಿಲ್ಲ ಪಿಂಞ ಅಕ್ವಿಲ ಕ್‍ೕಟಿತ್, ಅಂವೊನ ತಂಗಡ ಮನೆಕ್ ಕಾಕಿಯಂಡ್ ಪೋಚಿ. ಅಲ್ಲಿ ದೇವಡ ಬಟ್ಟೇನ ಅಂವೊಂಗ್ ಇಂಞು ಚಾಯಿತೆ ಸರಿಯಾಯಿತ್ ಎಣ್ಣಿ ಕೊಡ್‍ತತ್.

ಅಪೊಸ್ತಲ 19:10

ಇನ್ನನೆ ದಂಡ್ ಕಾಲಕ್ ನಡ್ಂದಗುಂಡ್ ಆಸ್ಯ ಸೀಮೆಲ್ ವಾಸ ಮಾಡಿಯಂಡಿಂಜ ಯೆಹೂದ್ಯಂಗ ಪಿಂಞ ಯೆಹೂದ್ಯಂಗ ಅಲ್ಲತ ಜನ ಎಲ್ಲಾರು ಒಡೆಯಂಡ ಬೋದನೆನ ಕ್‍ೕಟತ್.

ಅಪೊಸ್ತಲ 2:9

ನಂಗೆಲ್ಲ ಪಾರ್ಥ್ಯಂಗ, ಮೇದ್ಯಂಗ, ಏಲಾಮ್ಯಂಗ, ಮೆಸೊಪೊತಾಮ್ಯ, ಯೂದಾಯ, ಕಪ್ಪದೋಕ್ಯ,

ರೋಮ್ 16:15

ಫಿಲೊಲೊಗನಂಗು, ಯೂಲ್ಯಳಂಗು, ನೇರ್ಯನಂಗು, ಅಂವೊಂಡ ತಂಗೆಕು, ಒಲುಂಪಂಗು ಪಿಂಞ ಅಯಿಂಗಡ ಕೂಡೆ ಉಳ್ಳ ದೇವಡ ಮಕ್ಕಕು ವಂದನೆ ಎಣ್ಣಿ.

ಕೊಲೊಸ್ಸೆ 4:15

ಲವೊದಿಕೀಲ್ ಉಳ್ಳ ಯೇಸುನ ನಂಬ್‍ನ ಅಣ್ಣತಮ್ಮಣಂಗಕು, ನುಂಫ ಎಣ್ಣುವಂವೊಂಗು ಅಂವೊಂಡ ಮನೆಲ್ ಕೂಡಿ ಬಪ್ಪ ಸಬೆರ ಜನಕು ನಾಡ ವಂದನೆನ ಎಣ್ಣ್.

2 ತಿಮೊಥೆಯ 4:19

ಪ್ರಿಸ್ಕಿಲ್ಲಂಗೂ, ಅಕ್ವಿಲ್ಲಂಗೂ ಪಿಂಞ ಒನೇಸಿಫೊನಂಡ ಮನೆಕಾರಂಗೂ ನಾಡ ವಂದನೆನ ಎಣ್ಣ್.

ಫಿಲೆಮೋನ 1:2

ನಂಗಡ ತಂಗೆ ಅಪ್ಫಿಯಾ, ನಂಗಡನೆಕೆ ದೇವಡ ಸೇವೆ ಮಾಡಿಯಂಡುಳ್ಳ ಅರ್ಖಿಪ್ಪ ಎಣ್ಣುವಯಿಂಗಕ್ ಪಿಂಞ ನೀಡ ಕೂಡೆ ಮನೆಲ್ ಕೂಡುವ ಸಬೇಕ್ ಒಳ್‍ದ್‍ವ ಕಾಗದ ಇದ್.

1 ಪೇತ್ರ 1:1

ಯೇಸು ಕ್ರಿಸ್ತಂಡ ಅಪೊಸ್ತಲನಾನ ಪೇತ್ರ, ಪೊಂತ, ಗಲಾತ್ಯ, ಕಪ್ಪದೋಕ್ಯ, ಆಸ್ಯ, ಬಿಥೂನ್ಯ ಎಣ್ಣುವ ಈ ದೇಶತ್‍ಲ್, ಚದ್‌ರಿ ಪೋಯಿತುಳ್ಳ ಜನಡ ಮದ್ಯತ್‍ಲ್ ವಾಸ ಮಾಡಿಯಂಡುಳ್ಳ ದೇವ ಗೊತ್ತ್ ಮಾಡ್‍ನಯಿಂಗಕ್ ಪಿಂಞ ಈ ಲೋಕತ್‍ಲ್ ಚೆನ್ನ ಕಾಲ ಮಾತ್ರ ಬದ್‍ಕ್‍ವನೆಕೆ ಬದ್‍ಕಿಯಂಡ್ ಉಳ್ಳ ನಿಂಗಕ್ ಒಳ್‍ದ್‍ವ ಕಾಗದ ಇದ್.

ಪ್ರಕಟನೆ 1:11

ಆ ವಾಣಿ: ನಾನ್ ಅಲ್ಫಾವು ಓಮೆಗಾವು ಆದ್ಯವು ಆಕೀರ್‍ವಾಯುತುಳ್ಳ. ನೀನ್ ಕಂಡಂಡುಳ್ಳದ್‍ನ ಒರ್ ಪುಸ್ತಕತ್‍ಲ್ ಒಳ್‍ದಿತ್ ಆಸ್ಯ ಪ್ರಾಂತ್ಯತ್‍ಲ್ ಉಳ್ಳ ಎಫೆಸ, ಸ್ಮುರ್ನ, ಪೆರ್ಗಮ, ಥುವತೈರ, ಸಾರ್ದಿಸ್, ಫಿಲದೆಲ್ಫಿಯ, ಲವೊದಿಕೀಯ ಎಣ್ಣುವ ಪಟ್ಟಣತ್‍ಲ್ ಉಳ್ಳ ಏಳ್ ಸಬೇಕ್ ಅಯಿಕಂಡೂಂದ್ ಎಣ್ಣ್‌ಚಿ.