1 ಕೊರಿಂಥ 16:18 - ಕೊಡವ ಬೈಬಲ್

¹⁸ ಅಯಿಂಗ ನಾಕ್ ಪಿಂಞ ನಿಂಗಕ್ ಚಾಯಿ ಒತ್ತಾಸೆ ಮಾಡ್‍ಚಿ, ಅನ್ನನೆ ದೇವಡ ಸೇವೇನ ಚಾಯಿ ಮಾಡ್‌ವಯಿಂಗಳ ನಿಂಗ ದುಂಬ ಗನಪಡ್‌ತಂಡು.

1 ಕೊರಿಂಥ 16:18 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 25:13

ಕೊಯ್ಯಿಪಣಿರ ಕಾಲತ್‌ ಮಂಜಿರ ತಂಪ್ ಎನ್ನನೆ ಇಪ್ಪೊ, ಅನ್ನನೆ ನಂಬಿಕಸ್ತನಾನ ದೂತನು ಇಪ್ಪ. ಅಂವೊ ತಾಂಡ ಒಡೆಯಂಡ ಆತ್ಮತ್‌ನ ತಂಪಾಯಿತ್‌ ಮಾಡುವ.

ಜ್ಞಾನತ್‌ರ ಪಡಿಮ 25:25

ದೂರತ್ತಿಂಜ ಬಪ್ಪ ನಲ್ಲ ಸುದ್ದಿ, ಬಾಯಾರಿಕೆಯಾಯಿತ್‌ ಉಳ್ಳಂವೊಂಗ್‌ ಕ್‌ಟ್ಟುವ ಪಚ್ಚೆ ನೀರ್‌ರನೆಕೆ ಇಪ್ಪ.

ರೋಮ್ 15:32

ಅನ್ನನೆ ದೇವಡ ಚಿತ್ತ ಇಂಜತೇಂಗಿ, ನಾನ್ ನಿಂಗಡ ಪಕ್ಕ ಕುಶೀಲ್ ಬಂದಿತ್, ನಿಂಗಡಗುಂಡ್ ಆರಾಮ್‍ಲ್ ಇಪ್ಪಿ.

2 ಕೊರಿಂಥ 7:13

ಅನ್ನನೆ, ನಿಂಗಕ್ ಪುರ್‌ಡ್ ಕ್‍ಟ್ಟ್‌ನಗುಂಡ್ ನಂಗಕ್ ಪುರ್‌ಡ್ ಕ್‍ಟ್ಟ್‌ಚಿ; ವಿಶೇಷವಾಯಿತ್ ತೀತಂಡ ಆತ್ಮಕ್ ನಿಂಗ ಎಲ್ಲಾಡಗುಂಡ್ ಪುರ್‌ಡ್ ಕ್‍ಟ್ಟ್‌ನಗುಂಡ್, ಅಂವೊಂಡ ಕುಶೀಲ್ ನಂಗ ದುಂಬ ಕುಶಿಪಟ್ಟತ್.

ಕೊಲೊಸ್ಸೆ 4:8

ನಂಗ ಎನ್ನನೆ ಉಂಡ್‍ೕಂದ್ ಎಣ್ಣಿತ್, ನಿಂಗಡ ಹೃದಯಕ್ ಪುರ್‌ಡ್ ಕೊಡ್‍ಪಕಾಯಿತೇ ನಾನ್ ಅಂವೊನ ನಿಂಗಡ ಪಕ್ಕ ಅಯಿಚಂಡುಳ್ಳ.

1 ಥೆಸಲೊನೀಕ 5:12

ನಂಗಡ ಅಣ್ಣತಮ್ಮಣಂಗಳೇ, ಇಂಞು ನಾನ್ ಎಣ್ಣ್‌ವದ್ ಎಂತ ಎಣ್ಣ್‌ಚೇಂಗಿ: ನಿಂಗಕಾಯಿತ್ ಕಷ್ಟಪಟ್ಟಿತ್ ಸೇವೆ ಮಾಡಿಯಂಡ್, ನಿಂಗಳ ಒಡೆಯಂಡಲ್ಲಿಕ್ ನಡ್‍ತಿಯಂಡ್, ನಿಂಗಕ್ ಬೋದನೆ ಮಾಡಿಯಂಡ್ ಉಳ್ಳಯಿಂಗಳ ನಿಂಗ ಗನಪಡ್‍ತಂಡೂಂದ್ ನಂಗ ನಿಂಗಳ ಬೋಡಿಯಂಡುಂಡ್.

ಫಿಲೆಮೋನ 1:20

ಅಕ್ಕು, ಪ್ರೀತಿರ ಫಿಲೆಮೋನನೇ, ಕ್ರಿಸ್ತಂಡಗುಂಡ್ ನೀಡಲ್ಲಿ ನಾಕ್ ಸಮಾದಾನ ಆಡ್. ಕ್ರಿಸ್ತಂಗಾಯಿತ್ ನಾಡ ಹೃದಯತ್‍ನ ನೀನ್ ಕುಶಿಪಡ್‍ತ್.

ಫಿಲೆಮೋನ 1:7

ನಾಡ ಪ್ರೀತಿರ ಫಿಲೆಮೋನನೇ, ನೀಡಗುಂಡ್ ದೇವಡ ಮಕ್ಕಡ ಹೃದಯಕ್ ದುಂಬ ಒತ್ತಾಸೆ ಆನಗುಂಡ್, ನೀಡ ಪ್ರೀತಿಯಿಂಜ ನಂಗಕ್ ದುಂಬ ಕುಶಿಯು ಸಮಾದಾನವು ಆಚಿ.

ಇಬ್ರಿಯ 13:7

ದೇವಡ ವಾಕ್ಯತ್‍ನ ನಿಂಗಕ್ ಬೋದನೆ ಮಾಡಿತ್ ನಿಂಗಳ ನಡ್‌ತ್‍ನಯಿಂಗಳ ಗೇನ ಮಾಡಿತ್, ಅಯಿಂಗಡ ಬದ್‍ಕ್ ಆಕೀರ್‍ಕತ್ತನೆ ಎನ್ನನೆ ಇಂಜತ್‍ೕಂದ್ ಚಾಯಿತೆ ನೋಟಿತ್, ಅಯಿಂಗಡ ನಂಬಿಕೇರನೆಕೆ ನಡ್‍ಪಿರ.

3 ಯೋಹಾನ 1:4

ನಾಡ ಮಕ್ಕ ಸತ್ಯತ್‍ಲ್ ನಡ್‍ದಂಡುಂಡ್‍ೕಂದ್ ಕ್‍ೕಪಕಿಂಜ ಬಲ್ಯ ಕುಶಿ ನಾಕ್ ಬೋರೆ ಏದು ಇಲ್ಲೆ.