1 ಕೊರಿಂಥ 16:16 - ಕೊಡವ ಬೈಬಲ್

¹⁶ ಇನ್ನನೆ ಉಳ್ಳಯಿಂಗಕು, ಅಯಿಂಗಡ ಕೂಡೆ ದೇವಡ ಸೇವೇನ ಕಷ್ಟಟತ್‍ಲ್ ಮಾಡಿಯಂಡುಳ್ಳ ಸೇವಕಂಗಕೂ, ಅಯಿಂಗ ಎಣ್ಣ್‌ವಾನ ಕ್‍ೕಟಿತ್ ಅದ್ಂಗ್ ಬಗ್ಗಿತ್ ನಡ್‍ಕಂಡೂಂದ್ ನಿಂಗಕ್ ಬುದ್ದಿ ಎಣ್ಣ್‌ವಿ.

1 ಕೊರಿಂಥ 16:16 ပူးပေါင်းရင်းမြစ်များ

ರೋಮ್ 16:12

ಒಡೆಯಂಡಲ್ಲಿ ಕಷ್ಟಪಟ್ಟಿತ್ ಸೇವೆ ಮಾಡ್‌ವ ತ್ರುಫೈನ ಪಿಂಞ ತ್ರುಫೋಸಳಕು ವಂದನೆ ಎಣ್ಣಿ. ಒಡೆಯಂಡಲ್ಲಿ ದುಂಬ ಕಷ್ಟಪಟ್ಟಿತ್ ಸೇವೆ ಮಾಡ್‌ವ ಪ್ರೀತಿರ ಪೆರ್ಸೀಸ್‍ಕ್ ವಂದನೆ ಎಣ್ಣಿ.

ರೋಮ್ 16:3

ಕ್ರಿಸ್ತ ಯೇಸುರಲ್ಲಿ ಕೂಡೆ ಉಳ್ಳ ಐಕ್ಯತ್‍ಲ್ ನಾಡ ಕೂಡೆ ಸೇವ ಮಾಡ್‍ನ ಪ್ರಿಸ್ಕಿಲ್ಲ ಪಿಂಞ ಅಕ್ವಿಲಂಗು ನಾಡ ವಂದನೆ ಎಣ್ಣಿ.

ರೋಮ್ 16:6

ನಂಗಕಾಯಿತ್ ದುಂಬ ಕಷ್ಟಪಟ್ಟ ಮರಿಯಕ್ ವಂದನೆ ಎಣ್ಣಿ.

ರೋಮ್ 16:9

ಕ್ರಿಸ್ತಂಡ ಕೂಡೆ ಉಳ್ಳ ಐಕ್ಯತ್‍ಲ್ ನಂಗಡ ಕೂಡೆ ಸೇವೆ ಮಾಡ್‍ನ ಉರ್ಬಾ ಎಣ್ಣ್‌ವಂವೊಂಗು, ನಾಡ ಪ್ರೀತಿರ ಸ್ತಾಖು ಎಣ್ಣ್‌ವಂವೊಂಗು ವಂದನೆ ಎಣ್ಣಿ.

1 ಕೊರಿಂಥ 12:28

ದೇವಡ ಸಬೇಲ್, ದೇವ ಆದ್ಯವಾಯಿತ್ ಅಪೊಸ್ತಲಂಗಳ, ಪಿಂಞ ಪ್ರವಾದಿಯಂಗಳ, ಪಿಂಞ ಉಪದೇಶ ಮಾಡ್‌ವಯಿಂಗಳ ಪಿಂಞ ಅದ್ಬುದ ಕಾರ್ಯ ಮಾಡ್‌ವಯಿಂಗಳ, ಪಿಂಞ ಕಾಯಿಲೆ ವಾಸಿ ಮಾಡ್‌ವಯಿಂಗಳ, ಪಿಂಞ ಸಹಾಯ ಮಾಡ್‌ವಯಿಂಗಳ ಪಿಂಞ ಆಡಳಿತ ಮಾಡ್‌ವಯಿಂಗಳ, ಪಿಂಞ ಬೋರೆ ಬೋರೆ ಬಾಷೆಲ್ ತಕ್ಕ್ ಪರಿಯುವಯಿಂಗಳ ನೇಮಿಚಿಟ್ಟಿತುಂಡ್.

1 ಕೊರಿಂಥ 3:9

ಎನ್ನಂಗೆಣ್ಣ್‌ಚೇಂಗಿ ನಂಗ ದಂಡಾಳು ದೇವಡ ಸೇವೇಲ್ ಪಾಲ್‍ದಾರಂಗಳಾಯಿತ್ ಉಂಡ್; ನಿಂಗ ದೇವಡ ಬೇಲ್ ಆಯಿತು, ದೇವಡ ಕಟ್ಟಡವಾಯಿತೂ ಉಳ್ಳಿರ.

ಎಫೆಸ 5:21

ಕ್ರಿಸ್ತಂಡ ಮೇಲೆ ಉಳ್ಳ ಬಕ್ತಿರಗುಂಡ್ ಒಬ್ಬೊಂಗೊಬ್ಬ ತಗ್ಗಿತ್ ನಡ್‌ಕಂಡು.

ಫಿಲಿಪ್ಪಿ 4:3

ನಾಡ ಕೂಡೆ ಸೇವೇಲ್ ಇಂಜ ಸತ್ಯತ್‍ರ ಕೂಟಾಳಿಯೇ, ಈ ದಂಡ್ ಪೊಣ್ಣಾಳ್‍ವಳ ಸಮಾದಾನತ್‍ಲ್ ಇಪ್ಪಕ್ ಸಹಾಯ ಮಾಡ್‍ೕಂದ್ ನಿನ್ನ ಬೋಡುವಿ. ಎನ್ನಂಗೆಣ್ಣ್‌ಚೇಂಗಿ, ಕ್ಲೇಮೆನ್ಸ್ ಪಿಂಞ ಬೋರೆ ನಾಡ ಕೂಡೆ ಸೇವೆ ಮಾಡ್‌ವಯಿಂಗ ಕ್ರಿಸ್ತಂಡ ನಲ್ಲ ಸುದ್ದಿನ ನೇರಾಯಿತು ಎಣ್ಣ್‌ವಕ್ ದುಂಬ ಕಷ್ಟಪಟ್ಟತ್, ಅಯಿಂಗಡ ಪೆದಯೆಲ್ಲಾ ಜೀವ ಪುಸ್ತಕತ್‍ಲ್ ಒಳ್‍ದಿತ್ ಉಂಡ್.

1 ಥೆಸಲೊನೀಕ 1:3

ನಿಂಗಡ ನಂಬಿಕೇರಗುಂಡ್ ನಿಂಗಡ ಬದ್‍ಕ್‍ಲ್ ಕಾಟಿಯಂಡ್ ಉಳ್ಳ ನಿಂಗಡ ನಲ್ಲ ಕೆಲಸ, ನಿಂಗಡ ಪ್ರೀತಿನಗುಂಡ್ ನಿಂಗ ಜನಕ್ ಮಾಡ್‌ವ ಸಹಾಯ, ಯೇಸು ಕ್ರಿಸ್ತಂಡ ಮೇಲೆ ಉಳ್ಳ ನಿಂಗಡ ನಿರೀಕ್ಷೇರಗುಂಡ್ ನಿಂಗಡ ಸಹಿಸುವ ಗುಣ, ನಂಗಕ್ ಗೊತ್ತಾನಗುಂಡ್, ನಿಂಗಕಾಯಿತ್ ನಂಗ ದೇವಡ ಪಕ್ಕ ಎಕ್ಕಾಲು ಪ್ರಾರ್ಥನೆ ಮಾಡಿಯಂಡುಂಡ್.

1 ಥೆಸಲೊನೀಕ 2:9

ನಂಗಡ ಅಣ್ಣತಮ್ಮಣಂಗಳೇ, ನಂಗ ದೇವಡ ನಲ್ಲ ಸುದ್ದಿನ ಬೋದನೆ ಮಾಡ್‌ವಕ, ನಿಂಗ ದಾರ್‌ಕು ನಂಗ ಬಾರವಾಯಿತ್ ಇಕ್ಕತನೆಕೆ, ನಂಗ ಬಯಿಟ್ ಪೋಲ್ ಕೆಲಸ ಮಾಡ್‍ಚಿ. ನಂಗ ಎಚ್ಚಕ್ ಕಷ್ಟಪಟ್ಟಿತ್ ನೊಂಬಲಪಟ್ಟತ್‍ೕಂದ್ ನಿಂಗಕ್ ಕಂಡಿತವಾಯಿತ್ ಗೇನ ಇಪ್ಪ.

1 ಥೆಸಲೊನೀಕ 5:12

ನಂಗಡ ಅಣ್ಣತಮ್ಮಣಂಗಳೇ, ಇಂಞು ನಾನ್ ಎಣ್ಣ್‌ವದ್ ಎಂತ ಎಣ್ಣ್‌ಚೇಂಗಿ: ನಿಂಗಕಾಯಿತ್ ಕಷ್ಟಪಟ್ಟಿತ್ ಸೇವೆ ಮಾಡಿಯಂಡ್, ನಿಂಗಳ ಒಡೆಯಂಡಲ್ಲಿಕ್ ನಡ್‍ತಿಯಂಡ್, ನಿಂಗಕ್ ಬೋದನೆ ಮಾಡಿಯಂಡ್ ಉಳ್ಳಯಿಂಗಳ ನಿಂಗ ಗನಪಡ್‍ತಂಡೂಂದ್ ನಂಗ ನಿಂಗಳ ಬೋಡಿಯಂಡುಂಡ್.

1 ತಿಮೊಥೆಯ 5:17

ಸಬೆರ ಜವಾಬ್ದಾರಿನ ಚಾಯಿತೆ ಮಾಡಿಯಂಡುಳ್ಳ ಪೆರಿಯಯಿಂಗಕ್ ದಂಡ್ ಅಳ್‌ತೆಲ್ ಮರ್ಯಾದೆ ಕ್‍ಟ್ಟ್‌ವಕ್ ಯೋಗ್ಯವಾಯಿತುಂಡ್. ಎನ್ನಂಗೆಣ್ಣ್‌ಚೇಂಗಿ ಮುಕ್ಯವಾಯಿತ್ ಅಯಿಂಗ ದುಂಬ ಪ್ರಯತ್ನ ಪಟ್ಟಿತ್ ದೇವಡ ವಾಕ್ಯತ್‍ನ ಚಾಯಿತೆ ಪ್ರಸಂಗ ಮಾಡಿಯಂಡ್ ಪಿಂಞ ಬೋದನೆ ಮಾಡಿಯಂಡುಂಡ್.

ಇಬ್ರಿಯ 13:17

ನಿಂಗಳ ನಡ್‌ತುವಯಿಂಗಡ ಅದಿಕಾರಕ್ ತಗ್ಗಿತ್ ನಡ್‌ಂದಿತ್, ಅಯಿಂಗಡ ಪಕ್ಕ ಅಡಕತ್‍ಲ್ ನಡ್‌ಕಂಡು. ಅಯಿಂಗ ನಿಂಗಡ ಆತ್ಮಕಾಯಿತ್ ದೇವಡ ಪಕ್ಕ ಲೆಕ್ಕ ಕೊಡ್‍ಪಕುಳ್ಳ ಜವಾಬ್ದಾರಿಲ್ ಜಾಗ್ರತೆಯಾಯಿತುಂಡ್. ಅಯಿಂಗ ಅದ್‍ನ ವ್ಯಸನತ್‍ಲ್ ಮಾಡತೆ, ಕುಶೀಲ್ ಮಾಡಡ್. ಅಯಿಂಗ ಅದ್‍ನ ವ್ಯಸನತ್‍ಲ್ ಮಾಡ್‍ಚೇಂಗಿ ಅದ್ ಪ್ರಯೋಜನವಾಯಿತ್‌ಪ್ಪುಲೆ.

ಇಬ್ರಿಯ 13:24

ನಿಂಗಳ ನಡ್‌ತ್‌ವಯಿಂಗಕ್ ಪಿಂಞ ಅಲ್ಲಿಯತ್‍ರ ದೇವಡ ಮಕ್ಕಕೆಲ್ಲ ನಂಗಡ ವಂದನೆ ಎಣ್ಣಿ. ಇತಾಲ್ಯ ದೇಶತ್‍ಲ್ ಉಳ್ಳ ದೇವಡ ಮಕ್ಕ ಎಲ್ಲಾರು ನಿಂಗಕ್ ವಂದನೆ ಎಣ್ಣಿಯಂಡುಂಡ್.

ಇಬ್ರಿಯ 6:10

ಎನ್ನಂಗೆಣ್ಣ್‌ಚೇಂಗಿ, ನಿಂಗಡ ಸೇವೆ, ದೇವಡ ಮಕ್ಕಕ್ ನಿಂಗ ಮಾಡ್‍ನ ಪಿಂಞ ಇಕ್ಕ ಮಾಡಿಯಂಡುಳ್ಳ ಪ್ರೀತಿರ ಸೇವೇರ ಮೂಲಕ ಕಾಂಬ್‌ಚಿಡುವ ದೇವಡ ಮೇಲೆ ಉಳ್ಳ ಪ್ರೀತಿನ ದೇವ ಮರ್ಂದ್ ಪೋಪುಲೆ. ದೇವ ನೀತಿ ಉಳ್ಳಂವೊವನಾಯಿತುಂಡ್.

1 ಪೇತ್ರ 5:5

ಅನ್ನನೆ, ಬಾಲೆಕಾರಂಗಳೇ, ಪೆರಿಯಯಿಂಗಡ ತಕ್ಕ್‌ಕ್ ತಗ್ಗಿತ್ ನಡ್‌ಂದಂಡಿರಿ. ನಿಂಗ ಎಲ್ಲಾರು ಒಬ್ಬೊಬ್ಬಂಗ್ ಪೊರುಮೆನ ಬಟ್ಟೇರನೆಕೆ ಇಟ್ಟೊಳಿ. ಎನ್ನಂಗೆಣ್ಣ್‌ಚೇಂಗಿ, ಆಂಗಾರ ಉಳ್ಳಯಿಂಗಕ್ ದೇವ ಎದ್‍ರ್ ನಿಪ್ಪ, ಅಡಕ ಉಳ್ಳಯಿಂಗಕ್ ದೇವ ಕರುಣೆ ಕಾಟ್‍ವ.

3 ಯೋಹಾನ 1:8

ಆನಗುಂಡ್ ನಂಗ ಅಯಿಂಗಕ್ ಸಹಾಯ ಮಾಡಂಡು, ಅಕ್ಕ ಅಯಿಂಗ ಮಾಡ್‌ವ ನೇರಾನ ಸೇವೇಲ್ ನಂಗಕ್ ಸಹ ಫಲ ಕ್‍ಟ್ಟ್‌ವ.

ಪ್ರಕಟನೆ 2:3

ಪಿಂಞ ನೀಡ ಸಹಿಸುವ ಗುಣತ್‍ನ, ಪೊರುಮೆನ ಪಿಂಞ ನಾಡ ಪೆದಕಾಯಿತ್ ಚೋತ್ ಪೋಕತೆ ಪ್ರಯತ್ನ ಪಡ್‍ವದ್ ಸಹ ನಾಕ್ ಗೊತ್ತುಂಡ್.