1 ಕೊರಿಂಥ 16:15 - ಕೊಡವ ಬೈಬಲ್

¹⁵ ನಾಡ ಅಣ್ಣತಮ್ಮಣಂಗಳೇ, ಸ್ತೆಫನಂಡ ಕುಟುಂಬತ್‍ಲ್ ಉಳ್ಳಯಿಂಗ ಅಖಾಯ ಪ್ರಾಂತ್ಯತ್‍ಲ್ ಆದ್ಯವಾಯಿತ್ ಯೇಸುನ ನಂಬ್‍ನಯಿಂಗಾಂದು, ಪಿಂಞ ದೇವಡ ಮಕ್ಕಕ್ ಸೇವೆ ಮಾಡ್‌ವಕ್ ಅಯಿಂಗೆಲ್ಲಾ ಅಯಿಂಗಳ ಒಪ್ಪ್‌ಚಿಟ್ಟಿತುಂಡ್‍ೕಂದೂ ನಿಂಗಕ್ ಗೊತ್ತುಂಡಲ್ಲ.

1 ಕೊರಿಂಥ 16:15 ပူးပေါင်းရင်းမြစ်များ

ಅಪೊಸ್ತಲ 18:12

ಗಲ್ಲಿಯೋನ ಎಣ್ಣ್‌ವಂವೊ ಅಖಾಯ ಪ್ರಾಂತ್ಯತ್‍ರ ಅದಿಪತಿಯಾಯಿತಿಪ್ಪಕ, ಯೆಹೂದ್ಯಂಗ ಒಕ್ಕಚೆ ಪೌಲಂಗ್ ವಿರೋದವಾಯಿತ್ ಎದ್ದಿತ್, ಗಲ್ಲಿಯೋನಂಡ ನ್ಯಾಯಸ್ತಾನತ್‍ರ ಮಿಂಞಕ್ ಪೌಲನ ಕೊಂಡ್ ಬಾತ್.

ರೋಮ್ 12:13

ದೇವಡ ಮಕ್ಕಡ ಕಷ್ಟತ್‍ಲ್ ಅಯಿಂಗಕ್ ಬೋಂಡಿಯಾನದ್‍ನ ಮಾಡಿ, ನಿಂಗಡ ಪಕ್ಕ ಬಪ್ಪಯಿಂಗಳ ಚಾಯಿ ನೋಟಿಯೊಳಿ.

ರೋಮ್ 15:25

ಆಚೇಂಗಿ ಇಕ್ಕ, ದೇವಡ ಮಕ್ಕಕ್ ಸಹಾಯ ಮಾಡ್‌ವ ವಿಷಯಕಾಯಿತ್ ಯೆರೂಸಲೇಮ್ ಪಟ್ಟಣಕ್ ಪ್ರಯಾಣ ಮಾಡ್‌ವಕ್ ಗೇನ ಮಾಡಿಯಂಡುಂಡ್.

ರೋಮ್ 15:31

ಯೆಹೂದ್ಯ ಪ್ರಾಂತ್ಯತ್‍ಲ್, ಅಂವೊನ ನಂಬತಯಿಂಗಡ ಕೈಯಿಂಜ ನಾನ್ ತಪ್ಪಿಚಿಡ್‌ವಕು, ನಾನ್ ಯೆರೂಸಲೇಮ್‍ಲ್ ಉಳ್ಳ ದೇವಡ ಮಕ್ಕಕ್ ಮಾಡ್‌ವ ಪಣ ಸಹಾಯತ್‍ನ ಅಯಿಂಗ ಸ್ವೀಕಾರ ಮಾಡ್‌ವಕು ಪ್ರಾರ್ಥನೆ ಮಾಡಿ.

ರೋಮ್ 16:2

ಏದ್ ವಿಷಯತ್‍ಲ್ ಅವಕ್ ಸಹಾಯ ಬೋಂಡ್‌ವೋ ಅದ್‍ನ ಅವಕ್ ನಿಂಗ ಮಾಡಂಡೂಂದ್ ನಿಂಗಡ ಪಕ್ಕ ಅವಳ ನಾನ್ ಒಪ್ಪ್‌ಚಿಡುವಿ; ಅವ ದುಂಬ ಜನಕ್ ಪಿಂಞ ನಾಕ್ ಸಹ ಸಹಾಯ ಮಾಡಿತುಂಡ್.

ರೋಮ್ 16:5

ಅಯಿಂಗಡ ಮನೆಲ್ ಕೂಡಿ ಬಪ್ಪ ಸಬೇಕು ವಂದನೆ ಎಣ್ಣಿ. ಆಸ್ಯ ಪ್ರಾಂತ್ಯತ್‍ಲ್ ನಾಡ ಸೇವೇರ ಆದ್ಯ ಪಣ್ಣಾಯಿತುಳ್ಳ ನಾಡ ಪ್ರೀತಿರ ಎಪೈನೆತ ಎಣ್ಣ್‌ವಂವೊಂಗು ವಂದನೆ ಎಣ್ಣಿ.

1 ಕೊರಿಂಥ 1:16

ಇದ್‍ಲ್ಲತೆ ಸ್ತೆಫನಂಡ ಮನೆಕಾರಂಗಕ್ ನಾನ್ ದೀಕ್ಷಾಸ್ನಾನ ಕೊಡ್‌ತಿತುಂಡ್. ಈಂಗಳ ಬುಟ್ಟಿತ್ ಬೋರೆ ದಾರ್‌ಕು ದೀಕ್ಷಾಸ್ನಾನ ಕೊಡ್‍ತನೆಕೆ ನಾಕ್ ಗೇನ ಇಲ್ಲೆ.

1 ಕೊರಿಂಥ 16:1

ಯೆರೂಸಲೇಮ್‍ಲ್ ಉಳ್ಳ ಯೇಸುನ ನಂಬ್‍ನಯಿಂಗಕ್ ಸಹಾಯ ಮಾಡ್‌ವಕಾಯಿತ್ ಕೂಟಿತ್ ಬೆಪ್ಪ ಪಣತ್‍ರ ವಿಷಯತ್‍ಲ್, ಗಲಾತ್ಯ ನಾಡ್‍ಲ್ ಉಳ್ಳ ಸಬೇಕ್ ನಾನ್ ಆಜ್ಞೆ ಮಾಡ್‍ನನೆಕೆ ನಿಂಗಳು ಮಾಡಿ.

1 ಕೊರಿಂಥ 16:17

ಸ್ತೆಫನ, ಫೊರ್ತುನಾತ ಪಿಂಞ ಅಖಾಯಿಕ ಎಣ್ಣ್‌ವಯಿಂಗ ಕೊರಿಂಥ ಪಟ್ಟಣತ್ಂಜ ಇಲ್ಲಿ ಬಂದಾಂಗ್ ನಾಕ್ ದುಂಬ ಕುಶಿಯುಂಡ್. ನಿಂಗ ನಾಕ್ ಎಂತ ಮಾಡಂಡೂಂದ್ ಗೇನಮಾಡಿಯಂಡಿಂಜಿರೋ ಅದ್‍ನೆಲ್ಲಾ ಅಯಿಂಗ ನಾಕ್ ಮಾಡಿತ್.

2 ಕೊರಿಂಥ 8:4

ಅಯಿಂಗಡ ಸಹಾಯತ್‍ನ ಪಿಂಞ ದೇವಡ ಮಕ್ಕಕ್ ದಾನ ಮಾಡ್‌ವಕ್ ಕ್‍ಟ್ಟ್‌ನ ಐಕ್ಯತ್‍ಲ್ ಪಾಲ್‍ದಾರಂಗಳಾನದ್‌ನ, ಸ್ವೀಕಾರ ಮಾಡಂಡೂಂದ್ ಅಯಿಂಗ ನಂಗಳ ದುಂಬ ಬೋಡಿಯಂಡತ್.

2 ಕೊರಿಂಥ 9:1

ದೇವಡ ಮಕ್ಕಕ್ ಮಾಡ್‌ವಕುಳ್ಳ ಪಣ ಸಹಾಯತ್‍ರ ವಿಷಯತ್ ನಿಂಗಕ್ ನಾನ್ ದುಂಬ ಒಳ್‍ದಂಡೂಂದ್ ಇಲ್ಲೆ.

1 ತಿಮೊಥೆಯ 5:10

ಮಕ್ಕಳ ಚಾಯಿತೆ ಚಾಕ್‍ನವ, ಮನೆಕ್ ಬಂದಯಿಂಗಳ ಚಾಯಿತೆ ಸತ್ಕಾರ ಮಾಡ್‍ನವ, ಯೇಸುನ ನಂಬ್‍ನಯಿಂಗಕ್ ಸೇವೆ ಮಾಡ್‍ನವ, ಕಷ್ಟತ್‍ಲ್ ಉಳ್ಳಯಿಂಗಕ್ ಸಹಾಯ ಮಾಡ್‍ನವ, ಎಲ್ಲಾ ನಲ್ಲ ಕೆಲಸತ್‍ನ ಎಚ್ಚರತ್‍ಲ್ ಮಾಡ್‍ನವ, ನಲ್ಲ ಕೆಲಸ ಮಾಡ್‍ನವ, ಈ ಎಲ್ಲಾಂಗು ನಲ್ಲ ಪೆದ ಎಡ್‍ತವಳಾಯಿತ್ ಉಳ್ಳವಳ ನೀನ್ ಈ ಕೂಟ್‍ಕ್ ಕೂಟಂಡು.

ಫಿಲೆಮೋನ 1:7

ನಾಡ ಪ್ರೀತಿರ ಫಿಲೆಮೋನನೇ, ನೀಡಗುಂಡ್ ದೇವಡ ಮಕ್ಕಡ ಹೃದಯಕ್ ದುಂಬ ಒತ್ತಾಸೆ ಆನಗುಂಡ್, ನೀಡ ಪ್ರೀತಿಯಿಂಜ ನಂಗಕ್ ದುಂಬ ಕುಶಿಯು ಸಮಾದಾನವು ಆಚಿ.

ಇಬ್ರಿಯ 6:10

ಎನ್ನಂಗೆಣ್ಣ್‌ಚೇಂಗಿ, ನಿಂಗಡ ಸೇವೆ, ದೇವಡ ಮಕ್ಕಕ್ ನಿಂಗ ಮಾಡ್‍ನ ಪಿಂಞ ಇಕ್ಕ ಮಾಡಿಯಂಡುಳ್ಳ ಪ್ರೀತಿರ ಸೇವೇರ ಮೂಲಕ ಕಾಂಬ್‌ಚಿಡುವ ದೇವಡ ಮೇಲೆ ಉಳ್ಳ ಪ್ರೀತಿನ ದೇವ ಮರ್ಂದ್ ಪೋಪುಲೆ. ದೇವ ನೀತಿ ಉಳ್ಳಂವೊವನಾಯಿತುಂಡ್.

1 ಪೇತ್ರ 4:10

ಒಬ್ಬ ಒಬ್ಬಂಗ್ ಚಾಯಿತೆ ಸಹಾಯ ಮಾಡ್‌ವನೆಕೆ, ಅಯಿಂಗಯಿಂಗಕ್ ದೇವ ಎಂತ ವರ ಕೊಡ್‍ತಿತುಂಡೋ ಅದ್ಂಡರನೆಕೆ ನಲ್ಲ ಜವಾಬ್ದಾರಂಗಳಾಯಿತ್ ಪಾಲ್ ಮಾಡಿತ್, ಸತ್ಯವಂತಂವೊನಾಯಿತ್, ಅಂವೊಂಡ ಕೃಪೇರ ನಾನಾ ತರತ್‍ರ ಪ್ರಕಾರ ಮಾಡಂಡು.

ಪ್ರಕಟನೆ 14:4

ಈಂಗಳೇ ಪೊಣ್ಣಾಳ್‍ರಗುಂಡ್ ಅಶುದ್ದ ಆಕತ, ಕನ್ನಿ ಮೂಡಿಯರನೆಕೆ ಶುದ್ದವಾಯಿತ್ ಇಂಜಯಿಂಗ. ಕೊರಿಕುಟ್ಟಿಯಾನಂವೊ ಎಲ್ಲಿಯೆಲ್ಲಾ ಪೋಪ, ಅಂವೊಂಡ ಬಯ್ಯಕ್ ಪೋಪಯಿಂಗ ಈಂಗಳೇ. ಅಯಿಂಗ ಜನಡ ಮದ್ಯತ್ಂಜ ದೇವಕಾಯಿತ್ ಪಿಂಞ ಕೊರಿಕುಟ್ಟಿಯಾನವೊಂಗಾಯಿತ್ ಆದ್ಯ ಪಣ್ಣಾಯಿತ್ ವಿಮೋಚನ ಆನಯಿಂಗ.