1 ಕೊರಿಂಥ 16:12 - ಕೊಡವ ಬೈಬಲ್

¹² ತಮ್ಮಣನಾನ ಅಪೊಲ್ಲೋಸ ಬೋರೆ ತಮ್ಮಣಂಗಡ ಕೂಡೆ ನಿಂಗಡ ಪಕ್ಕ ಬಂತ್ ನಿಂಗಳ ಕಾಂಗಂಡೂಂದ್ ಅಂವೊನ ನಾನ್ ದುಂಬ ಬೋಡಿಯಂಡಿಯೆ; ಆಚೇಂಗಿ. ಅಂವೊಂಗ್ ಇಕ್ಕ ಅಲ್ಲಿ ಬಪ್ಪಕ್ ಮನಸ್ಸಿಲ್ಲೆ, ಅಂವೊಂಗ್ ಎಕ್ಕ ಸಂದರ್ಪ ಕ್‍ಟ್ಟುವ ಅಕ್ಕ ಬಪ್ಪ.

1 ಕೊರಿಂಥ 16:12 ပူးပေါင်းရင်းမြစ်များ

ಮಾರ್ಕ 6:21

ಒಮ್ಮ ಹೆರೋದ ತಾಂಡ ಪುಟ್ಟ್‌ನ ದಿವಸತ್‍ಲ್ ಬಲ್ಯ ಬಲ್ಯ ಅದಿಕಾರಿಯಳ, ಪಡೆಲುಳ್ಳ ಬಲ್ಯ ಸೇನಾದಿಪತಿಯಳ, ಗಲಿಲಾಯತ್‍ಲುಳ್ಳ ಮುಕ್ಯಪಟ್ಟ ಜನಳ ಕಾಕಿತ್ ಗದ್ದಾಳ ಮಾಡ್‍ಚಿ. ಅಕ್ಕ ಹೆರೋದ್ಯಕ್ ಸಂದರ್ಪ ಕ್‌ಟ್ಟಿಪೋಚಿ.

ಅಪೊಸ್ತಲ 15:34

ಆಚೇಂಗಿ ಸೀಲಂಗ್ ಅಲ್ಲಿ ಇಪ್ಪದ್ ನಲ್ಲದ್‍ೕಂದ್ ಗೇನ ಆ‍ಚಿ.

ಅಪೊಸ್ತಲ 18:24

ಆ ಸಮಯತ್‍ಲ್, ಅಲೆಕ್ಸಾಂದ್ರಿಯ ಪಟ್ಟಣತ್‍ಲ್ ಪುಟ್ಟ್‌ನ ಅಪೊಲ್ಲೋಸ ಎಣ್ಣ್‌ವ ಒರ್ ಯೆಹೂದ್ಯ ಎಫೆಸ ಪಟ್ಟಣಕ್ ಬಾತ್. ಅಂವೊ ಚಾಯಿ ಓದಿತುಳ್ಳಂವೊನಾಯಿತು, ಯೆಹೂದ್ಯಂಗಡ ದೇವಡ ವಾಕ್ಯತ್‍ನ ಚಾಯಿ ಗೊತ್ತುಳ್ಳಂವೊನಾಯಿತು ಇಂಜತ್.

ಅಪೊಸ್ತಲ 19:1

ಅಪೊಲ್ಲೋಸ ಕೊರಿಂಥ ಪಟ್ಟಣತ್‍ಲ್ ಇಪ್ಪಕ, ಪೌಲ ಅಲ್ಲಿಂಜ ಮುಕ್ಯ ಬಟ್ಟೇಲ್ ಪ್ರಯಾಣ ಮಾಡತೆ, ಊರ್‌ರ ಬಟ್ಟೇಲ್ ಪ್ರಯಾಣ ಮಾಡಿತ್ ಎಫೆಸ ಪಟ್ಟಣಕ್ ಎತ್ತ್‌ಚಿ. ಅಲ್ಲಿ, ಯೇಸುನ ನಂಬ್‍ನ ಚೆನ್ನ ಜನಳ ಕಂಡತ್.

ಅಪೊಸ್ತಲ 24:25

ಪೌಲ, ಅಯಿಂಗಕ್ ದೇವಡ ನೀತಿನ, ತನ್ನಡಕತ್‍ನ ಪಿಂಞ ಇಂಞು ಮಿಂಞಕ್ ದೇವ ಮಾಡ್‌ವಕುಳ್ಳ ನ್ಯಾಯತೀರ್ಪ್‌ನ ಎಣ್ಣ್‌ವಕ, ಫೇಲಿಕ್ಸಂಗ್ ದುಂಬ ಪೋಡಿಯಾಚಿ. ಅಕ್ಕ ಅಂವೊ ಪೌಲಂಗ್, ಇಕ್ಕ ಇಚ್ಚಕ್ ಮದಿ, ನೀನ್ ಪೋ, ನಾಕ್ ಸಮಯ ಕ್‍ಟ್ಟ್‌ವಕ ನಿನ್ನ ಕಾಕ್‌ಚಿಡುವೀಂದ್ ಎಣ್ಣ್‌ಚಿ.

1 ಕೊರಿಂಥ 1:12

ನಿಂಗಡಡೆಲ್ ಚೆನ್ನ ಜನ: ನಾನ್ ಪೌಲಂಡ ಕೂಟ್‍ಕ್ ಕೂಡ್‍ನಂವೋಂದೂ, ಚೆನ್ನ ಜನ ಅಪೊಲ್ಲೋಸಂಡ ಕೂಟ್‍ಕ್ ಕೂಡ್‍ನಂವೋಂದೂ, ಚೆನ್ನ ಜನ ಕೇಫಂಡ ಕೂಟ್‍ಕ್ ಕೂಡ್‍ನಂವೋಂದೂ ಇಂಞು ಚೆನ್ನ ಜನ ಕ್ರಿಸ್ತಂಗ್ ಕೂಡ್‍ನಂವೋಂದೂ ಎಣ್ಣಿಯಂಡುಂಡ್.

1 ಕೊರಿಂಥ 3:22

ಪೌಲ ಆಡ್, ಅಪೊಲ್ಲೋಸ ಆಡ್ ಅಲ್ಲತಪೋಚೇಂಗಿ ಕೇಫ ಆಡ್, ಈ ಲೋಕ ಆಡ್, ಬದ್‍ಕ್ ಆಡ್, ಚಾವ್ ಆಡ್, ಇಕ್ಕತ್‍ರ ಕಾಲ ಆಡ್ ಅಥವ ಬಪ್ಪ ಕಾಲ ಆಡ್, ಎಲ್ಲಾ ನಿಂಗಡದೇ.

1 ಕೊರಿಂಥ 3:5

ಅಪೊಲ್ಲೋಸ ದಾರ್? ಪೌಲ ದಾರ್? ನಂಗ ದೇವಡ ಸೇವಕಂಗ ಮಾತ್ರ ಅಚ್ಚಕೆ. ನಿಂಗ ನಂಗಡ ಮೂಲಕ ಕ್ರಿಸ್ತಂಡ ಮೇಲೆ ನಂಬಿಕೆ ಇಡ್‍ವಕಾಚಿ. ದೇವ ನಂಗ ಒಬ್ಬೊಬ್ಬಂಗ್ ಕೊಡ್‍ತ ಕೆಲಸತ್‍ನ ನಂಗ ಮಾಡಿಯೆ.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 3:13

ನೀಕ್ ಕಯ್ಯುವಚ್ಚಕ್ ವಕೀಲನಾನ ಜೇನ ಪಿಂಞ ಅಪೊಲ್ಲೋಸಂಗ್ ಒರ್ ಕೊರತೆಯು ಇಲ್ಲತೆ ಅಯಿಂಗಡ ಪ್ರಯಾಣಕ್ ಬೋಂಡಿಯಾನ ಎಲ್ಲಾ ವ್ಯವಸ್ತೆನ ಮಾಡ್.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 3:4

ಆಚೇಂಗಿ, ನಂಗಡ ರಕ್ಷಕನಾನ ದೇವಡ ದಯೆ ಪಿಂಞ ಅಂವೊಂಗ್ ಜನಡಮೇಲೆ ಉಳ್ಳ ಪ್ರೀತಿ ಪೊರಮೆ ಕಾಂಬನೆಕೆ ಪ್ರತ್ಯಕ್ಷ ಆಪಕ,