1 ಕೊರಿಂಥ 16:10 - ಕೊಡವ ಬೈಬಲ್

¹⁰ ತಿಮೊಥೆಯ ನಿಂಗಡ ಪಕ್ಕ ಬಾತೇಂಗಿ, ಅಂವೊ ನಿಂಗಡ ಕೂಡೆ ದೈರ್ಯತ್‍ಲ್ ಇಪ್ಪಕ್ ಸಹಾಯ ಮಾಡಿ, ಅಂವೊ ನಾಡನೆಕೆ ದೇವಡ ಸೇವೆ ಮಾಡಿಯಂಡುಂಡ್.

1 ಕೊರಿಂಥ 16:10 ပူးပေါင်းရင်းမြစ်များ

ಅಪೊಸ್ತಲ 16:1

ಅಲ್ಲಿಂಜ ಪೌಲ ದೆರ್ಬೆ ಪಿಂಞ ಲುಸ್ತ್ರ ಎಣ್ಣ್‌ವ ಜಾಗಕ್ ಬಾತ್. ಅಲ್ಲಿ ತಿಮೊಥೆಯ ಎಣ್ಣುವ ಯೇಸುನ ನಂಬ್‍ನ ಒಬ್ಬ ಇಂಜತ್; ಅಂವೊಂಡ ಅವ್ವ ಕ್ರಿಸ್ತಂಡ ಮೇಲೆ ನಂಬಿಕೆ ಉಳ್ಳ ಒರ್ ಯೆಹೂದ್ಯ ಪೊಣ್ಣಾಳಾಯಿತ್ಂಜತ್, ಆಚೇಂಗಿ ಅಂವೊಂಡ ಅಪ್ಪ ಗ್ರೀಕ್ ಜನಕ್ ಕೂಡ್‍ನಂವೊನಾಯಿತ್ಂಜತ್.

ಅಪೊಸ್ತಲ 19:22

ಅಂವೊ ತಾಂಡಕೂಡೆ ಸೇವೆ ಮಾಡಿಯಂಡಿಂಜ ತಿಮೊಥೆಯ ಪಿಂಞ ಎರಸ್ತನ ಮಕೆದೋನ್ಯಕ್ ಅಯಿಚತ್; ಆಚೇಂಗಿ ಅಂವೊ ಆಸ್ಯ ಸೀಮೆಲ್ ಇಂಞು ಚೆನ್ನ ಸಮಯ ಒಳಿಂಜತ್.

ರೋಮ್ 16:21

ನಾಡ ಕೂಡೆ ಸೇವೆ ಮಾಡ್‌ವ ತಿಮೊಥೆಯನು ನಾಡ ಬೆಂದ್‌ವಳಾನ ಲೂಕ್ಯನು, ಯಾಸೋನ ಪಿಂಞ ಸೋಸಿಪತ್ರನು ನಿಂಗಕ್ ವಂದನೆ ಎಣ್ಣಿಯಂಡುಂಡ್.

1 ಕೊರಿಂಥ 15:58

ಆನಗುಂಡ್, ನಾಡ ಪ್ರೀತಿರ ಜನಳೇ, ನಿಂಗ ನಿಂಗಡ ನಂಬಿಕೇಲ್ ದೃಡವಾಯಿತ್ ಇರಂಡು, ಏದ್ ಒರ್ ವಿಷಯವು ನಿಂಗಡ ನಂಬಿಕೇನೆ ಅನುಮಾನ ಪಡ್‍ತ್‍ವಕ್ಕಾಗ. ಒಡೆಯ ನಿಂಗಕ್ ಒಪ್ಪ್‌ಚಿಟ್ಟ ಕೆಲಸತ್‍ಲ್ ಮಿಂಞಕ್ ಪೋಪಯಿಂಗಳಾಯಿತ್ ಮಾಡಿಯಂಡಿರಿ. ನಿಂಗ ಮಾಡ್‌ವ ಒಡೆಯಂಡ ಕೆಲಸಕ್ ಫಲ ಇಲ್ಲತೆ ಪೋಪುಲೇಂದ್ ನಿಂಗಕ್ ಗೊತ್ತುಂಡುಲ್ಲ?

1 ಕೊರಿಂಥ 16:11

ಆನಗುಂಡ್ ದಾರೂ ಅಂವೊನ ಕೀಳಾಯಿತ್ ಕಾಂಗತಿ. ಅಂವೊ ನಾಡ ಪಕ್ಕ ಬಪ್ಪಕ್, ನಿಂಗ ಅಂವೊನ ಸಮಾದಾನತ್‍ಲ್ ಅಯಿಚಿರಿ. ಬಾಕಿ ತಮ್ಮಣಂಗಡ ಕೂಡೆ ಅಂವೊ ಇಲ್ಲಿ ಬಪ್ಪಾಂದ್ ನಾನ್ ಪಾರಕಾತಂಡುಂಡ್.

1 ಕೊರಿಂಥ 4:17

ಇದ್ಂಗಾಯಿತೇ ನಾನ್ ನಾಡ ಪ್ರೀತಿರ ಮೋಂವೊನು, ಒಡೆಯಂಗ್ ಸತ್ಯವುಳ್ಳಂವೊನು ಆಯಿತುಳ್ಳ ತಿಮೊಥೆಯನ ನಿಂಗಡ ಪಕ್ಕ ಅಯಿಚಂಡುಳ್ಳ. ನಾನ್ ಎಲ್ಲಾ ಜಾಗತ್‍ಲ್ ಎಲ್ಲಾ ಸಬೇಲ್ ಬೋದನೆ ಮಾಡ್‌ವನೆಕೆ, ಕ್ರಿಸ್ತ ಯೇಸುರಲ್ಲಿ ಉಳ್ಳ ನಾಡ ಬದ್‍ಕ್‍ರ ವಿಷಯತ್‍ನ ನಿಂಗಕ್ ಜ್ಞಾಪಕ ಮಾಡ್‌ವಿ.

2 ಕೊರಿಂಥ 1:1

ದೇವಡ ಚಿತ್ತತ್‍ರನೆಕೆ ಯೇಸು ಕ್ರಿಸ್ತಂಡ ಅಪೊಸ್ತಲನಾನ ಪೌಲ ಪಿಂಞ ನಂಗಡ ತಮ್ಮಣನಾನ ತಿಮೊಥೆಯ ಕೂಡಿತ್, ಕೊರಿಂಥ ಪಟ್ಟಣತ್‍ಲ್ ಉಳ್ಳ ಸಬೇಕ್ ಪಿಂಞ ಅಖಾಯ ಪ್ರಾಂತ್ಯತ್‍ರ ಎಲ್ಲಾ ಜಾಗತ್‍ಲ್ ಉಳ್ಳ ಯೇಸುನ ನಂಬ್‍ನ ಎಲ್ಲಾ ಜನಕ್ ಒಳ್‍ದ್‍ವ ಕಾಗದ ಇದ್.

2 ಕೊರಿಂಥ 6:1

ದೇವಡ ಕೃಪೇನ ನಿಂಗ ಸ್ವೀಕಾರ ಮಾಡ್‍ನ ಪಿಂಞ ಅದ್‍ನ ಪ್ರಯೋಜನ ಇಲ್ಲತನೆಕೆ ಮಾಡ್‌ವಕ್ಕಾಗಾಂದ್ ದೇವಡ ಕೂಡೆ ಸೇವೆ ಮಾಡ್‌ವಯಿಂಗಳಾನ ನಂಗ ನಿಂಗಕ್ ಬುದ್ದಿ ಎಣ್ಣುವ.

1 ಥೆಸಲೊನೀಕ 3:2

ಅದ್ಂಗಾಯಿತ್ ನಂಗ ತಿಮೊಥೆಯನ ನಿಂಗಡ ಪಕ್ಕ ಅಯಿಚತ್. ಅಂವೊ ನಂಗಡ ತಮ್ಮಣನು, ನಂಗಡ ಕೂಡೆ ದೇವಡ ಸೇವೆ ಮಾಡ್‌ವಂವೊನು, ಕ್ರಿಸ್ತಂಡ ನಲ್ಲ ಸುದ್ದಿರ ಸೇವೇಲ್ ನಂಗಡ ಕೂಡೆ ಪ್ರಚಾರ ಮಾಡ್‍ವಂವೊನಾಯಿತು ಉಂಡ್. ಅಂವೊ ನಿಂಗಡ ಪಕ್ಕ ಬಂದಿತ್, ನಿಂಗಡ ನಂಬಿಕೇನ ಸ್ತಿರಪಡ್‌ತಿತ್, ನಿಂಗ ಆತ್ಮೀಯ ಬದ್‍ಕ್‍ಲ್ ಬೂವತನೆಕೆ ಇಪ್ಪಕ್ ಸಹಾಯ ಮಾಡ್‌ವ.

1 ಥೆಸಲೊನೀಕ 4:12

ನಿಂಗ ಇನ್ನನೆ ಮಾಡ್‍ಚೇಂಗಿ, ನಿಂಗಡ ಪ್ರತಿ ದಿನ ಬದ್‍ಕ್‍ಲ್ ಚಾಯಿತೆ ಬದ್‍ಕಿಯಂಡ್ ಉಳ್ಳಾನ ಪೊರಮೆ ಉಳ್ಳಯಿಂಗ ಕಾಂಬ, ಪಿಂಞ ಎಲ್ಲಾರು ನಿಂಗಕ್ ಮರ್ಯಾದೆ ತಪ್ಪ. ಅಕ್ಕ ನಿಂಗ ದಾಡ ಮೇಲೆಯು ಬಾರ ಇಟ್ಟಿತ್ ಬದ್‌ಕುವನೆಕೆ ಇಪ್ಪುಲೆ.