1 ಕೊರಿಂಥ 16:1 - ಕೊಡವ ಬೈಬಲ್

¹ ಯೆರೂಸಲೇಮ್‍ಲ್ ಉಳ್ಳ ಯೇಸುನ ನಂಬ್‍ನಯಿಂಗಕ್ ಸಹಾಯ ಮಾಡ್‌ವಕಾಯಿತ್ ಕೂಟಿತ್ ಬೆಪ್ಪ ಪಣತ್‍ರ ವಿಷಯತ್‍ಲ್, ಗಲಾತ್ಯ ನಾಡ್‍ಲ್ ಉಳ್ಳ ಸಬೇಕ್ ನಾನ್ ಆಜ್ಞೆ ಮಾಡ್‍ನನೆಕೆ ನಿಂಗಳು ಮಾಡಿ.

1 ಕೊರಿಂಥ 16:1 ပူးပေါင်းရင်းမြစ်များ

ಅಪೊಸ್ತಲ 11:28

ಅಯಿಂಗಡಲ್ಲಿ ಅಗಬ ಎಣ್ಣುವ ಒಬ್ಬ ಎದ್ದಿತ್, ಪವಿತ್ರಾತ್ಮತ್‍ಲ್ ದುಂಬಿತ್, ಇಡಿ ಲೋಕತ್‍ಲ್ ಬರಗಾಲ ಬಪ್ಪಕುಂಡ್‍ೕಂದ್ ಎಣ್ಣ್‌ಚಿ. ಅದ್ ಅನ್ನನೆ ಕ್ಲೌದ್ಯ ಚಕ್ರವರ್ತಿರ ಕಾಲತ್‍ಲ್ ನಡ್ಂದತ್.

ಅಪೊಸ್ತಲ 11:30

ಅನ್ನನೆ ಅಯಿಂಗ, ಎಲ್ಲಾನ ಕೂಟಿತ್, ಬಾರ್ನಬ ಪಿಂಞ ಸೌಲಂಡ ಕೂಡೆ, ಯೆರೂಸಲೇಮ್‍ಲ್ ಉಳ್ಳ ಸಬೆರ ಪೆರಿಯಯಿಂಗಕ್ ಈ ಸಹಾಯತ್‍ನ ಕೊಡ್‌ತಿತ್ ಅಯಿಚತ್.

ಅಪೊಸ್ತಲ 16:6

ಆಸ್ಯ ಸೀಮೆಲ್ ದೇವಡ ವಾಕ್ಯತ್‍ನ ಎಣ್ಣ್‌ವಕ್ಕಾಗಾಂದ್ ಪವಿತ್ರಾತ್ಮ ಅಯಿಂಗಳ ತಡೆ ಮಾಡ್‍ನಗುಂಡ್, ಅಯಿಂಗ ಫ್ರುಗ್ಯ ಪಿಂಞ ಗಲಾತ್ಯ ಪ್ರಾಂತ್ಯತ್‍ಲ್ ಪ್ರಯಾಣ ಮಾಡಿಯಂಡಿಂಜತ್.

ಅಪೊಸ್ತಲ 18:23

ಪೌಲ ಅಂತಿಯೋಕ್ಯತ್‍ಲ್ ಚೆನ್ನ ಸಮಯ ಇಂಜಿತ್, ಅಲ್ಲಿಂಜ ಪುನಃ ಕ್ರಮವಾಯಿತ್ ಗಲಾತ್ಯ ಪಿಂಞ ಫ್ರುಗ್ಯ ಸೀಮೆಲ್ ಪ್ರಯಾಣ ಮಾಡಿತ್ ಯೇಸುನ ನಂಬ್‍ನಯಿಂಗಳ ಎಲ್ಲಾ ದೃಡಪಡ್‍ತ್‍ಚಿ.

ಅಪೊಸ್ತಲ 24:17

ದುಂಬ ಕಾಲ ಕಯಿಂಜ ಪಿಂಞ ನಾನ್ ಯೆರೂಸಲೇಮ್‌ಕ್ ಬಂದಿಯೆ. ಅಲ್ಲಿ ಕಷ್ಟಪಟ್ಟಂಡುಳ್ಳ ನಾಡ ಜನಕ್ ದಾನ ಪಣತ್‍ನ ಕೊಡ್‌ಪಕು, ಕಾಣಿಕೆನ ಒಪ್ಪ್‌ಚಿಡ್‍ವಕು ನಾನ್ ಬಂದಿಯೆ.

ಅಪೊಸ್ತಲ 9:13

ಅದ್ಂಗ್ ಅನನೀಯ: ಒಡೆಯನೇ, ಆ ಮನುಷ್ಯ ಯೆರೂಸಲೇಮ್‍ಲ್ ನಿನ್ನ ನಂಬುವ ದೇವಡ ಮಕ್ಕಕ್ ಎಚ್ಚಕೋ ಕೆಟ್ಟದ್‍ನ ಮಾಡಿತುಂಡ್‍ೕಂದ್ ಅಂವೊಂಡ ವಿಷಯತ್ ದುಂಬ ಜನ ಎಣ್ಣ್‌ವಾನ ಕ್‍ೕಟಿಯೆ.

ಅಪೊಸ್ತಲ 9:41

ಪೇತ್ರ ಅವಕ್ ಕೈಕೊಡ್‍ತಿತ್, ಎಪ್ಪಿತ್ ದೇವಡ ಮಕ್ಕಳ ಪಿಂಞ ವಿದವೆಯಂಗಳ ಕಾಕಿತ್, ಜೀವವಾಯಿತ್ತುಳ್ಳ ಅವಳ ಅಯಿಂಗಡ ಮಿಂಞತ್ ನಿಪ್ಪ್‌ಚಿಟ್ಟತ್.

ರೋಮ್ 12:13

ದೇವಡ ಮಕ್ಕಡ ಕಷ್ಟತ್‍ಲ್ ಅಯಿಂಗಕ್ ಬೋಂಡಿಯಾನದ್‍ನ ಮಾಡಿ, ನಿಂಗಡ ಪಕ್ಕ ಬಪ್ಪಯಿಂಗಳ ಚಾಯಿ ನೋಟಿಯೊಳಿ.

1 ಕೊರಿಂಥ 11:34

ನಿಂಗ ಒಕ್ಕಚೆ ಕೂಡಿ ಬಪ್ಪದ್, ನಿಂಗಡ ನ್ಯಾಯತೀರ್ಪ್‌ಕ್ ಕಾರಣ ಆಪದ್ ಬೋಂಡ. ಒಬ್ಬಂಗ್ ಕೆಲ ಪಯಿಚತೇಂಗಿ ಅಂವೊ ಅಂವೊಂಡ ಮನೆಲ್ ಉಂಡಿತ್ ಬರಡ್. ಬೋರೆ ವಿಷಯತ್‍ನ ನಾನ್ ನಿಂಗಡ ಪಕ್ಕ ಬಪ್ಪಕ ಸರಿ ಮಾಡ್‌ವಿ.

1 ಕೊರಿಂಥ 16:15

ನಾಡ ಅಣ್ಣತಮ್ಮಣಂಗಳೇ, ಸ್ತೆಫನಂಡ ಕುಟುಂಬತ್‍ಲ್ ಉಳ್ಳಯಿಂಗ ಅಖಾಯ ಪ್ರಾಂತ್ಯತ್‍ಲ್ ಆದ್ಯವಾಯಿತ್ ಯೇಸುನ ನಂಬ್‍ನಯಿಂಗಾಂದು, ಪಿಂಞ ದೇವಡ ಮಕ್ಕಕ್ ಸೇವೆ ಮಾಡ್‌ವಕ್ ಅಯಿಂಗೆಲ್ಲಾ ಅಯಿಂಗಳ ಒಪ್ಪ್‌ಚಿಟ್ಟಿತುಂಡ್‍ೕಂದೂ ನಿಂಗಕ್ ಗೊತ್ತುಂಡಲ್ಲ.

1 ಕೊರಿಂಥ 4:17

ಇದ್ಂಗಾಯಿತೇ ನಾನ್ ನಾಡ ಪ್ರೀತಿರ ಮೋಂವೊನು, ಒಡೆಯಂಗ್ ಸತ್ಯವುಳ್ಳಂವೊನು ಆಯಿತುಳ್ಳ ತಿಮೊಥೆಯನ ನಿಂಗಡ ಪಕ್ಕ ಅಯಿಚಂಡುಳ್ಳ. ನಾನ್ ಎಲ್ಲಾ ಜಾಗತ್‍ಲ್ ಎಲ್ಲಾ ಸಬೇಲ್ ಬೋದನೆ ಮಾಡ್‌ವನೆಕೆ, ಕ್ರಿಸ್ತ ಯೇಸುರಲ್ಲಿ ಉಳ್ಳ ನಾಡ ಬದ್‍ಕ್‍ರ ವಿಷಯತ್‍ನ ನಿಂಗಕ್ ಜ್ಞಾಪಕ ಮಾಡ್‌ವಿ.

ಗಲಾತ್ಯ 1:2

ಪಿಂಞ ನಲ್ಲ ಸುದ್ದಿಕಾಯಿತ್ ನಾಡ ಕೂಡೆ ಉಳ್ಳ ಅಣ್ಣತಮ್ಮಣಂಗ, ಗಲಾತ್ಯ ನಾಡ್‌ಲುಳ್ಳ ಸಬೇಕ್ ಒಳ್‍ದ್‍ವ ಕಾಗದ ಇದ್.

ಗಲಾತ್ಯ 2:10

ಅಯಿಂಗ ನಂಗಕ್ ಎಣ್ಣ್‌ನದೆಲ್ಲ ಎಂತ ಎಣ್ಣ್‌ಚೇಂಗಿ, ನಂಗ ಗರೀಬಂಗಳ ಮರ್ಂದ್ ಪೋಕತೆ ಸಹಾಯ ಮಾಡಿಯಂಡ್ ಇರಂಡೂಂದ್ ನಂಗಕ್ ಎಣ್ಣ್‌ಚಿ. ಅನ್ನನೆ ಮಾಡ್‌ವಕ್ ಅಯಿಂಗ ಎಣ್ಣ್‌ವಕ್ ಮಿಂಞಲೇ ನಾನ್ ಗೇನಮಾಡಿತ್ಂಜ್.

ಫಿಲೆಮೋನ 1:7

ನಾಡ ಪ್ರೀತಿರ ಫಿಲೆಮೋನನೇ, ನೀಡಗುಂಡ್ ದೇವಡ ಮಕ್ಕಡ ಹೃದಯಕ್ ದುಂಬ ಒತ್ತಾಸೆ ಆನಗುಂಡ್, ನೀಡ ಪ್ರೀತಿಯಿಂಜ ನಂಗಕ್ ದುಂಬ ಕುಶಿಯು ಸಮಾದಾನವು ಆಚಿ.

ಇಬ್ರಿಯ 6:10

ಎನ್ನಂಗೆಣ್ಣ್‌ಚೇಂಗಿ, ನಿಂಗಡ ಸೇವೆ, ದೇವಡ ಮಕ್ಕಕ್ ನಿಂಗ ಮಾಡ್‍ನ ಪಿಂಞ ಇಕ್ಕ ಮಾಡಿಯಂಡುಳ್ಳ ಪ್ರೀತಿರ ಸೇವೇರ ಮೂಲಕ ಕಾಂಬ್‌ಚಿಡುವ ದೇವಡ ಮೇಲೆ ಉಳ್ಳ ಪ್ರೀತಿನ ದೇವ ಮರ್ಂದ್ ಪೋಪುಲೆ. ದೇವ ನೀತಿ ಉಳ್ಳಂವೊವನಾಯಿತುಂಡ್.

1 ಯೋಹಾನ 3:17

ಈ ಲೋಕತ್‍ಲ್ ದುಂಬ ಸಂಪತ್ ಉಂಡೇಂಗಿಯು, ತಾಂಡ ಅಣ್ಣತಮ್ಮಣಂಗ ಕಷ್ಟತ್‍ಲ್ ಉಳ್ಳದ್‍ನ ನೋಟಿತ್, ದಯೆ ಕಾಟತೆ ಪೋನಕ, ದೇವಡ ಪ್ರೀತಿ ಅಂವೊಂಡೊಳ್‌ಲ್ ಉಂಡ್‍ೕಂದ್ ನಂಗ ಎನ್ನನೆ ಎಣ್ಣುವಕಯ್ಯು?