1 ಕೊರಿಂಥ 15:49 - ಕೊಡವ ಬೈಬಲ್

⁴⁹ ಈ ಮಣ್ಣ್‌ರ ಮನುಷ್ಯಂಗ್ ಇಂಜ ರೂಪತ್‍ನ ನಂಗ ಇಟ್ಟಂಡುಳ್ಳನೆಕೆ, ಪರಲೋಕತ್‍ರ ಮನುಷ್ಯಂಡ ರೂಪತ್‍ನ ನಂಗ ಇಟ್ಟಂಡಿಪ್ಪ.

1 ಕೊರಿಂಥ 15:49 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 5:3

ಆದಾಮಂಗ್‌ ನೂಟ್ಯ ನುಪ್ಪದ್‌ ವಯಸ್ಸ್‌ ಇಪ್ಪಕ ತಾಂಡ ರೂಪತ್‌ಲ್‌ ಮೋಂವೊ ಪುಟ್ಟಚ್‍ ಅಂವೊಂಗ್‌ ಸೇತಾಂದ್‌ ಪೆದ ಬೆಚ್ಚತ್.

ಮತ್ತಾಯ 13:43

ನೀತಿವಂತಯಿಂಗ ಅಯಿಂಗಡ ಅಪ್ಪಂಡ ರಾಜ್ಯತ್‍ಲ್ ಸೂರ್ಯಂಡನೆಕೆ ಮಿನ್ನುವ. ಕ್‍ೕಪಕ್ ಕೆಮಿ ಉಳ್ಳಯಿಂಗ ಕ್‍ೕಳಿ.

ರೋಮ್ 8:29

ದೇವ ತಾಂಡ ದುಂಬ ಮಕ್ಕಡಲ್ಲಿ ತಾಂಡ ಮೋಂವೊ ಆದ್ಯಂವೊನಾಯಿತಿಪ್ಪಕಾಯಿತ್, ದೇವ ದಾರ್‌ನ ಮಿಂಞಲೇ ಗೊತ್ತ್ ಮಾಡ್‍ಚೋ, ಅಯಿಂಗಳ ತಾಂಡ ಮೋಂವೊಂಡ ರೂಪತ್‍ರನೆಕೆ ಇಪ್ಪಕಾಯಿತ್ ಮಿಂಞಲೇ ತೀರ್ಮಾನ ಮಾಡ್‍ಚಿ.

2 ಕೊರಿಂಥ 3:18

ನಂಗ ಎಲ್ಲಾರು, ಮೂಡ್‌ರ ಮೇಲೆ ಬಟ್ಟೆ ಇಲ್ಲತಯಿಂಗಳಾಯಿತ್, ಒಡೆಯಂಡ ಮಹಿಮೆನ ಒರ್ ಕನ್ನಡಿಲ್ ಕಾಂಬನೆಕೆ ಕಂಡಂಡುಂಡ್. ಆತ್ಮವಾಯಿತುಳ್ಳ ಒಡೆಯನಗುಂಡ್, ಅಂವೊಂಡನೆಕೆ ಮಹಿಮೇರ ಮೇಲೆ ಮಹಿಮೆ ಪಡ್ಂದಿತ್, ಅಂವೊಂಡ ಮಹಿಮೇರ ರೂಪತ್‍ರನೆಕೆ ಬದ್‍ಲಾಯಂಡುಂಡ್.

ಫಿಲಿಪ್ಪಿ 3:21

ಅಂವೊ ಪುನಃ ಬಪ್ಪಕ, ನಂಗಡ ಚತ್ತ್ ಪೋಪ ಈ ತಡೀನ ಬದ್‍ಲ್ ಮಾಡಿತ್ ಅಂವೊಂಡ ತಡಿರನೆಕೆ ಉಳ್ಳ ಮಹಿಮೇರ ತಡೀನ ನಂಗಕ್ ತಪ್ಪ. ಈ ಬೂಲೋಕತ್‍ಲ್ ಉಳ್ಳದ್‌ನೆಲ್ಲಾ ಅಂವೊಂಡ ಕಾಲ್‍ರ ಅಡಿಕ್ ಕೊಂಡ್ ಬಪ್ಪ, ಅಂವೊಂಡ ಆ ಶಕ್ತಿಲ್ ನಂಗಕ್ ಇನ್ನನೆ ಮಾಡ್‌ವ.

1 ಯೋಹಾನ 3:2

ಪ್ರೀತಿರ ಮಕ್ಕಳೇ, ಇಕ್ಕ ನಂಗ ದೇವಡ ಮಕ್ಕಳಾಯಿತುಂಡ್. ಆಚೇಂಗಿ ಇಂಞು ಮಿಂಞಕ್ ನಂಗ ಎನ್ನನೆ ಇಪ್ಪಾಂದ್ ಅಂವೊ ಎಣ್ಣಿತ್‌ಲ್ಲೆ. ಆಚೇಂಗಿ ಕ್ರಿಸ್ತ ಪ್ರತ್ಯಕ್ಷ ಆಪಕ ನಂಗಳು ಅಂವೊಂಡನೆಕೆ ಇಪ್ಪಾಂದ್ ನಂಗಕ್ ಗೊತ್ತುಂಡ್, ಎನ್ನಂಗೆಣ್ಣ್‌ಚೇಂಗಿ ಅಂವೊ ಪ್ರತ್ಯಕ್ಷ ಆಪಕ ಅಂವೊ ಉಳ್ಳನೆಕೆ ನಂಗ ಅಂವೊನ ಕಾಂಬ.