1 ಕೊರಿಂಥ 15:35 - ಕೊಡವ ಬೈಬಲ್

³⁵ ಆಚೇಂಗಿ, ಚತ್ತಯಿಂಗ ಎನ್ನನೆ ಚಾವ್‍ಯಿಂಜ ಜೀವವಾಯಿತ್ ಏವ? ಅಯಿಂಗಕ್ ಏದ್ ತರ ತಡಿ ಇಪ್ಪಾ? ಇನ್ನನೆ ದಾರೇಂಗಿಯು ಕ್‍ೕಟಕ,

1 ಕೊರಿಂಥ 15:35 ပူးပေါင်းရင်းမြစ်များ

ಯೋಹಾನ 3:4

ಅದ್ಂಗ್ ನಿಕೊದೇಮ: ವಯಸ್ಸಾನ ಒರ್ ಮನುಷ್ಯ ಎನ್ನನೆ ಪುನಃ ಪುಟ್ಟ್‌ವಕ್ ಕಯ್ಯು? ಅಂವೊ ಎನ್ನನೆ ಅಂವೊಂಡ ಅವ್ವಂಡ ಕೆಲತ್‍ರ ಒಳ್‍ಕ್ ಪೋಯಿತ್ ದಂಡನೆ ಕುರಿ ಪುಟ್ಟ್‌ವಕ್ ಕಯ್ಯೂಂದ್ ಕ್‍ೕಟತ್.

ಯೋಹಾನ 3:9

ಅದ್ಂಗ್ ನಿಕೊದೇಮ: ಇದ್ ಎನ್ನನೆ ಆಪಾಂದ್ ಕ್‍ೕಟತ್.

ಯೋಹಾನ 9:10

ಅಯಿಂಗೆಲ್ಲಾರು ಅಂವೊನ ನೋಟಿತ್: ಇಕ್ಕ ಎನ್ನನೆ ನೀಕ್ ಕಣ್ಣ್ ಕಾಂಬಕ್ ಆಚೀಂದ್ ಕ್‍ೕಟತ್.

ರೋಮ್ 9:19

ಇನ್ನನೆ ಆಚೇಂಗಿ, ದೇವ ಎನ್ನಂಗಾಯಿತ್ ಒಬ್ಬ ಮಾಡ್‌ವ ಪಾಪತ್‍ರಗುಂಡ್ ಅಂವೊಂಡ ಮೇಲೆ ಕುತ್ತ ಪರಿಯುವ? ಅಂವೊಂಡ ಚಿತ್ತಕ್ ವಿರೋದವಾಯಿತ್ ದಾರ್‌ಕ್ ನಿಪ್ಪಕ್ ಕಯ್ಯೂಂದ್ ನಿಂಗ ನಾಡ ಪಕ್ಕ ಕ್‍ೕಪಿರ.

ಫಿಲಿಪ್ಪಿ 3:21

ಅಂವೊ ಪುನಃ ಬಪ್ಪಕ, ನಂಗಡ ಚತ್ತ್ ಪೋಪ ಈ ತಡೀನ ಬದ್‍ಲ್ ಮಾಡಿತ್ ಅಂವೊಂಡ ತಡಿರನೆಕೆ ಉಳ್ಳ ಮಹಿಮೇರ ತಡೀನ ನಂಗಕ್ ತಪ್ಪ. ಈ ಬೂಲೋಕತ್‍ಲ್ ಉಳ್ಳದ್‌ನೆಲ್ಲಾ ಅಂವೊಂಡ ಕಾಲ್‍ರ ಅಡಿಕ್ ಕೊಂಡ್ ಬಪ್ಪ, ಅಂವೊಂಡ ಆ ಶಕ್ತಿಲ್ ನಂಗಕ್ ಇನ್ನನೆ ಮಾಡ್‌ವ.