1 ಕೊರಿಂಥ 15:1 - ಕೊಡವ ಬೈಬಲ್

¹ ಅಕ್ಕ, ನಾಡ ಅಣ್ಣತಮ್ಮಣಂಗಳೇ, ನಾನ್ ನಿಂಗಕ್ ಮಿಂಞಲೇ ಪ್ರಚಾರ ಮಾಡ್‍ನ ದೇವಡ ನಲ್ಲ ಸುದ್ದಿನ ಪುನಃ ನಿಂಗಡ ನೆನಪ್‌ಕ್ ಕೊಂಡ್ ಬಪ್ಪಿ. ಅಕ್ಕ ನಿಂಗಕ್ ಕ್‍ಟ್ಟ್‌ನ ಈ ಬೋದನೆಲ್ ಬೊಳ್ಂದಂಡ್, ನಂಬಿಕೇಲ್ ದೃಡವಾಯಿತುಳ್ಳಿರ.

1 ಕೊರಿಂಥ 15:1 ပူးပေါင်းရင်းမြစ်များ

ಯೋಹಾನ 12:48

ನನ್ನ ಅಲ್ಲಗೆಳೆದಿತ್, ನಾಡ ವಾಕ್ಯತ್‍ನ ಸ್ವೀಕಾರ ಮಾಡತಯಿಂಗಳ ನಾನ್ ನ್ಯಾಯತೀರ್ಪ್ ಮಾಡುಲೆ, ನಾನ್ ಎಣ್ಣ್‌ನ ದೇವಡ ವಾಕ್ಯವೇ ಆಕೀರ್ ದಿವಸತ್‍ಲ್ ಅಂವೊನ ನ್ಯಾಯತೀರ್ಪ್ ಮಾಡ್‌ವ.

ಅಪೊಸ್ತಲ 11:1

ಯೆಹೂದ್ಯ ಜನ ಅಲ್ಲತೆ ಬೋರೆ ಜನಳು ದೇವಡ ವಾಕ್ಯತ್‍ನ ಸ್ವೀಕಾರ ಮಾಡ್‌ಚೀಂದ್ ಉಳ್ಳ ಸುದ್ದಿ ಅಪೊಸ್ತಲಂಗಕು, ಯೂದಾಯತ್‍ಲ್ ಉಳ್ಳ ಯೇಸುನ ನಂಬ್‍ನಯಿಂಗಕು ಕ್‍ಟ್ಟ್‌ಚಿ.

ಅಪೊಸ್ತಲ 2:41

ಅಂವೊಂಡ ತಕ್ಕ್‌ನ ಒತ್ತಂಡಯಿಂಗ ದೀಕ್ಷಾಸ್ನಾನ ಎಡ್‍ತಂಡತ್. ಆ ದಿವಸ ಸುಮಾರ್ ಮೂಂದಾಯಿರ ಜನ ಅಯಿಂಗಡ ಕೂಡೆ ಕೂಡಿಯಂಡತ್.

ರೋಮ್ 11:20

ಅಕ್ಕು, ಅಯಿಂಗಡ ಅಪನಂಬಿಕೇರಗುಂಡ್ ಅಯಿಂಗಳ ಮುರಿಚಿರ್‌ತ್. ನಿಂಗ ನಂಬಿಕೇರ ಮೂಲಕ ನಿಂದಂಡುಂಡ್; ಬಡಾಯಿ ಮಾಡತಿ, ಆಚೇಂಗಿ ಬೊತ್ತಿಯಂಡಿರಿ.

ರೋಮ್ 2:16

ಇದ್, ನಾನ್ ಎಣ್ಣುವ ದೇವಡ ನಲ್ಲ ಸುದ್ದಿರನೆಕೆ, ದೇವ ಯೇಸು ಕ್ರಿಸ್ತಂಡ ಮೂಲಕ ಮನುಷ್ಯಂಗಡ ಗುಟ್ಟ್‌ನೆಲ್ಲ ನ್ಯಾಯತೀರ್ಪ್ ಮಾಡ್‌ವ ದಿವಸತ್‍ಲ್ ಆಪ.

ರೋಮ್ 5:2

ಇಕ್ಕ ನಂಗ ಸ್ತಿರವಾಯಿತ್ ನಿಂದಂಡುಳ್ಳ ಈ ಕೃಪೇರ ಒಳ್‍ಕ್ ಪೋಪಕುಳ್ಳ ಬಟ್ಟೇನ ನಂಬಿಕೇರ ಮೂಲ ಪಡ್ಂದಿತ್, ದೇವಡ ಮಹಿಮೆಲ್ ನಂಗ ಪಾಲ್‍ದಾರಂಗಳಾಪಾಂದ್ ಉಳ್ಳ ನಿರಿಕ್ಷೇಲ್ ಹೊಗಳಿಯಂಡುಂಡ್.

1 ಕೊರಿಂಥ 16:13

ನಿಂಗ ಎಕ್ಕಾಲು ಎಚ್ಚರತ್‍ಲ್ ಇರಿ. ದೇವಡ ಮೇಲೆ ಉಳ್ಳ ನಂಬಿಕೇಲ್ ನಿಂಗ ದೃಡವಾಯಿತ್ ಇರಿ, ನಿಂಗ ದೈರ್ಯತ್‍ಲ್ ಪಿಂಞ ಬಲವುಳ್ಳಯಿಂಗಳಾಯಿತ್ ಇರಿ.

1 ಕೊರಿಂಥ 3:6

ನಾನ್ ಕುರುನ ಬಿತ್ತಿಯೆ, ಅಪೊಲ್ಲೋಸ ನೀರ್ ಬೂಕ್‌ಚ್. ಆಚೇಂಗಿ ದೇವನೇ ಗಿಡತ್‍ನ ಬೊಳಿಯುವಕ್ ಮಾಡ್‍ಚಿ.

1 ಕೊರಿಂಥ 4:15

ಕ್ರಿಸ್ತಂಡ ಕೂಡೆ ಉಳ್ಳ ಐಕ್ಯತ್‍ಲ್ ನಿಂಗಕ್ ಪತ್ತಾಯಿರ ಬೋದನೆಕಾರ ಇಂಜತೇಂಗಿಯು, ನಿಂಗಕ್ ಒರೇ ಆತ್ಮೀಯ ಅಪ್ಪ ಉಂಡ್. ನಿಂಗಕ್ ಅಂವೊಂಡ ನಲ್ಲ ಸುದ್ದಿನ ಎಣ್ಣಿಕೊಡ್‍ಪಕ ಕ್ರಿಸ್ತ ಯೇಸುರಲ್ಲಿ ನಿಂಗಡ ಆತ್ಮೀಯ ಬದ್‍ಕ್‍ಕ್ ನಾನ್ ಅಪ್ಪನಾಯಿತ್ ಆನ.

2 ಕೊರಿಂಥ 1:24

ನಿಂಗಡ ನಂಬಿಕೇಕ್ ನಂಗ ಅದಿಕಾರ ಉಳ್ಳಯಿಂಗಳಾಯಿತ್ ಇಕ್ಕತೆ, ನಿಂಗಡ ಕುಶೀಕ್ ಸಹಾಯ ಮಾಡ್‌ವಯಿಂಗಳಾಯಿತುಂಡ್; ನಂಬಿಕೇರಗುಂಡ್ ನಿಂಗ ನಿಂದಂಡುಳ್ಳಿರಲ್ಲ.

1 ಥೆಸಲೊನೀಕ 1:6

ಇದ್‍ಲ್ಲತೆ, ನಿಂಗ ಯೇಸುನ ನಂಬ್‍ನಗುಂಡ್, ನಿಂಗಳ ಜನ ದುಂಬ ಹಿಂಸೆ ಮಾಡ್‍ಚಿ. ಆಚೇಂಗಿಯು, ಪವಿತ್ರಾತ್ಮ ತಪ್ಪ ಕುಶೀನ ನಿಂಗ ಎಡ್‍ತಂಡ್, ದೇವಡ ವಾಕ್ಯತ್‍ನ ಸ್ವೀಕಾರ ಮಾಡಿತ್, ನಂಗ ನಡ್‍ಪನೆಕೆ ನಡ್‌ಂದಿತ್, ಕ್ರಿಸ್ತಂಡನೆಕೆ ಹಿಂಸೆನ ಸಹಿಸಿರ.

1 ಥೆಸಲೊನೀಕ 2:13

ಆನಗುಂಡ್, ನಂಗ ಎಣ್ಣ್‌ನ ದೇವಡ ವಿಷಯತ್‍ನ, ನಿಂಗ ಒರ್ ಮನುಷ್ಯಂಡ ಬೋದನೆಯಾಯಿತ್ ಸ್ವೀಕಾರ ಮಾಡತೆ, ಅದ್‍ನ ದೇವಡ ಬೋದನೆಯಾಯಿತೇ ಸ್ವೀಕಾರ ಮಾಡ್‍ನಗುಂಡ್, ನಂಗ ಎಕ್ಕಾಲು ನಿಂಗಳ ಗೇನ ಮಾಡಿತ್ ವಂದನೆ ಎಣ್ಣಿಯಂಡುಂಡ್; ಅಕ್ಕು, ನಂಗ ಎಣ್ಣ್‌ನ ಬೋದನೆ ನೇರೇ. ಅದ್‍ನ ನಂಬಿತುಳ್ಳ ನಿಂಗಕ್ ಆ ಬೋದನೆ ನಿಂಗಡ ಒಳ್‍ಲ್ ಶಕ್ತಿ ಕೊಡ್‍ತಂಡುಂಡ್.

1 ಥೆಸಲೊನೀಕ 4:1

ನಂಗಡ ಅಣ್ಣತಮ್ಮಣಂಗಳೇ, ಆಕೀರಾಯಿತ್ ನಾನ್ ಎಣ್ಣ್‌ವದ್ ಎಂತ ಎಣ್ಣ್‌ಚೇಂಗಿ: ದೇವನ ಕುಶಿಪಡ್‌ತ್‌ವಕಾಯಿತ್ ನಿಂಗ ಎನ್ನನೆಯೆಲ್ಲಾ ಬದ್‍ಕಂಡೂಂದ್ ನಂಗ ಎಣ್ಣಿತಂದದ್‍ನ ನಿಂಗ ಸ್ವೀಕಾರ ಮಾಡ್‍ನನೆಕೆ, ಇಂಞು ಅದ್‍ಲ್ ದುಂಬ ಬೊಳಿಯುವಕ್ ಒಡೆಯನಾನ ಯೇಸುರಗುಂಡ್ ನಿಂಗಳ ಬೋಡಿತ್, ನಿಂಗಕ್ ಬುದ್ದಿ ಎಣ್ಣಿಯಂಡ್ ಉಂಡ್.

2 ಥೆಸಲೊನೀಕ 3:6

ನಂಗಡ ಅಣ್ಣತಮ್ಮಣಂಗಳೇ, ಸೋಮಾರಿಯಾಯಿತ್ ಬದ್‍ಕಿಯಂಡ್, ನಂಗ ನಿಂಗಕ್ ಎಣ್ಣ್‌ನ ಪದ್ದತಿರ ಪ್ರಕಾರ ನಡ್‌ಂದಂಡಿಲ್ಲತ ಯೇಸುನ ನಂಬ್‍ನಯಿಂಗಳ ದೂರಮಾಡಿತ್ ಬೆಕ್ಕಂಡೂಂದ್ ಒಡೆಯನಾನ ಯೇಸು ಕ್ರಿಸ್ತ ನಂಗಕ್ ತಂದಿತುಳ್ಳ ಅದಿಕಾರತ್‍ಲ್ ನಂಗ ನಿಂಗಕ್ ಆಜ್ಞೆ ಮಾಡ್‌ವ.

1 ಪೇತ್ರ 5:12

ನಿಂಗಕ್ ಪುರ್‌ಡ್ ಕೊಡ್‍ಪಕ್ ಪಿಂಞ ಈ ಕೃಪೆ ದೇವಡ ಸತ್ಯವಾನದ್‍ೕಂದ್ ಸಾಕ್ಷಿಕೊಡುಪಕಾಯಿತ್, ನಾನ್ ಈ ಚೆರಿಯ ಕಾಗದತ್‍ನ ಸತ್ಯವಂತಂವೋಂದ್ ನಾನ್ ಗೇನ ಮಾಡ್‌ವ ತಮ್ಮಣನಾನ ಸಿಲ್ವಾನಂಡ ಸಹಾಯತ್‍ಲ್ ಒಳ್‍ದಿಯೆ. ಇದ್‍ಲ್ ನಿಂಗ ಸ್ತಿರವಾಯಿತ್ತಿರಿ.