1 ಕೊರಿಂಥ 14:34 - ಕೊಡವ ಬೈಬಲ್

³⁴ ಸಬೆರ ಆರಾದನೆಲ್ ಪೊಣ್ಣಾಳುವ ಮುಂಡತೆ ಇರಂಡು. ಅಯಿಂಗ ತಕ್ಕ್ ಪರಿಯುವಕ್ ಅನುಮತಿ ಇಲ್ಲೆ. ನ್ಯಾಯಪ್ರಮಾಣತ್‌ಲ್‌ ಎಣ್ಣ್‌ವನೆಕೆ ಪೊಣ್ಣಾಳ್‍ವ ಸಬೇಲ್ ಅಡಕತ್‍ಲ್ ಇರಂಡು.

1 ಕೊರಿಂಥ 14:34 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 3:16

ಅಲ್ಲಿಂಜ ಅಂವೊ ಆ ಪೊಣ್ಣಾಳ್‌ಕ್: ನೀನ್‌ ಕೆಲಕರ್ತಿಯಾಯಿತ್‌ಪ್ಪಕ ದುಂಬ ನೊಂಬಲತ್‌ನ ಉಂಟ್‌ಮಾಡ್‌ವಿ, ದುಂಬ ನೊಂಬಲತ್‌ಲ್‌ ನೀನ್‌ ಕುಂಞಿಯಳ ಪೆರುವಿಯ. ನೀಡ ಆಸೆಯೆಲ್ಲ ನೀಡ ವಡಿಯಂಡ ಮೇಲೆ ಇಪ್ಪ; ಆಚೇಂಗಿ ಅಂವೊ ನೀಡ ಮೇಲೆ ಅದಿಕಾರ ಮಾಡ್‌ವಾಂದ್‌ ಎಣ್ಣ್‌ಚಿ.

1 ಕೊರಿಂಥ 11:13

ಒರ್ ಪೊಣ್ಣಾಳ್ ದೇವಡ ಪಕ್ಕ ಪ್ರಾರ್ಥನೆ ಮಾಡ್‌ವಕ, ಮಂಡೆಕ್ ತುಣಿ ಇಡತೆ ಇಪ್ಪದ್ ಸರಿಯಾಂದ್ ನಿಂಗಳೇ ಗೇನ ಮಾಡಿ.

1 ಕೊರಿಂಥ 11:3

ಆಚೇಂಗಿ ಇಕ್ಕ, ಇದ್ ನಿಂಗಕ್ ಗೊತ್ತಾಯಿತಿರಂಡೂಂದ್ ನಾಕ್ ಆಸೆ. ಪ್ರತಿಯೊರ್ ಆಣಾಳ್‍ಕು ಕ್ರಿಸ್ತ ಮಂಡೆಯಾಯಿತ್ ಉಂಡ್, ಪ್ರತಿಯೊರ್ ಪೊಣ್ಣಾಳ್‍ಕು ಅವಡ ವಡಿಯ ಮಂಡೆಯಾಯಿತ್ ಉಂಡ್, ಕ್ರಿಸ್ತಂಗ್ ದೇವ ಮಂಡೆಯಾಯಿತ್ ಉಂಡ್.

1 ಕೊರಿಂಥ 11:5

ಅನ್ನನೆ ಒರ್ ಪೊಣ್ಣಾಳ್ ಪ್ರಾರ್ಥನೆ ಮಾಡ್‌ವ ಸಮಯತ್‍ಲ್ ಆಡ್, ಅಥವ ಪ್ರವಾದನೆ ಎಣ್ಣುವ ಸಮಯತ್‍ಲ್ ಆಡ್ ತಾಂಡ ಮಂಡೆಕ್ ತುಣಿ ಇಡತೆ ಪೋಚೇಂಗಿ, ಅವಡ ಮಂಡೆಯಾನ ವಡಿಯಂಗ್ ಮರ್ಯಾದೆ ಕೊಡ್‍ತಂಡಿಲ್ಲೆ; ಅದ್ ಅವಡ ಮಂಡೆನ ಬೋಳ್‍ಚಿಟ್ಟನೆಕೆ ಆಪ.

1 ಕೊರಿಂಥ 14:21

ನ್ಯಾಯಪ್ರಮಾಣತ್‍ಲ್ ಇನ್ನನೆ ಒಳ್‍ದಿತುಂಡ್: ನಾನ್ ನಾಡ ಸ್ವಂತ ಜನಡ ಪಕ್ಕ, ಅಯಿಂಗಕ್ ಗೊತ್ತಿಲ್ಲತ ಬಾಷೆ ಪರಿಯುವಂಗಡ ಮೂಲಕವು ಪಿಂಞ ಗೊತ್ತಿಲ್ಲತ ಬಾಷೆ ಪರಿಯುವಂಗಡ ಕಿರಿರ ಮೂಲಕವು ತಕ್ಕ್ ಪರಿಚಿಡುವಿ. ಆಚೇಂಗಿ ಸಹ ಈ ಜನ ನಾಕ್ ಕೆಮಿ ಕೊಡ್‍ಪ್‍ಲೇಂದ್ ದೇವ ಎಣ್ಣಿತುಂಡ್.

1 ಕೊರಿಂಥ 14:35

ಅಯಿಂಗಕ್ ಎಂತಾಚೇಂಗಿಯು ಗೊತ್ತಾಂಡೂಂದ್ ಎಣ್ಣ್‌ಚೇಂಗಿ ಮನೆಲ್ ಅಯಿಂಗಡ ವಡಿಯನ ಕ್‍ೕಕಂಡು, ಪೊಣ್ಣಾಳುವ ಸಬೇಲ್ ಬೋಂಡತ ತಕ್ಕ್ ಪರಿಯುವದ್ ಒರ್ ಞಾಣತ್‍ರ ವಿಷಯ.

ಎಫೆಸ 5:33

ಎನ್ನನೆ ಆಚೇಂಗಿಯು, ಪ್ರತಿ ಒಬ್ಬನು ಅಂವೊನ ತಾನೆ ಪ್ರೀತಿ ಮಾಡ್‌ವನೆಕೆ ತಾಂಡ ಪೊಣ್ಣ್‌ನ ಪ್ರೀತಿ ಮಾಡಂಡು; ಪ್ರತಿ ಪೊಣ್ಣಾಳು ಅವಡ ವಡಿಯಂಗ್ ಮರ್ಯಾದೆ ಕೊಡ್‍ಕಂಡು.

ಕೊಲೊಸ್ಸೆ 3:18

ಪೊಣ್ಣಾಳುವಳೇ! ಒಡೆಯಂಗ್ ಯೋಗ್ಯವಾಯಿತ್ ನಡ್‍ಪನೆಕೆ ನಿಂಗ ನಿಂಗಡ ವಡಿಯಂಗಕ್ ತಗ್ಗಿತ್ ನಡ್‌ಕಂಡು.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 2:5

ಎಲ್ಲಾ ಬಾಲೆಕಾರ್ತಿಯಳು, ತನ್ನಡಕ್ಕ ಉಳ್ಳಯಿಂಗಳಾಯಿತ್, ವಡಿಯಂಗ್ ನೇರಾನಯಿಂಗಳಾಯಿತ್, ಅಯಿಂಗಡ ಮನೆನ ಚಾಯಿ ನೋಟ್‍ವಯಿಂಗಳಾಯಿತ್, ಅಯಿಂಗಡ ವಡಿಯಂಗಕ್ ತಗ್ಗಿತ್ ನಡ್‍ಪಯಿಂಗಳಾಯಿತ್, ಪ್ರೀತಿಯುಳ್ಳಯಿಂಗಳಾಯಿತ್, ಇರಂಡೂಂದ್ ಬುದ್ದಿ ಎಣ್ಣಿ ಕೊಡ್. ಅಕ್ಕ ದೇವಡ ವಾಕ್ಯಕ್ ಅಯಿಂಗ ದೂಷಣೆ ಕೊಂಡ್ ಬಪ್ಪುಲೆ.