1 ಕೊರಿಂಥ 14:31 - ಕೊಡವ ಬೈಬಲ್

³¹ ಅನ್ನನೆ ಎಲ್ಲಾರು ದೇವಡ ವಿಷಯತ್ ಬೊಳಿಯುವಕು ಪಿಂಞ ದೇವಡ ಮೇಲೆ ಉಳ್ಳ ನಂಬಿಕೇಲ್ ಇಂಞು ದೃಡವಾಪಕು, ಒಬ್ಬೊಬ್ಬನಾಯಿತ್ ಪ್ರವಾದನೆ ಎಣ್ಣಡ್.

1 ಕೊರಿಂಥ 14:31 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 1:5

ಬುದ್ದಿವಂತಂವೊ ಈ ಜ್ಞಾನತ್‌ರ ಪಡಿಮನ ಕ್‍ೕಟಿತ್‌ ಇಂಞು ಬುದ್ದಿವಂತಂವೊನಾಪ. ವಿವೇಕ ಉಳ್ಳಂವೊಂಗ್‌ ಇಂಞು ಆಲೋಚನೆ ಕ್‌ಟ್ಟ್‌ವ.

ಜ್ಞಾನತ್‌ರ ಪಡಿಮ 9:9

ಜ್ಞಾನ ಉಳ್ಳಂವೊಂಗ್‌ ಬುದ್ದಿ ಎಣ್ಣ್, ಅಂವೊ ಇಂಞು ಜ್ಞಾನಿ ಆಪ. ನೀತಿವಂತಂವೊಂಗ್‌ ಪಡಿಪ್‌ಚಿಡ್. ಅಂವೊ ಇಂಞು ಪಡಿಪ.

ರೋಮ್ 1:12

ನಿಂಗ ದೇವಡ ಮೇಲೆ ಬೆಚ್ಚಿತುಳ್ಳ ನಂಬಿಕೇನ ನಾನ್ ಕಾಂಬಕ ನಾಕ್ ಪುರ್‌ಡ್ ಕ್‍ಟ್ಟುವನೆಕೆ, ನಿಂಗಕು ಸಹ ನಾನ್ ದೇವಡ ಮೇಲೆ ಬೆಚ್ಚಿತುಳ್ಳ ನಂಬಿಕೇನೆ ಕಂಡಿತ್ ಪುರ್‌ಡ್ ಕ್‍ಟ್ಟುವ. ಇನ್ನನೆ ದಂಡಾಳ್‍ಕು ಆಶೀರ್ವಾದ ಆಪ.

1 ಕೊರಿಂಥ 14:19

ಆಚೇಂಗಿಯು, ಸಬೆರ ಆರಾದನೆಕ್ ಬಪ್ಪಕ, ಜನಕ್ ಗೊತ್ತಿಲ್ಲತ ಬಾಷೆಲ್ ಪತ್ತಾಯಿರ ತಕ್ಕ್ ಪರಿಯುವಕಿಂಜ, ಜನಕ್ ಬುದ್ದಿ ಎಣ್ಣುವನೆಕೆ, ಅಯಿಂಗಕ್ ಗೊತ್ತುಳ್ಳ ಬಾಷೆಲ್ ಒರ್ ಅಂಜ್ ತಕ್ಕ್ ಪರಿವದ್ ನಾಕ್ ದುಂಬ ಕುಶಿ.

1 ಕೊರಿಂಥ 14:3

ಆಚೇಂಗಿ ಪ್ರವಾದನೆ ಎಣ್ಣ್‌ವಂವೊ, ಜನ ಆತ್ಮೀಯ ವಿಷತಯತ್‍ಲ್ ಬಲಪಡ್‍ವಕಾಯಿತ್, ಪುರ್‌ಡ್ ಕ್‍ಟ್ಟುವಕಾಯಿತ್ ಪಿಂಞ ಸಮಾದಾನ ಕ್‍ಟ್ಟುವಕಾಯಿತ್ ತಕ್ಕ್ ಪರ್ಂದಡುಂಡ್.

1 ಕೊರಿಂಥ 14:30

ಅನ್ನನೆ ಒಬ್ಬ ಪ್ರವಾದನೆ ಎಣ್ಣಿಯಂಡಿಪ್ಪಕ, ಅದ್‍ನ ಕ್‍ೕಟಂಡುಳ್ಳ ಬೋರೆ ಒಬ್ಬಂಗ್ ದೇವಡಯಿಂಜ ವಾಕ್ಯ ಕ್‍ಟ್ಟ್‌ಚೇಂಗಿ, ಪ್ರವಾದನೆ ಎಣ್ಣಿಯಂಡಿಂಜಂವೊ ಅದ್‍ನ ನಿಪ್ಪ್‌ಚಿಡಂಡು.

1 ಕೊರಿಂಥ 14:32

ಪ್ರವಾದನೆ ಎಣ್ಣ್‌ವಯಿಂಗಡ ಆತ್ಮ ಅಯಿಂಗಡ ಅದಿಕಾರತ್‍ಲ್ ಇಪ್ಪ ಅಲ್ಲಾ?

1 ಕೊರಿಂಥ 14:35

ಅಯಿಂಗಕ್ ಎಂತಾಚೇಂಗಿಯು ಗೊತ್ತಾಂಡೂಂದ್ ಎಣ್ಣ್‌ಚೇಂಗಿ ಮನೆಲ್ ಅಯಿಂಗಡ ವಡಿಯನ ಕ್‍ೕಕಂಡು, ಪೊಣ್ಣಾಳುವ ಸಬೇಲ್ ಬೋಂಡತ ತಕ್ಕ್ ಪರಿಯುವದ್ ಒರ್ ಞಾಣತ್‍ರ ವಿಷಯ.

2 ಕೊರಿಂಥ 1:4

ಎಂತ ಕಷ್ಟತ್‍ಲ್ ಇಂಜತೇಂಗಿಯು ಅಯಿಂಗಳ ಸಮಾದಾನ ಮಾಡ್‌ವಕ್ ಬಲ ಉಳ್ಳಯಿಂಗಳಾಯಿತ್ ನಂಗ ಬೊಳಿಯುವನೆಕೆ, ನಂಗಕ್ ಬಪ್ಪ ಎಲ್ಲಾ ಕಷ್ಟತ್‍ಲು, ದೇವ ಮಾತ್ರ ನಂಗಕ್ ಸಮಾದಾನ ತಂದಂಡುಂಡ್.

ಎಫೆಸ 6:22

ನಿಂಗ ನಂಗಡ ವಿಷಯತ್‍ನ ಗೊತ್ತಾಪಕು, ನಿಂಗಡ ಹೃದಯಕ್ ಸಮಾದಾನ ಕ್‍ಟ್ಟ್‌ವಕಾಯಿತ್‌ ಅಂವೊನ ನಾನ್ ಅಯಿಚಿಯೆ.

ಕೊಲೊಸ್ಸೆ 2:2

ನಾಡ ಕುಶಿ ಎಂತ ಎಣ್ಣ್‌ಚೇಂಗಿ, ಅಯಿಂಗಕ್ ಪುರ್‌ಡ್ ಕ್‍ಟ್ಟಿತ್, ಒಬ್ಬಂಡ ಮೇಲೆ ಒಬ್ಬಂಗ್ ಉಳ್ಳ ಪ್ರೀತಿಲ್ ಒಂದಾಯಿತ್ ಇರಂಡೂಂದ್ ಉಳ್ಳದೇ. ಪಿಂಞ ದೇವಡ ಗುಟ್ಟಾನ ಕ್ರಿಸ್ತನ ಅಯಿಂಗಕ್ ಪೂರ್ತಿ ನಿಶ್ಚಯವಾಯಿತ್ ಅರ್ಥ ಮಾಡ್‍ವಕಯ್ಯೂಂದ್ ಉಳ್ಳ ನಂಬಿಕೆ ಅಯಿಂಗಕ್ ಇರಂಡು.

1 ಥೆಸಲೊನೀಕ 4:18

ಇದ್ ಸತ್ಯವಾಯಿತ್ ಆಪಗುಂಡ್, ಈ ತಕ್ಕ್‌ನ ನಿಂಗ ಎಲ್ಲಾರ್‌ಕು ಎಣ್ಣಿಯಂಡ್ ಪುರ್‌ಡ್ ಕೊಡ್‌ತಂಡ್ ಇರಿ.

1 ಥೆಸಲೊನೀಕ 5:11

ಅದ್ಂಗಾಯಿತ್, ನಿಂಗ ಇಕ್ಕ ಮಾಡಿಯಂಡಿಪ್ಪನೆಕೆ, ಒಬ್ಬೊಬ್ಬಂಗ್ ಒತ್ತಾಸೆ ಕೊಡಿ. ನಿಂಗ ಅನ್ನನೆ ಮಾಡಿತ್ ಒಬ್ಬೊಬ್ಬಂಗಳ ಬೊಳಿಯುವಕ್ ಸಹಾಯ ಮಾಡಿ.

1 ಥೆಸಲೊನೀಕ 5:14

ನಂಗಡ ಅಣ್ಣತಮ್ಮಣಂಗಳೇ, ಇಂಞು ನಂಗ ನಿಂಗಕ್ ಎಣ್ಣುವ ಆಲೋಚನೆ ಎಂತ ಎಣ್ಣ್‌ಚೇಂಗಿ, ಕೆಲಸ ಮಾಡತ ಇಪ್ಪಯಿಂಗಳ ಎಚ್ಚರ ಮಾಡಿ. ಒತ್ತಾಸೆ ಇಲ್ಲತಯಿಂಗಕ್ ಒತ್ತಾಸೆ ಕೊಡಿ, ಬಲ ಇಲ್ಲತಯಿಂಗಕ್ ಸಹಾಯ ಮಾಡಿ, ಎಲ್ಲಾಡ ಕೂಡೆ ಶಾಂತವಾಯಿತ್ ಇರಿ.

1 ಥೆಸಲೊನೀಕ 5:20

ಪ್ರವಾದನೆನ ಬೋಂಡತದ್‍ೕಂದ್ ಗೇನ ಮಾಡತಿ.