1 ಕೊರಿಂಥ 14:3 - ಕೊಡವ ಬೈಬಲ್

³ ಆಚೇಂಗಿ ಪ್ರವಾದನೆ ಎಣ್ಣ್‌ವಂವೊ, ಜನ ಆತ್ಮೀಯ ವಿಷತಯತ್‍ಲ್ ಬಲಪಡ್‍ವಕಾಯಿತ್, ಪುರ್‌ಡ್ ಕ್‍ಟ್ಟುವಕಾಯಿತ್ ಪಿಂಞ ಸಮಾದಾನ ಕ್‍ಟ್ಟುವಕಾಯಿತ್ ತಕ್ಕ್ ಪರ್ಂದಡುಂಡ್.

1 ಕೊರಿಂಥ 14:3 ပူးပေါင်းရင်းမြစ်များ

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 3:18

ಜನಕೆಲ್ಲಾ ನಲ್ಲ ಬಟ್ಟೇಲ್ ಪೋಪಕಾಯಿತ್ ಇಂಞು ದುಂಬ ಬುದ್ದಿ ಎಣ್ಣಿತ್ ನಲ್ಲ ಸುದ್ದಿನ ಎಣ್ಣಿ ಕೊಡ್‍ತಂಡಿಂಜತ್.

ಅಪೊಸ್ತಲ 13:15

ನ್ಯಾಯಪ್ರಮಾಣ ಪಿಂಞ ಪ್ರವಾದಿಯಂಗಡ ಪುಸ್ತಕತ್‍ನ ಓದಿತಾನ ಪಿಂಞ ಸಬಾಮಂದಿರತ್‍ರ ಪೆರಿಯಯಿಂಗ, ಪೌಲ ಪಿಂಞ ಬಾರ್ನಬಂಗ್, ಅಣ್ಣತಮ್ಮಣಂಗಳೇ, ನಿಂಗ ಜನಕ್ ಬುದ್ದಿ ತಕ್ಕ್ ಎಣ್ಣ್‌ವಕ್ ಉಂಡೇಂಗಿ ಎಣ್ಣೀಂದ್ ಅಯಿಂಗಕ್ ಎಣ್ಣಿತ್ ಆಳ್‌ನ ಅಯಿಚತ್.

ಅಪೊಸ್ತಲ 14:22

ಯೇಸುನ ನಂಬ್‍ನಯಿಂಗಡ ಮನಸ್ಸ್‌ನ ಗಟ್ಟಿ ಮಾಡಿತ್, ನೇರಾನ ನಂಬಿಕೇಲ್ ಸ್ತಿರವಾಯಿತ್ ನಿಕ್ಕಂಡೂಂದ್ ಬುದ್ದಿ ತಕ್ಕ್ ಎಣ್ಣಿತ್, ನಂಗ ದುಂಬ ಕಷ್ಟತ್‍ನ ಅನುಬವಿಚಿಟ್ಟಿತ್ ದೇವಡ ರಾಜ್ಯತ್‍ರ ಒಳ್‍ಕ್ ಕೂಡಂಡೂಂದ್ ಎಚ್ಚರ ಮಾಡಿತ್ ಅಯಿಂಗಳ ದೈರ್ಯಪಡ್‍ತ್‍ಚಿ.

ಅಪೊಸ್ತಲ 15:32

ಯೂದ ಪಿಂಞ ಸೀಲ ಪ್ರವಾದಿಯಳಾಯಿತ್ ಇಂಜಗುಂಡ್, ಅಲ್ಲಿ ಇಂಜ ಯೇಸುನ ನಂಬ್‍ನಯಿಂಗಕ್ ದುಂಬ ಬೋದನೆ ಮಾಡಿತ್, ಅಯಿಂಗಳ ದೈರ್ಯಪಡ್‍ತಿತ್ ದೃಡಪಡ್‍ತ್‍ಚಿ.

ಅಪೊಸ್ತಲ 4:36

ಇನ್ನನೆ ಮಾಡಿಯಂಡ್ ಉಳ್ಳಯಿಂಗಡಡೆ‍ಲ್ ಕುಪ್ರ ದೇಶತ್ಂಜ ಬಂದ ಲೇವಿಯ ಕುಲಕ್ ಕೂಡ್‍ನ ಒಬ್ಬನು, ಒತ್ತಾಸೆ ಮಾಡ್‌ವಂವೋಂದ್ ಅಪೊಸ್ತಲಂಗ ಕಾಕ್‍ನ ಬಾರ್ನಬ ಎಣ್ಣುವ ಪೆದ ಉಳ್ಳ ಯೋಸೇಫ,

ಅಪೊಸ್ತಲ 9:31

ಇನ್ನನೆ ಇಪ್ಪಕ ಯೂದಾಯ ಗಲಿಲಾಯ ಸಮಾರ್ಯ ಪ್ರಾಂತ್ಯತ್‍ಲ್ ಉಳ್ಳ ಸೆಬೇಕೆಲ್ಲ ಸಮಾದಾನ ಕ್‍ಟ್ಟ್‌ಚಿ; ಅನ್ನನೆ ಅಯಿಂಗ ಒಡೆಯಂಡ ಬಕ್ತಿಲ್ ಪಿಂಞ ಪವಿತ್ರಾತ್ಮ ತಪ್ಪ ಪುರಡ್‍ಲ್ ಬದ್‍ಕಿಯಂಡ್, ಬೊಳ್ಂದಂಡ್ ಬಲಪಟ್ಟಂಡ್ ಇಂಜತ್.

ರೋಮ್ 12:8

ಪುರ್‌ಡ್ ಕೊಡ್‍ಪ ವರ ಎಣ್ಣ್‌ಚೇಂಗಿ, ಅಂವೊ ಪುರ್‌ಡ್ ಕೊಡ್‌ಕಡ್; ಬೋರೆಯಿಂಗಡ ಅವಸ್ಯಕ್ ಸಹಾಯ ಮಾಡ್‌ವ ವರ ಎಣ್ಣ್‌ಚೇಂಗಿ, ಅಂವೊ ದಾರಾಳವಾಯಿತ್ ಸಹಾಯ ಮಾಡಡ್; ತಕ್ಕಾಮೆರ ವರ ಎಣ್ಣ್‌ಚೇಂಗಿ, ಅಂವೊ ಅದ್‍ನ ಜಾಗ್ರತೆಲ್ ಮಾಡಡ್. ಕರುಣೆ ಕಾಟುವ ವರ ಎಣ್ಣ್‌ಚೇಂಗಿ, ಅಂವೊ ಅದ್‍ನ ಕುಶೀಲ್ ಮಾಡಡ್.

ರೋಮ್ 14:19

ಆನಗುಂಡ್, ಸಮಾದಾನ ತಪ್ಪ ವಿಷಯತ್‍ನ ಪಿಂಞ, ಒಬ್ಬೊಬ್ಬನು ಆತ್ಮೀಯ ವಿಷಯತ್‍ಲ್ ಬೊಳ್‍ತ್‍ವಕ್ ಸಹಾಯ ಮಾಡ್‌ವ ವಿಷಯತ್‍ನ ಮಾಡ್‌ವಕ್ ಪ್ರಯತ್ನ ಪಡಂಡು.

ರೋಮ್ 15:2

ನಂಗ ಒಬ್ಬೊಬ್ಬನು ಬೋರೆಯಿಂಗಡ ಕುಶಿಕಾಯಿತ್ ಅಯಿಂಗ ಬಕ್ತಿಲ್ ಬೊಳಿಯುವನೆಕೆ ನಡ್‌ಕಂಡು.

1 ಕೊರಿಂಥ 10:23

ಎಂತ ಬೋಂಡ್‍ಚೇಂಗಿಯು ಮಾಡ್‌ವಕ್ ನಂಗಕ್ ಹಕ್ಕ್ ಉಂಡ್, ಆಚೇಂಗಿ ನಂಗ ಮಾಡ್‌ವದೆಲ್ಲ ನಂಗಕ್ ಸಹಾಯ ಆಪುಲೆ. ಎಂತ ಬೋಂಡ್‍ಚೇಂಗಿಯು ಮಾಡ್‌ವಕ್ ನಂಗಕ್ ಹಕ್ಕ್ ಉಂಡ್, ಆಚೇಂಗಿ ನಂಗ ಮಾಡ್‌ವದೆಲ್ಲ, ಬೋರೆಯಿಂಗ ದೇವಡಲ್ಲಿ ಬೊಳಿಯುವಕ್ ಸಹಾಯ ಮಾಡುಲೆ.

1 ಕೊರಿಂಥ 14:12

ನಿಂಗಳು ಸಹ ಆತ್ಮತ್‍ರ ವರ ಬೋಂಡೂಂದ್ ದುಂಬ ಆಸೇಲ್ ಉಳ್ಳಗುಂಡ್, ದೇವಡ ಸಬೇಲ್ ಯೇಸುನ ನಂಬ್‍ನಯಿಂಗ ಆತ್ಮೀಯ ಬದ್‍ಕ್‍ಲ್ ಬೊಳಿಯುವಕ್ ಸಹಾಯ ಮಾಡ್‌ವ ವರತ್‍ನ ಪಡೆಯುವಕ್ ಕುಶಿಪಡಿ.

1 ಕೊರಿಂಥ 14:17

ನೀನ್ ದೇವಕ್ ಚಾಯಿ ವಂದನೆ ಮಾಡಿಯಂಡಿಪ್ಪಿಯ, ಆಚೇಂಗಿ, ಅದ್‍ನಗುಂಡ್ ಬೋರೆಯಿಂಗಕ್ ದೇವಡ ಮೇಲೆ ಎನ್ನನೆ ಬಕ್ತಿ ಬಪ್ಪ?

1 ಕೊರಿಂಥ 14:26

ನಾಡ ಅಣ್ಣತಮ್ಮಣಂಗಳೇ, ನಿಂಗ ಒಕ್ಕಚೆ ಕೂಡಿ ಬಪ್ಪಕ ಏದ್ ರೀತಿಲ್ ಆರಾದನೆ ಮಾಡಿಯಂಡುಳ್ಳಿರಾ? ಒಬ್ಬ ಪಾಟ್ ಪಾಡಿಯಂಡುಂಡ್, ಒಬ್ಬ ಬೋದನೆ ಮಾಡಿಯಂಡುಂಡ್, ಬೋರೆ ಒಬ್ಬ ದೇವಡ ಗುಟ್ಟ್‌ನ ಎಣ್ಣಿಯಂಡುಂಡ್, ಒಬ್ಬ ಬೋರೆ ಬೋರೆ ಬಾಷೆಲ್ ತಕ್ಕ್ ಪರ್ಂದಂಡುಂಡ್, ಬೋರೆ ಒಬ್ಬ ಅದ್‍ನ ಅರ್ಥ ಮಾಡಿ ಕೊಡ್‍ತಂಡುಂಡ್. ಇದೆಲ್ಲಾ ಎಂತ? ಸಬೆ ಬಕ್ತಿಲ್ ಬೊಳಿವಕಾಯಿತ್ ಇದ್‍ನೆಲ್ಲಾ ಮಾಡಂಡು.

1 ಕೊರಿಂಥ 14:31

ಅನ್ನನೆ ಎಲ್ಲಾರು ದೇವಡ ವಿಷಯತ್ ಬೊಳಿಯುವಕು ಪಿಂಞ ದೇವಡ ಮೇಲೆ ಉಳ್ಳ ನಂಬಿಕೇಲ್ ಇಂಞು ದೃಡವಾಪಕು, ಒಬ್ಬೊಬ್ಬನಾಯಿತ್ ಪ್ರವಾದನೆ ಎಣ್ಣಡ್.

1 ಕೊರಿಂಥ 8:1

ಇಕ್ಕ, ನಿಂಗ ಕ್‍ೕಟ ವಿಗ್ರಹಕ್ ಅರ್ಪಿಚಿಟ್ಟ ಆಹಾರತ್‍ರ ವಿಷಯತ್, ನಾನ್ ಎಣ್ಣ್‌ವಿ. ನಂಗಕೆಲ್ಲಾರ್‌ಕೂ ಈ ವಿಷಯತ್ ಅರಿವ್ ಉಂಡ್‍ೕಂದ್ ನಂಗಕ್ ಗೊತ್ತುಂಡ್. ಬುದ್ದಿ ಆಂಗಾರತ್‍ನ ಉಂಟ್ ಮಾಡ್‌ವ, ಆಚೇಂಗಿ ಪ್ರೀತಿ ಬೋರೆಯಿಂಗಳ ಬಲಪಡ್‍ತ್‍ವಕ್ ಸಹಾಯ ಮಾಡ್‌ವ.

2 ಕೊರಿಂಥ 1:4

ಎಂತ ಕಷ್ಟತ್‍ಲ್ ಇಂಜತೇಂಗಿಯು ಅಯಿಂಗಳ ಸಮಾದಾನ ಮಾಡ್‌ವಕ್ ಬಲ ಉಳ್ಳಯಿಂಗಳಾಯಿತ್ ನಂಗ ಬೊಳಿಯುವನೆಕೆ, ನಂಗಕ್ ಬಪ್ಪ ಎಲ್ಲಾ ಕಷ್ಟತ್‍ಲು, ದೇವ ಮಾತ್ರ ನಂಗಕ್ ಸಮಾದಾನ ತಂದಂಡುಂಡ್.

2 ಕೊರಿಂಥ 2:7

ಆನಗುಂಡ್ ಅಂವೊ, ಬಲ್ಯ ದುಃಖತ್‍ಲ್ ಮನಸ್ಸ್ ಬುಟ್ಟಿತ್ ಪೋಕತನೆಕೆ, ನಿಂಗ ಅಂವೊನ ಮನ್ನಿಚಿಟ್ಟಿತ್ ಸಮಾದಾನ ಮಾಡಂಡು.

ಎಫೆಸ 4:29

ಏದ್ ಒರ್ ಕೆಟ್ಟ ತಕ್ಕು ನಿಂಗಡ ಬಾಯಿಂಜ ಬಪ್ಪಕ್ಕಾಗ. ದೇವಡ ಮೇಲೆ ಬಕ್ತಿ ಬಪ್ಪನೆಕೆ ಬೋರೆಯಿಂಗಳ ಚಾಯಿ ಬೊಳಿಯುವಕುಳ್ಳ ತಕ್ಕ್ ಉಂಡೇಂಗಿ, ಆ ತಕ್ಕ್ ಕ್‍ೕಪಯಿಂಗಕ್ ಪ್ರಯೋಜನ ಆಪನೆಕೆ ಪರಿವಿರ.

ಎಫೆಸ 6:22

ನಿಂಗ ನಂಗಡ ವಿಷಯತ್‍ನ ಗೊತ್ತಾಪಕು, ನಿಂಗಡ ಹೃದಯಕ್ ಸಮಾದಾನ ಕ್‍ಟ್ಟ್‌ವಕಾಯಿತ್‌ ಅಂವೊನ ನಾನ್ ಅಯಿಚಿಯೆ.

ಕೊಲೊಸ್ಸೆ 4:8

ನಂಗ ಎನ್ನನೆ ಉಂಡ್‍ೕಂದ್ ಎಣ್ಣಿತ್, ನಿಂಗಡ ಹೃದಯಕ್ ಪುರ್‌ಡ್ ಕೊಡ್‍ಪಕಾಯಿತೇ ನಾನ್ ಅಂವೊನ ನಿಂಗಡ ಪಕ್ಕ ಅಯಿಚಂಡುಳ್ಳ.

1 ಥೆಸಲೊನೀಕ 2:11

ಒರ್ ಅಪ್ಪ ತಾಂಡ ಸ್ವಂತ ಮಕ್ಕಳ ಎನ್ನನೆ ನಡ್‍ತ್‍ವ, ಅನ್ನನೆ ನಂಗ ನಿಂಗಳ ನಡ್‌ತ್‌ಚೀಂದ್ ನಿಂಗಕ್ ಗೊತ್ತುಂಡ್.

1 ಥೆಸಲೊನೀಕ 2:3

ನಂಗಡ ಬೋದನೆರ ಮೂಲಕ ನಿಂಗಳ ನಂಗ ಬೋಡ್‍ನದ್, ನಿಂಗಳ ವಂಚನೆ ಮಾಡ್‌ವಕೋ, ತಪ್ಪಾನ ಉದ್ದೇಶತ್‍ಲೋ, ಕಪಟತ್ಂಜೋ ಎಣ್ಣ್‌ನದ್ ಅಲ್ಲ.

1 ಥೆಸಲೊನೀಕ 3:2

ಅದ್ಂಗಾಯಿತ್ ನಂಗ ತಿಮೊಥೆಯನ ನಿಂಗಡ ಪಕ್ಕ ಅಯಿಚತ್. ಅಂವೊ ನಂಗಡ ತಮ್ಮಣನು, ನಂಗಡ ಕೂಡೆ ದೇವಡ ಸೇವೆ ಮಾಡ್‌ವಂವೊನು, ಕ್ರಿಸ್ತಂಡ ನಲ್ಲ ಸುದ್ದಿರ ಸೇವೇಲ್ ನಂಗಡ ಕೂಡೆ ಪ್ರಚಾರ ಮಾಡ್‍ವಂವೊನಾಯಿತು ಉಂಡ್. ಅಂವೊ ನಿಂಗಡ ಪಕ್ಕ ಬಂದಿತ್, ನಿಂಗಡ ನಂಬಿಕೇನ ಸ್ತಿರಪಡ್‌ತಿತ್, ನಿಂಗ ಆತ್ಮೀಯ ಬದ್‍ಕ್‍ಲ್ ಬೂವತನೆಕೆ ಇಪ್ಪಕ್ ಸಹಾಯ ಮಾಡ್‌ವ.

1 ಥೆಸಲೊನೀಕ 4:1

ನಂಗಡ ಅಣ್ಣತಮ್ಮಣಂಗಳೇ, ಆಕೀರಾಯಿತ್ ನಾನ್ ಎಣ್ಣ್‌ವದ್ ಎಂತ ಎಣ್ಣ್‌ಚೇಂಗಿ: ದೇವನ ಕುಶಿಪಡ್‌ತ್‌ವಕಾಯಿತ್ ನಿಂಗ ಎನ್ನನೆಯೆಲ್ಲಾ ಬದ್‍ಕಂಡೂಂದ್ ನಂಗ ಎಣ್ಣಿತಂದದ್‍ನ ನಿಂಗ ಸ್ವೀಕಾರ ಮಾಡ್‍ನನೆಕೆ, ಇಂಞು ಅದ್‍ಲ್ ದುಂಬ ಬೊಳಿಯುವಕ್ ಒಡೆಯನಾನ ಯೇಸುರಗುಂಡ್ ನಿಂಗಳ ಬೋಡಿತ್, ನಿಂಗಕ್ ಬುದ್ದಿ ಎಣ್ಣಿಯಂಡ್ ಉಂಡ್.

1 ಥೆಸಲೊನೀಕ 4:18

ಇದ್ ಸತ್ಯವಾಯಿತ್ ಆಪಗುಂಡ್, ಈ ತಕ್ಕ್‌ನ ನಿಂಗ ಎಲ್ಲಾರ್‌ಕು ಎಣ್ಣಿಯಂಡ್ ಪುರ್‌ಡ್ ಕೊಡ್‌ತಂಡ್ ಇರಿ.

2 ಥೆಸಲೊನೀಕ 3:12

ಇನ್ನನೆ ಉಳ್ಳಯಿಂಗ, ಎಂತಾಚು ಕೆಲಸ ಮಾಡಿತ್, ಅಯಿಂಗಡ ಸಂಪಾದೆನೆಲ್ ಬದ್‍ಕಂಡೂಂದ್ ನಂಗಡ ಒಡೆಯನಾನ ಯೇಸು ಕ್ರಿಸ್ತಂಡ ಪೆದತ್‍ಲ್ ಹುಕುಮ್ ಕೊಡ್‌ತಿತ್ ಬೋಡಿಯಂಡುಂಡ್.

1 ತಿಮೊಥೆಯ 1:4

ಅರ್ಥ ಇಲ್ಲತ ಕಥೇನ ಪರ್ಂದಂಡ್, ಪಂಡತ್‌ರ ಜನಡ ವಿಷಯತ್‍ನ ತಕ್ಕ್ ಪರ್ಂದಂಡ್ ಇಪ್ಪಯಿಂಗಳ ಸಹ ನೀನ್ ಎಚ್ಚರ ಮಾಡ್. ಎನ್ನಂಗೆಣ್ಣ್‌ಚೇಂಗಿ ಈ ತಕ್ಕೆಲ್ಲಾ ವಾದ ಮಾಡ್‌ವಕ್ ಬಟ್ಟೆ ಕೊಡ್‍ಪದ್‍ನ ಬುಟ್ಟಿತ್ ನಂಬಿಕೆಯಿಂಜ ಮಾಡ್‍ವಕ್ಕುಳ್ಳ ದೇವಡ ಕೆಲಸತ್‍ನ ಮಾಡ್‌ವಕ್ ಬಟ್ಟೆ ಕಾಟುಲೆ.

1 ತಿಮೊಥೆಯ 4:13

ನಾನ್ ಬಪ್ಪಕತ್ತನೆ ದೇವಡ ವಾಕ್ಯತ್‍ನ ಜನಡ ಮದ್ಯತ್‍ಲ್ ಓದ್‍ವಕ್, ಬುದ್ದಿ ಎಣ್ಣ್‌ವಕ್, ಬೋದನೆ ಮಾಡ್‌ವಕ್ ಎಚ್ಚರತ್‍ಲ್ ಇರ್.

1 ತಿಮೊಥೆಯ 6:2

ದೇವಡ ಮೇಲೆ ನಂಬಿಕೆ ಬೆಚ್ಚಿತುಳ್ಳ ಎಜಮಾನಂಗ ಇಂಜತೇಂಗಿ, ಅಯಿಂಗಕ್ ನಿಂಗ ಕಮ್ಮಿ ಮರ್ಯಾದೆ ಕೊಡ್‍ಪಕ್ಕಾಗ. ಎನ್ನಂಗೆಣ್ಣ್‌ಚೇಂಗಿ ಅಯಿಂಗಳು ನಿಂಗಳು ದೇವಡ ಮಿಂಞತ್‍ಲ್ ಅಣ್ಣತಮ್ಮಣಂಗಳಾಯಿತುಳ್ಳಿರ. ಅಡಿಯಾಳನಾನ ನಿಂಗ ನಿಂಗಡ ಎಜಮಾನಂಗ ಇಂಞು ದುಂಬ ಕಷ್ಟಪಟ್ಟಿತ್ ನಯಿಕಂಡು. ಎನ್ನಂಗೆಣ್ಣ್‌ಚೇಂಗಿ ದೇವಡ ಪ್ರೀತಿ ನಿಂಗ ದಂಡಾಳ್‍ಕು ಕ್‍ಟ್ಟಿತುಂಡ್. ತಿಮೊಥೆಯ, ಇದ್‍ನೆಲ್ಲ ಎಲ್ಲಾರ್‌ಕು ಎಣ್ಣಿ ಕೊಡ್‌ತಿತ್ ಅನ್ನನೆ ನಡ್‍ಪಕ್ ಪುರ್‌ಡ್ ಕೊಡ್.

2 ತಿಮೊಥೆಯ 4:2

ಅನುಕೂಲವಾನ ಸಮಯತ್‍ಲು, ಅನುಕೂಲಯಿಲ್ಲತ ಸಮಯತ್‍ಲು ನಲ್ಲ ಸುದ್ದಿನ ಬೋದನೆ ಮಾಡ್‌ವಕ್ ತಯಾರಾಯಿತ್ ಇರ್; ತ್‍ೕರ ತಾಳ್ಮೆಯಿಂಜ, ಅಯಿಂಗ ಮಾಡ್‍ನ ತಪ್ಪ್‌ನ ಎಣ್ಣಿ ಕೊಡ್‌ತಿತ್, ಕಂಡನೆ ಮಾಡಿತ್, ಪುರ್‌ಡ್ ಕೊಡ್‌ತಿತ್ ಎಚ್ಚರವಾಯಿತ್ ಬೋದನೆ ಮಾಡ್.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 1:9

ಅಂವೊ, ನೇರಾನ ಸತ್ಯ ಉಪದೇಶತ್‍ನ ಚಾಯಿತೆ ಬೋದನೆ ಮಾಡಿತ್, ಜನಕ್ ಪುರ್‌ಡ್ ಕೊಡ್‌ತಿತ್, ದೇವಡ ವಾಕ್ಯಕ್ ವಿರೋದವಾಯಿತ್ ಬೋದನೆ ಮಾಡ್‌ವಯಿಂಗಕ್ ತಕ್ಕ ಉತ್ತರ ಕೊಡ್‍ಪಕ್ ಅಂವೊ ಪಡಿಚಿತುಳ್ಳ ಸತ್ಯವಂತ ಬೋದನೆಲ್ ಸ್ತಿರವುಳ್ಳಂವೊನಾಯಿತು ಇರಂಡು.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 2:15

ಇದ್‍ನೆಲ್ಲಾ ನೀನ್ ಅಯಿಂಗಕ್ ಬೋದನೆ ಮಾಡಿತ್, ಎಲ್ಲಾ ಅದಿಕಾರತ್‍ಲ್ ಎಚ್ಚರ ಮಾಡ್ ಪಿಂಞ ಪುರ್‌ಡ್ ಕೊಡ್. ದಾರೂ ನೀಡ ಅದಿಕಾರತ್‍ನ ಅಲ್ಲಗೆಳೆಯುವನೆಕೆ ಬುಡತೆ.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 2:6

ಅನ್ನನೆ, ಬಾಲೆಕಾರಂಗಳು ಎಲ್ಲಾ ವಿಷಯತ್ ತನ್ನಡಕ್ಕ ಉಳ್ಳಯಿಂಗಾಳಾಯಿತ್ ಇಕ್ಕಂಡೂಂದ್ ಎಣ್ಣಿ ಕೊಡ್.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 2:9

ಆಳುವ, ಅಯಿಂಗಡ ಎಜಮಾನಂಗ್ ತಗ್ಗಿತ್ ನಡ್‌ಂದಿತ್, ಎಲ್ಲಾ ವಿಷಯತ್‍ಲು ಕುಶಿ ಪಡ್‍ತಿತ್, ಎದ್‍ರ್ ತಕ್ಕ್ ಪರಿಯತೆ,

ಇಬ್ರಿಯ 10:25

ಚೆನ್ನ ಜನ ಸಬೇಕ್ ಬಪ್ಪದ್‍ನ ಬುಡುವನೆಕೆ ನಂಗಳು ಬುಡತೆ, ಒಬ್ಬೊಂಗೊಬ್ಬ ಬುದ್ದಿ ಎಣ್ಣಿಯಂಡ್ ಇಕ್ಕಂಡು. ಅಂವೊ ಪುನಃ ಬಪ್ಪ ದಿವಸ ಪಕ್ಕ ಬಂದಂಡ್ ಉಳ್ಳದ್‍ನ ನಿಂಗ ಎಚ್ಚಕ್ ನೋಟಿಯಂಡುಳ್ಳಿರೋ, ಅಚ್ಚಕ್ ಎಚ್ಚರ ಎಡ್‌ಕಂಡು.

ಇಬ್ರಿಯ 13:22

ನಾಡ ಅಣ್ಣತಮ್ಮಣಂಗಳೇ, ನಾನ್ ಚೆರಿಯದಾಯಿತ್ ಒಳ್‍ದ್‍ನ ಈ ಬುದ್ದಿ ತಕ್ಕ್‌ನ ನಿಂಗ ಪೊರುಮೆಯಾಯಿತ್ ಎಡ್‍ತೊಳೀಂದ್ ಬೋಡುವಿ.

ಇಬ್ರಿಯ 3:13

ನಿಂಗಡಲ್ಲಿ ಒಬ್ಬಂಡ ಹೃದಯ ಸಹ, ಪಾಪತ್‍ರ ವಂಚನೆರಗುಂಡ್ ಕಲ್ಲ್‌ರನೆಕೆ ಆಪಕ್ಕಾಗ. ಆಚೇಂಗಿ, ಅದ್ಂಡ ಬದ್‍ಲ್, ಇಂದ್ ಎಣ್ಣುವ ತಕ್ಕ್ ಇಪ್ಪಕತ್ತನೆ, ನಿಂಗ ಒಬ್ಬಂಗ್ ಒಬ್ಬ ಎಕ್ಕಾಲು ಪುರ್‌ಡ್ ಕೊಡ್‍ತಂಡಿರಂಡು.

1 ಪೇತ್ರ 5:12

ನಿಂಗಕ್ ಪುರ್‌ಡ್ ಕೊಡ್‍ಪಕ್ ಪಿಂಞ ಈ ಕೃಪೆ ದೇವಡ ಸತ್ಯವಾನದ್‍ೕಂದ್ ಸಾಕ್ಷಿಕೊಡುಪಕಾಯಿತ್, ನಾನ್ ಈ ಚೆರಿಯ ಕಾಗದತ್‍ನ ಸತ್ಯವಂತಂವೋಂದ್ ನಾನ್ ಗೇನ ಮಾಡ್‌ವ ತಮ್ಮಣನಾನ ಸಿಲ್ವಾನಂಡ ಸಹಾಯತ್‍ಲ್ ಒಳ್‍ದಿಯೆ. ಇದ್‍ಲ್ ನಿಂಗ ಸ್ತಿರವಾಯಿತ್ತಿರಿ.

ಯೂದ ಒಳ್‍ದ್‍ನ ಕಾಗದ 1:20

ಆಚೇಂಗಿ ನಾಡ ಪ್ರೀತಿರ ಜನಳೇ, ನಿಂಗ ನಿಂಗಡ ಮಹಾ ಪವಿತ್ರವಾನ ನಂಬಿಕೇರ ಮೇಲೆ ನಿಂಗಳ ದೃಡ ಮಾಡಿಯಂಡ್, ಪವಿತ್ರ ಆತ್ಮತ್‍ಲ್ ಪ್ರಾರ್ಥನೆ ಮಾಡಿಯಂಡ್,