1 ಕೊರಿಂಥ 14:29 - ಕೊಡವ ಬೈಬಲ್

²⁹ ದಂಡ್‍ಮೂಂದಾಳ್ ಮಾತ್ರ ಪ್ರವಾದನೆ ಎಣ್ಣಡ್. ಬೋರೆಯಿಂಗ, ಅಯಿಂಗ ಎಣ್ಣುವ ಪ್ರವಾದನೆ ಸರಿಯಾಂದ್ ನೋಟಂಡು.

1 ಕೊರಿಂಥ 14:29 ပူးပေါင်းရင်းမြစ်များ

ಅಪೊಸ್ತಲ 13:1

ಅಂತಿಯೋಕ್ಯ ಪಟ್ಟಣತ್‍ರ ಸಬೇಲ್, ಚೆನ್ನ ಜನ ಪ್ರವಾದಿಯಂಗಳಾಯಿತು, ಚೆನ್ನ ಜನ ಬೋದನೆಕಾರಂಗಳಾಯಿತು ಇಂಜತ್. ಅಯಿಂಗ ದಾರ್ ಎಣ್ಣ್‌ಚೇಂಗಿ ಬಾರ್ನಬ, ನೀಗರ್‍ಂದ್ ಜನ ಕಾಕುವ ಸಿಮೆಯೋನ, ಕುರೇನ್ಯ ಊರ್‍ಕಾರನಾನ ಲೂಕ್ಯ, ಪಲಸ್ತೀನ ದೇಶತ್‍ಲ್ ಕಾಲ್ ಬಾಗಕ್ ಅದಿಪತಿಯಾಯಿತ್ಂಜ ಹೆರೋದ ಅಂತಿಪ ಎಣ್ಣ್‌ವಂವೊಂಡ ಕೂಡೆ ಬೊಳ್ಂದ ಮೆನಹೇನ ಪಿಂಞ ಸೌಲ ಎಣ್ಣ್‌ವಯಿಂಗಳೇ.

1 ಕೊರಿಂಥ 12:10

ಬೋರೆ ಒಬ್ಬಂಗ್ ಅದ್ಬುತ ಕಾರ್ಯ ಮಾಡ್‌ವ ವರ, ಇಂಞೊಬ್ಬಂಗ್ ಪ್ರವಾದನೆ ಎಣ್ಣ್‌ವ ವರ, ಬೋರೆ ಒಬ್ಬಂಗ್ ದೇವಡ ಶಕ್ತಿಯಿಂಜ ಕೂಳಿಯಡ ಶಕ್ತಿನ ಗೊತ್ತ್‌ಮಾಡ್‍ವಕುಳ್ಳ ವರ, ಇಂಞೊಬ್ಬಂಗ್ ನಾನಾತರ ಬಾಷೆನ ಪರಿವಕುಳ್ಳ ವರ, ಬೋರೆ ಒಬ್ಬಂಗ್ ನಾನಾತರ ಬಾಷೆನ ಅರ್ಥ ಮಾಡಿತಪ್ಪ ವರ, ಅನ್ನನೆ ನಾನಾತರ ವರತ್‍ನ ಕೊಡ್‌ತಿತುಂಡ್.

1 ಕೊರಿಂಥ 13:2

ನಾನ್ ಪ್ರವಾದನೆ ಮಾಡ್‌ವ ವರತ್‍ನ ಪಡ್ಂದಂವೊನಾಯಿತ್, ಎಲ್ಲಾ ಗುಟ್ಟ್‌ನ ಪಿಂಞ ಬುದ್ದಿನ ಅರ್ಥಮಾಡ್‍ಂವೊನಾಯಿತ್ ಇಂಜತೇಂಗಿಯು, ಕುಂದ್‍ನ ತಳ್ಳ್‌ವಕುಳ್ಳ ಎಲ್ಲಾ ನಂಬಿಕೆ ಉಳ್ಳಂವೊನಾಯಿತ್ ಇಂಜತೇಂಗಿಯು, ನಾಕ್ ಪ್ರೀತಿ ಇಲ್ಲತೆಪೋಚೇಂಗಿ, ನಾನ್ ಒಂದು ಇಲ್ಲೆ.

1 ಕೊರಿಂಥ 14:28

ಬೋರೆ ಬಾಷೆಲ್ ತಕ್ಕ್ ಪರಿಯುವದ್‍ನ, ಅರ್ಥ ಮಾಡಿ ಕೊಡ್‍ಪಕ್ ದಾರೂ ಇಲ್ಲತಪೋಚೇಂಗಿ, ಅಂವೊ ಮುಂಡತೆ ಇರಂಡು. ಆಚೇಂಗಿ ಅಂವೊ ದೇವಡ ಪಕ್ಕ, ಅಂವೊಂಗು ದೇವಕು ಮಾತ್ರ ಗೊತ್ತಾಪನೆಕೆ ತಕ್ಕ್ ಪರಿಯುಡ್.

1 ಕೊರಿಂಥ 14:30

ಅನ್ನನೆ ಒಬ್ಬ ಪ್ರವಾದನೆ ಎಣ್ಣಿಯಂಡಿಪ್ಪಕ, ಅದ್‍ನ ಕ್‍ೕಟಂಡುಳ್ಳ ಬೋರೆ ಒಬ್ಬಂಗ್ ದೇವಡಯಿಂಜ ವಾಕ್ಯ ಕ್‍ಟ್ಟ್‌ಚೇಂಗಿ, ಪ್ರವಾದನೆ ಎಣ್ಣಿಯಂಡಿಂಜಂವೊ ಅದ್‍ನ ನಿಪ್ಪ್‌ಚಿಡಂಡು.

1 ಕೊರಿಂಥ 14:32

ಪ್ರವಾದನೆ ಎಣ್ಣ್‌ವಯಿಂಗಡ ಆತ್ಮ ಅಯಿಂಗಡ ಅದಿಕಾರತ್‍ಲ್ ಇಪ್ಪ ಅಲ್ಲಾ?

1 ಕೊರಿಂಥ 14:37

ನಾನ್ ದೇವಡ ಪ್ರವಾದೀಂದ್ ಒಬ್ಬ ಎಣ್ಣ್‌ಚೇಂಗಿ, ದೇವಡ ಆತ್ಮ ನಾಡ ಪಕ್ಕ ಉಂಡ್‍ೕಂದ್ ಒಬ್ಬ ಗೇನ ಮಾಡ್‍ಚೇಂಗಿ, ಇಕ್ಕ ನಾನ್ ಇಲ್ಲಿ ಒಳ್‍ದಿಯಂಡ್ ಉಳ್ಳದೆಲ್ಲಾ ಒಡೆಯಂಡ ಕಾನೂನ್‍ೕಂದ್ ಎಣ್ಣಡ್.

1 ಕೊರಿಂಥ 14:39

ಆನಗುಂಡ್ ನಾಡ ಅಣ್ಣತಮ್ಮಣಂಗಳೇ, ಪ್ರವಾದನೆ ಎಣ್ಣ್‌ವಕ್ ದುಂಬ ಕುಶಿ ಪಡಿರಿ, ಬೋರೆ ಬೋರೆ ಬಾಷೆಲ್ ತಕ್ಕ್ ಪರಿಯುವಯಿಂಗಳ ನಿಪ್ಪ್‌ಚಿಡತಿ.