1 ಕೊರಿಂಥ 14:26 - ಕೊಡವ ಬೈಬಲ್

²⁶ ನಾಡ ಅಣ್ಣತಮ್ಮಣಂಗಳೇ, ನಿಂಗ ಒಕ್ಕಚೆ ಕೂಡಿ ಬಪ್ಪಕ ಏದ್ ರೀತಿಲ್ ಆರಾದನೆ ಮಾಡಿಯಂಡುಳ್ಳಿರಾ? ಒಬ್ಬ ಪಾಟ್ ಪಾಡಿಯಂಡುಂಡ್, ಒಬ್ಬ ಬೋದನೆ ಮಾಡಿಯಂಡುಂಡ್, ಬೋರೆ ಒಬ್ಬ ದೇವಡ ಗುಟ್ಟ್‌ನ ಎಣ್ಣಿಯಂಡುಂಡ್, ಒಬ್ಬ ಬೋರೆ ಬೋರೆ ಬಾಷೆಲ್ ತಕ್ಕ್ ಪರ್ಂದಂಡುಂಡ್, ಬೋರೆ ಒಬ್ಬ ಅದ್‍ನ ಅರ್ಥ ಮಾಡಿ ಕೊಡ್‍ತಂಡುಂಡ್. ಇದೆಲ್ಲಾ ಎಂತ? ಸಬೆ ಬಕ್ತಿಲ್ ಬೊಳಿವಕಾಯಿತ್ ಇದ್‍ನೆಲ್ಲಾ ಮಾಡಂಡು.

1 ಕೊರಿಂಥ 14:26 ပူးပေါင်းရင်းမြစ်များ

ರೋಮ್ 1:13

ನಾಡ ಅಣ್ಣತಮ್ಮಣಂಗಳೇ, ಬೋರೆ ಜಾಗತ್‍ಲ್ ಉಳ್ಳ ಯೆಹೂದ್ಯ ಅಲ್ಲತಯಿಂಗಡ ಪಕ್ಕ ನಾಕ್ ಫಲ ಕ್‍ಟ್ಟ್‌ನನೆಕೆ, ನಿಂಗಡಲ್ಲಿಯು ನಾಕ್ ಫಲ ಕ್‍ಟ್ಟಂಡೂಂದ್ ನಿಂಗಡ ಪಕ್ಕ ಬಪ್ಪಕ್ ದುಂಬ ಕುರಿ ಗೇನ ಮಾಡ್‍ನ, ಆಚೇಂಗಿ ಇಲ್ಲಿಕತ್ತನೆ ಅದ್ಂಗ್ ತಡೆ ಆಯಂಡಿಂಜತ್‍ೕಂದ್ ನಿಂಗಕ್ ಗೊತ್ತಿಲ್ಲತೆ ಇಪ್ಪದ್ ನಾಕ್ ಕುಶಿಯಿಲ್ಲೆ.

ರೋಮ್ 12:7

ಸೇವೆ ಮಾಡ್‌ವ ವರ ಎಣ್ಣ್‌ಚೇಂಗಿ ಅಂವೊ ಸೇವೆ ಮಾಡಡ್; ಬೋದನೆ ಮಾಡ್‌ವದಾಚೇಂಗಿ, ಅಂವೊ ಬೋದನೆ ಮಾಡಡ್.

ರೋಮ್ 14:19

ಆನಗುಂಡ್, ಸಮಾದಾನ ತಪ್ಪ ವಿಷಯತ್‍ನ ಪಿಂಞ, ಒಬ್ಬೊಬ್ಬನು ಆತ್ಮೀಯ ವಿಷಯತ್‍ಲ್ ಬೊಳ್‍ತ್‍ವಕ್ ಸಹಾಯ ಮಾಡ್‌ವ ವಿಷಯತ್‍ನ ಮಾಡ್‌ವಕ್ ಪ್ರಯತ್ನ ಪಡಂಡು.

ರೋಮ್ 15:2

ನಂಗ ಒಬ್ಬೊಬ್ಬನು ಬೋರೆಯಿಂಗಡ ಕುಶಿಕಾಯಿತ್ ಅಯಿಂಗ ಬಕ್ತಿಲ್ ಬೊಳಿಯುವನೆಕೆ ನಡ್‌ಕಂಡು.

1 ಕೊರಿಂಥ 14:15

ಆನಗುಂಡ್ ನಾನ್ ಎಂತ ಮಾಡ್‌ವೀಂದ್ ಎಣ್ಣ್‌ವಿ: ನಾನ್ ನಾಡ ಆತ್ಮತ್‍ಲು ಪ್ರಾರ್ಥನೆ ಮಾಡ್‌ವಿ, ನಾಡ ಬುದ್ದಿಲೂ ಪ್ರಾರ್ಥನೆ ಮಾಡ್‌ವಿ; ನಾಡ ಆತ್ಮತ್‍ಲು ಪಾಟ್ ಪಾಡ್‌ವಿ, ನಾಡ ಬುದ್ದಿಲೂ ಪಾಟ್ ಪಾಡ್‌ವಿ.

1 ಕೊರಿಂಥ 14:2

ಬೋರೆ ಬೋರೆ ಬಾಷೆಲ್ ತಕ್ಕ್ ಪರಿಯುವಂವೊ ದೇವಡ ಪಕ್ಕ ತಕ್ಕ್ ಪರ್ಂದಂಡುಂಡ್, ಮನುಷ್ಯಂಗಡ ಪಕ್ಕ ಅಲ್ಲ. ಎನ್ನಂಗೆಣ್ಣ್‌ಚೇಂಗಿ ಜನಕ್ ಅದ್ ಅರ್ಥ ಆಪುಲೆ. ಪವಿತ್ರಾತ್ಮತ್‍ರ ಸಹಾಯತ್ಂಜ ಗುಟ್ಟಾನದ್‍ನ ಅಂವೊ ತಕ್ಕ್ ಪರ್ಂದಂಡುಂಡ್.

1 ಕೊರಿಂಥ 14:27

ನಿಂಗಡಲ್ಲಿ ದಾರೇಂಗಿ ಒಬ್ಬ, ಬೋರೆ ಬಾಷೆಲ್ ತಕ್ಕ್ ಪರಿಯುವದಾಚೇಂಗಿ, ಬರಿ ದಂಡಾಳ್ ಮಾತ್ರ ತಕ್ಕ್ ಪರಿಯಡ್, ಇಲ್ಲೇಂಗಿ ಮೂಂದಾಳ್ ಮಾತ್ರ ತಕ್ಕ್ ಪರಿಯಡ್, ಒಬ್ಬ ಆನ ಪಿಂಞ ಇಂಞೊಬ್ಬ ತಕ್ಕ್ ಪರಿಯಂಡು. ಒಬ್ಬ ಎಣ್ಣ್‌ವದ್‍ನ, ಬೋರೆ ಒಬ್ಬ ಅರ್ಥ ಮಾಡಿ ಕೊಡ್‍ಕಂಡು.

1 ಕೊರಿಂಥ 14:40

ಎಲ್ಲಾನ ಚಾಯಿತೆ ಕ್ರಮವಾಯಿತ್ ಮಾಡಿ.

2 ಕೊರಿಂಥ 12:19

ನಂಗ ಯೋಗ್ಯವಾನಯಿಂಗಾಂದ್ ಕಾಂಬ್‍ಚಿಡುವಕಾಯಿತ್ ಇನ್ನನೆ ತಕ್ಕ್ ಪರ್ಂದಂಡುಳ್ಳ್ಂದ್ ಗೇನಮಾಡಿಯಡುಳ್ಳಿರಾ? ದೇವಡ ಮಿಂಞತ್ ಕ್ರಿಸ್ತಂಡ ಕೂಡೆ ಉಳ್ಳ ಐಕ್ಯತ್‍ಲ್ ತಕ್ಕ್ ಪರ್ಂದಂಡುಳ್ಳ. ನಾಡ ಪ್ರೀತಿರ ಜನಳೇ, ನಿಂಗ ಬಕ್ತಿಲ್ ಬೊಳಿಯುವಕಾಯಿತೇ ಇದ್‍ನೆಲ್ಲಾ ಮಾಡಿಯಂಡುಳ್ಳ.

2 ಕೊರಿಂಥ 13:10

ಆನಗುಂಡ್ ನಿಂಗಡ ಕೂಡೆ ಇಲ್ಲತಿಪ್ಪಕಲೇ ಇದ್‍ನೆಲ್ಲಾ ಒಳ್‍ದಿಯೆ; ನಿಂಗಳ ಪೊಳಿಪಕಾಯಿತ್ ಅಲ್ಲ, ಕೆ‍ಟ್ಟ್‌ವಕಾಯಿತೇ ಒಡೆಯ ನಾಕ್ ತಂದಿತುಳ್ಳ ಅದಿಕಾರತ್‍ರನೆಕೆ, ನಾನ್ ನಿಂಗಡ ಪಕ್ಕ ಬಪ್ಪಕ, ಕಠಿಣವಾಯಿತ್ ಇಪ್ಪದ್ ಬೋಂಡಾಂದ್ ಕುಶಿ ಪಡುವಿ.

ಎಫೆಸ 4:12

ಈಂಗಡಗುಂಡ್, ದೇವಡ ಮಕ್ಕ ಬೊಳ್ಂದಿತ್ ಅಂವೊಂಡ ಸೇವೇರ ಜವಾಬ್ದಾರಿನ ಮಾಡ್‌ವಕಾಯಿತು, ಪಿಂಞ ಅಂವೊಂಡ ತಡಿಯಾನ ಸಬೇನ ಕೆಟ್ಟ್‌ವಕಾಯಿತು ಮಾಡ್‍ಚಿ.

ಎಫೆಸ 4:16

ಅಂವೊನಗುಂಡ್, ತಡಿ ಪೂರ್ತಿಯು, ತಡೀನ ಒಂದಾಯಿತ್ ಪುಡ್‌ಚಿತಿಪ್ಪಕ್ ಸಹಾಯ ಮಾಡ್‌ವ ಅದ್ಂಡ ಯರ್ಚಿ ಕಂಡವು ಒಂದಾಯಿತ್ ಕೂಡಿತ್, ಓರೋರ್ ಬಾಗವು, ಅದ್ಂಗದ್ಂಗ್ ತಕ್ಕ ಅಳ್‌ತೆಲ್ ಕೆಲಸತ್‍ನ ಮಾಡ್‌ವಕ, ಪ್ರೀತಿನಗುಂಡ್ ತಡಿ ಬೊಳ್ಂದಿತ್ ಅದ್ಂಡದ್ಂಡ ಕೆಲಸತ್‍ನ ಮಾಡ್‌ವ.

ಎಫೆಸ 4:29

ಏದ್ ಒರ್ ಕೆಟ್ಟ ತಕ್ಕು ನಿಂಗಡ ಬಾಯಿಂಜ ಬಪ್ಪಕ್ಕಾಗ. ದೇವಡ ಮೇಲೆ ಬಕ್ತಿ ಬಪ್ಪನೆಕೆ ಬೋರೆಯಿಂಗಳ ಚಾಯಿ ಬೊಳಿಯುವಕುಳ್ಳ ತಕ್ಕ್ ಉಂಡೇಂಗಿ, ಆ ತಕ್ಕ್ ಕ್‍ೕಪಯಿಂಗಕ್ ಪ್ರಯೋಜನ ಆಪನೆಕೆ ಪರಿವಿರ.

ಎಫೆಸ 5:19

ದೇವಡ ಪಾಟ್ ಪಾಡಿಯಂಡ್, ಕೀರ್ತನೆ ಪಾಡಿಯಂಡ್, ಆತ್ಮೀಯ ಪಾಟ್ ಪಾಡಿಯಂಡ್, ಇನ್ನನೆ ಒಬ್ಬಂಗ್ ಒಬ್ಬ ಬುದ್ದಿ ಎಣ್ಣಿಯಂಡ್, ನಿಂಗಡ ಹೃದಯತ್‍ಲ್ ಒಡೆಯನ ಪಾಡಿತ್ ಕೀರ್ತನೆ ಪಾಡಿಯಂಡ್ ಇರಿ.

1 ಥೆಸಲೊನೀಕ 5:11

ಅದ್ಂಗಾಯಿತ್, ನಿಂಗ ಇಕ್ಕ ಮಾಡಿಯಂಡಿಪ್ಪನೆಕೆ, ಒಬ್ಬೊಬ್ಬಂಗ್ ಒತ್ತಾಸೆ ಕೊಡಿ. ನಿಂಗ ಅನ್ನನೆ ಮಾಡಿತ್ ಒಬ್ಬೊಬ್ಬಂಗಳ ಬೊಳಿಯುವಕ್ ಸಹಾಯ ಮಾಡಿ.