1 ಕೊರಿಂಥ 14:25 - ಕೊಡವ ಬೈಬಲ್

²⁵ ಅಕ್ಕ ಅಂವೊ ಮಾಡ್‍ನ ಪಾಪ ದಾರ್‌ಕು ಗೊತ್ತ್‌ಲ್ಲೇಂದ್ ಗೇನ ಮಾಡ್‍ನದ್ ದೇವಕ್ ಗೊತ್ತುಂಡೂಂದ್ ಅರ್ಥ ಮಾಡಿಯಂಡ್, ದೇವಡ ಕಾಲ್‌ಕ್ ಬೂವಂಜಿ ಆರಾದನೆ ಮಾಡ್‌ವ ಪಿಂಞ ನೇರಾಯಿತು ದೇವ ನಿಂಗಡ ಮದ್ಯತ್‍ಲ್ ಉಂಡ್‍ೕಂದ್ ಎಣ್ಣುವ.

1 ಕೊರಿಂಥ 14:25 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 44:14

ಯೆಹೂದ ಪಿಂಞ ಅಂವೊಂಡ ಅಣ್ಣತಮ್ಮಣಂಗ ಯೋಸೇಫಂಡ ಮನೆಕ್‌ ಪೋಚಿ. ಅಲ್ಲಿಕತ್ತನೆ ಯೋಸೇಫ ಮನೆಲ್ ಇಂಜತ್. ಅಯಿಂಗೆಲ್ಲಾರು ಅಂವೊಂಗ್‌ ಅಡ್ಡ ಬುದ್ದತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 17:16

ಪಿಂಞ ಯೇಸುರ ಕಾಲ್‌ಕ್ ಅಡ್ಡ ಬುದ್ದಿತ್ ವಾಸಿ ಆನಗುಂಡ್ ವಂದನೆ ಮಾಡ್‍ಚಿ. ಅಂವೊ ಸಮಾರಿಯ ನಾಡ್‍ಕ್ ಕೂಡ್‍ನಂವೊನಾಯಿತ್ಂಜತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 5:8

ಸೀಮೋನ ಪೇತ್ರ ಇದ್‍ನೆಲ್ಲಾ ನೋಟಿತ್, ಸ್ವಾಮೀ! ನಾನ್ ಬಲ್ಯ ಪಾಪ ಮಾಡ್‍ನಂವೊ, ನೀನ್ ಇಲ್ಲಿಂಜ ಪೋಯಿರ್‍ೕಂದ್, ಯೇಸುರ ಕಾಲ್‌ಕ್ ಬುದ್ದತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 8:28

ಆ ಕೂಳಿ ಪುಡ್‌ಚ ಮನುಷ್ಯ ಯೇಸುನ ಕಂಡದು ಜೋರಾಯಿತ್ ಕೂತ್ ಕೊಡ್‌ತಿತ್, ಯೇಸುರ ಕಾಲ್‌ಕ್ ಬೂವಂಜಿ: ದೇವಾದಿ ದೇವಡ ಮೋಂವೊನಾನ ಯೇಸುವೇ, ನನ್ನಗುಂಡ್ ನೀಕ್ ಎಂತಾಂಡು? ನಾಕ್ ದಯಬೆಚ್ಚಿತ್ ಶಿಕ್ಷೆ ತರತೇಂದ್ ಎಣ್ಣ್‌ಚಿ.

ಯೋಹಾನ 4:19

ಒಡೆಯನೇ, ನೀನ್ ಒರ್ ಪ್ರವಾದೀಂದ್ ನಾಕ್ ಗೊತ್ತಾಯಂಡುಂಡ್‍ೕಂದ್ ಆ ಪೊಣ್ಣಾಳ್ ಎಣ್ಣ್‌ಚಿ.

ಅಪೊಸ್ತಲ 4:13

ಪೇತ್ರ ಪಿಂಞ ಯೋಹಾನ ದೈರ್ಯತ್‍ಲ್ ತಕ್ಕ್ ಪರಿವಾನ ಅಯಿಂಗ ನೋಟಿತ್, ಈಂಗ ವಿದ್ಯ ಇಲ್ಲತಯಿಂಗಳು, ಸಾದಾರಣ ಮನುಷ್ಯಂಗಾಂದು ಗೊತ್ತಾಯಿತ್ ಆಶ್ಚರ್ಯಪಟ್ಟಿತ್, ಈಂಗ ಯೇಸುರ ಕೂಡೆ ಇಂಜಯಿಂಗಾಂದ್ ಅಯಿಂಗಕ್ ಗೊತ್ತಾಚಿ.

ಪ್ರಕಟನೆ 19:4

ಅಕ್ಕ ಇರುವತ ನಾಲ್ ಪೆರಿಯಯಿಂಗ ಪಿಂಞ ನಾಲ್ ಜೀವಿಯ ಅಡ್ಡ ಬುದ್ದಿತ್: ಆಮೆನ್, ಹಲ್ಲೆಲೂಯಾಂದ್ ಎಣ್ಣಿಯಂಡ್ ಸಿಂಹಾಸನತ್‍ಲ್ ಅಳ್‌ತಿತಳ್ಳ ದೇವಕ್ ಆರಾದನೆ ಮಾಡ್‍ಚಿ.

ಪ್ರಕಟನೆ 5:8

ಆ ಪುಸ್ತಕತ್‍ನ ಅಂವೊ ಎಡ್‍ಪಕ, ನಾಲ್ ಜೀವ ಪ್ರಾಣಿಯಳು, ಇರುವತ ನಾಲ್ ಪೆರಿಯಯಿಂಗಳು, ಕೊರಿಕುಟ್ಟಿರ ಮಿಂಞಕ್ ಅಡ್ಡ ಬುದ್ದತ್. ಅಯಿಂಗ ಒಬ್ಬೊಬ್ಬನು ಅಯಿಂಗಯಿಂಗಡ ವೀಣೇನ ಪಿಂಞ ದೇವಡ ಮಕ್ಕಡ ಪ್ರಾರ್ಥನೆಯಾಯಿತುಳ್ಳ ಸುಗಂದ ದೂಪತ್‍ರಗುಂಡ್ ದುಂಬ್‍ನ ಪೊನ್ನ್‌ರ ಪಾತ್ರತ್‍ನ ಪುಡ್‍ಚಂಡ್ ಅಯಿಂಗ: