1 ಕೊರಿಂಥ 14:21 - ಕೊಡವ ಬೈಬಲ್

²¹ ನ್ಯಾಯಪ್ರಮಾಣತ್‍ಲ್ ಇನ್ನನೆ ಒಳ್‍ದಿತುಂಡ್: ನಾನ್ ನಾಡ ಸ್ವಂತ ಜನಡ ಪಕ್ಕ, ಅಯಿಂಗಕ್ ಗೊತ್ತಿಲ್ಲತ ಬಾಷೆ ಪರಿಯುವಂಗಡ ಮೂಲಕವು ಪಿಂಞ ಗೊತ್ತಿಲ್ಲತ ಬಾಷೆ ಪರಿಯುವಂಗಡ ಕಿರಿರ ಮೂಲಕವು ತಕ್ಕ್ ಪರಿಚಿಡುವಿ. ಆಚೇಂಗಿ ಸಹ ಈ ಜನ ನಾಕ್ ಕೆಮಿ ಕೊಡ್‍ಪ್‍ಲೇಂದ್ ದೇವ ಎಣ್ಣಿತುಂಡ್.

1 ಕೊರಿಂಥ 14:21 ပူးပေါင်းရင်းမြစ်များ

ಯೋಹಾನ 10:34

ಅಕ್ಕ ಯೇಸು: ನಿಂಗ ದೇವನಾಯಿತ್ ಉಂಡ್‍ೕಂದ್ ದೇವ ಎಣ್ಣ್‌ನದ್‍ನ ನ್ಯಾಯಪ್ರಮಾಣತ್‍ಲ್ ನಿಂಗ ಓದಿತ್‌ಲ್ಲೆಯಾ?

ಅಪೊಸ್ತಲ 2:4

ಅಕ್ಕ ಅಯಿಂಗೆಲ್ಲಾರು ಪವಿತ್ರಾತ್ಮತ್‍ಲ್ ದುಂಬಿತ್ ಆ ಆತ್ಮ ಒಬ್ಬೊಬ್ಬಂಗ್ ಶಕ್ತಿ ಕೊಡ್‍ತನೆಕೆ ಅಯಿಂಗಕ್ ಗೊತ್ತಿಲ್ಲತ ಬೋರೆ ಬೋರೆ ಬಾಷೆಲ್ ತಕ್ಕ್ ಪರಿಯುವಕ್ ಸುರು ಮಾಡ್‍ಚಿ.

ರೋಮ್ 3:19

ದೇವಡ ನ್ಯಾಯಪ್ರಮಾಣತ್‍ಲ್ ಎಣ್ಣುವ ವಿಷಯವೆಲ್ಲ, ನ್ಯಾಯಪ್ರಮಾಣಕ್ ಒಳಪಟ್ಟಯಿಂಗಕ್ ಎಣ್ಣಿಯಂಡುಂಡ್‍ೕಂದ್ ನಂಗಕ್ ಇಕ್ಕ ಗೊತ್ತುಂಡ್. ಅನ್ನನೆ ದಾರೂ ನಂಗ ಪಾಪಿ ಅಲ್ಲಾಂದ್ ಎಣ್ಣುವಕ್ ಕಯ್ಯತನೆಕೆ, ಈ ಲೋಕತ್‍ಲ್ ಉಳ್ಳ ಎಲ್ಲಾರು ಅಂವೊಂಗ್ ಲೆಕ್ಕ ಕೊಡ್‍ಪನೆಕೆ ಆಚಿ.

1 ಕೊರಿಂಥ 14:34

ಸಬೆರ ಆರಾದನೆಲ್ ಪೊಣ್ಣಾಳುವ ಮುಂಡತೆ ಇರಂಡು. ಅಯಿಂಗ ತಕ್ಕ್ ಪರಿಯುವಕ್ ಅನುಮತಿ ಇಲ್ಲೆ. ನ್ಯಾಯಪ್ರಮಾಣತ್‌ಲ್‌ ಎಣ್ಣ್‌ವನೆಕೆ ಪೊಣ್ಣಾಳ್‍ವ ಸಬೇಲ್ ಅಡಕತ್‍ಲ್ ಇರಂಡು.