1 ಕೊರಿಂಥ 14:17 - ಕೊಡವ ಬೈಬಲ್

¹⁷ ನೀನ್ ದೇವಕ್ ಚಾಯಿ ವಂದನೆ ಮಾಡಿಯಂಡಿಪ್ಪಿಯ, ಆಚೇಂಗಿ, ಅದ್‍ನಗುಂಡ್ ಬೋರೆಯಿಂಗಕ್ ದೇವಡ ಮೇಲೆ ಎನ್ನನೆ ಬಕ್ತಿ ಬಪ್ಪ?

1 ಕೊರಿಂಥ 14:17 ပူးပေါင်းရင်းမြစ်များ

ರೋಮ್ 14:19

ಆನಗುಂಡ್, ಸಮಾದಾನ ತಪ್ಪ ವಿಷಯತ್‍ನ ಪಿಂಞ, ಒಬ್ಬೊಬ್ಬನು ಆತ್ಮೀಯ ವಿಷಯತ್‍ಲ್ ಬೊಳ್‍ತ್‍ವಕ್ ಸಹಾಯ ಮಾಡ್‌ವ ವಿಷಯತ್‍ನ ಮಾಡ್‌ವಕ್ ಪ್ರಯತ್ನ ಪಡಂಡು.

1 ಕೊರಿಂಥ 14:18

ನಾಕ್ ನಿಂಗ ಎಲ್ಲಾಡಕಿಂಜ ದುಂಬ ಬಾಷೆಲ್ ತಕ್ಕ್ ಪರಿಯುವಕ್ ಗೊತ್ತುಳ್ಳಗುಂಡ್ ನಾನ್ ದೇವಕ್ ವಂದನೆ ಮಾಡ್‌ವಿ.

1 ಕೊರಿಂಥ 14:4

ಬೋರೆ ಬೋರೆ ಬಾಷೆಲ್ ತಕ್ಕ್ ಪರಿಯುವಂವೊ, ಅಂವೊ ಬಕ್ತಿಲ್ ಬೊಳಿಯುವನೆಕೆ ಮಾಡ್‌ವ. ಆಚೇಂಗಿ, ಪ್ರವಾದನೆ ಎಣ್ಣ್‌ವಂವೊ, ಇಡೀ ಸಬೆ ಬಕ್ತಿಲ್ ಬೊಳಿಯುವನೆಕೆ ಮಾಡ್‌ವ.

1 ಕೊರಿಂಥ 14:5

ನಿಂಗ ಎಲ್ಲಾರು ಬೋರೆ ಬೋರೆ ಬಾಷೆಲ್ ತಕ್ಕ್ ಪರಿಯಂಡೂಂದ್ ನಾಕ್ ಕುಶಿ; ಆಚೇಂಗಿಯು, ಬೋರೆ ಬಾಷೆಲ್ ತಕ್ಕ್ ಪರಿಯುವಂವೊ ದೇವಡ ಸಬೇಲ್ ದೇವಡ ಮಕ್ಕಕ್ ಅರ್ಥ ಆಪನೆಕೆ ಅದ್ ಎಂತ್‍ೕಂದ್ ಎಣ್ಣತೆ ಪೋನಕ, ಪ್ರವಾದನೆ ಎಣ್ಣ್‌ವಂವೊ ಅಂವೊಗಿಂಜ ಬಲ್ಯಂವೊ; ಆನಗುಂಡ್ ನಿಂಗ ಎಲ್ಲಾರು ಪ್ರವಾದನೆ ಎಣ್ಣಂಡೂಂದ್ ನಾಕ್ ದುಂಬ ಆಸೆ, ಅಕ್ಕ ಸಬೆ ಬಕ್ತಿಲ್ ಬೊಳಿಯುವ.

1 ಕೊರಿಂಥ 14:6

ಇಕ್ಕ, ನಾಡ ಅಣ್ಣತಮ್ಮಣಂಗಳೇ, ನಾನ್ ನಿಂಗಡ ಪಕ್ಕ ಬಂದಿತ್, ನಿಂಗಕ್ ಬೋರೆ ಬೋರೆ ಬಾಷೆಲ್ ನಿಂಗಡ ಕೂಡೆ ತಕ್ಕ್ ಪರ್ಂದಂಡಿಂಜತೇಂಗಿ, ನಾಡಗುಂಡ್ ನಿಂಗಕ್ ಎಂತ ಪ್ರಯೋಜನ? ಅದ್ಂಗ್ ಬದ್‍ಲ್, ದೇವ ನಾಕ್ ಎಣ್ಣ್‌ನ ವಿಷಯತ್‍ನ ಎಣ್ಣ್‌ಚೇಂಗಿ, ಅಥವ ನಿಂಗಕ್ ಬುದ್ದಿ ಎಣ್ಣ್‌ಚೇಂಗಿ, ಅಥವ ಪ್ರವಾದನೆ ಎಣ್ಣ್‌ಚೇಂಗಿ, ಅಥವ ಬೋದನೆ ಮಾಡ್‍ಚೇಂಗಿ, ಅದ್ ನಿಂಗಕ್ ಪ್ರಯೋಜನ ಆಪ.