1 ಕೊರಿಂಥ 14:1 - ಕೊಡವ ಬೈಬಲ್

¹ ಪ್ರೀತಿನ ತ್‍ೕಡಂಡು; ಆತ್ಮೀಯ ವರಕ್ ಕುಶೀಲ್ ಆಸೆ ಪಡಂಡು. ವಿಶೇಷವಾಯಿತ್ ಪ್ರವಾದನೆ ಎಣ್ಣುವ ವರ ಬೋಂಡೂಂದ್ ನಿಂಗ ಆಸೆ ಪಡಂಡು.

1 ಕೊರಿಂಥ 14:1 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 15:9

ದುಷ್ಟಂಗಡ ಬದ್‌ಕ್‌ ಯೆಹೋವಂಗ್‌ ಅಸಹ್ಯ. ಆಚೇಂಗಿ ನೀತಿರ ಬಟ್ಟೆಲ್‌ ನಡ್‌ಪಂವೊನ ಅಂವೊ ಪ್ರೀತಿಚಿಡುವ.

ಜ್ಞಾನತ್‌ರ ಪಡಿಮ 21:21

ನೀತಿನ ಪಿಂಞ ಪ್ರೀತಿನ ತ್‍ೕಡ್‌ವಂವೊ, ನಲ್ಲ ಬದ್‌ಕ್‌ನ ನೀತಿನ ಪಿಂಞ ಗನತ್‌ನ ಪಡೆಯುವ.

ರೋಮ್ 12:6

ದೇವಡ ಕೃಪೆಯಿಂಜ ನಂಗಕ್ ಬೋರೆ ಬೋರೆ ವರ ಕ್‍ಟ್ಟಿತುಂಡ್. ಆನಗುಂಡ್ ದೇವ, ಒಬ್ಬಂಗ್ ಪ್ರವಾದನೆ ಎಣ್ಣುವ ವರತ್‍ನ ಕೊಡ್‍ತಿತುಂಡೇಂಗಿ, ಅಂವೊಂಗ್ ದೇವ ಕೊಡ್‍ತ ನಂಬಿಕೇರ ಅಳ್‌ತೆರಚ್ಚಕ್ ಪ್ರವಾದೆನೆ ಎಣ್ಣಂಡು.

ರೋಮ್ 14:19

ಆನಗುಂಡ್, ಸಮಾದಾನ ತಪ್ಪ ವಿಷಯತ್‍ನ ಪಿಂಞ, ಒಬ್ಬೊಬ್ಬನು ಆತ್ಮೀಯ ವಿಷಯತ್‍ಲ್ ಬೊಳ್‍ತ್‍ವಕ್ ಸಹಾಯ ಮಾಡ್‌ವ ವಿಷಯತ್‍ನ ಮಾಡ್‌ವಕ್ ಪ್ರಯತ್ನ ಪಡಂಡು.

ರೋಮ್ 9:30

ಆನಗುಂಡ್ ನಂಗ ಎಂತ ಎಣ್ಣುವಕ್ ಕಯ್ಯು? ನೀತಿನ ತ್‍ೕಡತ ಯೆಹೂದ್ಯಂಗಲ್ಲತ ಜನಕ್ ನೀತಿ ಕ್‍ಟ್ಟ್‌ಚಿ, ಅದ್ ನಂಬಿಕೇರ ಮೂಲಕ, ಕ್‍ಟ್ಟುವ ನೀತಿಯೇ.

1 ಕೊರಿಂಥ 12:1

ನಾಡ ಅಣ್ಣತಮ್ಮಣಂಗಳೇ, ಇಕ್ಕ ಪವಿತ್ರಾತ್ಮತ್‍ರ ವರತ್‍ರ ವಿಷಯತ್ ನಿಂಗ ಗೊತ್ತಿಲ್ಲತೆ ಇಪ್ಪದ್ ನಾಕ್ ಕುಶಿಯಿಲ್ಲೆ.

1 ಕೊರಿಂಥ 12:31

ಆನಗುಂಡ್, ಮುಕ್ಯವಾನ ದೇವಡ ವರತ್‍ನ ನೇರಾಯಿತು ತ್‍ೕಡಿ; ಇಕ್ಕ, ಎಲ್ಲಾ ವರಕಿಂಜ ಬಲ್ಯ ಒರ್ ಕಾರ್ಯತ್‍ನ ನಾನ್ ನಿಂಗಕ್ ಕಾಟಿತಪ್ಪಿ.

1 ಕೊರಿಂಥ 13:13

ಆನಗುಂಡ್, ಮೂಂದ್ ವಿಷಯ ಎಕ್ಕಾಲು ಇಪ್ಪ, ನಂಬಿಕೆ, ನಿರೀಕ್ಷೆ ಪಿಂಞ ಪ್ರೀತಿ. ಈ ಮೂಂದ್‍ಲ್ ಪ್ರೀತಿಯೇ ಬಲ್ಯದ್.

1 ಕೊರಿಂಥ 13:2

ನಾನ್ ಪ್ರವಾದನೆ ಮಾಡ್‌ವ ವರತ್‍ನ ಪಡ್ಂದಂವೊನಾಯಿತ್, ಎಲ್ಲಾ ಗುಟ್ಟ್‌ನ ಪಿಂಞ ಬುದ್ದಿನ ಅರ್ಥಮಾಡ್‍ಂವೊನಾಯಿತ್ ಇಂಜತೇಂಗಿಯು, ಕುಂದ್‍ನ ತಳ್ಳ್‌ವಕುಳ್ಳ ಎಲ್ಲಾ ನಂಬಿಕೆ ಉಳ್ಳಂವೊನಾಯಿತ್ ಇಂಜತೇಂಗಿಯು, ನಾಕ್ ಪ್ರೀತಿ ಇಲ್ಲತೆಪೋಚೇಂಗಿ, ನಾನ್ ಒಂದು ಇಲ್ಲೆ.

1 ಕೊರಿಂಥ 14:22

ಅಕ್ಕ, ಬೋರೆ ಬಾಷೆಲ್ ತಕ್ಕ್ ಪರಿಯುವ ವರ ದೇವಡ ಮೇಲೆ ನಂಬಿಕೆ ಬೆಚ್ಚಿತುಳ್ಳ ಮಕ್ಕಕ್ ಗುರ್‌ತಾಯಿತ್ ಅಲ್ಲ, ಆಚೇಂಗಿ ದೇವಡ ಮೇಲೆ ನಂಬಿಕೆ ಇಲ್ಲತ ಜನಕ್ ಗುರ್‌ತಾಯಿತುಂಡ್; ಆಚೇಂಗಿ ಪ್ರವಾದನೆ ಎಣ್ಣ್‌ವದ್ ದೇವಡ ಮೇಲೆ ನಂಬಿಕೆ ಇಲ್ಲತ ಜನಕ್ ಅಲ್ಲ, ದೇವಡ ಮೇಲೆ ನಂಬಿಕೆ ಉಳ್ಳ ಜನಕ್ ಗುರ್‌ತಾಯಿತುಂಡ್

1 ಕೊರಿಂಥ 14:37

ನಾನ್ ದೇವಡ ಪ್ರವಾದೀಂದ್ ಒಬ್ಬ ಎಣ್ಣ್‌ಚೇಂಗಿ, ದೇವಡ ಆತ್ಮ ನಾಡ ಪಕ್ಕ ಉಂಡ್‍ೕಂದ್ ಒಬ್ಬ ಗೇನ ಮಾಡ್‍ಚೇಂಗಿ, ಇಕ್ಕ ನಾನ್ ಇಲ್ಲಿ ಒಳ್‍ದಿಯಂಡ್ ಉಳ್ಳದೆಲ್ಲಾ ಒಡೆಯಂಡ ಕಾನೂನ್‍ೕಂದ್ ಎಣ್ಣಡ್.

1 ಕೊರಿಂಥ 14:39

ಆನಗುಂಡ್ ನಾಡ ಅಣ್ಣತಮ್ಮಣಂಗಳೇ, ಪ್ರವಾದನೆ ಎಣ್ಣ್‌ವಕ್ ದುಂಬ ಕುಶಿ ಪಡಿರಿ, ಬೋರೆ ಬೋರೆ ಬಾಷೆಲ್ ತಕ್ಕ್ ಪರಿಯುವಯಿಂಗಳ ನಿಪ್ಪ್‌ಚಿಡತಿ.

1 ಕೊರಿಂಥ 16:14

ನಿಂಗ ಮಾಡ್‌ವ ಎಲ್ಲಾ ಕೆಲಸತ್‍ನ ಪ್ರೀತಿಲ್ ಮಾಡಿ.

ಎಫೆಸ 1:3

ಪರಲೋಕತ್‍ರ ಎಲ್ಲಾ ಆತ್ಮೀಯ ಆಶೀರ್ವಾದತ್‍ರಗುಂಡ್ ನಂಗಳ ಕ್ರಿಸ್ತಂಡಲ್ಲಿ ಆಶೀರ್ವಾದ ಮಾಡಿತುಳ್ಳ ನಂಗಡ ಒಡೆಯನಾನ ಯೇಸು ಕ್ರಿಸ್ತಂಡ ಅಪ್ಪನಾನ ದೇವಕ್ ತುದಿ ಆಡ್.

1 ಥೆಸಲೊನೀಕ 5:20

ಪ್ರವಾದನೆನ ಬೋಂಡತದ್‍ೕಂದ್ ಗೇನ ಮಾಡತಿ.

1 ತಿಮೊಥೆಯ 4:14

ಸಬೆರ ಪೆರಿಯಯಿಂಗ ನೀಡ ಮಂಡೆಕ್ ಕೈ ಬೆಪ್ಪಕ, ಪ್ರವಾದನೆರ ಮೂಲಕ ನೀಕ್ ಕ್‍ಟ್ಟ್‌ನ ಆತ್ಮೀಯ ವರತ್‍ರ ವಿಷಯತ್‍ನ ಅಲ್ಲಗೆಳೆಯತೆ.

1 ತಿಮೊಥೆಯ 5:10

ಮಕ್ಕಳ ಚಾಯಿತೆ ಚಾಕ್‍ನವ, ಮನೆಕ್ ಬಂದಯಿಂಗಳ ಚಾಯಿತೆ ಸತ್ಕಾರ ಮಾಡ್‍ನವ, ಯೇಸುನ ನಂಬ್‍ನಯಿಂಗಕ್ ಸೇವೆ ಮಾಡ್‍ನವ, ಕಷ್ಟತ್‍ಲ್ ಉಳ್ಳಯಿಂಗಕ್ ಸಹಾಯ ಮಾಡ್‍ನವ, ಎಲ್ಲಾ ನಲ್ಲ ಕೆಲಸತ್‍ನ ಎಚ್ಚರತ್‍ಲ್ ಮಾಡ್‍ನವ, ನಲ್ಲ ಕೆಲಸ ಮಾಡ್‍ನವ, ಈ ಎಲ್ಲಾಂಗು ನಲ್ಲ ಪೆದ ಎಡ್‍ತವಳಾಯಿತ್ ಉಳ್ಳವಳ ನೀನ್ ಈ ಕೂಟ್‍ಕ್ ಕೂಟಂಡು.

1 ತಿಮೊಥೆಯ 6:11

ಆಚೇಂಗಿ, ದೇವಡ ಮನುಷ್ಯನಾನ ನೀನ್ ಇದ್‍ನೆಲ್ಲಾ ಬುಟ್ಟಿತ್ ಓಡಿ ಪೋಯಿತ್, ನೀತಿನ, ದೇವಡ ಬಕ್ತಿನ, ನಂಬಿಕೇನ, ಪ್ರೀತಿನ, ತಾಳ್ಮೆನ, ಶಾಂತ ಗುಣತ್‍ನ ಸಂಪಾದನೆ ಮಾಡ್‌ವಕ್ ಪೇಚಾಡ್.

2 ತಿಮೊಥೆಯ 2:22

ಬಾಲ್ಯ ವಯಸ್ಸ್‌ಲ್ ಬಪ್ಪ ಇಚ್ಛೆಯಿಂಜ ನೀ ಓಡಿ ಪೋ. ನೀತಿ, ನಂಬಿಕೆ, ಪ್ರೀತಿ, ಸಮಾದಾನತ್‍ನ ಪಡೆಯುವಕ್ ಶುದ್ದ ಹೃದಯತ್ಂಜ ಒಡೆಯನ ಆರಾದನೆ ಮಾಡ್‌ವಯಿಂಗಡ ಕೂಡೆ ಅದ್‍ನ ಪಡೆಯುವಕ್ ಪೇಚಾಡ್.

ಇಬ್ರಿಯ 12:14

ಎಕ್ಕಾಲು ಎಲ್ಲಾ ಜನಡ ಕೂಡೆಯು ಸಮಾದಾನತ್‍ಲ್ ಬದ್‌ಕಿತ್ ಪವಿತ್ರವಾಯಿತ್ ಇಪ್ಪಕ್ ಪ್ರಯತ್ನ ಪಡಿ; ಪವಿತ್ರವಾಯಿತ್ ಇಲ್ಲತ ಒಬ್ಬನು ಒಡೆಯನ ಕಾಂಬಕ್ ಕಯ್ಯುಲೆ.

2 ಪೇತ್ರ 1:7

ದೇವ ಬಕ್ತಿರ ಕೂಡೆ ಯೇಸುನ ನಂಬ್‍ನಯಿಂಗಡ ಮೇಲೆ ಉಳ್ಳ ಪ್ರೀತಿನ, ಯೇಸುನ ನಂಬ್‍ನಯಿಂಗಡ ಮೇಲೆ ಉಳ್ಳ ಪ್ರೀತಿರ ಕೂಡೆ ಎಲ್ಲಾ ಜನಳ ಪ್ರೀತಿಚಿಡುವ ಪ್ರೀತಿನ ಕೂಟ್‍ವಕ್ ಪೇಚಾಡಿಯಂಡಿರಿ.

3 ಯೋಹಾನ 1:11

ನಾಡ ಪ್ರೀತಿರ ಕೂಟ್‌ಕಾರನೇ, ಬೋರೆಯಿಂಗ ಪೋಪ ಕೆಟ್ಟ ಬಟ್ಟೇಲ್ ನೀನು ಪೋಕತೆ, ನಲ್ಲ ಬಟ್ಟೇಲ್ ನಡ್‌ದಂಡ್ ಪೋ. ನಲ್ಲದ್ ಮಾಡ್‌ವಂವೊ ದೇವಡಯಿಂಜ ಪುಟ್ಟ್‌ನಂವೊ. ಕೆಟ್ಟದ್ ಮಾಡ್‌ವಂವೊ ದೇವನ ಕಂಡಿತ್‌ಲ್ಲೆ.