1 ಕೊರಿಂಥ 13:8 - ಕೊಡವ ಬೈಬಲ್

⁸ ಪ್ರೀತಿ, ಎಕ್ಕಾಲು ಬುದ್ದ್ ಪೋಪುಲೆ. ಪ್ರವಾದನೆ ಎಣ್ಣ್‌ವದ್ ಇಲ್ಲತಾಪ, ಬೋರೆ ಬೋರೆ ಬಾಷೆಲ್ ತಕ್ಕ್ ಪರಿವದ್ ಇಲ್ಲತಾಯಿ ಪೋಪ, ಬುದ್ದಿಯು ಇಲ್ಲತಾಯಿ ಪೋಪ.

1 ಕೊರಿಂಥ 13:8 ပူးပေါင်းရင်းမြစ်များ

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 22:32

ಆಚೇಂಗಿ ನೀಕ್ ನಾಡ ಮೇಲೆ ಉಳ್ಳ ನಂಬಿಕೆ ಪಾಳಾಯಿ ಪೋಕತನೆಕೆ ನಾನ್ ನೀಕಾಯಿತ್ ಪ್ರಾರ್ಥನೆ ಮಾಡಿಯೆ. ನೀನ್ ಪಶ್ಚಾತಾಪ ಪಟ್ಟಿತ್ ಪುನಃ ನಾಡ ಪಕ್ಕ ಬಪ್ಪಕ ನೀಡ ಅಣ್ಣತಮ್ಮಣಂಗಳ ಸ್ತಿರಪಡ್‍ತ್‍ೕಂದ್ ಎಣ್ಣ್‌ಚಿ.

ಅಪೊಸ್ತಲ 13:1

ಅಂತಿಯೋಕ್ಯ ಪಟ್ಟಣತ್‍ರ ಸಬೇಲ್, ಚೆನ್ನ ಜನ ಪ್ರವಾದಿಯಂಗಳಾಯಿತು, ಚೆನ್ನ ಜನ ಬೋದನೆಕಾರಂಗಳಾಯಿತು ಇಂಜತ್. ಅಯಿಂಗ ದಾರ್ ಎಣ್ಣ್‌ಚೇಂಗಿ ಬಾರ್ನಬ, ನೀಗರ್‍ಂದ್ ಜನ ಕಾಕುವ ಸಿಮೆಯೋನ, ಕುರೇನ್ಯ ಊರ್‍ಕಾರನಾನ ಲೂಕ್ಯ, ಪಲಸ್ತೀನ ದೇಶತ್‍ಲ್ ಕಾಲ್ ಬಾಗಕ್ ಅದಿಪತಿಯಾಯಿತ್ಂಜ ಹೆರೋದ ಅಂತಿಪ ಎಣ್ಣ್‌ವಂವೊಂಡ ಕೂಡೆ ಬೊಳ್ಂದ ಮೆನಹೇನ ಪಿಂಞ ಸೌಲ ಎಣ್ಣ್‌ವಯಿಂಗಳೇ.

ಅಪೊಸ್ತಲ 19:6

ಪಿಂಞ, ಪೌಲ ಅಯಿಂಗಡ ಮೇಲೆ ಕೈ ಬೆಪ್ಪಕ ಪವಿತ್ರಾತ್ಮ ಅಯಿಂಗಡ ಮೇಲೆ ಬಾತ್; ಅಕ್ಕ, ಅಯಿಂಗ ನಾನಾತರ ಬಾಷೆಲ್ ತಕ್ಕ್ ಪರ್ಂದಿತ್ ಪ್ರವಾದನೆ ಎಣ್ಣ್‌ಚಿ.

ಅಪೊಸ್ತಲ 2:4

ಅಕ್ಕ ಅಯಿಂಗೆಲ್ಲಾರು ಪವಿತ್ರಾತ್ಮತ್‍ಲ್ ದುಂಬಿತ್ ಆ ಆತ್ಮ ಒಬ್ಬೊಬ್ಬಂಗ್ ಶಕ್ತಿ ಕೊಡ್‍ತನೆಕೆ ಅಯಿಂಗಕ್ ಗೊತ್ತಿಲ್ಲತ ಬೋರೆ ಬೋರೆ ಬಾಷೆಲ್ ತಕ್ಕ್ ಪರಿಯುವಕ್ ಸುರು ಮಾಡ್‍ಚಿ.

1 ಕೊರಿಂಥ 12:10

ಬೋರೆ ಒಬ್ಬಂಗ್ ಅದ್ಬುತ ಕಾರ್ಯ ಮಾಡ್‌ವ ವರ, ಇಂಞೊಬ್ಬಂಗ್ ಪ್ರವಾದನೆ ಎಣ್ಣ್‌ವ ವರ, ಬೋರೆ ಒಬ್ಬಂಗ್ ದೇವಡ ಶಕ್ತಿಯಿಂಜ ಕೂಳಿಯಡ ಶಕ್ತಿನ ಗೊತ್ತ್‌ಮಾಡ್‍ವಕುಳ್ಳ ವರ, ಇಂಞೊಬ್ಬಂಗ್ ನಾನಾತರ ಬಾಷೆನ ಪರಿವಕುಳ್ಳ ವರ, ಬೋರೆ ಒಬ್ಬಂಗ್ ನಾನಾತರ ಬಾಷೆನ ಅರ್ಥ ಮಾಡಿತಪ್ಪ ವರ, ಅನ್ನನೆ ನಾನಾತರ ವರತ್‍ನ ಕೊಡ್‌ತಿತುಂಡ್.

1 ಕೊರಿಂಥ 13:10

ಆಚೇಂಗಿ ಪರಿಪೂರ್ಣ ಉಳ್ಳದ್ ಬಪ್ಪಕ, ಕಮ್ಮಿಯಾನದ್ ಇಲ್ಲತೆ ಆಯಿಪೋಪ.

1 ಕೊರಿಂಥ 13:13

ಆನಗುಂಡ್, ಮೂಂದ್ ವಿಷಯ ಎಕ್ಕಾಲು ಇಪ್ಪ, ನಂಬಿಕೆ, ನಿರೀಕ್ಷೆ ಪಿಂಞ ಪ್ರೀತಿ. ಈ ಮೂಂದ್‍ಲ್ ಪ್ರೀತಿಯೇ ಬಲ್ಯದ್.

1 ಕೊರಿಂಥ 14:39

ಆನಗುಂಡ್ ನಾಡ ಅಣ್ಣತಮ್ಮಣಂಗಳೇ, ಪ್ರವಾದನೆ ಎಣ್ಣ್‌ವಕ್ ದುಂಬ ಕುಶಿ ಪಡಿರಿ, ಬೋರೆ ಬೋರೆ ಬಾಷೆಲ್ ತಕ್ಕ್ ಪರಿಯುವಯಿಂಗಳ ನಿಪ್ಪ್‌ಚಿಡತಿ.

1 ಕೊರಿಂಥ 8:2

ಒಬ್ಬ ಅಂವೊಂಗ್ ಎಂತಾಚು ಗೊತ್ತುಂಡ್‍ೕಂದ್ ಗೇನ ಮಾಡ್‍ಚೇಂಗಿ, ಅಂವೊಂಗ್ ಎಚ್ಚಕ್ ಗೊತ್ತಿರಂಡುವೊ ಅಚ್ಚಕ್ ಅಂವೊಂಗ್ ಇಂಞು ಗೊತ್ತ್‌ಲ್ಲೆ.

ಗಲಾತ್ಯ 5:6

ನಂಗಡ ನಂಬಿಕೆ ಯೇಸು ಕ್ರಿಸ್ತಂಡ ಮೇಲೆ ಇಂಜತೇಂಗಿ, ಸುನ್ನತಿ ಮಾಡಿತ್ಂಜತೇಂಗಿಯು, ಮಾಡತ ಇಂಜತೇಂಗಿಯು, ಅದ್ ಒಂದು ಲೆಕ್ಕ ಆಪುಲೆ. ಅದ್ಂಡ ಬದ್‍ಲಾಯಿತ್ ನಂಬಿಕೇಲ್, ಪ್ರೀತಿರಗುಂಡ್ ನಂಗ ಮಾಡ್‌ವ ಕಾರ್ಯವೇ ಮುಕ್ಯವಾನದ್.

ಇಬ್ರಿಯ 8:13

ಪುದಿಯ ಒಪ್ಪಂದಾಂದ್ ಒಡೆಯ ಎಣ್ಣ್‌ವಗುಂಡ್ ಮೊದಲನೆ ಒಪ್ಪಂದತ್‍ನ ಅಂವೊ ಪಳೆಯದಾಯಿತ್ ಮಾಡಿರ್‌ತ್; ಪಳೆಯದಾನಗುಂಡ್ ಅದ್ ದುಂಬ ಕುಂದಿ ಪೋಯಿತ್, ಕಾಂಗತೆ ಆಯಿ ಪೋಪಕ್ ಸಮಯ ಪಕ್ಕ ಬಾತ್.