1 ಕೊರಿಂಥ 13:5 - ಕೊಡವ ಬೈಬಲ್

⁵ ಪ್ರೀತಿ ಮರ್ಯಾದಿ ಇಲ್ಲತೆ ನಡ್‍ತುಲೆ. ಅದ್ ತಾಂಡ ಸ್ವಂತದ್‍ನ ಮಾತ್ರ ಗೇನ ಮಾಡುಲೆ, ಪ್ರೀತಿ ಬೆರಿಯ ಚೆಡಿ ಮಾಡುಲೆ, ಬೋರೆಯಿಂಗ ಕೆಟ್ಟದ್ ಮಾಡ್‌ನಾನ ಲೆಕ್ಕ ಬೆಚ್ಚೊಲೆ.

1 ಕೊರಿಂಥ 13:5 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 14:17

ಮುಂಜೆಡಿ ಉಳ್ಳಂವೊ ದಡ್ಡ ಕಾರ್ಯತ್‌ನ ಮಾಡುವ. ಕ್‍ೕಡ್‌ನ ಗೇನ ಮಾಡ್‌ವಂವೊನ ದ್ವೇಷ ಮಾಡುವ.

ಮತ್ತಾಯ 5:22

ಆಚೇಂಗಿ ನಾನ್ ಎಣ್ಣ್‌ವಿ, ನಿಂಗ ನಿಂಗಡ ಅಣ್ಣತಮ್ಮಣನಂಗಡ ಕೂಡೆ ಚೆಡಿಲ್ ಉಂಡೇಂಗಿ ನ್ಯಾಯತೀರ್ಪ್‌ಕ್ ಒಳಪಡ್‍ವಿರ; ನಿಂಗಡ ಏದೋರ್ ಅಣ್ಣತಮ್ಮಣನಂಗಕ್: ನೀನ್ ಒಂದಾಂಗು ಲಾಯಕ್ ಇಲ್ಲೇಂದ್ ಎಣ್ಣ್‌ಚೇಂಗಿ ಯೆಹೂದ್ಯಂಗಡ ಆಲೋಚನೆ ಸಬೇಕ್ ಮಿಂಞತ್ ನಿಪ್ಪಿರ. ನಿಂಗಡ ಅಣ್ಣತಮ್ಮಣನಂಗಳ ನಿಂಗ ಮುಠಾಳಂಗಾಂದ್ ಎಣ್ಣ್‌ಚೇಂಗಿ, ನಿಂಗ ನರಕ ಲೋಕತ್‍ಲ್ ಉಳ್ಳ ತಿತ್ತ್‌ಕ್ ಪೋಪಕ್ ಬಟ್ಟೆ ಮಾಡ್‌ವಿರ.

ಮತ್ತಾಯ 9:4

ಅಯಿಂಗೆಲ್ಲಾ ಎಂತ ಗೇನ ಮಾಡಿಯಂಡುಂಡ್‍ೕಂದ್ ಯೇಸುಕ್ ಗೊತ್ತಾಚಿ. ಆನಗುಂಡ್ ಯೇಸು: ಎನ್ನಂಗ್ ನಿಂಗ ಇನ್ನನೆ ಕೆಟ್ಟದ್ ಗೇನ ಮಾಡ್‌ವಿರಾಂದ್ ಕ್‍ೕಟತ್.

ಮಾರ್ಕ 3:5

ಸುತ್ತ್‌ಮುತ್ತ್ ನೋಟಿತ್ ಯೇಸುಕ್ ಚೆಡಿ ಬಾತ್, ಅದೇ ಸಮಯತ್‍ಲ್ ಅಯಿಂಗಡ ಕಠಿಣ ಹೃದಯತ್‍ನ ಕಂಡಿತ್ ಯೇಸುಕ್ ಬೇಜಾರ್ ಆಚಿ. ಯೇಸು ಆ ಮನುಷ್ಯಂಗ್, ನೀಡ ಕೈಯಿನ ನೀಟ್‍ೕಂದ್ ಎಣ್ಣ್‌ಚಿ, ಅಂವೊ ಕೈ ನೀಟ್‌ಚಿ, ಅಂವೊಂಡ ಕೈ ಪೂರ್ತಿ ವಾಸಿಯಾಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 7:39

ಯೇಸುನ ಮನೆಕ್ ಕಾಕ್‍ನ ಫರಿಸಾಯ, ಇದ‌ನ್ನೆಲ್ಲ ನೋಟಿತ್, ಈ ಮನುಷ್ಯ ಒರ್ ಪ್ರವಾದಿಯಾಯಿತ್ಂಜತೇಂಗಿ, ತಾಂಡ ಕಾಲ್‌ನ ಮುಟ್ಟುವ ಈ ಪೊಣ್ಣಾಳ್ ದಾರ್‍ೕಂದ್ ಗೊತ್ತಾಪಕಿಂಜತ್; ಎನ್ನಂಗೆಣ್ಣ್‌ಚೇಂಗಿ, ಇವ ಒರ್ ಪಾಪೀಂದ್ ಅಂವೊಂಡೊಳ್‌ಲೇ ಗೇನ ಮಾಡ್‍ಚಿ.

1 ಕೊರಿಂಥ 10:24

ನಿಂಗ ದಾರೂ, ನಿಂಗಡ ಸ್ವಂತ ಪ್ರಯೋಜನಕಾಯಿತ್ ಮಾತ್ರ ಮಾಡತೆ, ಬೋರೆಯಿಂಗ ದೇವಡ ಮೇಲೆ ಉಳ್ಳ ನಂಬಿಕೇಲ್ ಬೊಳಿಯುವಕಾಯಿತ್ ಮಾಡಂಡು.

1 ಕೊರಿಂಥ 10:33

ನಿಂಗಳು ಯೆಹೂದ್ಯಂಗಕು, ಯೆಹೂದ್ಯರಲ್ಲತಯಿಂಗಕು ಪಿಂಞ ದೇವಡ ಸಬೇಲ್ ಉಳ್ಳಯಿಂಗ ಎಲ್ಲಾರು ರಕ್ಷಣೆ ಆಪಕ್ ತಡೆ ಮಾಡತಯಿಂಗಳಾಯಿತ್ ಇರಿ.

1 ಕೊರಿಂಥ 11:18

ಮುಕ್ಯವಾಯಿತ್, ದೇವಡ ಸಬೇಲ್ ನಿಂಗ ಕೂಡಿ ಬಪ್ಪಕ, ನಿಂಗಡಡೆಲ್ ಬೋರೆ ಬೋರೆ ಗುಂಪ್ ಉಂಡ್‍ೕಂದ್ ನಾಕ್ ಸುದ್ದಿ ಬಾತ್; ಅದ್‍ಲ್ ನಾನ್ ಚೆನ್ನ ವಿಷಯತ್‍ನ ನಂಬುವಿ.

1 ಕೊರಿಂಥ 12:25

ನಂಗಡ ತಡೀಲ್ ವಿಂಗಡ ಇಪ್ಪಕಾಗಾಂದ್, ಬಾಗವೆಲ್ಲಾ ಒಂದಾಯಿತ್ ಒಕ್ಕಚೆ ಕೆಲಸ ಮಾಡ್‌ವಕಾಯಿತ್ ದೇವ ಇನ್ನನೆ ಮಾಡ್‍ಚಿ. ಆನಗುಂಡ್ ತಡೀರ ಬಾಗ ಒಂದಾಂಗಿಂಜ ಒಂದ್ ಕಮ್ಮಿಯಿಲ್ಲೆ.

1 ಕೊರಿಂಥ 7:36

ಒಬ್ಬ, ತಾಂಡ ಕನ್ನಿ ಮೂಡಿಕ್ ಮಂಗಲತ್‍ರ ವಯಸ್ ಮೀರಿ ಪೋಚೀಂದ್ ಗೇನ ಮಾಡಿತ್, ಅವಕ್ ಮಂಗಲ ಬೋಂಡಾಂದ್ ತೀರ್ಮಾನ ಮಾಡಿತ್ಂಜತೇಂಗಿಯು ಇಕ್ಕ, ಅವ ಮಂಗಲ ಮಾಡತೆ ಇಪ್ಪದ್ ಸರಿ ಅಲ್ಲ, ಅವಕ್ ಮಂಗಲ ಮಾಡಿತೇ ಆಂಡೂಂದ್ ಗೇನ ಮಾಡ್‍ಚೇಂಗಿ, ಅಂವೊಂಡ ಮನಸ್ಸ್‌ಲ್ ಉಳ್ಳನೆಕೆ ಮಾಡಡ್; ಅನ್ನನೆ ಮಾಡ್‍ಚೇಂಗಿ ಅದ್ ಪಾಪ ಅಲ್ಲ. ಮಂಗಲ ಮಾಡಡ್.

2 ಕೊರಿಂಥ 5:19

ಅದ್ ಎಂತ ಎಣ್ಣ್‌ಚೇಂಗಿ, ದೇವ ಈ ಲೋಕತ್‍ರ ಪಾಪತ್‍ನ ಅಯಿಂಗಕ್ ವಿರೋದವಾಯಿತ್ ಲೆಕ್ಕ ಮಾಡತೆ, ಕ್ರಿಸ್ತಂಡ ಕೂಡೆ ಉಳ್ಳ ಐಕ್ಯತ್‍ರ ಮೂಲಕ ಅಯಿಂಗಡ ಮೇಲೆ ಇಂಜ ವಿರೋದತ್‍ನ ಕಳೆಂದಿತ್, ಸಮಾದಾನ ಮಾಡ್‍ಚಿ. ಜನಡಮೇಲೆ ಇಂಜ ದೇವಡ ವಿರೋದತ್‍ನ ಕಳೆಂದಿತ್ ಸಮಾದಾನ ಮಾಡ್‌ವ ಬೋದನೆನ ನಂಗಕ್ ಒಪ್ಪ್‌ಚಿಟ್ಟತ್.

ಗಲಾತ್ಯ 5:13

ನಾಡ ಅಣ್ಣತಮ್ಮಣಂಗಳೇ, ನಿಂಗ ಇಕ್ಕ ಸ್ವಾತಂತ್ರವಾಯಿತ್ ಬದ್‍ಕ್‍ವಕ್ ದೇವ ನಿಂಗಳ ಕಾಕ್‍ಚಿ, ನಿಂಗಕ್ ಕ್‍ಟ್ಟ್‌ನ ಈ ಸ್ವಾತಂತ್ರತ್‍ನ ನಿಂಗಡ ಇಚ್ಛೆರನೆಕೆ ಪಾಪತ್‍ರ ಗುಣತ್‍ಲ್ ನಡ್‍ಪಕ್ ಉಪಯೋಗಿಚಿಡತಿ. ಆಂಡ ಬದ್‍ಲ್ ನಿಂಗ ಪ್ರೀತಿಲ್ ಒಬ್ಬಂಗ್ ಒಬ್ಬ ಸೇವೆ ಮಾಡಿ.

ಫಿಲಿಪ್ಪಿ 2:21

ಬೋರೆ ಎಲ್ಲಾರು ಯೇಸು ಕ್ರಿಸ್ತಂಡ ವಿಷಯತ್‍ನ ಮಾಡತೆ ಅಯಿಂಗಯಿಂಗಡ ವಿಷಯತ್‍ನ ಮಾಡಿಯಂಡುಂಡ್.

ಫಿಲಿಪ್ಪಿ 4:8

ಆಕೀರ್‌ಕ್, ನಾಡ ಅಣ್ಣತಮ್ಮಣಂಗಳೇ, ಏದೆಲ್ಲಾ ಸತ್ಯವೊ, ಏದೆಲ್ಲಾ ಯೋಗ್ಯವೊ, ಏದೆಲ್ಲಾ ನೀತಿಯುಳ್ಳದೋ, ಏದೆಲ್ಲಾ ಶುದ್ದವಾನದೋ, ಏದೆಲ್ಲಾ ನಲ್ಲದೋ, ಏದೆಲ್ಲಾ ಬಾರಿ ಚಾಯಿ ಉಂಡೋ, ಎದಂಗೆಲ್ಲಾ ನಲ್ಲ ಪೆದ ಉಂಡೋ, ಏದೆಲ್ಲಾ ಹೊಗಳುವನಕೆ ಉಂಡೋ ಅಂತ ವಿಷಯತ್‍ನ ನಿಂಗ ಎಕ್ಕಾಲು ಗೇನ ಮಾಡಿಯಂಡಿರಿ.

2 ಥೆಸಲೊನೀಕ 3:7

ನಂಗಳ ಉದಾರಣೆಯಾಯಿತ್ ಬೆಚ್ಚಂಡ್ ನಿಂಗ ಎನ್ನನೆ ನಡ್‍ಕಂಡೂಂದ್ ನಿಂಗಕ್ ಗೊತ್ತುಂಡಲ್ಲ! ನಂಗ ನಿಂಗಡ ಪಕ್ಕ ಇಪ್ಪಕ, ಸೋಮಾರಿಯಾಯಿತ್ ಇಂಜಿತ್‌ಲ್ಲೆ.

2 ತಿಮೊಥೆಯ 2:10

ಆಂಗಾಯಿತ್ ಗೊತ್ತ್ ಮಾಡಿತುಳ್ಳಯಿಂಗಕ್ ಯೇಸು ಕ್ರಿಸ್ತಂಡಿಂಜ ಕ್‍ಟ್ಟ್‌ವ ರಕ್ಷಣೆ ನಿತ್ಯ ಮಹಿಮೆಲ್ ಅಯಿಂಗಕ್ ಸಹ ಕ್‍ಟ್ಟ್‌ವನೆಕೆ ನಾನ್ ಎಲ್ಲಾನ ಅಯಿಂಗಕಾಯಿತ್ ಸಹಿಸಿಯಂಡುಂಡ್.

2 ತಿಮೊಥೆಯ 4:16

ನಾನ್ ಆದ್ಯವಾಯಿತ್ ನ್ಯಾಯಕಾರಂಡ ಮಿಂಞ ನಿಪ್ಪಕ ದಾರೂ ನಾಕ್ ಸಹಾಯ ಮಾಡಿತ್ತ್‌ಲ್ಲೆ. ಎಲ್ಲಾರು ನನ್ನ ಕೈ ಬುಟ್ಟ್‌ರ್‌ತ್, ಇದ್ ಅಯಿಂಗಡ ಲೆಕ್ಕಕ್ ಇಲ್ಲತೆ ಇರಡ್.

ಯಾಕೋಬ 1:19

ನಾಡ ಅಣ್ಣತಮ್ಮಣಂಗಳೇ! ಎಲ್ಲಾರು ಕ್‍ೕಪಕ್ ಚುರ್‌ಕಾಯಿತು, ತಕ್ಕ್ ಪರಿಯುವಕ್ ನಿದಾನವಾಯಿತು, ಚೆಡಿ ಮಾಡ್‌ವಕ್ ತಾಳ್ಮೆಯಾಯಿತು ಇಕ್ಕಂಡು.